ᐃᓯᑭᐊᓕᐅᑉ ᐊᒡᓚᖏᑦ 39:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ “ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᓂᕐᑐᕐᓇᕐᓂᕐᔪᐊᕋ ᐃᓂᑖᕐᑎᑦᓱᒫᕐᐸᕋ; ᐃᓅᖃᑎᒌᒡᔪᐊᓕᒫᓪᓗ ᑕᑯᔪᒫᕐᐳᑦ ᐋᖅᑭᒃᓱᐃᓂᒃᑯᑦ ᐱᓇᓱᐊᕐᓯᒪᓂᓐᓂᒃ, ᐱᔪᓐᓇᕐᓂᕋᓗ ᐊᑐᕐᓗᒍ ᐱᓇᓱᐊᕐᕕᒋᓯᒪᒐᒃᑭᑦ.

ᐃᓯᑭᐊᓕᐅᑉ ᐊᒡᓚᖏᑦ 39:21 ပူးပေါင်းရင်းမြစ်များ

ᐃᓐᖏᕈᑎᑦ 32:4

ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐊᒡᒐᑎᑦ ᐅᖁᒤᓚᐅᕐᐳᑦ ᐅᕙᓐᓄᑦ; ᑎᒥᒪ ᐃᑦᓯᖓ ᓴᓗᐊᕐᓯᒪᓕᓚᐅᕐᐳᖅ ᐊᐅᔭᑐᑦ ᓯᓚᓗᒃᑕᐅᓚᐅᕐᓯᒪᖏᑦᑐᑐᑦ. ᓰᓚ

ᐃᓐᖏᕈᑎᑦ 94:10

ᐃᓅᖃᑎᒌᒡᔪᐊᓂᒃ ᓱᒋᐊᕐᓯᓚᐅᕐᑐᖅ, ᐋᖅᑭᒋᐊᕐᓯᔪᓐᓇᓐᖏᓛᖅ? ᐃᓄᖕᓂᒃ ᖃᐅᔨᒪᓂᕐᒥᒃ ᐊᔪᕆᕐᑐᐃᓯᒪᔪᖅ ᖃᐅᔨᒪᓐᖏᓛᖅ?

ᒨᓯᓯ ᐂᑉᐸᖏᑦ 14:4

ᐱᔭᕐᓂᕈᓐᓃᕐᑎᓐᓂᐊᕋᒃᑯ, ᐃᓕᑦᓯᓐᓂᒡᓗ ᒪᓕᒃᓴᕐᓂᐊᕐᐳᖅ, ᓵᓚᖃᕐᓂᕋᓗ ᐊᖓᔪᖅᑳᕐᔪᐊᒥᒃ ᐅᓇᑕᕐᑐᒃᓴᖁᑎᖏᓐᓂᒡᓗ ᐅᐱᒋᔭᐅᑦᔪᑎᒋᓂᐊᕐᐸᕋ, ᑕᕝᕙ ᐄᑦᔨᑉᑎᒥᐅᑦ ᖃᐅᔨᓂᐊᕐᐳᑦ ᐊᑕᓂᐅᓂᓐᓂᒃ.” ᐃᓴᕆᐊᓕᒥᐅᓪᓗ ᐱᖁᔭᐅᓂᑎᒃ ᒪᓕᒡᓗᒍ ᐱᓂᐊᓚᐅᕐᐳᑦ.

ᒨᓯᓯ ᐂᑉᐸᖏᑦ 7:4

ᑕᕝᕙ ᓂᑲᒋᖏᓪᓗᒋᑦ ᐄᑦᔨᑉᑎᒥᐅᑦ ᓱᒋᐊᕐᓂᐊᕐᐸᒃᑲ ᐃᓅᖃᑎᒌᒃᑐᓪᓗ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᕐᑎᓐᓂᐊᕐᐸᒃᑲ ᓄᓇᖓᓐᓂᑦ.

ᒨᓯᓯ ᐂᑉᐸᖏᑦ 8:19

ᐊᖓᒃᑯᐃᓪᓗ ᐰᕉᒧᑦ ᐅᖃᕐᐳᑦ, “ᑕᒪᓐᓇ ᒎᑎᐅᑉ ᐱᔪᓐᓇᕐᓂᖓᑕ ᐱᓇᓱᐊᕐᓂᕆᕚ!” ᑭᓯᐊᓂᓕ ᐰᕉᑉ ᐆᒻᒪᑎᖓ ᓱᓕ ᓯᑎᔫᓚᐅᕐᐳᖅ, ᑖᒃᑯᓂᖓᓗ ᓈᓚᒍᓐᓇᕋᓂ, ᓲᕐᓗ ᐊᑕᓂᐅᑉ ᑍᒤᓐᓂᐊᕐᓂᕋᓚᐅᕐᒪᒍ.

ᒨᓯᓯ ᐂᑉᐸᖏᑦ 9:16

ᑭᓯᐊᓂᓕ ᑕᒪᓐᓇ ᐱᑦᔪᑎᒋᓪᓗᒍ ᐃᓅᑎᓚᕿᓯᒪᕙᒋᑦ, ᖃᐅᔨᖁᓪᓗᑎᑦ ᐱᔪᓐᓇᕐᓂᓐᓂᒃ ᓂᕐᑐᕐᓇᕐᓂᕋᓗ ᓄᓇᕐᔪᐊᓕᒫᒥ ᐅᖃᐅᓯᐅᓕᖁᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 26:11

ᐊᑕᓃᖅ ᐊᒡᒐᑎᑦ ᐅᕐᓕᑐᕐᑐᑦ ᐃᓴᐅᑎᓯᒪᓕᕐᐸᑎᑦ, ᓱᓕᓕ ᑕᒪᑐᒥᖓ ᖃᐅᔨᓐᖏᓚᑦ. ᐃᓄᖁᑎᖕᓂᒃ ᓇᒡᓕᒍᓱᒃᑐᐊᓘᓂᕐᓂᒃ ᑕᑯᑎᓚᐅᒃᑭᑦ ᑲᓐᖑᓱᓕᖅᑯᓪᓗᒋᑦ. ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖏᑕ ᐃᑯᐊᓚᓂᖏᓐᓄᑦ ᓄᖑᑕᐅᑎᓚᐅᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 37:20

ᒫᓐᓇᓕ ᐊᑕᓃᖅ ᒎᑎᕗᑦ, ᓴᐳᑎᓚᐅᕐᑎᒍᑦ ᑖᑦᓱᒪ ᐱᔪᓐᓇᕐᓂᖓᓂᑦ, ᓯᓚᕐᔪᐊᕐᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᑦ ᑐᑭᓯᓕᖁᓪᓗᒋᑦ ᐃᕝᕕᑐᐊᖅ ᐊᑕᓂᑑᒐᕕᑦ.”

ᐃᓯᑭᐊᓕᐅᑉ ᐊᒡᓚᖏᑦ 36:23

ᐊᑎᕐᒪᓗ ᐃᑦᔪᕐᓁᑦᑐᕐᔪᐊᖑᓂᖓ ᖃᐅᔨᔭᐅᑎᓐᓂᐊᕐᐸᕋ, ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᓇᕐᕈᓇᕐᓯᑎᑕᐅᓚᐅᕐᑐᖅ, ᑖᒃᑯᓄᖓᓗ ᓇᕐᕈᓇᕐᓯᑎᓚᐅᕐᑕᑦᓯ; ᑕᕝᕙ ᐃᓅᖃᑎᒋᒡᔪᐊᑦ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐊᑕᓂᖅ ᒎᑎ ᐅᖃᕐᐳᖅ, ᐊᑐᕐᓂᐊᕐᐸᑦᓯ ᐃᑦᔪᕐᓁᑦᑑᓂᓐᓂᒃ ᖃᐅᔨᔭᐅᑎᓕᕈᒪ ᐃᓅᖃᑎᒌᒡᔪᐊᑦ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 38:16

ᐃᓄᖁᑎᒃᑲ ᐃᓴᕆᐊᓕᒥᐅᑦ ᐅᓇᑕᕆᐊᕈᒫᕐᐸᓯ, ᓄᕗᔭᒧᑦ ᓄᓇ ᐅᓕᒃᑕᐅᔪᑎᑐᑦ ᑍᒤᑦᓱᒫᕐᐸᓯ. ᑖᒃᑯᓇᓂ ᐅᓪᓗᐃᑦ ᑭᖑᓪᓕᖏᓐᓂ ᑎᓕᔪᒫᕐᐸᒋᑦ ᑎᒍᓯᔭᕐᑐᕐᑎᓪᓗᓯ ᓄᓇᖁᑎᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᓕᖁᓪᓗᒋᑦ ᐅᕙᓐᓂᒃ, ᐃᓕᖕᓂᒃ ᐊᑐᕐᓗᖓ ᒑᒡ, ᐃᑦᔪᕐᓁᑦᑑᓂᕋ ᖃᐅᔨᔭᐅᑎᑦᓱᒫᕐᐸᕋ ᑖᒃᑯᐊ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 38:23

ᑍᒫᒡᓗ ᐊᔪᖏᑦᑐᕐᔪᐊᖑᓂᕋ ᐃᑦᔪᕐᓁᓐᓂᕋᓗ ᖃᐅᔨᔭᐅᑎᑦᓱᒫᕐᐸᕋ ᐃᓅᖃᑎᒌᒡᔪᐊᓄᑦ ᑕᑯᔭᐅᑎᓪᓗᒍ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 39:13

ᑕᒫᓂ ᓄᓇᖃᕐᑐᓕᒫᑦ ᐃᓗᕕᕐᓯᖃᑕᐅᔪᒫᕐᐳᑦ ᑖᒃᑯᓂᖓ; ᑕᒪᓐᓇᓗ ᐅᐱᒋᔭᐅᑦᔪᑎᒋᔪᒫᕐᐹᑦ ᓂᕐᑐᕐᓇᕐᓂᓐᓂᒃ ᓴᖅᑭᑎᑦᓯᓂᕐᒪ ᐅᓪᓗᖓᓂ, ᐊᑕᓂᖅ ᒎᑎ ᐅᖃᕐᐳᖅ.

ᒤᑲᐅᑉ ᐊᒡᓚᖏᑦ 2:9

ᐃᓄᖁᑎᒃᑲ ᐊᕐᓁᑦ ᐊᓂᑎᓚᐅᕐᐸᓯ ᐊᖏᕐᕋᖏᓐᓂᑦ; ᐊᖏᕐᕋᕐᓯᒪᑦᓯᐊᕐᑐᑦ ᖁᕕᐊᓱᒃᓗᑎᒃ; ᕿᑐᕐᖓᖏᓐᓃᑦᑐᕐᓗ ᐱᓐᓇᕐᓇᕐᓂᕋ ᐲᕐᓯᒪᕙᓯ ᐃᓱᖃᖏᑦᑐᒧᑦ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 1:5

ᓇᖕᒥᓂᖅ ᑕᑯᔪᒫᕐᐳᓯ, ᐅᖃᕐᓗᓯᓗ, “ᐊᑕᓂᖅ ᐊᔪᒐᖃᖏᑦᑐᕐᔪᐊᖑᕗᖅ ᐊᒡᓛᑦ ᐃᓴᕆᐊᓕᒥᐅᑦ ᓄᓇᖓᑕ ᑭᒡᓕᖓᑕ ᐅᖓᑖᓃᑉᐳᖅ.”

ᓴᒧᐃᓕ ᓯᕗᓪᓖᑦ 5:11

ᑍᒤᒻᒪᑦ ᐱᓕᔅᑍᓂᒥᐅᑦ ᐊᖓᔪᖅᑳᓕᒫᖏᓐᓂᒃ ᕾᖁᔨᓚᐅᕐᐳᑦ ᑲᑎᖕᒪᑕᓗ ᐅᖃᐅᑎᕔᑦ, “ᐃᓴᕆᐊᓕᒥᐅᑉ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓ ᑕᒫᓐᖓᑦ ᐊᐅᓪᓚᕐᑎᑕᐅᓚᐅᕐᓕ ᐃᓂᖓᓄᓪᓗ ᐅᑎᕐᑎᑕᐅᓗᓂ, ᑐᖁᑕᐅᓂᐊᖏᓐᓇᑦᑕ ᐃᓚᕗᓪᓗ.” ᐃᒡᓗᒐᓴᓕᒫᓂᓗ ᑕᕝᕙᓂ ᐅᐃᒪᔮᕐᓂᖃᕐᐳᖅ ᑐᖁᑕᐅᓂᐊᕋᓱᒋᓪᓗᑎᒃ.

ᓴᒧᐃᓕ ᓯᕗᓪᓖᑦ 5:7

ᐋᔅᑖᑦᒥᐅᓪᓗ ᖃᐅᔨᒐᒥᒃ ᖃᓄᐃᓕᐅᕐᕕᐅᓂᕐᒥᖕᓂᒃ ᐅᖃᕐᐳᑦ, “ᐃᓴᕆᐊᓕᒥᐅᑦ ᒎᑎᖓᑦᑕ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐅᕙᑦᑎᓐᓃᖏᓐᓇᕆᐊᖃᓐᖏᓚᖅ, ᑖᑦᓱᒪ ᐱᔪᓐᓇᕐᓂᖓᓄᑦ ᐊᐅᓚᑕᐅᒻᒪᕆᓕᕋᑦᑕ ᒎᑎᕗᓪᓗ ᑍᒐᓐ ᐱᖃᓯᐅᑎᓪᓗᒍ.”

ᓴᒧᐃᓕ ᓯᕗᓪᓖᑦ 6:9

ᖃᐅᔨᓴᕐᑐᒃᓴᐅᕗᓯ ᓇᒧᓐᖓᐅᖕᒪᖔᑦ; ᑲᔪᓯᑐᐊᕐᐸᑦ ᓄᓇᓕᖕᓄᑦ ᐱᑦ-ᓯᒥᔅᒧᑦ, ᑐᑭᖃᕐᓂᐊᕐᐳᖅ ᐃᓴᕆᐊᓕᒥᐅᑦ ᒎᑎᖓᑕ ᑕᒪᓐᓇ ᐱᐅᖏᑦᑐᐊᓗᒃ ᐊᑑᑎᓚᐅᕐᑕᕗᑦ ᑎᑭᑎᓯᒪᖕᒪᒍ; ᑲᔪᓯᓐᖏᑐᐊᕐᐸᓪᓕ, ᖃᐅᔨᓂᐊᕐᐳᒍ ᑕᒪᓐᓇ ᖃᓂᒪᓇᕐᑐᖅ ᑖᑦᓱᒪ ᑎᑭᑎᓚᐅᖏᒻᒪᒍ; ᓇᓪᓕᐅᑎᔪᕕᓂᑐᐃᓐᓇᐅᒐᔭᕐᐳᕐᓕ.”