ᐃᓯᑭᐊᓕᐅᑉ ᐊᒡᓚᖏᑦ 43:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐊᐅᖓᑕ ᐃᓚᖓᓂᒃ ᐱᓗᑎᑦ ᑐᓂᕐᕈᓯᕐᕕᐅᑉ ᓇᒡᔪᓐᖑᐊᖏᑦ ᓯᑕᒪᑦ ᐊᐅᒥᑎᕐᑕᒃᓴᕆᕙᑎᑦ, ᖄᖓᑕᓗ ᑎᕆᖁᖏᑦ, ᐊᕙᑖᑕᓗ ᓯᓇᕐᔪᖏᑦ; ᑍᒤᓕᐅᕐᓗᑎᑦ ᑐᓂᕐᕈᓯᕐᕕᒃ ᐃᑦᔪᕐᓁᑎᑕᒃᓴᕆᕙᑦ ᐊᑐᕐᑕᐅᔪᓐᓇᕐᓯᑎᓪᓗᒍᓗ.

ᐃᓯᑭᐊᓕᐅᑉ ᐊᒡᓚᖏᑦ 43:20 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 29:12

ᐸᖕᓂᐅᓪᓗ ᐊᐅᖓᑕ ᐃᓚᖓᓂᒃ ᐱᓗᑎᑦ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒃᑎᕐᑕᒃᓴᕆᕙᑎᑦ ᐊᒡᒐᖕᓄᑦ, ᐊᐅᓪᓕ ᐊᒥᐊᒃᑯᖓ ᑯᕕᔭᒃᓴᕆᕙᑦ ᑐᓂᕐᕈᓯᕐᕕᐅᑉ ᑐᓐᖓᕕᖓᑕ ᑭᒡᓕᖓᓄᑦ.

ᒨᓯᓯ ᐂᑉᐸᖏᑦ 29:36

ᖃᐅᑕᒫᑦ ᑐᓂᕐᕈᓯᕐᑐᒃᓴᐅᕗᑎᑦ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐊᔪᕐᓃᑦ ᐃᓱᒪᒋᔪᓐᓁᕐᑕᖁᓪᓗᒋᑦ, ᑐᓂᕐᕈᓯᕐᕕᐅᓪᓗ ᓴᓗᒻᒪᕐᑕᐅᓂᒃᓴᖓᓄᑦ, ᑭᖑᓂᖓᒍᑦ ᑕᕝᕙ ᒥᖑᐊᕐᑕᒃᓴᕆᕙᑦ ᓇᐹᕐᑑᑉ ᐅᕐᓱᖓᓄᑦ ᐃᑦᔪᕐᓁᑦᑕᐅᓕᖁᓪᓗᒍ.

ᒨᓯᓯ ᐂᑉᐸᖏᑦ 29:37

ᑍᒤᓕᐅᕐᑐᒃᓴᐅᕗᑎᑦ ᖃᐅᑕᒫᑦ ᐅᓪᓗᓂᒃ 7ᓂᒃ, ᑕᕝᕙ ᑕᒪᑐᒪ ᑭᖑᕐᖓᒍᑦ ᑐᓂᕐᕈᓯᕐᕕᒃ ᐃᑦᔪᕐᓁᑎᑕᐅᒻᒪᕆᖕᓂᐊᕐᐳᖅ, ᓱᓇᑐᐃᓐᓇᕐᓗ ᑐᓂᕐᕈᓯᕐᕕᖕᒧᑦ ᐊᒃᑑᑎᔪᖅ ᑕᕝᕙ ᐃᑦᔪᕐᓁᓕᕐᓂᐊᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 43:14

ᑐᓂᕐᕈᓯᕐᕕᐅᑉ ᑐᓐᖓᕕᖓᑕ ᓯᓚᑖᒍᑦ ᐃᑎᕐᓴᓕᐅᕐᓯᒪᓂᖓᓂᑦ ᐆᒃᑐᕋᕐᓗᒍ ᐳᕐᑐᓂᖃᕐᑐᒃᓴᐅᕗᖅ ᓯᑕᒪᓂᒃ ᐃᑎᒐᖕᓂᒃ, ᐊᒻᒪ ᐃᒡᓕᕐᓇᐅᔭᖓᑕ ᐂᑉᐸᖓ ᐳᕐᑐᓂᕐᓴᖅ ᒪᕐᕈᑲᓵᖕᓂᒃ ᐃᑎᒑᖕᓂᒃ ᕿᒪᕈᖓᓂᖃᕐᓗᓂ ᓯᓈᓂᑦ ᐊᑦᔨᒌᒥᒃ ᐊᕙᑖᒍᑦ 7ᓂᒃ ᐃᑎᒃᑲᓂᒃ ᐳᕐᑐᓂᖃᕆᐊᖃᕐᐳᖅ. ᐊᒻᒪ ᐃᒡᓕᕐᓇᐅᔭᒃᑲᓐᓂᖓ ᕿᒪᕈᖓᓂᖃᕆᐊᖃᕐᐳᖅ ᓯᓈᓂᑦ ᐃᑎᒑᖕᓂᒃ ᒪᕐᕈᑲᓵᖕᓂᒃ ᐊᕙᑖᒍᑦ ᐊᑦᔨᒌᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 43:22

ᐅᓪᓘᓪᓗ ᐂᑉᐸᖓᓂ ᐊᖑᓴᓪᓗᕐᒥᒃ ᒎᑦᓯᒥᒃ ᖃᓄᐃᓐᓂᖃᖏᑦᑐᒥᒃ ᐊᔪᕐᑐᓕᓂᕐᓄᑦ ᑐᓂᕐᕈᓯᕐᑐᒃᓴᐅᕗᑎᑦ; ᑕᕝᕙ ᑐᓂᕐᕈᓯᕐᕕᒃ ᐊᐅᖓᓄᑦ ᐃᑦᔪᕐᓁᑎᑕᐅᓂᐊᕐᐳᖅ, ᐊᖑᓴᓪᓗᕐᒧᑦ ᓴᓗᒻᒪᕐᑕᐅᓚᐅᕐᓂᖓᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 43:26

ᐅᓪᓗᓂᒃ 7ᓂᒃ ᑐᓂᕐᕈᓯᕐᑎᑦᓯᔩᑦ ᑐᓂᕐᕈᓯᕐᕕᖕᒥᒃ ᓴᓗᒻᒪᕐᓮᔪᒃᓴᐅᕗᑦ ᐃᑦᔪᕐᓁᓕᑎᓪᓗᒍᓗ.

ᐃᓯᑭᐊᓕᐅᑉ ᐊᒡᓚᖏᑦ 45:18

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᖅᑮᑦ ᓯᕗᓪᓕᕐᐸᖓᓐᓂ, ᐅᓪᓗᖏᑕ ᓯᕗᓪᓕᕐᐹᖓᓐᓂ, ᑐᓂᕐᕈᓯᕐᑐᒃᓴᐅᕗᓯ ᐃᒻᒧᒃᓯᐅᒊᑦ ᐊᖑᓴᓪᓗᖓᓂᒃ ᐃᓅᓱᒃᑐᒥᒃ ᖃᓄᐃᑦᔪᑎᖃᖏᑦᑐᒥᒃ, ᐃᑦᔪᕐᓁᑦᑐᕕᒃ ᐃᑦᔪᕐᓁᑎᑕᐅᖁᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 45:19

ᑐᓂᕐᕈᓯᕐᑎᑦᓯᔨ ᐊᔪᕐᓃᑦ ᐱᓪᓗᒋᑦ ᑐᓂᕐᕈᑎᐅᔫᑉ ᐊᐅᖓᓂᒃ ᐱᓗᓂ ᑐᒃᓯᐊᕐᕕᒡᔪᐊᑉ ᐅᒃᑯᐊᖓᑕ ᐊᕙᓗᖏᓐᓂᒃ ᐊᐅᒥᑎᕆᔪᒃᓴᐅᕗᖅ, ᑐᓂᕐᕈᓯᕐᕕᐅᓪᓗ ᑎᕆᖅᑯᖏᑦ ᓯᑕᒪᑦ, ᐃᓗᕙᓯᖕᓂᕐᓴᐅᓪᓗ ᑐᕐᓲᖑᔭᐅᑉ ᐃᑎᕐᑕᕐᕕᖓᑕ ᓇᐸᔪᖏᓐᓂᒃ.

ᒨᓯᓯ ᐱᖓᔪᖏᑦ 16:18

ᑭᖑᕐᖓᓂ ᑕᕝᕙᓐᖓᑦ ᐊᓂᓂᐊᕐᐳᖅ ᑐᓂᕐᕈᓯᕐᕕᖕᒧᑦ ᐱᓗᓂ ᐊᑕᓂᐅᑉ ᓵᖓᓂ ᑖᓐᓇ ᐃᑦᔪᕐᓁᓕᕐᑎᓪᓗᓂᐅᒃ, ᐃᒻᒧᒃᓯᐅᒐᐅᑉ ᐸᖕᓂᖓᑕ ᐊᐅᖓᓂᒃ ᐱᔭᕆᐊᖃᕐᐳᖅ ᒎᑦᓯᐅᓪᓗ ᐊᐅᖓᓂᒃ, ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᖕᒥᒃ ᒥᖑᐊᕆᐊᖃᕐᐰᑦ.

ᒨᓯᓯ ᐱᖓᔪᖏᑦ 16:19

ᑎᑭᕐᒥᓄᑦ ᓯᕐᐸᕐᓴᕆᐊᖃᕐᐹ ᑐᓂᕐᕈᓯᕐᕕᒃ 7ᐃᕐᑐᕐᓗᒍ ᐊᐅᖕᒥᒃ ᐃᑦᔪᕐᓁᑎᓪᓗᒍ ᑖᓐᓇ ᐱᑦᔪᑎᖃᕐᓗᓂ ᐃᓴᕆᐊᓕᒥᐅᓄᑦ ᓴᓗᒤᑦᑐᓄᑦ.

ᒨᓯᓯ ᐱᖓᔪᖏᑦ 4:25

ᑐᓂᕐᕈᓯᕐᑎᑦᓯᔨ ᐆᒪᔫᑉ ᐊᐅᖓᑕ ᐃᓚᖓᓄᑦ ᑎᑭᓂ ᒥᓱᒃᑕᒃᓴᕆᕚ ᑐᓂᕐᕈᓯᕐᕕᐅᓪᓗ ᐃᑯᐊᓚᑦᓯᕕᐅᑉ ᓇᒡᔪᖏᑦ ᒥᖑᐊᒐᒃᓴᕆᕔᑦ ᑯᕕᓗᒍᓗ ᐊᒥᐊᒃᑯᖓ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ.

ᒨᓯᓯ ᐱᖓᔪᖏᑦ 4:30

ᑕᕝᕙ ᑐᓂᕐᕈᓯᕐᑎᑦᓯᔨ ᐆᒪᔫᑉ ᐊᐅᖓᑕ ᐃᓚᖓᓂᒃ ᑎᑭᕐᒥᓄᑦ ᐃᑯᐊᓚᔪᓂᒃ ᑐᓂᕐᕈᓯᕐᕕᐅᑉ ᓇᒡᔪᖏᑦ ᒥᖑᐊᕐᑕᒃᓴᕆᕔᑦ, ᐊᐅᓪᓗ ᐊᒥᐊᒃᑯᐊ ᑯᕕᓗᒍ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ.

ᒨᓯᓯ ᐱᖓᔪᖏᑦ 4:34

ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐊᔪᕐᑐᓕᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐊᐅᖓᑕ ᐃᓚᖓᓂᒃ ᑎᑭᕐᒥᓄᑦ ᑐᓂᕐᕈᓯᕐᕕᐅᑉ ᐃᑯᐊᓚᑦᓯᕕᐅᑉ ᓇᒡᔪᖏᑦ ᒥᖑᐊᕐᑕᒃᓴᕆᕔᑦ ᐊᐅᓪᓗ ᐊᒥᐊᒃᑯᖓ ᑯᕕᓗᒍ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ.

ᒨᓯᓯ ᐱᖓᔪᖏᑦ 8:14

ᒨᓯᓯᓗ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᑐᓂᕐᕈᓯᕐᐳᖅ ᐊᔪᕐᓃᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ, ᐂᕉᓂᐅᓪᓗ ᐃᕐᓂᖏᑕᓗ ᑐᓂᕐᕈᑎᒃᓴᖅ ᓂᐊᖁᐊᒍᑦ ᐸᑎᒻᒥᕚᑦ.

ᒨᓯᓯ ᐱᖓᔪᖏᑦ 8:15

ᒨᓯᓯᐅᓪᓗ ᐸᖕᓂᖅ ᑐᖁᑉᐹ, ᐊᐅᖓᑕᓗ ᐃᓚᖓᓂᒃ ᐱᕗᖅ, ᑎᑭᕐᒥᓄᓪᓗ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒥᑎᕐᐰᑦ, ᑐᓂᕐᕈᓯᕐᕕᒃ ᐃᑦᔪᕐᓁᑎᑕᐅᖁᓪᓗᒍ ᓴᓗᒻᒪᕐᓴᕐᓗᒍᓗ, ᐊᐅᒡᓗ ᑎᒍᒥᐊᕐᑕᓂ ᑯᕕᕚ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ, ᑍᒤᓕᐅᕐᐳᖅ ᑐᓂᕐᕈᓯᕐᕕᒃ ᐊᑐᕐᑕᐅᖁᓪᓗᒍ ᓴᓗᒻᒪᕐᑎᓯᐊᕐᓗᒍᓗ ᐃᑦᔪᕐᓁᑯᓪᓗᒍ.

ᒨᓯᓯ ᐱᖓᔪᖏᑦ 9:9

ᐂᕉᓂᐅᓪᓗ ᐃᕐᓂᖏᑕ ᐆᒪᔫᑉ ᐊᐅᖓ ᑐᓂᕚᑦ, ᑎᑭᓂᓗ ᒥᓱᒃᐹ ᑐᓂᕐᕈᓯᕐᕕᐅᓪᓗ ᑎᕆᖅᑯᖏᑦ ᓇᒡᔪᖕᓂᒃ ᑍᔭᐅᔪᑦ ᒥᖑᐊᕐᐰᑦ; ᐊᐅᓪᓗ ᐊᒥᐊᒃᑯᖓ ᑯᕕᕚ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ.