ᐃᓯᑭᐊᓕᐅᑉ ᐊᒡᓚᖏᑦ 4:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑍᒤᓕᐅᕐᕕᒋᔪᒫᕐᐸᒃᑲ ᓂᕿᒃᓮᕈᑎᓗᑎᒃ ᐃᒥᒃᓮᕈᑎᓗᑎᒡᓗ, ᐃᓱᒪᔮᕐᓗᑎᒃ ᐃᒻᒥᖕᓄᑦ ᑕᑯᓴᖃᑦᑕᐅᑎᔪᒫᕐᐳᑦ, ᐊᔪᕐᓴᕐᓂᕐᒧᑦ ᓄᖑᑉᐸᓪᓕᐊᓕᕈᒫᕐᐳᑦ ᐊᔪᕐᑐᓕᓯᒪᓂᕐᒥᖕᓄᑦ ᓱᒋᐊᕐᑕᐅᓕᕈᑎᒃ.”

ᐃᓯᑭᐊᓕᐅᑉ ᐊᒡᓚᖏᑦ 4:17 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 24:23

ᓂᐊᖁᓯᓐᓂ ᓂᒥᕆᕙᒃᑕᑦᓯᓐᓂᒃ ᐊᑐᕆᐊᖃᕈᒫᕐᐳᓯ ᐃᑎᒐᒍᑎᓯᓗ ᐊᑐᕐᓗᒋᑦ; ᕿᐊᔪᒫᓐᖏᓚᓯ ᖁᕝᕕᐅᕈᑎᖃᖏᓪᓗᓯᓘᓐᓃᑦ, ᐊᔪᕐᑐᓕᓂᑦᓯᓐᓂᒃ ᐅᒡᒍᐊᕈᑎᖃᓕᕈᒫᕐᐳᓯ ᐃᓕᑦᓯᓐᓄᑦ ᐊᑐᓂᑦ.

ᒨᓯᓯ ᐱᖓᔪᖏᑦ 26:39

ᐃᓕᑦᓯᓗ ᐊᒥᐊᒃᑰᔪᓯ ᓄᖑᑉᐸᓪᓕᐊᔪᒫᕐᐳᓯ ᐊᑭᕋᑦᓯ ᓄᓇᖏᓐᓂ ᐊᔪᕐᓂᓯ ᐱᑦᔪᑎᒋᓪᓗᒋᑦ; ᓯᕗᓕᑦᓯᓗ ᐊᔪᕐᓂᖏᑦ ᐱᑦᔪᑎᒋᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 33:10

“ᐃᕝᕕᓪᓕ, ᐃᓅᑉ ᐃᕐᓂᖓ, ᐃᓴᕆᐊᓕᐅᑉ ᑭᖑᕚᖏᑦ ᐅᖃᑎᒃᑭᑦ, ᐃᒫᒃ ᐅᖃᕐᓯᒪᒐᑦᓯ: ‘ᐅᖁᒤᒃᓴᕐᐳᒍᑦ ᑕᒻᒪᕈᑎᒋᓯᒪᔭᑦᑎᓐᓂ ᐊᔪᕐᑐᓕᓂᑦᑎᓐᓂᒡᓗ, ᑕᒪᒃᑯᓄᖓᓗ ᐊᔪᓕᕐᑎᑕᐅᓕᕐᓗᑕ; ᖃᓄᕐᓕ ᐃᓅᓂᐊᓕᕐᐱᑖ?’

ᒨᓯᓯ ᐱᖓᔪᖏᑦ 26:26

ᓂᕿᒃᓴᓯ ᐃᓕᑦᓯᓐᓄᑦ ᑎᑭᒍᓐᓁᓪᓕᑎᒃᑯᑭᑦ, ᐊᕐᓁᑦ ᖁᓕᑦ ᐃᒐᒥᒃ ᐊᑕᐅᓯᕐᒥᒃ ᓂᕿᓕᐅᕐᓂᕐᒧᑦ ᓈᒻᒪᒋᔭᖃᓕᕋᔭᕐᐳᑦ, ᓂᐊᖂᔭᑉ ᐅᖁᒤᓐᓂᖓ ᒪᓕᒡᓗᒍ ᐊᒡᒍᕐᑕᐅᓗᓂ ᓂᕆᑎᑕᐅᖃᑦᑕᓕᕐᓗᓯ, ᓂᕆᓂᐊᕐᑕᓯ ᓄᖑᒃᑲᓗᐊᕈᑦᓯᐅᒃ ᓱᓕ ᐊᕿᐊᑦᑐᕈᓐᓁᓪᓕᓗᓯ.

ᐂᒨᓯᐅᑉ ᐊᒡᓚᖏᑦ 4:8

ᑕᕝᕙ ᒪᕐᕉᒃ ᐱᖓᓱᓪᓘᓐᓃᑦ ᐃᒡᓗᒐᓮᑦ ᐃᓄᖏᑦ ᐃᒡᓗᒐᓴᖕᓄᑦ ᐊᓯᖏᓐᓄᑦ ᐃᒥᕐᓯᐅᕆᐊᓚᐅᕐᐳᑦ ᐃᒥᕈᒪᓪᓗᑎᒃ, ᓇᓂᓯᓚᐅᓐᖏᓚᓪᓕ, ᓱᓕᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᐊᑕᓃᑦ ᐂᑉᐸᖏᑦ 6:25

ᓴᒥᐊᕆᐊᕐᒥᐅᑦ ᓂᕾᕈᑎᒐᒥᒃ ᑳᒃᑐᐊᓘᓕᕐᐳᑦ ᐃᒡᓗᒐᓴᒡᔪᐊᓂᑦ ᐊᓂᑦᔧᕐᑎᑕᐅᓯᒪᓂᖓ ᐊᑯᓂᐊᓘᓕᕐᒪᑦ ᑳᖕᓂᑯᒧᑦ ᓯᐅᑎᖅᑯᕐᑐᔫᑉ ᓂᐊᖁᐊ ᐊᑭᖃᓕᓚᐅᕐᐳᖅ 80ᓂᒃ ᓯᐅᓪᕕᕆᓂᒃ; ᑎᖕᒥᐊᓪᓗ ᑑᕖᑦ ᐊᓇᖓ ᐊᑕᐅᓯᕐᒥᒃ ᐅᖁᒤᓐᓂᓕᒃ ᑕᓪᓕᒪᓂᒃ ᓯᐅᓪᕕᕆᓂᒃ ᐊᑭᖃᓕᕐᓗᓂ.

ᑯᕉᓂᑲ ᐂᑉᐸᖏᑦ 34:24

ᐊᑕᓂᖅ ᐃᒫᒃ ᐅᖃᕐᐳᖅ, ᑕᑯᒋᑦ, ᓱᒋᐊᕐᑕᐅᓂᕐᒥᒃ ᑕᒪᓐᓇ ᑎᑭᑕᐅᑎᑦᓱᒫᕐᐸᕋ ᓄᓇᖃᕐᑐᓪᓗ ᑕᒫᓂ, ᐊᒡᓚᒃᓯᒪᔪᑦ ᐊᒡᓚᖕᓂ ᐃᖅᑲᕐᑐᕐᑕᐅᑦᔪᑎᒃᓴᑦ ᒪᓕᒡᓗᒋᑦ ᐅᖃᓕᒫᕐᑕᐅᓚᐅᕐᑐᑦ ᔫᑕᐅᑉ ᐊᖓᔪᖅᑳᕐᔪᐊᖓᑕ ᓵᖓᓂ.