ᐃᓯᑭᐊᓕᐅᑉ ᐊᒡᓚᖏᑦ 40:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑕᕝᕙ ᑖᑦᓱᒪ ᑐᕐᓲᖑᔭᕐᒧᐊᕈᑎᕚᖓ ᓯᓚᓪᓕᕐᒧᑦ; ᑕᑯᒋᓪᓗ, ᐃᒡᓗᕈᓯᕐᑕᖃᐅᕐᐳᖅ 30ᓂᒃ, ᐊᕙᓗᕐᔪᐊᑉ ᐃᓗᖔᖓᓃᑦᑐᓂᒃ; ᐃᒡᓗᕈᓰᓪᓗ ᓯᕗᕋᓕᒫᖏᑦ ᕿᑯᕐᓯᒪᔪᒥᒃ ᓇᑎᓕᐅᕐᓯᒪᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 40:17 ပူးပေါင်းရင်းမြစ်များ

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:2

ᑐᒃᓯᐊᕐᕕᒡᔪᐊᓪᓕ ᓯᓚᑖᓃᑦᑐᖅ ᑐᕐᓲᖑᔭᖓ ᐆᒃᑐᕋᕐᓂᐊᕐᓇᒍ; ᑲᒪᒋᔭᒃᓴᕆᓐᖏᓔᑦ, ᑖᓐᓇ ᑐᓂᔭᐅᓯᒪᖕᒪᑦ ᐃᓅᖃᑎᒌᒡᔪᐊᓄᑦ, ᑐᓪᓕᕋᒐᒃᓴᐅᖁᓪᓗᒍ ᑕᖅᑭᓂᒃ 42ᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 42:1

ᑕᕝᕙ ᑐᕐᓲᖑᔭᕐᒧᐊᕈᑎᕚᖓ, ᓯᓚᕙᓯᖕᓂᕐᓴᒧᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ, ᐃᒡᓗᒧᐊᕈᑎᕚᖓᓗ ᑐᒃᓯᐊᕐᕕᒡᔪᐊᑉ ᓱᓇᑕᖃᖏᓐᓂᖓᑕ ᐊᑭᐊᓃᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 46:21

ᐊᓂᑎᒃᑭᕚᖓᓗ ᑐᕐᓲᖑᔭᕐᒧᑦ ᓯᓚᕙᓯᖕᓂᕐᓴᒧᑦ, ᑕᑯᑎᑉᐹᖓᓗ ᑐᕐᓲᖑᔭᐅᑉ ᑎᕆᖅᑯᖏᓐᓂᒃ ᓯᑕᒪᓂᒃ; ᑖᒃᑯᐊᓗ ᑎᕆᖅᑯᖏᑦ ᐊᑐᓂᑦ ᑐᕐᓲᖑᔭᖃᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 45:5

ᐃᓚᖓ ᓴᓂᕐᕙᒃᑕᐅᓯᒪᔪᒃᓴᐅᕗᖅ 10ᒤᓕᒥᒃ ᑕᑭᓂᖃᕐᓗᓂ 2ᒤᓕᒥᒡᓗ ᓴᓂᒧᑐᓂᖃᕐᓗᓂ, ᓄᓇᖁᑎᒃᓴᐅᖁᓪᓗᒍ ᓕᕔᑎᓄᑦ ᑐᒃᓯᐊᕐᕕᒡᔪᐊᕐᒥ ᐱᓇᓱᐊᖃᑦᑕᕐᑐᓄᑦ, ᑕᕝᕙᓂ ᐃᒡᓗᖃᕐᑐᒃᓴᐅᕗᑦ ᓄᓇᒋᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 10:5

ᓯᕈᐱᒻᓗ ᐃᓴᕈᕐᓱᕐᓂᖏᑦ ᑐᓴᕐᓴᐅᕗᑦ ᑐᒃᓯᐊᕐᕕᒡᔪᐊᑉ ᓯᓚᑖᓄᑦ ᑎᑭᓪᓗᒍ, ᒎᑎᐅᑉ ᐊᔪᒐᖃᖏᑦᑑᑉ ᐅᖃᓪᓚᖕᓂᖓᑕ ᓂᐱᕐᔪᐊᖓᑐᑦ.

ᑯᕉᓂᑲ ᐂᑉᐸᖏᑦ 31:11

ᕼᐃᓯᑬᐊᐅᓪᓗ ᑎᓕᕔᑦ ᓯᕐᓗᐊᓕᐅᖁᓪᓗᒋᑦ ᐊᑕᓂᐅᑉ ᐃᒡᓗᖓᓂ; ᑕᕝᕙ ᐊᑐᐃᓐᓇᕈᐃᓕᓚᐅᕐᐳᑦ.

ᑯᕉᓂᑲ ᓯᕗᓪᓖᑦ 23:28

ᐱᔭᒃᓴᖃᕐᑐᒃᓴᐅᕗᑦ ᐃᑲᔪᕐᓗᑎᑦ ᐂᕉᓂᐅᑉ ᐃᕐᓂᖏᓐᓂᒃ ᐱᔨᑦᓯᕐᓗᑎᒃ ᐊᑕᓂᐅᑉ ᐃᒡᓗᖓᓂ, ᐱᕕᑐᓂᖓᓂ ᑲᑎᒪᕕᖓᓂᓗ, ᓴᓗᒻᒪᕐᓮᔨᐅᓗᑎᒡᓗ ᐃᑦᔪᕐᓁᑦᑐᓕᒫᓂᒃ, ᐱᓇᓱᐊᕐᑎᐅᓗᑎᒡᓗ ᖃᓄᑐᐃᓐᓇᖅ ᐱᔨᑦᓯᕐᓗᑎᒃ ᒎᑎᐅᑉ ᐃᒡᓗᖓᓂ;

ᑯᕉᓂᑲ ᓯᕗᓪᓖᑦ 9:26

ᓯᑕᒪᓂᒃ ᐊᖓᔪᖅᑳᖃᕐᐳᑦ ᐃᑎᕐᑕᕐᕕᖕᓂ ᐊᑐᓂᑦ; ᓕᕔᑎᓂᒃ, ᐊᑕᓂᐅᑉ ᐃᒡᓗᖓᓂ ᑲᒪᔨᐅᑎᑕᐅᔪᓂᒃ ᐱᖁᑎᓂᒃ ᑮᓇᐅᔭᒃᑯᕕᖕᓂᒡᓗ ᒎᑎᐅᑉ ᐃᒡᓗᖓᓂ.

ᐃᓯᑭᐊᓕᐅᑉ ᐊᒡᓚᖏᑦ 42:4

ᐃᒡᓗᐃᑦ ᓯᕗᕌᒍᑦ ᐊᖅᑯᑎᖃᕐᐳᖅ, 16ᓂᒃ ᐃᑎᒐᖕᓂᒃ ᓴᓂᒧᑐᓂᖃᕐᑐᒥᒃ 168ᓂᒃ ᑕᑭᓂᖃᕐᓗᓂ, ᐃᑎᕐᑕᕐᕕᖃᐅᕐᓗᑎᒡᓗ ᐅᓐᓄᐊᓪᓗᐊᑉ ᓇᓛᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 41:6

ᑖᒃᑯᐊᓗ ᐃᒡᓗᕈᓰᑦ ᖁᓕᕇᖑᕗᑦ ᖁᒻᒧᑦ ᐱᖓᓱᓂᒃ ᓇᑎᖃᕐᓗᑎᒃ ᓇᑎᖅ ᐊᑕᐅᓯᖅ 30ᓂᒃ ᐃᒡᓗᕈᓯᕐᑕᖃᐅᕐᓗᓂ. ᐃᒡᓗᕈᓯᐅᑉ ᖁᓪᓕᐅᑉ ᓇᑎᖏᑦ ᐊᖏᓂᕐᓴᐅᕗᑦ ᐊᕙᓗᒧᑦ ᐊᒃᑐᐊᔪᑦ ᐃᒡᓗᕈᓯᕐᒥᑦ ᐊᓪᓕᕐᒥᑦ ᓇᔪᒻᒥᖃᑕᐅᑎᑦᓯᐊᕈᑎᒃᓴᖏᓐᓄᑦ, ᐃᒡᓗᕈᓰᑦ ᓇᑎᖏᑦ ᐊᕙᓗᕐᔪᐊᒧᑦ ᐊᒃᑐᐊᓪᓗᑎᒃ ᐊᑦᓱᖏᕐᕕᒋᓯᒪᖏᒃᑲᓗᐊᕐᓗᒍ ᐊᕙᑖ.

ᐃᓯᑭᐊᓕᐅᑉ ᐊᒡᓚᖏᑦ 40:38

ᑐᕐᓲᖑᔭᕐᒥ ᓯᓚᕙᓯᖕᓂᕐᓴᒥ ᐃᒡᓗᕈᓯᒃᑲᓐᓂᕐᒥᒃ ᐊᒃᑐᐊᔪᖃᕐᐳᖅ ᐃᑎᕐᑕᕐᕕᖕᒧᑦ ᐃᓚᒋᓕᐅᓯᒪᔪᒥᒃ ᐅᓐᓄᐊᓪᓗᐊᑉ ᓇᓛᓃᑦᑐᒥ, ᑕᕝᕙᓂ ᐃᑯᐊᓪᓚᒡᓗᒋᑦ ᑐᓂᕐᕈᑎᒃᓮᑦ ᐃᕐᕈᕐᑐᕐᑕᐅᕕᖃᕐᐳᑦ.

ᐊᑕᓃᑦ ᐂᑉᐸᖏᑦ 23:11

ᔫᓮᐊᐅᑉ ᕿᒻᒥᕐᔪᐊᑦ ᐲᔭᕐᑕᐅᑎᒃᑭᕔᑦ ᔫᑕᐅᑉ ᐊᖓᔪᖅᑳᕐᔪᐊᖏᑕ ᓴᓂᕐᕙᒃᓯᒪᔭᕕᓂᖏᑦ ᓯᕿᓂᕐᒧᑦ ᑐᕌᖓᓪᓗᑎᒃ ᑐᓂᔭᐅᓯᒪᔪᑦ, ᐊᑕᓂᐅᑉ ᐃᒡᓗᖓᑕ ᐃᑎᕆᐊᕐᕕᖓᓂ ᐃᓂᖃᕐᑐᑦ, ᓁᑕᓂ-ᒥᓕᑭᐅᑉ ᐃᒡᓗᕈᓯᖓᑕ ᓴᓂᐊᓂ, ᐊᖓᔪᖅᑳᖑᔫᑉ, ᕿᒧᒃᓯᐅᑏᓪᓗᑕᐅᖅ ᐊᒃᓴᓗᐊᓖᑦ ᓯᕿᓂᕐᒧᑦ ᑐᕌᖓᓪᓗᑎᒃ ᑐᓂᔭᐅᓯᒪᔪᑦ ᐃᑯᐊᓪᓚᒃᑕᐅᑎᒃᑭᕔᑦ.

ᐊᑕᓃᑦ ᓯᕗᓪᓖᑦ 6:5

ᓯᓚᑖᑕᓗ ᐊᑭᓐᓇᖓᓂ ᐃᓚᓯᒋᕗᖅ, ᑐᒃᓯᐊᕐᕕᒡᔪᐊᑉ ᓴᓂᕌᒍᑦ ᐃᑎᕐᕕᖓᓂᑦ ᕿᓐᖑᐊᓄᑦ ᑎᑭᓪᓗᒍ, ᐃᒡᓗᐊᕈᓯᓕᐅᕐᓱᒍᓗ ᐊᕙᑎᓕᒫᖓ.

ᐃᓯᑭᐊᓕᐅᑉ ᐊᒡᓚᖏᑦ 40:18

ᕿᑯᕐᓯᒪᔪᕐᓗ ᓈᔨᓯᒪᕗᖅ ᓂᕈᑐᓂᐅᔭᓕᒫᖓᓂᒃ ᐃᑎᕐᑕᕐᕕᖏᑦ ᓴᓂᕌᓃᑦᑐᑦ ᐱᖃᓯᐅᑎᓯᒪᓪᓗᒋᑦ, ᐃᑎᕐᑕᕐᕕᖏᑕᓕ ᓇᑎᖏᑦ ᐊᒃᐸᓯᖕᓂᕐᓴᐅᕗᑦ ᑐᕐᓲᖑᔭᕐᒥᑦ ᐃᓗᕙᓯᖕᓂᕐᓴᒥᑦ.

ᐃᓯᑭᐊᓕᐅᑉ ᐊᒡᓚᖏᑦ 40:44

ᑕᕝᕙ ᑖᑦᓱᒪ ᑐᕐᓲᖑᔭᕐᒧᑦ ᐃᓗᕙᓯᖕᓂᕐᓴᒧᐊᕈᑎᕚᖓ, ᑕᑯᒋᓪᓗ, ᑕᕝᕙᓂ ᐃᒡᓗᕈᓯᕐᑕᖃᕐᐳᖅ ᒪᕐᕉᖕᓂᒃ ᑐᕐᓲᖑᔭᕐᒧᑦ ᐊᓂᕕᖃᕐᑑᖕᓂᒃ, ᐃᑎᕐᑕᕐᕕᐅᑉ ᐅᓐᓄᐊᓪᓗᐊᑉ ᓇᓛᓃᑦᑐᖅ ᐅᓪᓗᓪᓗᐊᑉ ᓇᓛᓄᑦ ᓵᓐᖓᕗᖅ, ᐃᒡᓗᕈᓯᐅᓪᓗ ᐱᖃᑖ ᐅᓪᓗᓪᓗᐊᑉ ᓇᓛᓃᑦᑐᖅ ᐅᓐᓄᐊᓪᓗᐊᑉ ᓇᓛᓄᑦ ᓵᓐᖓᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 40:45

ᐅᖃᐅᑎᕚᖓᓗ, “ᑖᓐᓇ ᐃᒡᓗᕈᓯᖅ ᐅᓪᓗᓪᓗᐊᑉ ᓇᓛᓄᑦ ᓵᓐᖓᔪᖅ ᐃᒡᓗᕈᓯᕆᔭᐅᕗᖅ ᑐᓂᕐᕈᓯᕐᑎᑦᓯᔨᓄᑦ ᑐᒃᓯᐊᕐᕕᒡᔪᐊᕐᒥ ᑲᒪᔨᐅᔪᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 40:46

ᐃᒡᓗᕈᓯᕐᓗ ᐅᓐᓄᐊᓪᓗᐊᑉ ᓇᓛᓄᑦ ᓵᓐᖓᔪᖅ ᐃᒡᓗᕈᓯᕆᔭᐅᕗᖅ ᑐᓂᕐᕈᓯᕐᑎᑦᓯᔨᓄᑦ ᑐᓂᕐᕈᓯᕐᕕᖕᒥ ᐱᓕᕆᖃᑦᑕᕐᑐᓄᑦ ᑲᒪᔨᐅᔪᓄᑦ; ᔭᑑᑭᐅᑉ ᑭᖑᕚᖏᓐᓄᑦ, ᑖᒃᑯᐊ ᓕᕔᑎᑦ ᑭᖑᕚᖏᓐᓂᑦ ᐱᓯᒪᔪᓂᑦ ᐊᑕᓂᐅᑉ ᓇᔪᕐᑕᖓᓄᑦ ᐃᑎᕈᓐᓇᕐᑐᑑᖕᒪᑕ ᐊᑕᓂᕐᒥᒃ ᐱᔨᑦᓯᕆᐊᕐᑐᕐᓗᑎᒃ.”

ᐃᓯᑭᐊᓕᐅᑉ ᐊᒡᓚᖏᑦ 41:10

ᐃᒡᓗᕈᓰᑦ ᐊᕙᓗᕐᔪᐊᓪᓗ ᐊᑯᓐᓂᖓ ᓴᓂᒧᑐᓂᖃᕐᐳᖅ 34ᓂᒃ ᐃᑎᒐᖕᓂᒃ ᑐᒃᓯᐊᕐᕕᒡᔪᐊᑉ ᐊᕙᑎᓕᒫᖓᒎᖓᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 42:3

ᑕᒪᑐᒪ ᐱᕕᑐᓂᖓ 34ᓂᒃ ᐃᑎᒐᖕᓂᒃ ᓴᓂᒧᑐᓂᖃᕐᐳᖅ ᑐᒃᓯᐊᕐᕕᒡᔪᐊᑉ ᑭᒡᓕᖓᓃᑦᑐᖅ, ᑐᕐᓲᖑᔭᒧᑦ ᓯᓚᓪᓕᕐᒧᑦ ᖁᐊᕐᑎᑕᒐᓕᖕᒧᑦ ᓵᓐᖓᓪᓗᓂ, ᓇᑎᖏᓪᓗ ᑖᒃᑯᐊ ᐱᖓᓲᓕᖅᑲᖓᕗᑦ ᖁᓕᕇᖑᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 42:10

ᐊᕙᓗᕐᔪᐊᑉ ᓴᓂᕋᖓᑕ ᓯᓚᑖᓂᑦ ᐱᒋᐊᕐᓯᒪᔪᒥᒃ. ᐅᓪᓗᓪᓗᐊᑉ ᓇᓛᓂ ᐃᒡᓗᑕᖃᕆᕗᖅ, ᑐᕐᓲᖑᔭᐅᑉ ᐃᒡᓗᐃᓪᓗ ᐊᑭᐊᓃᑦᑐᓂᒃ

ᐃᓯᑭᐊᓕᐅᑉ ᐊᒡᓚᖏᑦ 44:1

ᑕᕝᕙ ᐃᑎᕐᑕᕐᕕᒧᐊᕐᑎᑉᐹᖓ ᓯᓚᓪᓕᕐᒧᑦ ᑐᒃᓯᐊᕐᕕᒡᔪᐊᕐᒦᑦᑐᒧᑦ, ᓯᕿᓂᐅᑉ ᓄᐃᕕᐊᓄᑦ ᓵᓐᖓᔪᒧᑦ; ᑖᓐᓇᓗ ᐅᒃᑯᐊᕐᓯᒪᕗᖅ.

ᒨᓯᓯ ᐂᑉᐸᖏᑦ 27:9

“ᑐᐱᕐᒥ ᐃᓂᒃᓴᕆᓂᐊᕐᑕᓐᓂᒃ ᐃᒡᓗᐊᕈᓯᓕᐅᕐᑐᒃᓴᐅᕗᑎᑦ ᑲᓪᓗᓈᕐᑕᑦᓯᐊᕙᖕᓂᒃ ᓵᑦᑐᓂᒃ ᑖᓗᑕᖃᕐᓗᒍ. ᑐᐱᕐᒥ ᓯᕿᓂᐅᑉ ᓇᓛᓃᑦᑐᒃᑯᑦ ᐋᖅᑭᒃᓱᐃᔪᒃᓴᐅᕗᑎᑦ ᑖᓗᑕᕐᒥᒃ ᓴᓂᒧᑐᓂᖃᕐᓗᒍ 50ᓂᒃ ᐆᒃᑑᑎᓂᒃ,