ᐃᓯᑭᐊᓕᐅᑉ ᐊᒡᓚᖏᑦ 39:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ “ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᒫᓐᓇ ᔧᑰᑉ ᑭᖑᕚᖏᑦ ᐅᑎᕐᑎᓐᓂᐊᕐᐸᒃᑲ, ᐃᓴᕆᐊᓕᐅᓪᓗ ᑭᖑᕚᓕᒫᖏᑦ ᓈᒃᑭᒋᓂᐊᕐᐸᒃᑲ; ᐊᑎᕋᓗ ᐃᑦᔪᕐᓁᑦᑐᖅ ᓯᖕᓇᒋᓂᐊᕐᐸᕋ.

ᐃᓯᑭᐊᓕᐅᑉ ᐊᒡᓚᖏᑦ 39:25 ပူးပေါင်းရင်းမြစ်များ

ᐃᓐᖏᕈᑎᑦ 85:1

ᐊᑕᓃᖅ, ᓄᓇᖁᑏᑦ ᓮᒻᒪᕐᑎᓯᒪᓚᐅᕐᐸᑦ; ᐊᐅᓪᓚᕈᑦᔭᐅᓯᒪᔪᓪᓗ ᔧᑯᒃᑯᓐᓂᑦ ᐅᑎᕐᑎᓚᐅᕐᐸᑎᑦ.

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 14:1

ᐊᑕᓂᖅ ᓂᑲᒍᓱᓕᒃᑲᓐᓂᕈᒫᕆᕗᖅ ᔧᑰᑉ ᑭᖑᕚᖏᓐᓂᒃ ᐃᓴᕆᐊᓕᒥᐅᓪᓗ ᓂᕈᐊᕐᓯᒪᓕᕈᒫᕆᓪᓗᒋᑦ, ᓄᓇᑐᖃᖏᓐᓄᓪᓗ ᓇᖕᒥᓂᖏᓐᓄᑦ ᐃᓕᔪᒫᕆᕔᑦ, ᓄᓇᖃᑎᑐᖃᕆᓐᖏᑕᖏᓪᓗ ᔧᑰᑉ ᑭᖑᕚᖏᓐᓂᒃ ᐃᓚᕾᓐᓇᕈᒪᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 56:8

ᐃᒫᒃ ᐊᑕᓂᖅ ᒎᑎ ᐅᖃᕐᒪᑦ, ᑖᓐᓇ ᑲᑎᕐᓱᐃᔪᖅ ᐃᓴᕆᐊᓕᒥᐅᑦ ᐊᓂᑎᓯᒪᔭᖏᓐᓂᒃ, “ᑲᑎᕐᓱᐃᕕᒋᔪᒫᕆᕙᒃᑲ ᑲᑎᕐᓱᕐᑕᐅᓯᒪᓕᕇᕐᑐᑦ ᐊᓯᖏᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 23:3

ᐅᕙᖓ ᐃᓄᖁᑎᒪ ᐊᒥᐊᒃᑯᖏᑦ ᑲᑎᕐᓱᕈᒫᕐᐸᒃᑲ ᓇᒧᑐᐃᓐᓇᖅ ᐊᐅᓪᓚᕐᑎᑦᓯᕕᒋᓯᒪᓚᐅᕐᑕᓐᓂᑦ, ᐅᑎᕐᑎᓪᓗᒋᓪᓗ ᓇᑎᕐᓇᒧᑦ ᓄᓇᒋᔭᖓᓐᓄᑦ, ᕿᑐᕐᖏᐅᖁᓪᓗᒋᑦ ᐅᓄᕐᓯᕙᓪᓕᐊᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 29:14

ᐃᓕᑦᓯᓐᓄᑦ ᓇᓂᔭᐅᔪᓐᓇᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᑎᓐᓂᐊᕐᐸᑦᓯᓗ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ, ᐃᓅᖃᑎᒌᒡᔪᐊᓕᒫᓂᑦ ᓇᑭᑐᐃᓐᓇᖅ ᑲᑎᕐᓱᕐᓂᐊᕐᐸᑦᓯ ᐊᐅᓪᓚᕐᑎᑕᐅᕕᒋᓯᒪᓚᐅᕐᑕᑦᓯᓐᓂᑦ, ᐊᑕᓂᖅ ᐅᖃᕐᐳᖅ, ᐊᐅᓪᓚᕐᑎᑕᐅᕕᒋᓚᐅᕐᑕᑦᓯᓐᓂᑦ ᓄᓇᒋᓐᖏᑕᑦᓯᓐᓄᑦ, ᐅᑎᕐᑎᑦᓱᒫᕆᕙᑦᓯ ᓄᓇᑦᓯᓐᓄᑦ.’

ᔨᕆᒤᐊᐅᑉ ᐊᒡᓚᖏᑦ 3:18

ᑍᒃᑯᓇᓂᓗ ᐅᓪᓗᓂ ᔫᑕᒥᐅᑦ ᐃᓚᓕᐅᑎᔪᒫᕐᐳᑦ ᐃᓴᕆᐊᓕᒥᐅᓄᑦ, ᑖᒃᑯᐊᓗ ᐃᓅᖃᑎᒌᖑᓗᑎᒃ ᐅᓐᓄᐊᓪᓗᐊᑉ ᓇᓛᓂᓐᖓᕐᓗᑎᒃ ᓄᓇᑖᕈᒫᕐᐳᑦ ᓯᕗᓕᑦᓯᓐᓄᑦ ᓄᓇᑖᕆᔭᐅᖁᓚᐅᕐᑕᕋ ᑭᖑᕐᖑᑎᓕᕐᓗᒍ.”

ᔨᕆᒤᐊᐅᑉ ᐊᒡᓚᖏᑦ 30:10

“ᔧᑯᒃᑯᑦ ᐃᓄᖁᑎᒃᑲ, ᓯᕘᕋᓂᐊᕋᓯ ᓴᐱᓕᕐᑍᓕᓗᓯᓗ ᐃᓴᕆᐊᓕᒥᐅᑕᐅᔪᓯ; ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐱᐅᓕᓂᐊᕐᐸᑦᓯ ᓄᓇᒥᑦ ᐅᖓᓯᒃᑐᒥᑦ, ᑭᖑᕚᓯᓗ ᐊᐅᓪᓚᕐᑎᑕᐅᓯᒪᕕᒋᔭᖏᓐᓂᑦ, ᔧᑯᒃᑯᑦ ᐃᓕᒪᓱᖏᓪᓗᑎᒃ ᖃᓄᐃᖏᑦᓯᐊᕐᓗᑎᒡᓗ ᐃᓅᔪᓐᓇᕐᓯᔪᒫᖁᓪᓗᒋᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᖏᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 30:18

ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᔧᑰᑉ ᐃᒡᓗᖓ ᐱᐅᓯᖓᓄᑦ ᐅᑎᕐᑎᑦᓱᒫᕐᐸᕋ, ᓇᔪᒐᖏᓪᓗ ᓂᑲᒋᓕᕐᓗᒋᑦ, ᐃᒡᓗᒐᓴᒡᔪᐊᕕᓂᕐᓂᓪᓗ ᓱᕐᕋᑯᓂᑦ ᐃᒡᓗᒐᓴᒡᔪᐊᖏᑦ ᓇᑉᐸᕐᑎᑦᓱᒫᕆᕙᒃᑲ, ᐊᖓᔪᖅᑳᒃᑯᕕᖓᓗ ᐃᓂᒋᕙᒃᑕᒥᓂ ᓇᐸᓕᕈᒫᕆᕗᖅ.

ᔨᕆᒤᐊᐅᑉ ᐊᒡᓚᖏᑦ 30:3

ᐊᑕᓂᖅ ᐅᖃᕐᐳᖅ, ᐅᓪᓗᐃᑦ ᑎᑭᑦᓱᒫᕐᐳᑦ, ᐃᓄᖁᑎᒃᑲ ᐃᓴᕆᐊᓕᒥᐅᑦ ᔫᑕᒥᐅᓪᓗ ᑎᒍᔭᐅᓯᒪᕕᒋᔭᖏᓐᓂ ᐅᑎᕐᑎᑦᓱᒫᕋᒃᑭᑦ: ᓄᓇᖃᓕᖁᓪᓗᒋᑦ ᓯᕗᓕᕕᓂᖏᓐᓄᑦ ᐊᖏᕈᑎᒋᓚᐅᕐᑕᓐᓂᒃ ᓄᓇᒋᔭᐅᖁᓪᓗᒍ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 31:1

ᐊᑕᓂᖅ ᐅᖃᕐᐳᖅ, “ᑕᒪᓐᓇ ᓇᓪᓕᐅᑎᒃᐸᑦ ᒎᑎᒋᔭᐅᔪᒫᕐᐳᖓ ᐃᓴᕆᐊᓕᒥᐅᑦ ᐃᓚᒌᒃᑐᖁᑎᓕᒫᖏᓐᓄᑦ ᑖᒃᑯᐊᓗ ᐃᓄᑯᑎᒋᔪᒫᕐᐸᒃᑲ.”

ᔨᕆᒤᐊᐅᑉ ᐊᒡᓚᖏᑦ 31:3

ᐊᑕᓂᖅ ᓯᕗᓕᑦᑎᓐᓄᑦ ᓴᖅᑭᑉᐸᓚᐅᕐᐳᖅ, ᐅᖃᕐᓯᒪᓪᓗᓂᓗ, ᓇᒡᓕᒋᕙᑦᓯ ᓇᒡᓕᒍᓱᖕᓂᕐᒧᑦ ᐃᓱᓕᓐᓂᐊᖏᑦᑐᒧᑦ, ᕾᖁᓚᐅᕐᐸᑦᓯᓗ ᓇᒡᓕᒍᓱᖕᓂᓐᓄᑦ ᐱᑦᓯᐊᕐᕕᒋᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 32:37

ᑕᑯᒋᑦ, ᑲᑎᕐᓱᕈᒫᕆᕙᒃᑲ ᓄᓇᓕᖕᓂᑦ ᓂᓐᖓᕕᒡᔪᐊᕐᓂᓐᓄᑦ ᐊᐅᓪᓚᕐᑎᑕᐅᕕᒋᓚᐅᕐᑕᖏᓐᓂᑦ, ᑕᒪᐅᖓᓗ ᐅᑎᕐᑎᑦᓱᒫᕐᐸᒃᑲ, ᐃᓅᓯᖃᓕᕐᑎᓪᓗᒋᑦ ᐃᓂᓪᓚᖓᑦᓯᐊᕐᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 33:26

ᑍᒫᒃᑕᐅᖅ ᔧᑰᑉ ᑭᖑᕚᖏᑦ ᖁᔭᓈᕋᔭᓚᐅᕐᐸᒃᑲ, ᑍᕕᑎᐅᓪᓗ ᐱᔨᒋᔭᒪ ᐃᕐᓂᖏᓐᓂᑦ ᐱᓯᒪᔪᒥᒃ ᐂᑉᕋᕼᐋᒻᑯᑦ, ᐂᓴᑭᒃᑯᑦ, ᔧᑯᒃᑯᓪᓗ ᐊᐅᓚᑦᓯᔨᒃᓴᖃᕋᔭᓚᐅᓐᖏᓚᑦ, ᑖᒃᑯᐊ ᒪᑭᑎᑦᓱᒫᕋᒃᑭᑦ ᓂᑲᒋᓪᓗᒋᓪᓗ.”

ᔨᕆᒤᐊᐅᑉ ᐊᒡᓚᖏᑦ 33:7

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐊᔪᕐᓴᕈᓐᓃᕐᑎᑦᓱᒫᕐᐸᒃᑲ, ᓄᓇᒋᓚᐅᕐᑕᖏᓐᓄᓪᓗ ᐅᑎᕐᑎᒻᒥᓗᒋᑦ ᓯᕗᓪᓕᕐᒥ ᐱᐅᓯᕆᓚᐅᕐᑕᖏᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 20:40

ᖃᖅᑲᖁᑎᓐᓂ ᐃᑦᔪᕐᓁᑦᑐᒥ, ᐃᓴᕆᐊᓕᒥᐅᑦ ᖃᖅᑲᖏᓐᓂ ᐳᕐᑐᓂᕐᐹᒥ, ᐊᑕᓂᖅ ᒎᑎ ᐅᖃᕐᐳᖅ, ᑕᕝᕙᓂ ᐃᓴᕆᐊᓕᐅᑉ ᑭᖑᕚᓕᒫᖏᑕ ᑐᒃᓯᐊᕐᕕᒋᔭᒃᓴᕆᕚᖓ; ᑕᕝᕙᓂ ᐃᓚᓕᐅᕈᒫᕐᐸᒃᑲ, ᑕᕝᕙᓂᓗ ᑐᓂᕐᕈᓯᖁᕙᑦᓯ ᑐᓂᔭᒃᓴᓂᒃ ᐱᐅᓂᕐᐹᓂᒃ ᑐᓂᕐᕈᑎᒃᓴᑦᓯᓐᓂᒃ ᐃᑦᔪᕐᓁᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 34:13

ᐂᔪᒫᕐᐸᒃᑲ ᐃᓄᖕᓂᑦ, ᑲᑎᕐᓱᕐᓗᒋᓪᓗ ᓄᓇᓕᒡᔪᐊᓂᑦ, ᓄᓇᖏᓐᓄᐊᕐᑎᓪᓗᒋᓪᓗ; ᓂᕆᑎᑦᓱᒫᕐᐸᒃᑲᓗ ᐃᓴᕆᐊᓕᐅᑉ ᖃᖅᑲᖏᓐᓂ, ᓄᓇᐅᓪᓗ ᐃᓗᐊᓂᑦ ᑰᒃᑐᒥᑦ ᐃᒥᕐᑎᓪᓗᒋᑦ, ᐃᓄᖃᕐᑐᓕᒫᓂ ᓄᓇᓕᖕᓂ.

ᐃᓯᑭᐊᓕᐅᑉ ᐊᒡᓚᖏᑦ 36:10

ᐃᓅᖃᑎᓯᓗ ᐅᓄᕐᓯᕙᓪᓕᐊᑎᓐᓂᐊᓕᕐᐸᒃᑲ, ᐃᓴᕆᐊᓕᐅᑉ ᑭᖑᕚᓕᒫᖏᑦ, ᐊᑕᖏᕐᓗᒋᑦ; ᐃᒡᓗᒐᓴᒡᔪᐊᑦ ᐃᓄᖃᓕᕈᒫᕐᐳᑦ ᓯᖁᒥᑕᐅᓯᒪᔪᓪᓗ ᓴᓇᔭᐅᓕᕐᒥᓗᑎᒃ;

ᐃᓯᑭᐊᓕᐅᑉ ᐊᒡᓚᖏᑦ 37:11

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑖᒃᑯᐊ ᓴᐅᓃᑦ ᐃᓴᕆᐊᓕᐅᑉ ᑭᖑᕚᓕᒫᕆᕔᑦ. ᑕᑯᒋᑦ, ᐅᖃᖃᑦᑕᕐᐳᑦ, ‘ᓴᐅᓂᕗᑦ ᐸᓂᕐᓯᒪᓕᕐᐳᑦ, ᓂᕆᐅᒋᔭᒃᓴᖃᕈᓐᓃᕐᓗᑕᓗ; ᓯᕗᓂᒃᓴᖃᕈᓐᓃᕐᐳᒍᑦ.’

ᐃᓯᑭᐊᓕᐅᑉ ᐊᒡᓚᖏᑦ 39:7

ᐊᑎᕋ ᐃᑦᔪᕐᓁᑦᑐᖅ ᖃᐅᔨᔭᐅᑎᑦᓱᒪᒐᒃᑯ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ; ᐊᑎᕋᓗ ᓇᕐᕈᓇᕐᓯᑎᑕᐅᖁᔪᓐᓁᕋᒃᑯ; ᐃᓅᖃᑎᒌᒡᔪᐊᓪᓗ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᕼᐆᓯᐊᑉ ᐊᒡᓚᖏᑦ 1:11

ᔫᑕᐅᑉ ᐃᓄᖏᑦ ᐃᓴᕆᐊᓕᒥᐅᓪᓗ ᐃᓄᖏᑦ ᑲᑎᒃᑲᓐᓂᕈᒫᕆᕗᑦ, ᓇᖕᒥᓂᕐᓗ ᓂᕈᐊᕈᒫᕐᐳᑦ ᓯᕗᓕᕐᑎᒃᓴᒥᖕᓂᒃ ᐊᑕᐅᓯᕐᒥᒃ; ᓄᓇᒥᖕᓂᓗ ᒪᑭᑦᓱᒫᕐᐳᑦ, ᔨᔭᕆᐅᓪᓗ ᐅᓪᓗᖓ ᐊᖏᔪᕐᔪᐊᖑᓕᕈᒫᕐᐳᖅ.

ᔪᐃᓕᐅᑉ ᐊᒡᓚᖏᑦ 2:18

ᑕᕝᕙ ᐊᑕᓂᐅᑉ ᓯᕐᓈᕐᓂᐊᕐᐹ ᓄᓇᖁᑎᓂ, ᐃᓄᖁᑎᓂᓗ ᐃᓚᑦᓱᒋᓕᕐᓂᐊᕐᐰᑦ.

ᐂᒨᓯᐅᑉ ᐊᒡᓚᖏᑦ 9:14

ᐃᓴᕆᐊᓕᒥᐅᑦ ᐃᓄᖁᑎᒃᑲ ᐅᑎᕐᑎᑦᓱᒫᕐᐸᒃᑲ ᓄᓇᖏᓐᓄᑦ, ᐃᒡᓗᒐᓮᓪᓗ ᓱᕋᒃᓯᒪᔪᑦ ᐋᖅᑭᒃᓱᕈᒫᕐᐰᑦ ᐃᓂᒋᓕᕐᓗᒋᓪᓗ; ᐱᕈᕐᓰᔪᒫᕐᐳᓪᓗ ᕔᓂᒃᓴᓂᒃ ᐃᑦᓯᖏᓐᓂᒡᓗ ᐃᒥᕐᓗᑎᒃ, ᐱᕈᕐᓰᕕᓕᐅᕈᒫᕐᐳᑦ ᐱᕈᕐᑐᖏᓐᓂᒡᓗ ᓂᕿᖃᕐᓗᑎᒃ.

ᓇᕼᐅᒥᐅᑉ ᐊᒡᓚᖏᑦ 1:2

ᐊᑕᓂᖅ ᒎᑎᐅᕗᖅ ᐊᓯᒥᓅᖁᔨᖏᑦᑐᖅ ᐊᑭᓂᐊᕐᑎᐅᓪᓗᓂᓗ; ᐊᑕᓂᖅ ᐊᑭᓂᐊᕐᐳᖅ ᓂᓐᖓᐅᒪᓕᕐᓗᓂᓗ; ᐊᑕᓂᐅᑉ ᐊᑭᕋᕐᑐᕐᑎᓂ ᐊᑭᓂᐊᕐᐰᑦ, ᐆᒥᒋᔨᒥᓄᓪᓗ ᓂᓐᖓᖕᓂᓂ ᐃᓕᖓᑎᑉᐹ.

ᓴᑲᕅᐊᐅᑉ ᐊᒡᓚᖏᑦ 1:14

ᐂᖏᓕᓗ ᐅᕙᓐᓂᒃ ᐅᖃᖃᑎᖃᕐᑐᖅ ᐃᒫᒃ ᐅᖃᕐᐳᖅ, “ᐃᒫᒃ ᓂᓪᓕᐊᑦᔪᑎᖃᕆᑦ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ‘ᔨᕉᓴᓕᒻ ᓮᐅᓂᓗ ᐊᒃᓱᐊᓗᒃ ᓯᖕᓇᒋᕚᒃᑲᒃ.

ᓴᑲᕅᐊᐅᑉ ᐊᒡᓚᖏᑦ 8:2

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐊᖏᔪᐊᓗᖕᒥᒃ ᓯᕐᓈᕋᒪ ᓮᐅᓂ ᐱᑦᔪᑎᒋᓪᓗᒍ; ᐊᑭᕋᖏᑦ ᓯᕐᓈᕐᕕᒋᒐᒃᑭᑦ ᓇᒡᓕᖕᓂᕋ ᐊᖏᔪᐊᓘᖕᒪᑦ ᓮᐅᓂᒧᑦ.