ᐃᓯᑭᐊᓕᐅᑉ ᐊᒡᓚᖏᑦ 42:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑕᕝᕙ ᐅᖃᐅᑎᕚᖓ, “ᑖᒃᑯᐊ ᐃᒡᓗᐃᑦ ᐅᓐᓄᐊᓪᓗᐊᑉ ᓇᓛᓃᑦᑐᑦ ᓯᕿᓂᐅᓪᓗ ᓇᓛᓃᑦᑐᑦ ᐃᑦᔪᕐᓁᑦᑑᕗᑦ, ᑖᒃᑯᓇᓂ ᑐᓂᕐᕈᓯᕐᑎᑦᓯᔩᑦ ᐊᑕᓂᐅᑉ ᓇᔪᕐᑕᖓᓄᐊᕐᓂᐊᕐᑐᑦ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᓐᓂᕐᐹᓂᒃ ᓂᕆᔪᒃᓴᐅᕗᑦ; ᑐᓂᕐᕈᑏᓪᓗ ᐃᑦᔪᕐᓁᓐᓂᕐᐹᖏᑦ ᑕᕝᕗᓐᖓᕐᑕᐅᕙᖕᓂᐊᕐᐳᑦ ᑐᓂᕐᕈᑕᐅᓯᒪᔪᑦ ᓂᐊᖂᔭᒃᓮᑦ, ᐊᔪᕐᓂᕐᓄᑦ ᑐᓂᕐᕈᑎᕕᓃᑦ, ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᓄᑦ ᑐᓂᕐᕈᑎᕕᓃᑦ, ᑕᒪᓐᓇ ᐃᑦᔪᕐᓁᑦᑐᒃᑯᕕᐅᖕᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 42:13 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 13:5

ᑖᓐᓇᓗ ᑐᐱᐊ ᐃᓂᒃᓴᖃᓕᕐᑎᓚᐅᕐᐹ ᓱᓇᑐᐃᓐᓇᖃᐅᑎᒥ ᐊᖏᔪᒥᒃ, ᐱᕈᕐᑐᕕᓃᑦ ᑐᓂᕐᕈᑎᐅᓯᒪᔪᑦ ᐃᓂᒃᓴᕆᖃᑦᑕᓚᐅᕐᑕᖓᓂ, ᑎᐱᑦᓯᐊᕆᒃᓴᐅᑏᓪᓗ, ᐴᒍᑍᓪᓗ, ᓂᐊᖂᔭᒃᓮᓪᓗ ᑕᓪᓕᒪᐅᔪᐃᕈᑕᐅᓯᒪᔪᑦ, ᕔᓃᑦ, ᐅᕐᓱᒃᓮᓪᓗ, ᐱᖁᔭᑎᒍᑦ ᑐᓂᔭᐅᖁᔭᐅᓯᒪᔪᑦ ᓕᕔᑎᒃᑯᓐᓄᑦ, ᐃᓐᖏᕐᑎᓄᓪᓗ, ᐃᑎᕐᑕᕐᕕᐅᓪᓗ ᑲᒪᔨᖏᓐᓄᑦ, ᑐᓂᕐᕈᑎᒃᓴᐅᓪᓗᑎᒡᓗ ᑐᓂᕐᕈᓯᕐᑎᑦᓯᔨᓄᑦ.

ᒨᓯᓯ ᐂᑉᐸᖏᑦ 29:31

“ᓰᐱᐅᑉ ᐊᖑᓴᓪᓗᖓᑕ ᓂᕿᖓ ᑎᓕᓯᓂᕐᒧᑦ ᑐᓂᕐᕈᑕᐅᔫᑉ ᐆᔪᓕᐊᖑᔪᒃᓴᐅᕗᖅ ᑕᕝᕙᓂ ᐃᑦᔪᕐᓁᑦᑐᕕᖕᒥ;

ᐃᓯᑭᐊᓕᐅᑉ ᐊᒡᓚᖏᑦ 40:38

ᑐᕐᓲᖑᔭᕐᒥ ᓯᓚᕙᓯᖕᓂᕐᓴᒥ ᐃᒡᓗᕈᓯᒃᑲᓐᓂᕐᒥᒃ ᐊᒃᑐᐊᔪᖃᕐᐳᖅ ᐃᑎᕐᑕᕐᕕᖕᒧᑦ ᐃᓚᒋᓕᐅᓯᒪᔪᒥᒃ ᐅᓐᓄᐊᓪᓗᐊᑉ ᓇᓛᓃᑦᑐᒥ, ᑕᕝᕙᓂ ᐃᑯᐊᓪᓚᒡᓗᒋᑦ ᑐᓂᕐᕈᑎᒃᓮᑦ ᐃᕐᕈᕐᑐᕐᑕᐅᕕᖃᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 40:46

ᐃᒡᓗᕈᓯᕐᓗ ᐅᓐᓄᐊᓪᓗᐊᑉ ᓇᓛᓄᑦ ᓵᓐᖓᔪᖅ ᐃᒡᓗᕈᓯᕆᔭᐅᕗᖅ ᑐᓂᕐᕈᓯᕐᑎᑦᓯᔨᓄᑦ ᑐᓂᕐᕈᓯᕐᕕᖕᒥ ᐱᓕᕆᖃᑦᑕᕐᑐᓄᑦ ᑲᒪᔨᐅᔪᓄᑦ; ᔭᑑᑭᐅᑉ ᑭᖑᕚᖏᓐᓄᑦ, ᑖᒃᑯᐊ ᓕᕔᑎᑦ ᑭᖑᕚᖏᓐᓂᑦ ᐱᓯᒪᔪᓂᑦ ᐊᑕᓂᐅᑉ ᓇᔪᕐᑕᖓᓄᑦ ᐃᑎᕈᓐᓇᕐᑐᑑᖕᒪᑕ ᐊᑕᓂᕐᒥᒃ ᐱᔨᑦᓯᕆᐊᕐᑐᕐᓗᑎᒃ.”

ᐃᓯᑭᐊᓕᐅᑉ ᐊᒡᓚᖏᑦ 41:12

ᐃᒡᓗ ᑐᒃᓯᐊᕐᕕᒡᔪᐊᑉ ᓱᓇᑕᖃᖏᓐᓂᖓᓄᑦ ᓵᓐᖓᔪᖅ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᖅ ᑐᑭᒧᖃᕐᐳᖅ 150ᓂᒃ ᐃᑎᒐᖕᓂᒃ; ᓴᓂᒧᖃᕐᓗᓂᓗ 116ᓂᒃ ᐃᑎᖓᖕᓂᒃ, ᐊᕙᓗᕐᔪᐊᓕᒫᕐᓗ ᐃᑦᔪᓂᖃᕐᐳᖅ 9ᓂᒃ ᐃᑎᒐᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 42:1

ᑕᕝᕙ ᑐᕐᓲᖑᔭᕐᒧᐊᕈᑎᕚᖓ, ᓯᓚᕙᓯᖕᓂᕐᓴᒧᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ, ᐃᒡᓗᒧᐊᕈᑎᕚᖓᓗ ᑐᒃᓯᐊᕐᕕᒡᔪᐊᑉ ᓱᓇᑕᖃᖏᓐᓂᖓᑕ ᐊᑭᐊᓃᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 42:10

ᐊᕙᓗᕐᔪᐊᑉ ᓴᓂᕋᖓᑕ ᓯᓚᑖᓂᑦ ᐱᒋᐊᕐᓯᒪᔪᒥᒃ. ᐅᓪᓗᓪᓗᐊᑉ ᓇᓛᓂ ᐃᒡᓗᑕᖃᕆᕗᖅ, ᑐᕐᓲᖑᔭᐅᑉ ᐃᒡᓗᐃᓪᓗ ᐊᑭᐊᓃᑦᑐᓂᒃ

ᒨᓯᓯ ᐱᖓᔪᖏᑦ 10:17

“ᓱᖕᒪᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑎᕕᓂᖅ ᓂᕆᓚᐅᖏᑉᐱᓯᒃᑰᒃ ᐃᑦᔪᕐᓁᑦᑐᕕᐅᑉ ᐃᓚᖓᓂ? ᐃᑦᔪᕐᓁᓐᓂᕐᐹᖑᖕᒪᑦ; ᐃᓕᑦᓯᖕᓄᑦ ᑐᓂᔭᐅᓚᐅᕐᑐᖅ ᐃᓄᐃᑦ ᓄᓇᖅᑲᑎᒌᑦ ᐸᓯᔭᒃᓴᐅᓂᖏᑦ ᐲᕐᑕᐅᖁᓪᓗᒋᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ ᐊᑕᓂᐅᑉ ᓵᖓᓂ.

ᒨᓯᓯ ᐱᖓᔪᖏᑦ 10:3

ᑕᕝᕙ ᒨᓯᓯᐅᑉ ᐂᕉᓂ ᐅᖃᐅᑎᕚ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕋᒥ; ‘ᐅᕙᓐᓄᑦ ᖃᒡᓕᔪᓄᑦ ᐃᑦᔪᕐᓁᓐᓂᓐᓂᒃ ᓇᓗᓁᕐᓯᓂᐊᕐᐳᖓ; ᐃᓄᐃᑦ ᑕᒃᑯᐊᓐᓂ ᐅᐱᒋᔭᐅᓂᐊᕐᐳᖓ.’” ᐂᕉᓂᓗ ᓂᓪᓕᓐᖏᓚᖅ.

ᒨᓯᓯ ᐱᖓᔪᖏᑦ 14:13

ᑐᓂᕐᕈᓯᕐᑎᑦᓯᔨᐅᑉ ᓄᕐᕋᖅ ᑐᖁᑕᒃᓴᕆᕚ ᐃᑦᔪᕐᓁᑦᑐᕕᖕᒥ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐃᑯᐊᓚᑎᑕᒃᓮᓪᓗ ᑐᓂᕐᕈᑎᒃᓮᑦ ᑐᖁᑕᐅᕕᐊᓂ. ᑍᒫᑦᓮᓐᓇᖅ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᑐᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓴᖅ ᑐᓂᕐᕈᓯᕐᑎᑦᓯᔨᐅᑉ ᐱᔭᒃᓴᕆᕚ, ᑖᓐᓇᑦᑕᐅᖅ ᐃᑦᔪᕐᓁᓐᓂᕐᐹᖑᒋᕗᖅ.

ᒨᓯᓯ ᐱᖓᔪᖏᑦ 2:10

ᑐᓂᕐᕈᑎᐅᑉ ᐊᒥᐊᒃᑯᖓ ᓂᐊᖂᔭᖅ ᐂᕉᓂᐅᑉ ᐃᕐᓂᖏᑕᓗ ᐱᒋᕚᑦ; ᑖᓐᓇᓗ ᐃᑦᔪᕐᓁᓐᓂᕐᐹᖑᕗᖅ ᑖᑦᓱᒪᓂ ᑐᓂᕐᕈᑎᒥ ᐊᑕᓂᕐᒧᑦ ᑐᓂᔭᐅᔪᓂᑦ ᐃᑯᒪᒃᑯᑦ.

ᒨᓯᓯ ᐱᖓᔪᖏᑦ 2:3

ᑖᑦᓱᒪᓕ ᑐᓂᕐᕈᑎᐅᑉ ᐊᒥᐊᒃᑯᖓ ᐂᕉᓂᐅᑉ ᐃᕐᓂᖏᑕᓗ ᐱᑖᕆᓂᐊᕐᐹᑦ, ᑖᓐᓇᓗ ᐃᑦᔪᕐᓁᓐᓂᕐᐹᖑᕗᖅ ᑐᓂᕐᕈᑎ ᐊᑕᓂᕐᒧᑦ ᑐᓂᕐᕈᑎᒋᔭᐅᔪᖅ ᐃᑯᒪᒃᑯᑦ.

ᒨᓯᓯ ᐱᖓᔪᖏᑦ 21:22

ᑍᒤᑦᑐᑦ ᓂᕆᔪᓐᓇᕐᐳᑦ ᑐᓂᕐᕈᑎᕕᓂᕐᓂᒃ ᒎᑎᒧᑦ, ᐃᑦᔪᕐᓁᑦᑐᓂᒃ ᓂᕿᒃᓴᓂᒃ ᑐᓂᕐᕈᑕᐅᓯᒪᔪᓂᒃ, ᐊᒻᒪᓗ ᐃᑦᔪᕐᓁᓐᓂᕐᓴᓂᒃ ᓂᕿᒃᓴᓂᒃ;

ᒨᓯᓯ ᐱᖓᔪᖏᑦ 24:9

ᐂᕉᓂᓗ ᑭᖑᕚᖏᓪᓗ ᑭᓯᐊᓂ ᐃᑦᔪᕐᓁᑦᑐᕕᖕᒥ ᓂᕆᔪᓐᓇᕐᑐᑑᕗᑦ, ᑕᕝᕙᓂ ᑐᓂᕐᕈᑕᐅᔪᑦ ᐃᑦᔪᕐᓁᓐᓂᕐᐹᖑᖕᒪᑦ ᑖᒃᑯᐊᓗ ᓂᖀᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᑕᐅᓯᒪᔪᑦ ᑐᓂᕐᕈᓯᕐᑎᑦᓯᔨᓄᑦ ᐃᑦᔪᕐᓁᓐᓂᕐᐹᖑᒪᑕ ᐊᑕᓂᕐᒧᑦ ᑐᓂᕐᕈᑕᐅᓯᒪᔪᓂᑦ.”

ᒨᓯᓯ ᐱᖓᔪᖏᑦ 6:19

ᐊᑕᓂᐅᑉ ᒨᓯᓯ ᐅᖃᐅᑎᒋᕚ,

ᒨᓯᓯ ᐱᖓᔪᖏᑦ 6:29

ᐊᖑᑎᓕᒫᑦ ᓇᓪᓕᐊᑐᐃᓐᓇᖅ ᑐᓂᕐᕈᓯᕐᑎᑦᓯᔨᐅᑉ ᐃᓚᖏᑦ ᓂᕆᔪᓐᓇᕐᐳᑦ ᑖᑦᓱᒥᖓ. ᑖᓐᓇ ᐃᑦᔪᕐᓁᓐᓂᕐᐹᖑᖕᒪᑦ.

ᒨᓯᓯ ᐱᖓᔪᖏᑦ 7:1

“ᐅᑯᐊ ᑕᕝᕙ ᒪᓕᒊᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᑦ ᑐᓂᕐᕈᑎᒃᓮᑦ, ᑕᒪᓐᓇᓗ ᐃᑦᔪᕐᓁᓐᓂᕐᐹᖑᓪᓗᓂ.

ᒨᓯᓯ ᐱᖓᔪᖏᑦ 7:6

ᐊᖑᑎᓂᑦ ᑐᓂᕐᕈᓯᕐᑎᑦᓯᔨᐅᑉ ᐃᓚᖏᓐᓂᑦ ᓂᕆᔭᐅᔪᓐᓇᕐᐳᖅ, ᑭᓯᐊᓂᓕ ᐃᑦᔪᕐᓁᑦᑐᕕᖕᒥ ᓂᕆᔭᐅᔭᕆᐊᖃᕐᐳᖅ: ᑍᒤᑦᑐᑦ ᐃᑦᔪᕐᓁᓐᓂᕐᐹᖑᖕᒪᑕ.

ᒨᓯᓯ ᓯᑕᒪᖏᑦ 16:40

ᐃᖅᑲᐅᒪᑦᔪᑕᐅᖁᓪᓗᒍ ᐃᓴᕆᐊᓕᒥᐅᓄᑦ ᒫᓐᖓᑐᐃᓐᓇᖅ ᐱᔪᑦ, ᐂᕉᓂᐅᑉ ᑭᖑᕚᖏᓐᓂᑦ ᐱᖏᑦᑐᑦ, ᐊᑕᓂᐅᑉ ᓵᖓᓂ ᐃᓯᕐᓗᐊᕐᓂᑎᑦᓯᓗᓂ ᑐᓂᕐᕈᓯᖁᓇᒍ ᐊᑕᓂᕐᒧᑦ, ᑰᕋᑐᑦ ᐃᓚᒋᓚᐅᕐᑕᖏᑎᑐᓪᓗ ᐱᔭᐅᖁᓇᒍ, ᐊᑕᓂᖅ ᑍᒫᒃ ᐅᖃᓚᐅᕐᒪᑦ ᒨᓯᓯᑯᑦ.

ᒨᓯᓯ ᓯᑕᒪᖏᑦ 16:5

ᐅᖃᕐᓗᓂᓗ ᑰᕋᒧᑦ ᐃᓚᒋᔭᖏᓐᓄᓪᓗ, “ᖃᐅᒃᐸᑦ ᐅᓪᓛᒃᑯᑦ ᐊᑕᓂᖅ ᖃᐅᔨᑎᑦᓯᓂᐊᕐᐳᖅ ᑭᓇᒥᒃ ᐱᖃᕐᒪᖔᕐᒥ, ᑭᓇᓗ ᐃᑦᔪᕐᓁᒻᒪᖔᑦ, ᖃᓂᒋᔭᒥᓅᕐᑎᑦᓯᓂᐊᕐᐳᕐᓗ; ᑖᑦᓱᒥᖓ ᓂᕈᐊᕐᑕᒥᓂᒃ.

ᒨᓯᓯ ᓯᑕᒪᖏᑦ 18:7

ᑍᒤᒻᒪᑦ ᐃᕝᕕᑦ, ᐃᕐᓂᑎᓪᓗ ᐃᓚᒋᓗᒋᑦ ᑐᓂᕐᕈᓯᕐᑎᑦᓯᔨᐅᓂᐊᕐᐳᓯ ᑐᓂᕐᕈᓯᕐᕕᖕᒥ ᖃᓄᐃᓕᐅᕆᐊᖃᕐᑐᓕᒫᓂᒃ ᑖᓗᑕᕐᔪᐊᓪᓗ ᐅᖓᑖᓃᑦᑐᓂᒃ; ᑍᒫᒃ ᐱᔨᑦᓯᕐᓂᐊᕐᐳᓯ. ᑐᓂᕐᕈᓯᕐᑎᑦᓯᔨᐅᓂᖅ ᐃᓕᑦᓯᓐᓄᑦ ᑐᓂᕐᕈᑎᒋᕙᕋ ᐱᔨᑦᓯᕈᑎᒋᓂᐊᕋᑦᓯᐅᒃ, ᓯᓚᑎᑦᓯᓐᓂᓪᓕ ᐱᔪᖅ ᐃᓕᑦᓯᓐᓄᑦ ᖃᒡᓕᔪᖅ ᑐᖁᑕᒃᓴᐅᕗᖅ.”

ᒨᓯᓯ ᑕᓪᓕᒪᖏᑦ 21:5

ᑕᕝᕙ ᓕᕔᑉ ᑭᖑᕚᖏᑦ ᑐᓂᕐᕈᓯᕐᑎᑦᓯᔩᑦ ᓯᕗᒧᐊᒃᑐᒃᓴᐅᕗᑦ, ᑖᒃᑯᐊ ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᖕᒪᒋᑦ ᐱᔨᑦᓯᖁᓪᓗᒋᑦ ᐃᒻᒥᓄᑦ ᓮᒻᒪᕐᑎᑦᓯᔨᐅᖁᓪᓗᒋᓪᓗ ᐊᑕᓂᐅᑉ ᐊᑎᖓᓂ, ᑖᒃᑯᐊ ᐅᖃᐅᓯᖏᑎᒍᑦ ᐊᑭᕋᕐᑑᑎᑦᔪᑎᓕᒫᑦ ᐋᓐᓂᕐᓯᓇᓱᐊᕐᓂᓕᒫᓪᓗ ᑖᒃᑯᓇᓐᖓᑦ ᐃᓱᐊᕐᓯᑎᑕᐅᔪᓐᓇᕐᒪᑕ.