ᐃᓯᑭᐊᓕᐅᑉ ᐊᒡᓚᖏᑦ 43:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑍᒫᒃ ᓴᓗᒻᒪᕐᑕᐅᑎᑦᓴᕇᕈᕕᐅᒃ, ᐊᖑᓴᓪᓗᕐᒥᒃ ᑐᓂᕐᕈᓯᕐᑐᒃᓴᐅᕗᑎᑦ ᖃᓄᐃᓐᓂᖃᖏᑦᑐᒥᒃ ᓰᐱᐅᓪᓗ ᐊᖑᓴᓪᓗᖓᓂᒃ ᖃᓄᐃᓐᓂᖃᖏᑦᑐᒥᒃ ᑕᒪᖏᒃ ᖃᓄᐃᑦᔪᑎᖃᖏᑦᓯᐊᕐᑐᒃᓴᐅᕘᒃ.

ᐃᓯᑭᐊᓕᐅᑉ ᐊᒡᓚᖏᑦ 43:23 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 29:1

“ᐃᒫᒃ ᑕᕝᕙ ᐱᔪᒃᓴᐅᕗᑎᑦ ᐂᕉᓂᒧᑦ ᐃᕐᓂᖏᓐᓄᓪᓗ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᖁᓪᓗᒋᑦ ᑐᓂᔭᐅᖁᓪᓗᒋᓪᓗ ᐅᕙᓐᓄᑦ, ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ ᓰᐱᐅᓪᓗ ᐊᖑᓴᓪᓗᖏᖕᓂᒃ ᒪᕐᕉᖕᓂᒃ ᖃᓄᐃᑦᔪᑎᖃᖏᑦᓯᐊᕐᑐᓂᒃ ᓇᒃᓴᕐᑐᒃᓴᐅᕗᑎᑦ.

ᒨᓯᓯ ᐂᑉᐸᖏᑦ 29:10

“ᑕᕝᕙ ᐃᒻᒧᒃᓯᐅᒐᐅᑉ ᐸᖕᓂᖓ ᑕᕝᕗᓐᖓᕐᑎᑕᒃᓴᕆᕙᑦ ᑐᐱᐅᑉ ᐃᑎᕐᑕᕐᕕᖓᑕ ᐹᖓᓄᑦ ᐂᕉᓂᓗ ᐃᕐᓂᖏᓪᓗ ᐅᖃᐅᑎᔭᒃᓴᕆᕙᑎᑦ ᐃᒻᒧᒃᓯᐅᒐᐅᑉ ᐸᖕᓂᖓᑕ ᓂᐊᖁᐊᓂᒃ ᐸᑎᒻᒥᓯᖁᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 43:19

ᑐᓂᕐᕈᓯᕐᑎᑦᓯᔩᑦ ᓕᕔᑦ ᐃᓚᒌᖕᓂᖓᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᑦ ᑖᒃᑯᐊᑐᐊᖅ ᓇᔪᕐᑕᓐᓂ ᐱᔨᑦᓯᕐᑐᒃᓴᐅᕗᑦ ᐅᕙᓐᓂᒃ, ᐊᑕᓂᖅ ᒎᑎ ᐅᖃᕐᐳᖅ, ᐊᖑᓴᓪᓗᕐᒥᒃ ᐊᔪᕐᓂᕐᒧᑦ ᑐᓂᕐᕈᓯᐅᑕᐅᓂᐊᕐᑐᒥᒃ ᐱᑎᑕᒃᓴᕆᕙᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 45:18

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᖅᑮᑦ ᓯᕗᓪᓕᕐᐸᖓᓐᓂ, ᐅᓪᓗᖏᑕ ᓯᕗᓪᓕᕐᐹᖓᓐᓂ, ᑐᓂᕐᕈᓯᕐᑐᒃᓴᐅᕗᓯ ᐃᒻᒧᒃᓯᐅᒊᑦ ᐊᖑᓴᓪᓗᖓᓂᒃ ᐃᓅᓱᒃᑐᒥᒃ ᖃᓄᐃᑦᔪᑎᖃᖏᑦᑐᒥᒃ, ᐃᑦᔪᕐᓁᑦᑐᕕᒃ ᐃᑦᔪᕐᓁᑎᑕᐅᖁᓪᓗᒍ.