46 ᐃᒡᓗᕈᓯᕐᓗ ᐅᓐᓄᐊᓪᓗᐊᑉ ᓇᓛᓄᑦ ᓵᓐᖓᔪᖅ ᐃᒡᓗᕈᓯᕆᔭᐅᕗᖅ ᑐᓂᕐᕈᓯᕐᑎᑦᓯᔨᓄᑦ ᑐᓂᕐᕈᓯᕐᕕᖕᒥ ᐱᓕᕆᖃᑦᑕᕐᑐᓄᑦ ᑲᒪᔨᐅᔪᓄᑦ; ᔭᑑᑭᐅᑉ ᑭᖑᕚᖏᓐᓄᑦ, ᑖᒃᑯᐊ ᓕᕔᑎᑦ ᑭᖑᕚᖏᓐᓂᑦ ᐱᓯᒪᔪᓂᑦ ᐊᑕᓂᐅᑉ ᓇᔪᕐᑕᖓᓄᑦ ᐃᑎᕈᓐᓇᕐᑐᑑᖕᒪᑕ ᐊᑕᓂᕐᒥᒃ ᐱᔨᑦᓯᕆᐊᕐᑐᕐᓗᑎᒃ.”
ᐊᖓᔪᖅᑳᕐᔪᐊᑉ ᐱᓁᐊ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᕈᕐᑎᑉᐹ ᐅᓇᑕᕐᑐᒃᓴᓄᑦ ᔪᐊᐱᒥᒃ ᐃᓇᖐᓪᓗᓂ, ᔭᑑᒡᓗ ᑐᓂᕐᕈᓯᕐᑎᑦᓯᔨᓐᖑᕐᑎᓪᓗᒍ ᐊᐰᐊᑕᒥᒃ ᐃᓇᖐᑎᓪᓗᒍ.
ᑕᕝᕙ ᑖᑦᓱᒪ ᑐᕐᓲᖑᔭᕐᒧᐊᕈᑎᕚᖓ ᓯᓚᓪᓕᕐᒧᑦ; ᑕᑯᒋᓪᓗ, ᐃᒡᓗᕈᓯᕐᑕᖃᐅᕐᐳᖅ 30ᓂᒃ, ᐊᕙᓗᕐᔪᐊᑉ ᐃᓗᖔᖓᓃᑦᑐᓂᒃ; ᐃᒡᓗᕈᓰᓪᓗ ᓯᕗᕋᓕᒫᖏᑦ ᕿᑯᕐᓯᒪᔪᒥᒃ ᓇᑎᓕᐅᕐᓯᒪᕗᑦ.
ᑐᕐᓲᖑᔭᕐᒥ ᓯᓚᕙᓯᖕᓂᕐᓴᒥ ᐃᒡᓗᕈᓯᒃᑲᓐᓂᕐᒥᒃ ᐊᒃᑐᐊᔪᖃᕐᐳᖅ ᐃᑎᕐᑕᕐᕕᖕᒧᑦ ᐃᓚᒋᓕᐅᓯᒪᔪᒥᒃ ᐅᓐᓄᐊᓪᓗᐊᑉ ᓇᓛᓃᑦᑐᒥ, ᑕᕝᕙᓂ ᐃᑯᐊᓪᓚᒡᓗᒋᑦ ᑐᓂᕐᕈᑎᒃᓮᑦ ᐃᕐᕈᕐᑐᕐᑕᐅᕕᖃᕐᐳᑦ.
ᑕᕝᕙ ᐅᖃᐅᑎᕚᖓ, “ᑖᒃᑯᐊ ᐃᒡᓗᐃᑦ ᐅᓐᓄᐊᓪᓗᐊᑉ ᓇᓛᓃᑦᑐᑦ ᓯᕿᓂᐅᓪᓗ ᓇᓛᓃᑦᑐᑦ ᐃᑦᔪᕐᓁᑦᑑᕗᑦ, ᑖᒃᑯᓇᓂ ᑐᓂᕐᕈᓯᕐᑎᑦᓯᔩᑦ ᐊᑕᓂᐅᑉ ᓇᔪᕐᑕᖓᓄᐊᕐᓂᐊᕐᑐᑦ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᓐᓂᕐᐹᓂᒃ ᓂᕆᔪᒃᓴᐅᕗᑦ; ᑐᓂᕐᕈᑏᓪᓗ ᐃᑦᔪᕐᓁᓐᓂᕐᐹᖏᑦ ᑕᕝᕗᓐᖓᕐᑕᐅᕙᖕᓂᐊᕐᐳᑦ ᑐᓂᕐᕈᑕᐅᓯᒪᔪᑦ ᓂᐊᖂᔭᒃᓮᑦ, ᐊᔪᕐᓂᕐᓄᑦ ᑐᓂᕐᕈᑎᕕᓃᑦ, ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᓄᑦ ᑐᓂᕐᕈᑎᕕᓃᑦ, ᑕᒪᓐᓇ ᐃᑦᔪᕐᓁᑦᑐᒃᑯᕕᐅᖕᒪᑦ.
ᑐᓂᕐᕈᓯᕐᑎᑦᓯᔩᑦ ᓕᕔᑦ ᐃᓚᒌᖕᓂᖓᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᑦ ᑖᒃᑯᐊᑐᐊᖅ ᓇᔪᕐᑕᓐᓂ ᐱᔨᑦᓯᕐᑐᒃᓴᐅᕗᑦ ᐅᕙᓐᓂᒃ, ᐊᑕᓂᖅ ᒎᑎ ᐅᖃᕐᐳᖅ, ᐊᖑᓴᓪᓗᕐᒥᒃ ᐊᔪᕐᓂᕐᒧᑦ ᑐᓂᕐᕈᓯᐅᑕᐅᓂᐊᕐᑐᒥᒃ ᐱᑎᑕᒃᓴᕆᕙᑎᑦ.
“ᑐᓂᕐᕈᓯᕐᑎᑦᓯᔩᓪᓕ ᓕᕔᒃᑯᑦ ᐃᓚᒌᖕᓂᖏᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᓐᓂᓐᖔᕐᑐᑦ, ᓱᕐᕋᔪᐃᑦᑑᓪᓗᑎᒃ ᑐᒃᓯᐊᕐᕕᒡᔪᐊᕐᒥ ᐱᔨᑦᓯᓚᐅᕐᒪᖓ ᐊᓯᓕᒫᖏᑦ ᐃᓴᕆᐊᓕᒥᐅᑦ ᐅᕙᓐᓂᒃ ᕿᒤᒐᓗᐊᕐᑎᓪᓗᒋᑦ, ᑖᒃᑯᐊᑐᐊᑦ ᐅᕙᓐᓂᒃ ᐱᔨᑦᓯᕐᑐᒃᓴᐅᕗᑦ ᓇᔪᕐᑕᓐᓄᓪᓗ ᑐᓂᕐᕈᓯᕆᐊᕐᑐᕈᓐᓇᕐᓗᑎᒃ ᑐᓂᕐᕈᑎᑦ ᑐᓐᓄᖏᓐᓂᒃ ᐊᐅᖏᓐᓂᒡᓗ, ᐊᑕᓂᖅ ᒎᑎ ᐅᖃᕐᐳᖅ.
ᓄᓇᒥ ᐃᑦᔪᕐᓁᓐᓂᕐᐹᖑᓗᓂ; ᑐᓂᕐᕈᓯᕐᑎᑦᓯᔨᓄᑦ ᐃᓂᒋᔭᐅᓗᓂ, ᐊᑕᓂᕐᒥᒃ ᐱᔨᑦᓯᕐᑎᓄᑦ ᐃᑦᔪᕐᓁᑦᑐᕕᖕᒥ; ᑕᕝᕙᓂ ᐃᒡᓗᖃᕐᑐᒃᓴᐅᕗᑦ ᐃᓚᖓᓗ ᐃᑦᔪᕐᓁᑎᑕᐅᓯᒪᓗᓂ ᐃᑦᔪᕐᓁᑦᑐᕕᖕᒧᑦ ᐃᓂᒃᓴᐅᖁᓪᓗᒍ.
ᑖᓐᓇ ᓄᓇ ᐃᑦᔪᕐᓁᑎᑕᐅᓯᒪᔪᖅ ᑐᓂᕐᕈᓯᕐᑎᑦᓯᔨᓄᑦ ᑐᕌᖓᔪᒃᓴᐅᕗᖅ ᔭᑑᑭᐅᑉ ᑭᖑᕚᖏᓐᓄᑦ, ᑖᒃᑯᐊ ᓱᕐᕋᔪᐃᑦᑑᓪᓗᑎᒃ ᐅᕙᓐᓂᒃ ᐱᔨᑦᓯᓚᐅᕐᒪᑕ, ᐃᓴᕆᐊᓕᒥᐅᓄᑦ ᑕᒻᒪᕐᑐᓄᑦ ᐃᓚᐅᓇᑎᒃ, ᓕᕔᑎᑦ ᑭᖑᕚᖏᑕ ᐃᓚᖏᑎᑐᑦ.
ᑕᕝᕙ ᒨᓯᓯᐅᑉ ᐂᕉᓂ ᐅᖃᐅᑎᕚ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕋᒥ; ‘ᐅᕙᓐᓄᑦ ᖃᒡᓕᔪᓄᑦ ᐃᑦᔪᕐᓁᓐᓂᓐᓂᒃ ᓇᓗᓁᕐᓯᓂᐊᕐᐳᖓ; ᐃᓄᐃᑦ ᑕᒃᑯᐊᓐᓂ ᐅᐱᒋᔭᐅᓂᐊᕐᐳᖓ.’” ᐂᕉᓂᓗ ᓂᓪᓕᓐᖏᓚᖅ.
“ᐊᔪᕐᑐᓕᔪᖃᕐᐸᑦ ᐊᑕᓂᕐᒧᓪᓗ ᐅᒃᐱᕐᓂᕐᒥᓂᒃ ᑲᔪᓯᖏᓪᓗᓂ ᐃᓅᖃᑎᒥᓂᒡᓗ ᐅᐃᕕᕆᒃᓯᒃᐸᑦ ᐱᓯᒪᒃᓯᑎᑕᐅᓂᕐᒥᓂᒃ, ᑲᒪᔨᐅᑎᑕᐅᓂᕐᒥᒡᓘᓐᓃᑦ, ᐃᓅᖃᑎᒥᓂᒡᓘᓐᓃᑦ ᑎᒡᓕᒃᐸᑦ, ᓯᓔᕐᕆᒃᓯᒃᐸᓪᓘᓐᓃᑦ ᐃᓅᖃᑎᒥᓂᒃ,
ᓱᒋᐊᕐᑕᐅᑦᔪᑎᒥᓂᒡᓗ ᑐᓂᕐᕈᓯᕐᑎᑦᓯᔨᒧᑦ ᑐᓂᓯᔪᒃᓴᐅᕗᖅ ᐊᑕᓂᕐᒧᑦ ᑐᓂᕐᕈᑎᒥᓂᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒥᒃ, ᓰᐱᐅᑉ ᐊᖑᓴᓪᓗᖓᓂᒃ, ᖃᓄᐃᓐᓂᖃᖏᑦᓯᐊᕐᑐᒥᒃ, ᐊᑭᓖᑦᔪᑎᒋᓗᓂᐅᒃ ᐊᑭᓕᐅᑎᓪᓗᐊᕐᑐᒥᒃ.
ᐃᖅᑲᐅᒪᑦᔪᑕᐅᖁᓪᓗᒍ ᐃᓴᕆᐊᓕᒥᐅᓄᑦ ᒫᓐᖓᑐᐃᓐᓇᖅ ᐱᔪᑦ, ᐂᕉᓂᐅᑉ ᑭᖑᕚᖏᓐᓂᑦ ᐱᖏᑦᑐᑦ, ᐊᑕᓂᐅᑉ ᓵᖓᓂ ᐃᓯᕐᓗᐊᕐᓂᑎᑦᓯᓗᓂ ᑐᓂᕐᕈᓯᖁᓇᒍ ᐊᑕᓂᕐᒧᑦ, ᑰᕋᑐᑦ ᐃᓚᒋᓚᐅᕐᑕᖏᑎᑐᓪᓗ ᐱᔭᐅᖁᓇᒍ, ᐊᑕᓂᖅ ᑍᒫᒃ ᐅᖃᓚᐅᕐᒪᑦ ᒨᓯᓯᑯᑦ.
ᐅᖃᕐᓗᓂᓗ ᑰᕋᒧᑦ ᐃᓚᒋᔭᖏᓐᓄᓪᓗ, “ᖃᐅᒃᐸᑦ ᐅᓪᓛᒃᑯᑦ ᐊᑕᓂᖅ ᖃᐅᔨᑎᑦᓯᓂᐊᕐᐳᖅ ᑭᓇᒥᒃ ᐱᖃᕐᒪᖔᕐᒥ, ᑭᓇᓗ ᐃᑦᔪᕐᓁᒻᒪᖔᑦ, ᖃᓂᒋᔭᒥᓅᕐᑎᑦᓯᓂᐊᕐᐳᕐᓗ; ᑖᑦᓱᒥᖓ ᓂᕈᐊᕐᑕᒥᓂᒃ.
ᐃᓕᑦᓯᓕ ᐃᑦᔪᕐᓁᑦᑐᕕᖕᒥ ᐱᔭᕆᐊᓕᖕᓂᒃ ᐱᓕᕆᔭᕆᐊᖃᕐᐳᓯ ᑐᓂᕐᕈᓯᕐᕕᖕᒥᓗ ᐱᔭᕆᐊᓕᖕᓂᒃ, ᐃᓴᕆᐊᓕᒥᐅᑦ ᓇᓪᓕᐊᓪᓘᓐᓃᑦ ᓂᓐᖓᐅᑦᔭᐅᒃᑲᓐᓂᖁᓇᒍ.
ᒫᓐᓇᓕ ᐃᓕᑦᓯ ᙭ᔅᑑᓯ ᔩᓱᓯᒦᑦᑐᓯ ᓯᕗᕐᖓᒍᑦ ᐅᖓᓯᒃᑐᒦᓚᐅᕐᑐᓯ ᖃᓂᒡᓕᑎᑕᐅᓯᒪᕗᓯ ᙭ᔅᑑᓯᐅᑉ ᐊᐅᖓᓄᑦ.