1 ᑭᖑᓂᖓᒍᑦ ᐃᑎᕐᑕᕐᕕᖕᒧᐊᕐᑎᑉᐹᖓ, ᓯᕿᓂᐅᑉ ᓄᐃᕕᐊᓄᑦ ᓵᓐᖓᔪᒧᑦ.
ᓱᓕ ᑕᑯᓐᓇᕐᑎᓪᓗᖓ ᑖᒃᑯᓂᖓ ᓯᕈᐱᒻ ᑎᖏᕗᑦ ᓄᓇᒥᑦ, ᐊᒃᓴᓗᐊᓪᓗ ᓴᓂᐊᓃᓪᓗᑎᒃ; ᑐᒃᓯᐊᕐᕕᒡᔪᐊᓪᓗ ᐃᑎᕐᑕᕐᕕᖓᓄᑦ ᓄᖅᑲᕐᐳᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ; ᐃᓴᕆᐊᓕᒥᐅᓪᓗ ᒎᑎᓐᖓᑦᑕ ᐱᓐᓇᕐᓇᕐᓂᖓᑕ ᖁᓚᖏᐊᕐᐰᑦ.
ᑕᕝᕙᓐᖓᓪᓗ ᐃᑎᕐᑕᕐᕕᖕᒧᐊᕐᐳᖅ ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᓵᓐᖓᔪᒧᑦ, ᑐᓪᓕᕌᑎᒍᑦ ᒪᔪᕋᕐᓗᓂ, ᐃᑎᕐᑕᕐᕕᐅᑉ ᑐᓪᓕᕌᖓ ᐆᒃᑐᕋᕐᒪᒍ ᐆᒃᑐᕋᐅᑎᖓᑐᑦ ᑍᒤᓪᓗᐊᕐᐳᖅ.
ᑐᒃᓯᐊᕐᕕᒡᔪᐊᓪᓕ ᐃᓗᐊ ᐆᒃᑐᕋᕇᕋᒥᐅᒃ, ᐃᑎᕐᑕᕐᕕᒃᑯᑦ ᓯᕿᓂᐅᑉ ᓄᐃᕕᐊᓄᑦ ᓵᓐᖓᔪᒃᑯᑦ ᐊᓂᖃᑎᒋᕚᖓ, ᑐᒃᓯᐊᕐᕕᒡᔪᐊᓪᓗ ᐊᕙᑎᓕᒫᖓ ᐆᒃᑐᕋᓕᕆᕚ.
ᐊᑕᓂᐅᓪᓗ ᓂᕐᑐᕐᓇᕐᓂᕐᔪᐊᖓ ᐃᑎᕐᑕᕐᕕᒃᑰᕐᓗᓂ ᓯᕿᓂᐅᑉ ᓄᐃᕕᐊᑕ ᓇᓛᒍᑦ ᑐᒃᓯᐊᕐᕕᒡᔪᐊᒧᑦ ᐃᑎᕐᐳᖅ.
ᑕᕝᕙ ᐃᑎᕐᑕᕐᕕᒧᐊᕐᑎᑉᐹᖓ ᓯᓚᓪᓕᕐᒧᑦ ᑐᒃᓯᐊᕐᕕᒡᔪᐊᕐᒦᑦᑐᒧᑦ, ᓯᕿᓂᐅᑉ ᓄᐃᕕᐊᓄᑦ ᓵᓐᖓᔪᒧᑦ; ᑖᓐᓇᓗ ᐅᒃᑯᐊᕐᓯᒪᕗᖅ.
ᐊᑕᓂᐅᓪᓗ ᐅᖃᐅᑎᕚᖓ, “ᑖᓐᓇ ᐃᑎᕐᑕᕐᕕᒃ ᐅᒃᑯᐊᕐᓯᒤᓐᓇᕐᑐᒃᓴᐅᕗᖅ; ᐅᒃᑯᐃᕐᑕᐅᔪᒃᓴᐅᓇᓂᓗ, ᓇᓪᓕᐊᓐᓄᓪᓘᓐᓃᑦ ᐃᑎᕐᑕᐅᔪᒃᓴᐅᓐᖏᓚᖅ, ᐊᑕᓂᐅᑉ ᐃᓴᕆᐊᓕᐅᑉ ᒎᑎᖓᑦᑕ ᐃᑎᕐᑕᕐᕕᒋᖕᒪᒍ; ᑍᒤᒻᒪᑦ ᐅᒃᑯᐊᕐᓯᒤᓐᓇᕐᑐᒃᓴᐅᕗᖅ.
“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑐᕐᓲᖑᔭᕐᒧᑦ ᐃᓗᕙᓯᖕᓂᕐᓴᒧᑦ ᐃᑎᕐᑕᕐᕕᒃ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᖅ ᒪᑐᓯᒤᓐᓇᕐᑐᒃᓴᐅᕗᖅ ᐅᓪᓗᑦ ᐱᖓᓲᔪᕐᑐᑦ ᐱᓇᓱᐊᕐᕕᐅᕙᒃᑐᑦ ᐊᑐᕐᑎᓪᓗᒋᑦ; ᓴᐸᑎᐅᓕᕌᖓᓪᓕ ᐅᒃᑯᐃᓐᖔᕐᑐᒃᓴᐅᕗᖅ ᑕᖅᑭᓂᕋᑖᒥᓗ ᓇᓪᓕᐅᓐᓂᕐᓯᐅᕐᓃᑦ ᐊᑐᓕᕌᖓᑕ.
