ᐃᓯᑭᐊᓕᐅᑉ ᐊᒡᓚᖏᑦ 4:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐅᖃᐅᑎᒃᑲᓐᓂᕐᐹᖓᓗ, “ᐃᓅᑉ ᐃᕐᓂᖓ, ᑕᑯᒋᑦ ᔨᕉᓴᓕᒥᐅᑦ ᓂᐊᖂᔭᒃᓴᕐᑖᕐᕕᒋᕙᒃᑕᖏᑦ ᓄᖅᑲᕐᑎᓐᓂᐊᕐᐸᒃᑲ; ᓂᕆᖃᑦᑕᓕᕈᒫᕐᐳᑦ ᐆᒃᑑᑎᒧᑦ ᐆᒃᑐᕐᑕᐅᓯᒪᔪᒥᒃ ᑲᑉᐱᐊᓱᒡᓗᑎᒃ; ᐃᒥᖃᑦᑕᕈᒫᕐᐳᓪᓗ ᐆᒃᑐᕋᐅᑦ ᒪᓕᒡᓗᒍ ᐃᓱᒪᔮᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 4:16 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 5:16

ᑳᖕᓇᕐᑐᕐᔪᐊᓪᓗ ᖃᕐᔪᖏᓐᓄᑦ ᐱᓯᒋᐊᖃᑦᑕᓕᕈᒪ, ᖃᕐᔪᓄᑦ ᐊᓯᕈᐃᔪᓄᑦ, ᐱᒋᐊᕈᒫᕐᐸᑦᓯ ᓄᖑᑕᐅᖁᓪᓗᓯ, ᑳᖕᓇᕐᑐᕐᔪᐊᓄᑦ ᑭᖑᓕᕇᓄᑦ ᑎᑭᑕᐅᑎᑦᓱᒫᕐᐸᑦᓯ, ᓂᐊᖂᔭᒃᓴᖁᑎᓯᓗ ᐊᔭᐱᕐᕕᒋᕙᒃᑕᓯ ᓄᖑᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 3:1

ᑕᑯᒋᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐊᕐᓵᕐᓯᓕᕐᐳᖅ ᔨᕉᓴᓕᒥᑦ ᔫᑎᐊᒥᓪᓗ ᓂᐅᕕᐊᒃᓴᖃᕐᕕᖕᓂᒃ ᓂᐅᕕᕐᕕᖕᓂᒡᓗ, ᓂᐊᖂᔭᒃᓴᓕᒫᓂᒃ ᐃᒥᒃᓴᓕᒫᓂᒡᓗ.

ᒨᓯᓯ ᐱᖓᔪᖏᑦ 26:26

ᓂᕿᒃᓴᓯ ᐃᓕᑦᓯᓐᓄᑦ ᑎᑭᒍᓐᓁᓪᓕᑎᒃᑯᑭᑦ, ᐊᕐᓁᑦ ᖁᓕᑦ ᐃᒐᒥᒃ ᐊᑕᐅᓯᕐᒥᒃ ᓂᕿᓕᐅᕐᓂᕐᒧᑦ ᓈᒻᒪᒋᔭᖃᓕᕋᔭᕐᐳᑦ, ᓂᐊᖂᔭᑉ ᐅᖁᒤᓐᓂᖓ ᒪᓕᒡᓗᒍ ᐊᒡᒍᕐᑕᐅᓗᓂ ᓂᕆᑎᑕᐅᖃᑦᑕᓕᕐᓗᓯ, ᓂᕆᓂᐊᕐᑕᓯ ᓄᖑᒃᑲᓗᐊᕈᑦᓯᐅᒃ ᓱᓕ ᐊᕿᐊᑦᑐᕈᓐᓁᓪᓕᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 14:13

“ᐃᓅᑉ ᐃᕐᓂᖓ, ᓄᓇᓕᐅᖃᑎᒌᒡᔪᐊᑦ ᐊᔪᕐᑐᓕᒃᐸᑕ ᐅᕙᓐᓂᒃ ᐅᒃᐱᕆᔭᖃᖏᓐᓂᕐᒧᑦ, ᐱᔪᓐᓇᕐᓂᓐᓄᓪᓗ ᐱᓇᓱᐊᕐᕕᒋᓕᕈᒃᑭᑦ, ᓂᕿᒃᓴᖃᐅᑎᖏᑦ ᓄᖑᑎᒐᔭᕐᐸᒃᑲ ᑳᖕᓇᕐᑐᕐᔪᐊᕐᒧᓪᓗ ᑎᑭᑎᓪᓗᒋᑦ, ᐃᓄᖏᓪᓗ ᑐᖁᕋᕐᑎᒃᑲᔭᕐᐸᒃᑲ ᐆᒪᔪᖁᑎᖏᓪᓗ.

ᐃᓐᖏᕈᑎᑦ 105:16

ᐊᒻᒪ ᓄᓇᒧᑦ ᑳᖕᓇᕐᑐᕐᔪᐊᒥᒃ ᑎᑭᑎᑦᓯᓚᐅᕆᕗᖅ, ᓂᐊᖂᔭᒃᓴᓕᒫᑦ ᓄᖑᑎᓚᐅᕐᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:9

ᑐᖁᕅᔩᑦ ᓇᓂᑐᐃᓐᓈᓕᕐᒪᑕ, ᑐᖁᑕᐅᑐᐃᓐᓇᕆᐊᖃᕐᓗᑕ ᓂᕿᒃᓴᕐᓯᐅᕋᓱᐊᕐᐸᒃᐳᒍᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:11

ᔨᕉᓴᓕᐅᑉ ᐃᓄᖏᑦ ᐊᒃᓱᕈᕐᓗᑎᒃ ᓂᕿᒃᓴᕐᓯᐅᕐᐳᑦ, ᐱᖁᑎᑎᒡᓗ ᑕᐅᕐᓯᐅᑎᖃᑦᑕᕐᓗᒋᑦ ᓂᕿᒧᑦ ᐆᒪᑦᔪᑎᒋᓇᓱᐊᕐᓗᒋᑦ, “ᑕᑯᒋᑦ ᐊᑕᓃᖅ ᓱᓇᐅᔪᓐᓃᕐᑐᖓ ᐃᓱᒪᒋᑦᓯᐊᓚᐅᓐᖓ.”

ᐃᓐᖏᕈᑎᑦ 60:3

ᐃᓄᖁᑎᑎᑦ ᐅᖁᒤᑦᑐᐊᓗᖕᓂᒃ ᑎᑭᑕᐅᑎᒃᑲᕕᒋᑦ, ᐃᒥᕐᑎᓚᐅᕋᑦᑎᒍᑦ ᕔᓂᒥᒃ ᓇᓗᓕᕐᓇᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:5

ᓄᕐᕋᐅᔭᐅᓪᓗ ᓇᕿᑦᔪᑏᑦ ᐱᖓᔪᖓᑦ ᒪᒃᐱᕐᒪᒍ; ᐆᒪᔪᐃᑦ ᐱᖓᔪᖓᑦ ᐅᖃᕐᑐᖅ ᑐᓴᕐᐸᕋ, “ᕾᒋᑦ!” ᑕᑯᓴᕋᒪᓗ, ᑕᑯᕗᖓ ᕿᒻᒥᕐᔪᐊᒥᒃ ᕿᕐᓂᕐᑕᒥᒃ, ᑕᕝᕙᓂᓗ ᐃᑭᒪᔪᖅ ᐅᖁᒤᓐᓂᕐᓂᐊᕈᑎᒥᒃ ᑎᒍᒥᐊᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 52:6

ᑕᖅᑮᑦ ᓯᑕᒪᒋᓕᕐᑕᖓᓐᓂ ᐅᓪᓗᖏᑦᑕ 9ᖓᓐᓂ ᑳᖕᓇᕐᑐᕐᔪᐊᖃᓕᓚᐅᕐᐳᖅ ᑕᕝᕙᓂ, ᐃᓄᐃᑦ ᓂᕿᒃᓮᕈᑎᓚᐅᕐᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:4

ᐃᒥᕐᑖᕐᐸᓕᕐᐳᒍᑦ ᐊᑭᓖᓪᓗᑕ, ᓂᐅᕕᕐᓗᑕᓗ ᑭᓯᐊᓂ ᕿᔪᒃᓴᖃᕈᓐᓇᓕᕐᓗᑕ.

ᐃᓯᑭᐊᓕᐅᑉ ᐊᒡᓚᖏᑦ 4:15

ᑕᕝᕙ ᐅᖃᐅᑎᕚᖓ, “ᑕᑯᒋᑦ, ᐃᒻᒧᒃᓯᐅᒐᐅᑉ ᐊᓇᖏᓐᓂᒃ ᐃᑯᐊᓪᓚᖅᑯᑎᖃᖃᑦᑕᖁᓕᕐᐸᒋᑦ, ᐃᓅᑉ ᐊᓇᖏᓐᓂᐅᖏᑦᑐᖅ, ᓂᐊᖂᔭᓕᐅᓕᕈᕕᑦ.”

ᐂᒨᓯᐅᑉ ᐊᒡᓚᖏᑦ 4:8

ᑕᕝᕙ ᒪᕐᕉᒃ ᐱᖓᓱᓪᓘᓐᓃᑦ ᐃᒡᓗᒐᓮᑦ ᐃᓄᖏᑦ ᐃᒡᓗᒐᓴᖕᓄᑦ ᐊᓯᖏᓐᓄᑦ ᐃᒥᕐᓯᐅᕆᐊᓚᐅᕐᐳᑦ ᐃᒥᕈᒪᓪᓗᑎᒃ, ᓇᓂᓯᓚᐅᓐᖏᓚᓪᓕ, ᓱᓕᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᐊᑕᓃᑦ ᐂᑉᐸᖏᑦ 6:25

ᓴᒥᐊᕆᐊᕐᒥᐅᑦ ᓂᕾᕈᑎᒐᒥᒃ ᑳᒃᑐᐊᓘᓕᕐᐳᑦ ᐃᒡᓗᒐᓴᒡᔪᐊᓂᑦ ᐊᓂᑦᔧᕐᑎᑕᐅᓯᒪᓂᖓ ᐊᑯᓂᐊᓘᓕᕐᒪᑦ ᑳᖕᓂᑯᒧᑦ ᓯᐅᑎᖅᑯᕐᑐᔫᑉ ᓂᐊᖁᐊ ᐊᑭᖃᓕᓚᐅᕐᐳᖅ 80ᓂᒃ ᓯᐅᓪᕕᕆᓂᒃ; ᑎᖕᒥᐊᓪᓗ ᑑᕖᑦ ᐊᓇᖓ ᐊᑕᐅᓯᕐᒥᒃ ᐅᖁᒤᓐᓂᓕᒃ ᑕᓪᓕᒪᓂᒃ ᓯᐅᓪᕕᕆᓂᒃ ᐊᑭᖃᓕᕐᓗᓂ.

ᐊᑕᓃᑦ ᐂᑉᐸᖏᑦ 25:3

ᑕᖅᑮᑦ ᓯᑕᒪᖓᑦᑕ ᐅᓪᓗᖏᑕ 9ᒋᓕᕐᑕᖓᓂ ᐊᕐᕌᒍᒥ ᑕᕝᕙᓂᑦᓮᓐᓇᖅ, ᑳᖕᓇᕐᑐᕐᔪᐊᖃᓕᕐᐳᖅ ᐃᓄᐃᑦ ᓂᕆᔭᒃᓴᖃᕈᓐᓁᕐᓗᑎᒃ.