ᐃᓯᑭᐊᓕᐅᑉ ᐊᒡᓚᖏᑦ 43:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᑕᒪᒃᑯᐊ ᐅᓪᓗᐃᑦ ᓈᔭᐅᒃᐸᑕ, ᐅᓪᓗᐃᑦ ᓯᑕᒪᐅᔪᕐᑐᖓᓂᑦ ᐱᒋᐊᕐᓗᑎᒃ ᑐᓂᕐᕈᓯᕐᑎᑦᓯᔩᑦ ᑐᓂᕐᕈᓯᕐᕕᖕᒥ ᑐᓂᕐᕈᓯᖃᑦᑕᓯᒋᐊᕐᑐᒃᓴᐅᕗᑦ ᑐᓂᕐᕈᑎᓂᒃ ᐃᑯᐊᓚᑎᑕᒃᓴᓂᒃ ᓮᒻᒪᖃᑎᒌᖕᓂᕐᒧᓪᓗ ᑐᓂᕐᕈᓯᕈᑎᓂᒃ; ᑕᕝᕙ ᐃᓚᓕᐅᕐᓂᐊᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 43:27 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 42:8

ᑍᒤᒻᒪᑦ ᒫᓐᓇ ᐊᖑᓴᓪᓗᕐᓂᒃ 7ᓂᒃ ᓰᐲᓪᓗ ᐊᖑᓴᓪᓗᖏᓐᓂᒃ 7ᓂᒃ ᐊᑐᐃᓐᓇᕈᐃᓕᕆᑦ, ᔫᐱᒧᓪᓗ ᐱᔨᓐᓄᐊᕐᓗᑎᑦ, ᑐᓂᕐᕈᓯᕐᓗᑎᓪᓗ ᐃᕝᕕᑦ ᐱᑦᔪᑎᒋᓗᑎᑦ ᑐᓂᕐᕈᑎᒃᓴᓄᑦ ᐃᑯᐊᓚᔭᒃᓴᓄᑦ; ᔫᐱᒧᓪᓗ ᑐᒃᓯᐅᑦᔭᐅᖁᓪᓗᑎᑦ, ᑖᑦᓱᒪ ᑐᒃᓯᐊᕐᓂᖓ ᐃᓚᓕᐅᕐᓂᐊᕋᒃᑯ ᓯᓔᑦᑐᒥᒃ ᐱᓂᐊᓚᐅᕐᓂᑦᓯᓐᓄᑦ ᓱᒋᐊᕐᑕᐅᑦᔪᑎᖃᖁᓇᓯ; ᓱᓕᔪᒥᒃ ᐅᕙᓐᓂᒃ ᐅᖃᐅᓯᖃᓚᐅᖏᓐᓇᑦᓯ, ᑖᑦᓱᑐᓇᖅ ᐱᔨᑦᑐᑦ ᔫᐱᑐᑦ.”

ᐃᓯᑭᐊᓕᐅᑉ ᐊᒡᓚᖏᑦ 43:26

ᐅᓪᓗᓂᒃ 7ᓂᒃ ᑐᓂᕐᕈᓯᕐᑎᑦᓯᔩᑦ ᑐᓂᕐᕈᓯᕐᕕᖕᒥᒃ ᓴᓗᒻᒪᕐᓮᔪᒃᓴᐅᕗᑦ ᐃᑦᔪᕐᓁᓕᑎᓪᓗᒍᓗ.

ᐃᓯᑭᐊᓕᐅᑉ ᐊᒡᓚᖏᑦ 45:17

ᑖᑦᓱᒪᓕ ᐃᑯᐊᓪᓚᒐᒃᓮᑦ ᑐᓂᕐᕈᓯᐅᑎᒋᔭᕆᐊᖃᕐᐰᑦ, ᐱᕈᕐᑐᕕᓃᑦ, ᕔᓃᓪᓗ ᑐᓂᕐᕈᑎᒃᓮᑦ, ᓇᓪᓕᐅᓐᓂᕐᓯᐅᕐᕕᒃ ᐊᑐᓕᕌᖓᑦ ᑕᖅᑭᓂᕋᑖᒥᒃ, ᓴᐸᑎᓂᓗ, ᐊᓯᖏᓐᓂᓗ ᓇᓪᓕᐅᓐᓂᕐᓯᐅᕐᕕᖕᓂ ᐃᓴᕆᐊᓕᐅᑉ ᑭᖑᕚᖏᓐᓄᑦ: ᐊᔪᕐᓂᕐᒧᑦ ᑐᓂᕐᕈᑎᒃᓴᓂᒃ ᐊᑐᐃᓐᓇᖃᕐᑎᑦᓯᔪᒃᓴᐅᕗᖅ, ᑐᓂᕐᕈᑎᒃᓴᓂᒃ ᓂᐊᖂᔭᒃᓴᓂᒃ, ᐃᑯᐊᓚᑎᑕᒃᓴᓂᒡᓗ, ᐃᓅᖃᑎᖃᑦᓯᐊᕐᓂᕐᒧᓪᓗ ᑐᓂᕐᕈᑎᒃᓴᓂᒃ, ᐃᓴᕆᐊᓕᐅᑉ ᑭᖑᕚᖏᑕ ᐊᔪᕐᓂᖏᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ.”

ᕼᐆᓯᐊᑉ ᐊᒡᓚᖏᑦ 8:13

ᑐᓂᕐᕈᓯᕆᐊᒥᒃ ᐆᒪᔪᓂᒃ ᖁᕕᐊᒋᔭᖃᕐᐳᑦ; ᑐᓂᕐᕈᑎᕕᓃᓪᓗ ᓂᕆᕙᒡᓗᒋᑦ; ᐊᑕᓂᐅᓪᓕ ᖁᕕᐊᒋᓚᐅᓐᖏᓔᑦ. ᑕᕝᕙ ᐱᐅᖏᑦᑐᓕᓂᖏᑦ ᐃᖅᑲᓚᐅᕐᐰᑦ, ᐊᔪᕐᓂᖏᓪᓗ ᓱᒋᐊᕐᓗᒋᑦ; ᐄᑦᔨᑉᑎᒧᑦ ᐅᑎᕐᓂᐊᕐᐳᑦ.

ᒨᓯᓯ ᐱᖓᔪᖏᑦ 17:5

ᑕᒪᓐᓇ ᑍᒤᑉᐳᖅ ᐃᓴᕆᐊᓕᒥᐅᑦ ᐂᑦᑐᐃᖁᓪᓗᒋᑦ ᐊᑕᓂᕐᒧᑦ ᑕᒫᓂᑐᐃᓐᓇᖅ ᑐᓂᕐᕈᓯᕐᓂᕆᕙᓚᐅᕐᑕᒥᖕᓂᒃ, ᒫᓐᓇᓕ ᕾᑦᔪᑎᔭᕆᐊᖃᓕᕐᐰᑦ ᑐᓂᕐᕈᓯᕐᑎᑦᓯᔨᒧᑦ, ᐃᒫᒃ ᐊᑕᓂᕐᒧᑦ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᓂᒃ ᑐᓂᕐᕈᑎᖃᕐᓗᑎᒃ.

ᒨᓯᓯ ᐱᖓᔪᖏᑦ 3:1

“‘ᓇᓪᓕᐊᑦᑕᓪᓗ ᑐᓂᕐᕈᑎᒃᓴᖓ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᐅᒃᐸᑦ; ᐆᒪᔪᒥᒡᓗ ᐃᒻᒧᒃᓯᐅᒐᕐᓂᒃ ᑐᓂᕐᕈᑎᒃᓴᖃᕐᐸᑦ, ᐊᖑᓴᓪᓘᒃᐸᑦ ᐊᕐᓇᓪᓘᒃᐸᓪᓘᓐᓃᑦ, ᑐᓂᕐᕈᓯᕐᓂᐊᕐᑑᑉ ᐊᑕᓂᐅᑉ ᓵᖓᓄᐊᕈᑎᔭᕆᐊᖃᕐᐹ, ᐆᒪᔪᖅ ᑖᓐᓇ ᖃᓄᐃᓐᓂᖃᖏᑦᓯᐊᕐᓗᓂ.

ᒨᓯᓯ ᐱᖓᔪᖏᑦ 9:1

ᐅᓪᓗᐃᑦ 8ᖓᓐᓂ ᒨᓯᓯᐅᑉ ᐂᕉᓂ ᕾᖁᕚ ᐃᕐᓂᖏᓪᓗ, ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ.

ᒨᓯᓯ ᐱᖓᔪᖏᑦ 9:4

ᐃᒻᒧᒃᓯᐅᒐᕐᒥᒡᓗ ᓰᐱᐅᓪᓗ ᐊᖑᓴᓪᓗᖓᓂᒃ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒋᓗᒋᒃ, ᐃᑯᐊᓪᓚᓗᒋᒡᓗ ᐊᑕᓂᐅᑉ ᓵᖓᓂ, ᐱᖃᓯᐅᑦᔨᓗᓯᓗ ᓂᐊᖂᔭᓂᒃ ᑐᓂᕐᕈᑎᒃᓴᓂᒃ ᐅᕐᓱᒥᒃ ᐃᓚᖃᕐᓗᒋᑦ. ᐅᓪᓗᒥ ᐊᑕᓂᖅ ᓴᖅᑭᓐᓂᐊᕐᒪᑦ ᐃᓕᑦᓯᓐᓄᑦ.”

ᕉᒪᒥᐅᓄᑦ 12:1

ᑍᒤᒻᒪᑦ ᐃᓇᑉᐸᑦᓯ ᐃᓅᖃᑎᒃᑳ, ᒎᑎᐅᑉ ᓂᑲᒍᓱᖕᓂᕐᔪᐊᖓ ᐱᑦᔪᑎᒋᓗᒍ, ᑎᒥᓯ ᑐᓂᓯᒋᒃ ᑐᓂᕐᕈᑎᒃᓴᑐᑦ; ᐆᒪᓗᓯᓕ, ᐃᑦᔪᕐᓁᑦᑐᑐᑦ ᒎᑎᒧᓪᓗ ᖁᕕᐊᒋᔭᐅᔪᑐᑦ, ᑍᒤᓕᐅᕈᑦᓯ ᒎᑎ ᓱᓕᑦᓯᐊᕐᑐᒥᒃ ᐱᔨᑦᓯᕐᓂᐊᕐᐸᓯ ᐊᓂᕐᓂᒃᑯᑦ.

ᕉᒪᒥᐅᓄᑦ 15:16

ᐱᔨᑦᓯᕐᑎᐅᖁᓪᓗᖓ ᙭ᔅᑑᓯ ᔩᓱᓯᒥᒃ ᔫᑎᐅᖏᑦᑐᓄᑦ ᑐᓂᕐᕈᓯᕐᑎᑦᓯᔨᑎᑐᑦ ᐱᓇᓱᐊᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᑦ ᐱᔪᓂᒃ, ᔫᑎᐅᖏᑦᑐᑦ ᑐᓂᕐᕈᑕᐅᓗᑎᒃ ᓈᒻᒪᒋᔭᐅᖁᓪᓗᒋᑦ ᒎᑎᒧᑦ, ᐃᑦᔪᕐᓁᑎᑕᐅᓗᑎᒡᓗ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ.

ᐃᐱᓯᒥᐅᓄᑦ 1:6

ᒎᑎ ᓂᕐᑐᓚᐅᕐᓚᕗᑦ ᓂᕐᑐᕐᓇᕐᓂᕐᔪᐊᒥᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓ ᐱᑦᔪᑎᒋᓗᒍ, ᐊᑭᖃᖏᑦᑐᒥᒃ ᑐᓂᓯᕕᒋᓚᐅᕐᒪᑎᒍᑦ ᓇᒡᓕᒋᒻᒪᕆᒃᑕᒥᒍᑦ.

ᐱᓕᐱᒥᐅᓄᑦ 2:17

ᐊᐅᒐᓕ ᑯᕕᓂᐊᕐᐸᓪᓘᓐᓃᑦ ᑐᓂᕐᕈᓯᕐᕕᖕᒥ ᑐᓂᕐᕈᑕᐅᔪᑎᑐᑦ ᐅᒃᐱᕐᓂᑦᓯᓐᓄᑦ, ᖁᕕᐊᓱᒃᑲᔭᕐᐳᖓ ᐃᓘᓐᓇᓯᓗ ᖁᕕᐊᓱᖃᑎᒋᓗᓯ.

ᐄᑉᕈᐃᓄᑦ 13:15

ᑖᑦᓱᒨᓇ ᑲᔪᓯᓗᑕ ᑐᓂᕐᕈᓯᓚᐅᕐᑕ ᒎᑎᒧᑦ ᓂᕐᑐᐃᓂᕐᒥᒃ, ᑕᕝᕙ ᑐᓂᕐᕈᓯᕐᓂᕐᒥᒃ ᖃᓂᑦᑎᒍᑦ ᓇᓗᓁᕐᓯᓪᓗᑕ ᑖᑦᓱᒪ ᐊᑕᓂᐅᓂᖓᓂᒃ.

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.