ᐃᓯᑭᐊᓕᐅᑉ ᐊᒡᓚᖏᑦ 43:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑐᓂᕐᕈᓯᕐᑎᑦᓯᔩᑦ ᓕᕔᑦ ᐃᓚᒌᖕᓂᖓᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᑦ ᑖᒃᑯᐊᑐᐊᖅ ᓇᔪᕐᑕᓐᓂ ᐱᔨᑦᓯᕐᑐᒃᓴᐅᕗᑦ ᐅᕙᓐᓂᒃ, ᐊᑕᓂᖅ ᒎᑎ ᐅᖃᕐᐳᖅ, ᐊᖑᓴᓪᓗᕐᒥᒃ ᐊᔪᕐᓂᕐᒧᑦ ᑐᓂᕐᕈᓯᐅᑕᐅᓂᐊᕐᑐᒥᒃ ᐱᑎᑕᒃᓴᕆᕙᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 43:19 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 44:15

“ᑐᓂᕐᕈᓯᕐᑎᑦᓯᔩᓪᓕ ᓕᕔᒃᑯᑦ ᐃᓚᒌᖕᓂᖏᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᓐᓂᓐᖔᕐᑐᑦ, ᓱᕐᕋᔪᐃᑦᑑᓪᓗᑎᒃ ᑐᒃᓯᐊᕐᕕᒡᔪᐊᕐᒥ ᐱᔨᑦᓯᓚᐅᕐᒪᖓ ᐊᓯᓕᒫᖏᑦ ᐃᓴᕆᐊᓕᒥᐅᑦ ᐅᕙᓐᓂᒃ ᕿᒤᒐᓗᐊᕐᑎᓪᓗᒋᑦ, ᑖᒃᑯᐊᑐᐊᑦ ᐅᕙᓐᓂᒃ ᐱᔨᑦᓯᕐᑐᒃᓴᐅᕗᑦ ᓇᔪᕐᑕᓐᓄᓪᓗ ᑐᓂᕐᕈᓯᕆᐊᕐᑐᕈᓐᓇᕐᓗᑎᒃ ᑐᓂᕐᕈᑎᑦ ᑐᓐᓄᖏᓐᓂᒃ ᐊᐅᖏᓐᓂᒡᓗ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 40:46

ᐃᒡᓗᕈᓯᕐᓗ ᐅᓐᓄᐊᓪᓗᐊᑉ ᓇᓛᓄᑦ ᓵᓐᖓᔪᖅ ᐃᒡᓗᕈᓯᕆᔭᐅᕗᖅ ᑐᓂᕐᕈᓯᕐᑎᑦᓯᔨᓄᑦ ᑐᓂᕐᕈᓯᕐᕕᖕᒥ ᐱᓕᕆᖃᑦᑕᕐᑐᓄᑦ ᑲᒪᔨᐅᔪᓄᑦ; ᔭᑑᑭᐅᑉ ᑭᖑᕚᖏᓐᓄᑦ, ᑖᒃᑯᐊ ᓕᕔᑎᑦ ᑭᖑᕚᖏᓐᓂᑦ ᐱᓯᒪᔪᓂᑦ ᐊᑕᓂᐅᑉ ᓇᔪᕐᑕᖓᓄᑦ ᐃᑎᕈᓐᓇᕐᑐᑑᖕᒪᑕ ᐊᑕᓂᕐᒥᒃ ᐱᔨᑦᓯᕆᐊᕐᑐᕐᓗᑎᒃ.”

ᒨᓯᓯ ᓯᑕᒪᖏᑦ 16:40

ᐃᖅᑲᐅᒪᑦᔪᑕᐅᖁᓪᓗᒍ ᐃᓴᕆᐊᓕᒥᐅᓄᑦ ᒫᓐᖓᑐᐃᓐᓇᖅ ᐱᔪᑦ, ᐂᕉᓂᐅᑉ ᑭᖑᕚᖏᓐᓂᑦ ᐱᖏᑦᑐᑦ, ᐊᑕᓂᐅᑉ ᓵᖓᓂ ᐃᓯᕐᓗᐊᕐᓂᑎᑦᓯᓗᓂ ᑐᓂᕐᕈᓯᖁᓇᒍ ᐊᑕᓂᕐᒧᑦ, ᑰᕋᑐᑦ ᐃᓚᒋᓚᐅᕐᑕᖏᑎᑐᓪᓗ ᐱᔭᐅᖁᓇᒍ, ᐊᑕᓂᖅ ᑍᒫᒃ ᐅᖃᓚᐅᕐᒪᑦ ᒨᓯᓯᑯᑦ.

ᐄᑉᕈᐃᓄᑦ 7:27

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᓯᒪᔪᑎᑐᑦ ᑍᒤᖏᑦᑐᒥᒃ, ᖃᐅᑕᒫᑦ ᑐᓂᕐᕈᓯᖃᑦᑕᕆᐊᖃᖏᑦᑐᒥᒃ, ᓯᕗᓪᓕᕐᒥᒃ ᓇᖕᒥᓂᖅ ᐊᔪᕐᓂᓂ ᐱᑦᔪᑎᒋᓗᒋᑦ ᑐᓂᕐᕈᓯᕐᐸᓚᐅᕐᑐᑎᑐᑦ, ᑭᖑᕐᖓᒍᑦ ᐃᓄᐃᑦ ᐊᔪᕐᓂᖏᑦ ᐱᑦᔪᑎᒋᓕᕐᓗᒋᑦ. ᐊᑕᐅᓯᐊᕐᓗᓂᓕ ᑐᓂᕐᕈᓯᓚᐅᕐᐳᖅ ᐊᔪᕐᓃᑦ ᐱᓪᓗᒋᑦ ᐃᒻᒥᓂᒃ ᑐᓂᕐᕈᑎᒋᓪᓗᓂ.

ᐊᑕᓃᑦ ᓯᕗᓪᓖᑦ 2:35

ᐊᖓᔪᖅᑳᕐᔪᐊᑉ ᐱᓁᐊ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᕈᕐᑎᑉᐹ ᐅᓇᑕᕐᑐᒃᓴᓄᑦ ᔪᐊᐱᒥᒃ ᐃᓇᖐᓪᓗᓂ, ᔭᑑᒡᓗ ᑐᓂᕐᕈᓯᕐᑎᑦᓯᔨᓐᖑᕐᑎᓪᓗᒍ ᐊᐰᐊᑕᒥᒃ ᐃᓇᖐᑎᓪᓗᒍ.

ᒨᓯᓯ ᓯᑕᒪᖏᑦ 16:5

ᐅᖃᕐᓗᓂᓗ ᑰᕋᒧᑦ ᐃᓚᒋᔭᖏᓐᓄᓪᓗ, “ᖃᐅᒃᐸᑦ ᐅᓪᓛᒃᑯᑦ ᐊᑕᓂᖅ ᖃᐅᔨᑎᑦᓯᓂᐊᕐᐳᖅ ᑭᓇᒥᒃ ᐱᖃᕐᒪᖔᕐᒥ, ᑭᓇᓗ ᐃᑦᔪᕐᓁᒻᒪᖔᑦ, ᖃᓂᒋᔭᒥᓅᕐᑎᑦᓯᓂᐊᕐᐳᕐᓗ; ᑖᑦᓱᒥᖓ ᓂᕈᐊᕐᑕᒥᓂᒃ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.

ᐃᓯᑭᐊᓕᐅᑉ ᐊᒡᓚᖏᑦ 48:11

ᑖᓐᓇ ᓄᓇ ᐃᑦᔪᕐᓁᑎᑕᐅᓯᒪᔪᖅ ᑐᓂᕐᕈᓯᕐᑎᑦᓯᔨᓄᑦ ᑐᕌᖓᔪᒃᓴᐅᕗᖅ ᔭᑑᑭᐅᑉ ᑭᖑᕚᖏᓐᓄᑦ, ᑖᒃᑯᐊ ᓱᕐᕋᔪᐃᑦᑑᓪᓗᑎᒃ ᐅᕙᓐᓂᒃ ᐱᔨᑦᓯᓚᐅᕐᒪᑕ, ᐃᓴᕆᐊᓕᒥᐅᓄᑦ ᑕᒻᒪᕐᑐᓄᑦ ᐃᓚᐅᓇᑎᒃ, ᓕᕔᑎᑦ ᑭᖑᕚᖏᑕ ᐃᓚᖏᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 66:22

“ᓲᕐᓗ ᕿᓚᒃ ᓄᑖᖅ ᓄᓇᕐᔪᐊᕐᓗ ᓄᑖᖅ ᓴᓇᔪᒫᕐᑕᒃᑲ ᑍᒤᓕᖎᓐᓇᕈᒫᕐᒪᑕ ᓵᓐᓂ, ᐊᑕᓂᖅ ᐅᖃᕐᐳᖅ; ᑍᒫᒃᑕᐅᖅ ᐊᑎᕐᓯ ᑭᖑᕚᓯᓗ ᑍᒤᓕᖎᓐᓇᕈᒫᕆᕗᑦ.

ᐂᓮᐊᓯᐅᑉ ᐊᒡᓚᖏᑦ 61:6

ᑍᔭᐅᔪᒫᕐᐳᓯᓗ ᐊᑕᓂᐅᑉ ᑐᓂᕐᕈᓯᕐᑎᑦᓯᔨᖁᑎᖏᓐᓂᒃ, ᐅᖃᐅᓯᐅᔪᒫᕐᐳᓯᓗ ᒎᑎᑦᑕ ᐱᔨᑦᓯᕐᑎᖁᑎᖏᓐᓂᒃ; ᓂᕿᖃᕈᒫᕐᐳᓯ ᐊᒃᓗᐃᑦᑐᑦ ᐃᓅᖃᑎᒌᒡᔪᐊᑦ ᓂᕿᖁᑎᖏᓐᓂᒃ, ᐊᒡᓗᐃᑦᔪᑎᖏᓐᓂᒡᓗ ᐱᓐᓇᕐᓇᐅᑎᖃᕈᒫᕐᐳᓯ.

ᐊᑕᓃᑦ ᓯᕗᓪᓖᑦ 2:27

ᑕᕝᕙ ᓲᓗᒨᓂᐅᑉ ᓄᖅᑲᕐᑎᑕᐅᖁᕚ ᐊᐰᐊᑕ ᐊᑕᓂᕐᒧᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ, ᓇᓚᐅᑦᓯᓕᕐᓱᓂ ᐊᑕᓂᐅᑉ ᐅᖃᐅᓯᖓ ᐅᖃᐅᓯᕆᓚᐅᕐᑕᖓ ᐃᓔ ᐱᓪᓗᒍ ᓮᓗᐊᒥ.

ᒨᓯᓯ ᓯᑕᒪᖏᑦ 18:5

ᐃᓕᑦᓯᓕ ᐃᑦᔪᕐᓁᑦᑐᕕᖕᒥ ᐱᔭᕆᐊᓕᖕᓂᒃ ᐱᓕᕆᔭᕆᐊᖃᕐᐳᓯ ᑐᓂᕐᕈᓯᕐᕕᖕᒥᓗ ᐱᔭᕆᐊᓕᖕᓂᒃ, ᐃᓴᕆᐊᓕᒥᐅᑦ ᓇᓪᓕᐊᓪᓘᓐᓃᑦ ᓂᓐᖓᐅᑦᔭᐅᒃᑲᓐᓂᖁᓇᒍ.

ᐃᓯᑭᐊᓕᐅᑉ ᐊᒡᓚᖏᑦ 43:23

ᑍᒫᒃ ᓴᓗᒻᒪᕐᑕᐅᑎᑦᓴᕇᕈᕕᐅᒃ, ᐊᖑᓴᓪᓗᕐᒥᒃ ᑐᓂᕐᕈᓯᕐᑐᒃᓴᐅᕗᑎᑦ ᖃᓄᐃᓐᓂᖃᖏᑦᑐᒥᒃ ᓰᐱᐅᓪᓗ ᐊᖑᓴᓪᓗᖓᓂᒃ ᖃᓄᐃᓐᓂᖃᖏᑦᑐᒥᒃ ᑕᒪᖏᒃ ᖃᓄᐃᑦᔪᑎᖃᖏᑦᓯᐊᕐᑐᒃᓴᐅᕘᒃ.

ᐃᓯᑭᐊᓕᐅᑉ ᐊᒡᓚᖏᑦ 45:4

ᓄᓇᒥ ᐃᑦᔪᕐᓁᓐᓂᕐᐹᖑᓗᓂ; ᑐᓂᕐᕈᓯᕐᑎᑦᓯᔨᓄᑦ ᐃᓂᒋᔭᐅᓗᓂ, ᐊᑕᓂᕐᒥᒃ ᐱᔨᑦᓯᕐᑎᓄᑦ ᐃᑦᔪᕐᓁᑦᑐᕕᖕᒥ; ᑕᕝᕙᓂ ᐃᒡᓗᖃᕐᑐᒃᓴᐅᕗᑦ ᐃᓚᖓᓗ ᐃᑦᔪᕐᓁᑎᑕᐅᓯᒪᓗᓂ ᐃᑦᔪᕐᓁᑦᑐᕕᖕᒧᑦ ᐃᓂᒃᓴᐅᖁᓪᓗᒍ.