ᐃᓯᑭᐊᓕᐅᑉ ᐊᒡᓚᖏᑦ 39:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐃᓴᕆᐊᓕᐅᑉ ᑭᖑᕚᖏᑦ ᖃᐅᔨᔪᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ, ᐅᓪᓗᒥᑦ ᑕᕝᕙᓐᖓᑦ ᐱᒋᐊᕐᓗᓂ ᑭᖑᓂᖓᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 39:22 ပူးပေါင်းရင်းမြစ်များ

ᐃᓐᖏᕈᑎᑦ 9:16

ᐊᑕᓂᖅ ᖃᐅᔨᒪᔭᐅᕗᖅ ᐃᖅᑲᕐᑐᐃᓂᖏᑕ ᐱᓂᐊᕐᓂᖏᑎᒍᑦ; ᐱᐅᖏᑦᑐᓕᔪᑦ ᓂᒐᕐᓯᒪᕗᑦ ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓯᒪᔭᒥᖕᓄᑦ. ᐃᓱᒪᒃᓴᕐᓯᐅᕐᓂᖅ ᑐᒃᓯᐊᕐᓂᒃᑯᑦ. ᓰᓚ

ᔨᕆᒤᐊᐅᑉ ᐊᒡᓚᖏᑦ 24:7

ᐆᒻᒪᑎᑖᕐᑎᑦᓱᒫᕐᐸᒃᑲ ᐅᕙᓐᓂᒃ ᖃᐅᔨᖁᓪᓗᒋᑦ ᐊᑕᓂᐅᓂᓐᓂᒃ; ᐃᓄᖁᑎᒋᔪᒫᕐᐸᒃᑲ ᒎᑎᒋᔭᐅᓗᖓᓗ ᑖᒃᑯᓄᖓ, ᐅᕙᓐᓄᑦ ᐅᑎᕈᒫᕐᒪᑕ ᐃᓘᓐᓈᒍᑦ ᐆᒻᒪᑎᒥᒍᑦ ᑐᓂᓯᒪᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 31:34

ᐃᓅᖃᑎᒥᖕᓂᒃ ᐊᔪᕆᕐᑐᐃᔭᕆᐊᖃᕈᓐᓃᕈᒫᕐᐳᑦ ᖃᑕᓐᖑᑎᒥᖕᓂᒡᓘᓐᓃᑦ ᐅᖃᐅᑦᔨᔪᖃᕐᐸᒍᓐᓃᕐᓗᓂ, ᐊᑕᓂᖅ ᖃᐅᔨᓕᕈᒃ, ᐅᕙᓐᓂᒃ ᖃᐅᔨᒪᔪᐃᓐᓇᐅᓕᕈᒫᕐᐳᑦ ᓱᓇᐅᖏᓐᓂᕐᐹᒥᑦ ᐱᓪᓚᕆᐅᓂᕐᐹᒧᑦ, ᐊᑕᓂᖅ ᐅᖃᕐᐳᖅ; ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕈᒫᕋᒃᑭᑦ ᐃᖅᑲᐅᒪᔪᓐᓃᕐᓗᒋᓪᓗ.”

ᐃᓯᑭᐊᓕᐅᑉ ᐊᒡᓚᖏᑦ 28:26

ᓄᓇᖃᓕᕈᒫᕐᐳᑦ ᐃᓱᒫᓗᒋᔭᖃᖏᓪᓗᑎᒃ, ᐃᒡᓗᓕᐅᕈᒫᕐᐳᑦ ᐱᕈᕐᓰᕕᓕᐅᕐᓗᑎᒡᓗ ᕔᓂᖃᕐᕕᒃᓴᓂᒃ. ᓄᓇᖃᓕᕈᒫᕐᐳᑦ ᐃᓱᒫᓗᓇᖏᑦᑐᒥ, ᓄᓇᖃᑎᒌᑦ ᐋᓐᓂᕐᓯᔪᒪᔪᑦ ᑖᒃᑯᓂᖓ ᓱᒋᐊᖃᑦᑕᕈᒫᕐᐸᒃᑲ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ.”

ᐃᓯᑭᐊᓕᐅᑉ ᐊᒡᓚᖏᑦ 34:30

ᑖᒃᑯᐊᓗ ᖃᐅᔨᓕᕈᒫᕐᐳᑦ, ᐅᕙᖓ ᐊᑕᓂᖅ ᑖᒃᑯᐊ ᒎᑎᖓᑦᑕ ᐃᓚᒋᖕᒪᒋᑦ, ᐃᓴᕆᐊᓕᒥᐅᑦ, ᐃᓄᖁᑎᒋᒐᒃᑭᑦ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 39:23

ᐃᓅᖃᑎᒌᒡᔪᐊᓪᓗ ᖃᐅᔨᔪᒫᕐᐳᑦ ᐃᓴᕆᐊᓕᐅᑉ ᑭᖑᕚᖏᑦ ᓄᓇᒋᓐᖏᑕᒥᖕᓄᑦ ᐊᐅᓪᓚᕈᑦᔭᐅᓚᕿᓯᒪᖕᒪᑕ ᐱᐅᖏᑦᑐᓕᓯᒪᓂᖏᓐᓄᑦ, ᐊᖏᔪᕐᔪᐊᒥᒃ ᐅᕙᓐᓄᑦ ᐊᔪᕐᑐᓕᓚᐅᕐᒪᑕ ᑮᓇᕋ ᐃᔨᓚᐅᕐᐸᕋ ᑖᒃᑯᓄᖓ ᑐᓂᓚᐅᕐᐸᒃᑲᓗ ᐊᑭᕋᖏᑕ ᐱᔪᓐᓇᕐᓂᖏᓐᓄᑦ, ᓴᕕᒡᔪᐊᒧᓪᓗ ᑐᖁᑕᐅᔪᐃᓐᓇᐅᓚᐅᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 39:28

ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ ᐊᐅᓪᓚᕈᑦᔭᐅᑎᑦᓯᓚᐅᕋᒪ ᐃᓅᖃᑎᒌᒡᔪᐊᑦ ᐊᑯᕐᖓᓐᓄᑦ, ᑲᑎᕐᓱᓕᕐᒥᒍᒃᑭᓪᓗ ᓇᖕᒥᓂᖅ ᓄᓇᖏᓐᓄᑦ. ᕿᒪᒃᑕᐅᑎᑦᓯᓂᐊᕈᓐᓃᕐᐳᖓᓗ ᐊᒥᐊᒃᑰᔪᓂᒃ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ;

ᐃᓯᑭᐊᓕᐅᑉ ᐊᒡᓚᖏᑦ 39:7

ᐊᑎᕋ ᐃᑦᔪᕐᓁᑦᑐᖅ ᖃᐅᔨᔭᐅᑎᑦᓱᒪᒐᒃᑯ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ; ᐊᑎᕋᓗ ᓇᕐᕈᓇᕐᓯᑎᑕᐅᖁᔪᓐᓁᕋᒃᑯ; ᐃᓅᖃᑎᒌᒡᔪᐊᓪᓗ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᔪᐊᓇᓯᐅᑉ ᐊᒡᓚᖏᑦ 17:3

ᐃᓅᓯᖅ ᓄᖑᓱᐃᑦᑐᖅ ᐃᒤᓕᖓᕗᖅ, ᐃᓕᖕᓂᒃ ᖃᐅᔨᓗᓂ ᓇᓛᒍᑦ ᓱᓕᔪᒥᒃ ᒎᑎᑐᐊᖑᓂᕐᓂᒃ, ᑎᓕᓚᐅᕐᑕᕐᓂᒡᓗ ᔩᓱᓯ ᙭ᔅᑑᓯᒥᒃ.

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.