ᐃᓯᑭᐊᓕᐅᑉ ᐊᒡᓚᖏᑦ 40:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑕᕝᕙᓐᖓᓪᓗ ᐃᑎᕐᑕᕐᕕᖕᒧᐊᕐᐳᖅ ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᓵᓐᖓᔪᒧᑦ, ᑐᓪᓕᕌᑎᒍᑦ ᒪᔪᕋᕐᓗᓂ, ᐃᑎᕐᑕᕐᕕᐅᑉ ᑐᓪᓕᕌᖓ ᐆᒃᑐᕋᕐᒪᒍ ᐆᒃᑐᕋᐅᑎᖓᑐᑦ ᑍᒤᓪᓗᐊᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 40:6 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 6:8

ᐃᑎᕐᑕᕐᕕᒃ ᐊᓪᓕᕐᐹᖓᓃᑦᑐᖅ ᐅᐃᒍᖓ ᐅᓪᓗᓪᓗᐊᑉ ᓇᓛᓃᑦᑐᖅ, ᒪᔪᕋᐅᑎᖃᕐᓗᓂ ᓇᑏᑦ ᑐᖓᓕᐊᓄᑦ ᐱᖓᔪᐊᓄᓪᓗ ᑐᕌᖓᔪᒥᒃ.

ᑯᕉᓂᑲ ᓯᕗᓪᓖᑦ 9:18

ᑕᕝᕗᖓ ᑎᑭᓪᓗᒍ ᑖᒃᑯᐊ ᐃᑎᕐᑕᕐᕕᓕᕆᔨᐅᓚᐅᕐᐳᑦ ᑕᖕᒫᕐᓯᒪᕕᖕᓂ ᓕᕔᑉ ᕿᑐᕐᖓᖏᑦ ᐊᖓᔪᖅᑳᕐᔪᐊᑉ ᐃᑎᕐᑕᕐᕕᖓᓂ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥᒃ.

ᑯᕉᓂᑲ ᓯᕗᓪᓖᑦ 9:24

ᐃᑎᕐᑕᕐᕕᓕᕆᔩᑦ ᐱᔭᒃᓴᖃᕐᑎᑕᐅᓚᐅᕐᐳᑦ ᓯᑕᒪᓂ ᓴᓂᕋᕐᔪᐊᓂ: ᑕᓕᕐᐱᐊᓂ, ᓴᐅᒥᐊᓂ, ᓵᖓᓂ, ᑐᓄᐊᓂᓗ;

ᓂᕼᐃᒤᐊᐅᑉ ᐊᒡᓚᖏᑦ 3:29

ᔭᑑᒃ, ᐃᒥᕆᐅᑉ ᐃᕐᓂᖓ ᓴᓇᓚᐅᕐᐳᖅ ᓴᓂᑦᓯᐊᒥᓃᑦᑐᒥᒃ, ᐃᒡᓗᖓᑕ ᓯᕗᕌᓃᑦᑐᒥᒃ. ᑖᒃᑯᐊ ᐅᖓᑖᓂ ᓯᒤᐊ, ᓯᑲᓁᐊᐅᑉ ᐃᕐᓂᖓ, ᖃᐅᔨᓴᕐᑎ ᐃᑎᕐᑕᕐᕕᖕᒥ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥᒃ, ᓴᓇᓚᐅᕐᐳᖅ ᓴᓂᑦᓯᐊᒥᓃᑦᑐᒥᒃ.

ᐃᓐᖏᕈᑎᑦ 84:10

ᐅᓪᓗᒥᒃ ᐊᑕᐅᓯᕐᒥᒃ ᑐᒃᓯᐊᕐᕕᒡᔪᐊᑉ ᑐᕐᓲᖓᓃᓪᓗᓂ ᐱᐅᓂᕐᓴᐅᕗᖅ ᐅᓪᓗᓂᒃ 1,000ᓂᒃ ᓇᓂᑐᐃᓐᓈᕋᔭᕐᓂᕐᒥᑦ. ᒎᑎᒪ ᐃᒡᓗᖓᑕ ᐃᑎᕐᑕᕐᕕᖓᓂ ᑲᒪᔨᐅᖔᕈᒪᒐᔭᕐᐳᖓ; ᐱᐅᖏᑦᑐᑦ ᐊᖏᕐᕋᖏᓐᓂ ᐊᑯᓂ ᐃᓂᖃᕋᔭᕐᓂᕐᒥᑦ.

ᔨᕆᒤᐊᐅᑉ ᐊᒡᓚᖏᑦ 19:2

ᐱᓐ ᕼᐃᓇᐅᑉ ᓇᕐᓴᖓᓄᐊᕐᓂᐊᕐᐳᑎᑦ ᐃᑎᕐᑕᕐᕕᒃᑯᑦ ᐹᑦᓴᑎᒥᒃ ᐊᑎᖃᕐᑐᒃᑯᑦ ᐊᓂᓗᓯ, ᑍᑲᓂᓗ ᐅᖃᐅᓯᕆᖁᔭᒃᑲ ᐅᖃᐅᓯᕆᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 10:18

ᐊᑕᓂᐅᑉ ᐱᓐᓇᕐᓇᕐᓂᖓ ᑐᒃᓯᐊᕐᕕᒡᔪᐊᑉ ᐃᑎᕐᕕᖓᓂᑦ ᓅᒃᑲᒥ, ᓯᕈᐱᒻ ᖁᓛᓄᑦ ᓄᖅᑲᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 11:1

ᐊᓂᕐᓂᐅᑉ ᖃᖓᑦᑕᕐᑎᒃᑲᒥᖓ, ᐊᑕᓂᐅᑉ ᐃᒡᓗᖓᑕ ᐃᑎᕐᑕᕐᕕᖓᓄᐊᕐᑎᑉᐹᖓ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ. ᑕᑯᒋᓪᓗ, ᐃᑎᕐᑕᕐᕕᐅᑉ ᑖᑦᓱᒪ ᖃᓂᒋᔭᖓᓂ ᐊᖑᑎᓂᒃ 25ᓂᒃ ᑕᑯᕗᖓ; ᑕᑯᔭᒪᓗ ᐃᓚᖓᑦ ᔭ-ᐊᔭᓁᐊ ᐃᓚᒋᔭᐅᕗᖅ ᐊᔾᔪᕆᐅᑉ ᐃᕐᓂᖓ, ᐱᓚᑍᐊᓗ ᐱᓁᐊᐅᑉ ᐃᕐᓂᖓ, ᑖᒃᑯᐊᒃ ᐊᖓᔪᖅᑳᕆᔭᐅᕘᒃ ᐃᓅᖃᑎᒌᒡᔪᐊᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 40:20

ᑕᑯᒋᓪᓗ, ᓯᓚᓪᓕᕐᒥ ᑐᕐᓲᖑᔭᕐᒥ ᐃᑎᕐᑕᕐᕕᒃᑕᖃᕐᐳᖅ ᐅᓐᓄᐊᓪᓗᐊᒧᑦ ᓵᓐᖓᔪᒥᒃ, ᑖᑦᓱᒪᓗ ᐆᒃᑐᕋᕐᐹ ᑐᑭᒧᑦ ᓴᓂᒧᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 40:22

ᐃᒡᓗᕈᓰᓪᓗ ᐃᒐᓛᖏᑦ ᐊᑭᓐᓇᖏᓪᓗ ᑕᕐᓯᕐᓱᕐᓯᒪᕗᑦ ᓇᐹᕐᑐᓐᖑᐊᓂᒃ ᐹᒥᓂᒃ ᐃᑎᕐᓴᓕᐅᕈᑎᓯᒪᔪᓂᒃ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑎᑐᑦ; ᑐᖕᒥᕌᖃᕐᓗᑎᒡᓗ ᒪᔪᕋᐅᑎᓂᒃ 7ᓂᒃ; ᐃᑎᕐᑕᕐᕕᖓᓗ ᓵᓐᖓᕗᖅ ᑐᕐᓲᖑᔭᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 40:24

ᐊᒻᒪ ᐅᓪᓗᓪᓗᐊᑉ ᓇᓛᓄᐊᕈᑎᒋᕚᖓ, ᑕᑯᕗᖓᓗ ᐃᑎᕐᑕᕐᕕᖕᒥᒃ ᐅᓪᓗᓪᓗᐊᑉ ᓇᓛᓃᑦᑐᒥᒃ; ᐆᒃᑐᕋᕐᒪᒋᓪᓗ ᐊᑯᓐᓂᖏᑦ ᐃᑎᕐᑕᕐᕕᖏᓪᓗ; ᓴᓂᒧᑐᓂᖃᕐᐳᑦ ᐊᓯᖏᑎᑐᑦ ᐆᒃᑐᕋᖃᑦᑕᖅᑲᐅᔭᖏᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 40:26

ᑐᖕᒥᕌᖃᕆᕗᑦ ᒪᔪᕋᐅᑎᓂᒃ 7ᓂᒃ ᐃᑎᕐᑕᕐᕕᖕᒧᐊᖓᔪᓂᒃ, ᐃᑎᕐᑕᕐᕕᐅᓪᓗ ᐃᓗᐊᒍᑦ ᐃᒡᓗᕈᓯᖃᐅᕐᓗᓂ; ᓇᐹᕐᑐᓐᖑᐊᓂᒃᑕᐅᖅ ᐹᒥᓐᖑᐊᓂᒃ ᐊᑭᓐᓇᖓᒍᑦ ᑕᕐᓯᕐᑐᕐᓯᒪᕗᑦ, ᐃᒡᓗᒃᑐᑦ ᐊᑭᓕᕇᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 40:5

ᑕᑯᒋᓪᓗ, ᑐᒃᓯᐊᕐᕕᒡᔪᐊᕐᒥᒃ ᑕᑯᕗᖓ ᓯᓚᑖᒍᑦ ᐊᕙᑎᓕᒫᒥᒍᑦ ᐊᕙᓗᕐᔪᐊᓕᖕᒥᒃ, ᐊᖑᑎᐅᓪᓗ ᑎᒍᒥᐊᕐᑕᖓ ᐆᒃᑐᕋᐅᑦ ᓱᓪᓗᓕᒃ ᑕᑭᓂᖃᕐᐳᖅ 10ᓂᒃ ᐃᑎᒐᖕᓂᒃ, ᑖᑦᓱᒧᖓᓗ ᐊᕙᓗᕐᔪᐊᖅ ᐆᒃᑐᕋᖕᒪᒍ ᐃᑦᔪᓂᖃᕐᐳᖅ ᐆᒃᑐᕋᐅᑎᖓᑐᑦ, ᐆᒃᑐᕋᐅᑎᖓᑐᓪᓗ ᓯᓕᖕᓂᖃᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 40:7

ᐃᑎᕐᑕᕐᕕᐅᓪᓗ ᓴᓂᕌᒍᑦ ᐃᒡᓗᐊᕈᓯᕐᑕᖃᐅᕐᐳᖅ ᐆᒃᑐᕋᐅᑎᖓᑐᑦ ᑕᑭᓂᓕᖕᓂᒃ, ᓴᓂᒧᓪᓗ ᓯᓕᖕᓂᖃᕐᓗᑎᒃ ᐆᒃᑐᕋᐅᑎᖓᑐᑦ; ᐃᒡᓗᕈᓰᓪᓗ ᐊᑯᓐᓂᖏᑕ ᓱᓪᓗᖓ ᓯᕕᑐᓂᖃᕐᐳᖅ ᐃᑎᒐᖕᓂᒃ ᓯᑕᒪᐅᔪᕐᑐᓂᒃ; ᑖᒃᑯᐊᓗ ᐃᒡᓗᕈᓰᑦ ᐅᖓᑖᒍᑦ ᐃᑎᕐᑕᕐᕕᖓ ᑐᒃᓯᐊᕐᕕᒡᔪᐊᒧᑦ ᓵᓐᖓᔪᖅ, ᐆᒃᑐᕋᐅᑎᖓᑐᑦ ᑕᑭᓂᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 41:16

ᑖᒃᑯᐊ ᐱᖓᓱᑦ ᐊᑕᖏᕐᓗᑎᒃ ᐃᓗᑉᐱᐊᓕᕐᓯᒪᕗᑦ ᕿᔪᖕᒥᒃ ᐃᒐᓛᖏᓪᓗ ᒪᑐᑦᑕᕐᓗᑎᒃ. ᐃᓗᓕᒫᑦᓯᐊᖏᑦ ᕿᔪᖕᒥᒃ ᖄᐹᓕᕐᓯᒪᕗᑦ ᓇᑎᖓᓂᑦ ᐃᒐᓛᖃᕐᕕᖏᑦ ᑎᑭᓪᓗᒋᑦ, ᐃᒐᓛᖏᓪᓗ ᒪᑐᓯᒪᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 42:15

ᑐᒃᓯᐊᕐᕕᒡᔪᐊᓪᓕ ᐃᓗᐊ ᐆᒃᑐᕋᕇᕋᒥᐅᒃ, ᐃᑎᕐᑕᕐᕕᒃᑯᑦ ᓯᕿᓂᐅᑉ ᓄᐃᕕᐊᓄᑦ ᓵᓐᖓᔪᒃᑯᑦ ᐊᓂᖃᑎᒋᕚᖓ, ᑐᒃᓯᐊᕐᕕᒡᔪᐊᓪᓗ ᐊᕙᑎᓕᒫᖓ ᐆᒃᑐᕋᓕᕆᕚ.

ᐃᓯᑭᐊᓕᐅᑉ ᐊᒡᓚᖏᑦ 43:1

ᑭᖑᓂᖓᒍᑦ ᐃᑎᕐᑕᕐᕕᖕᒧᐊᕐᑎᑉᐹᖓ, ᓯᕿᓂᐅᑉ ᓄᐃᕕᐊᓄᑦ ᓵᓐᖓᔪᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 43:17

ᕿᑎᖓᒍᑦ ᖄᖓᓂᑦ ᐊᖏᓂᕐᓴᒥᒃ ᑭᒃᐹᕆᓪᓗᐊᕐᑐᒥᒃ ᐃᓚᖃᕐᑐᒃᓴᐅᒋᕗᖅ 24ᓂᒃ ᐃᑎᒐᖕᓂᒃ ᓴᓂᒧᑐᓂᖃᕐᓗᓂ ᑐᑭᒧᓪᓗ, ᖃᖓᒎᑦ ᓯᓈᓂᑦ ᐊᖏᓂᕐᓴᐅᓗᓂ 10ᐃᓐᓴᓯᒥᒃ ᖄᖓᒎᕈᑦᑎᕐᓯᒪᓗᓂ, ᐃᓗᑐᓂᐅᔭᖓ ᑐᓂᕐᕈᓯᕐᕕᐅᑉ ᓇᑎᖓᓃᑦᑐᖅ ᐊᕙᑖᓂ ᐃᑎᒑᖕᓂᒃ ᒪᕐᕈᑲᓵᖕᓂᒃ ᐃᓗᑐᓂᖃᕐᑐᒃᓴᐅᕗᖅ, ᑐᖕᒥᕌᖃᕐᓗᓂ ᑐᓂᕐᕈᓯᕐᕕᐅᑉ ᓴᓂᕌᒍᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓂᒃ.”

ᐃᓯᑭᐊᓕᐅᑉ ᐊᒡᓚᖏᑦ 43:8

ᐊᖓᔪᖅᑳᕐᔪᐊᑦ ᐅᒃᑯᐊᓕᐅᕐᓯᒪᓚᐅᕐᐳᑦ ᑐᒃᓯᐊᕐᕕᒡᔪᐊᖁᑎᒪ ᐅᒃᑯᐊᖃᕐᕕᖓᑕ ᓴᓂᐊᒍᑦ ᑐᖕᒥᕌᖃᕐᓗᑎᒡᓗ ᑐᖕᒥᕌᒪ ᑭᒡᓕᖓᒍᑦ, ᐃᒡᓘᑉ ᐊᑭᓐᓇᖓᓂᒃ ᐊᑯᓐᓂᖃᑐᐃᓐᓇᕐᓗᑕ. ᐊᑎᕋᓗ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᓚᐅᕐᐹᑦ ᐱᓂᐊᕐᓂᕐᒥᖕᓄᑦ, ᑍᒤᒻᒪᑦ ᓂᓐᖓᖕᓂᒃᑯᑦ ᓄᖑᓚᐅᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 44:1

ᑕᕝᕙ ᐃᑎᕐᑕᕐᕕᒧᐊᕐᑎᑉᐹᖓ ᓯᓚᓪᓕᕐᒧᑦ ᑐᒃᓯᐊᕐᕕᒡᔪᐊᕐᒦᑦᑐᒧᑦ, ᓯᕿᓂᐅᑉ ᓄᐃᕕᐊᓄᑦ ᓵᓐᖓᔪᒧᑦ; ᑖᓐᓇᓗ ᐅᒃᑯᐊᕐᓯᒪᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 46:12

“ᐊᖓᔪᖅᑳᖅ ᐃᓱᒪᕐᓱᕐᓗᓂ ᑐᓂᕐᕈᑎᒋᔪᒪᔭᒥᓂᒃ ᑐᓂᓯᔪᒪᒃᐸᑦ ᐊᑕᓂᕐᒧᑦ, ᐃᑯᐊᓚᑎᑕᒃᓴᒥᒃ ᐃᓅᖃᑎᖃᑦᓯᐊᕐᓂᕐᒧᖔᔪᒥᒡᓘᓐᓃᑦ ᐃᑎᕐᑕᕐᕕᒃᑯᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒃᑯᑦ ᐃᑎᕐᑐᒃᓴᐅᕗᖅ; ᑐᓂᕐᕈᓯᕐᑐᒃᓴᐅᕗᕐᓗ ᓴᐸᑎᒥ ᑐᓂᕐᕈᓯᕐᓗᓂ ᐱᐅᓯᕆᕙᒃᑕᒥᑐᑦ. ᐱᔭᕇᕈᓂ ᑕᕝᕙᓐᖓᑦ ᐊᓂᔪᒃᓴᐅᕗᖅ, ᐊᓂᔭᕇᕐᐸᓪᓗ ᐃᑎᕐᑕᕐᕕᒃ ᐅᒃᑯᐊᕐᑕᐅᔪᒃᓴᐅᕗᖅ.”

ᐃᓯᑭᐊᓕᐅᑉ ᐊᒡᓚᖏᑦ 47:1

ᑕᕝᕙ ᐅᑎᕈᑎᕚᖓ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᓄᑦ; ᑕᑯᒋᓪᓗ, ᐃᑎᕐᑕᕐᕕᐅᑉ ᐊᑖᒍᑦ ᑰᒃᑕᖃᕐᐳᖅ ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᑰᒃᑐᒥᒃ ᑐᒃᓯᐊᕐᕕᒡᔪᐊᑉ ᓵᓐᖓᔭᖓᓄᑦ; ᑰᒃᑐᕐᓗ ᐱᒋᐊᕐᓯᒪᕗᖅ ᑐᒃᓯᐊᕐᕕᒡᔪᐊᑉ ᐊᑖᓂᑦ ᐅᓪᓗᓪᓗᐊᑉ ᓇᓛᓂᑦ, ᑐᓂᕐᕈᓯᕐᕕᐅᑉ ᐅᓪᓗᓪᓗᐊᖓᑕ ᓇᓛᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 8:16

ᐂᑎᒃᑭᕚᖓᓗ ᐊᑕᓂᐅᑉ ᐃᒡᓗᖓᑕ ᐊᓃᕋᔭᕐᕕᖓᑕ ᐃᓗᓪᓕᖓᓄᑦ; ᑕᑯᒋᓪᓗ, ᐊᑕᓂᐅᑉ ᑐᒃᓯᐊᕐᕕᖁᑎᖓᑕ ᐃᑎᕐᑕᕐᕕᖓᓂ, ᑐᕐᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ, ᐊᖑᑎᓂᒃ 25 ᖃᓂᒋᔮᓃᑦᑐᓂᒃ, ᐊᑕᓂᐅᑉ ᑐᒃᓯᐊᕐᕕᖁᑎᖓᓂᒃ ᑐᓄᓐᖓᔪᓂᒃ, ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᓵᓐᖓᔪᓂᒃ, ᓯᕿᓂᕐᒧᑦ ᑐᒃᓯᐊᕐᑐᓂᒃ.