19 ᐊᖑᑎᐅᑉ ᐆᒃᑐᕋᕐᒪᒍ ᐃᑎᕐᑕᕐᕕᐅᑉ ᐃᓗᖔᖓᓃᑦᑑᑉ ᐃᓗᐊᓂᑦ ᐃᑎᕐᑕᕐᕕᐅᑉ ᓯᓚᑖᓃᑦᑑᑉ ᓯᓚᑖᓄᑦ ᓯᕕᑐᓂᖃᕐᐳᑦ ᐊᑯᓐᓂᖏᒃ 168ᓂᒃ ᐃᑎᒐᖕᓂᒃ. ᑕᕝᕙ ᓯᕗᓂᓐᓄᑦ ᐅᓐᓄᐊᓪᓗᐊᑉ ᓇᓛᓄᐊᕐᐳᖅ.
ᕿᑯᕐᓯᒪᔪᕐᓗ ᓈᔨᓯᒪᕗᖅ ᓂᕈᑐᓂᐅᔭᓕᒫᖓᓂᒃ ᐃᑎᕐᑕᕐᕕᖏᑦ ᓴᓂᕌᓃᑦᑐᑦ ᐱᖃᓯᐅᑎᓯᒪᓪᓗᒋᑦ, ᐃᑎᕐᑕᕐᕕᖏᑕᓕ ᓇᑎᖏᑦ ᐊᒃᐸᓯᖕᓂᕐᓴᐅᕗᑦ ᑐᕐᓲᖑᔭᕐᒥᑦ ᐃᓗᕙᓯᖕᓂᕐᓴᒥᑦ.
ᐃᑎᕐᑕᕐᕕᒃ ᐅᓐᓄᐊᓪᓗᐊᑉ ᓇᓛᓃᑦᑐᖅ, ᓯᕿᓂᐅᓪᓗ ᓄᐃᕕᐊᑕ ᓇᓛᓃᑦᑑᖅ ᐃᑎᕐᑕᕐᕕᒃ, ᑐᕐᓲᖑᔭᕐᒧᑦ ᐃᑎᕐᑕᕐᕖᒃ; ᐆᒃᑐᕋᕐᒪᒋᒃ ᐊᑯᓐᓂᖏᒃ ᐃᑎᕐᑕᕐᕕᖕᒧᑦ ᓴᓂᒧᑐᓂᖃᕐᐴᒃ ᐃᑎᒐᖕᓂᒃ 168ᓂᒃ.
ᐃᑎᕐᑕᕐᕕᖃᕐᐳᕐᓗ ᑐᕐᓲᖑᔭᕐᒧᑦ ᐃᓗᓪᓕᕐᒧᐊᖓᔪᒥᒃ; ᐅᓪᓗᓪᓗᐊᑉ ᓇᓛᓃᑦᑐᒧᑦ ᓵᖓᔪᒥᒃ; ᐆᒃᑐᕋᕐᒪᒋᓪᓗ ᐃᑎᕐᑕᕐᕕᖕᒥᑦ ᐃᑎᕐᑕᕐᕕᖕᒧᑦ ᓴᓂᒧᑐᓂᖃᕐᐳᑦ 168ᓂᒃ ᐃᑎᒐᖕᓂᒃ.
ᑖᑦᓱᒪᓗ ᑐᕐᓲᖑᔭᖅ ᐆᒃᑐᕋᕐᒪᒍ, ᐊᑦᔨᒌᒥᒃ ᓂᕈᑐᓂᖃᕐᐳᖅ ᐃᑎᒐᖕᓂᒃ 168ᓂᒃ ᑐᑭᒧᑦ ᓴᓂᒧᓪᓗ, ᑭᒃᐹᕆᓪᓗᐊᕐᓗᓂ; ᓯᕗᕌᓂᓗ ᑐᓂᕐᕈᓯᕐᕕᒃᑕᖃᕐᐳᖅ ᑐᒃᓯᐊᕐᕕᒡᔪᐊᕐᒥ.