ᐃᓯᑭᐊᓕᐅᑉ ᐊᒡᓚᖏᑦ 39:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᓂᕆᔪᒃᓴᐅᕗᓯ ᐊᔪᖏᑦᑐᕐᔪᐊᑦ ᑎᒥᖏᓐᓂᒃ, ᐃᒥᕐᓗᓯᓗ ᓄᓇᒥ ᐊᖓᔪᖅᑳᕐᔪᐊᑦ ᐊᐅᖏᓐᓂᒃ, ᓰᐲᑦ ᐊᖑᓴᓪᓗᖏᑎᑐᑦ, ᓄᕐᕋᐅᔭᕐᑎᑐᓪᓗ, ᒎᑦᓯᑎᑐᑦ, ᐊᖑᓴᓪᓗᕐᑎᑐᓪᓗ, ᖁᐃᒃᓯᑦᓯᐊᕆᔭᐅᓯᒪᔪᑎᑐᑦ ᐹᓴᓂᒥ.

ᐃᓯᑭᐊᓕᐅᑉ ᐊᒡᓚᖏᑦ 39:18 ပူးပေါင်းရင်းမြစ်များ

ᐃᓐᖏᕈᑎᑦ 22:12

ᐃᒻᒧᒃᓯᐅᒊᑦ ᐊᖑᓴᓪᓗᖏᑕ ᐊᕙᓗᓯᒪᕚᖓ; ᐊᖑᓴᓪᓗᐃᑦ ᓴᓐᖏᔪᑦ ᐹᓴᓂᒥᐅᑦ ᐊᕙᑎᓐᓃᑉᐳᑦ.

ᐃᓐᖏᕈᑎᑦ 68:30

ᐃᕕᒡᔪᐊᓃᑦᑐᑦ ᐆᒪᔪᑦ ᐃᓂᕐᑎᒃᑭᑦ, ᐃᒻᒧᒃᓯᐅᒐᐅᑉ ᐸᖕᓂᖏᑦ ᓄᕐᕅᓪᓗ ᐃᓚᒋᓪᓗᒋᑦ. ᑕᒪᕐᒥᒃ ᓯᐅᓪᕕᕆᒥᒃ ᑐᓂᓯᓚᐅᖏᓐᓂᖏᓐᓂ. ᐊᕕᑎᓚᐅᒃᑭᑦ ᐃᓄᐃᑦ ᐅᓇᑕᕈᒪᔪᑦ.

ᐂᓮᐊᓯᐅᑉ ᐊᒡᓚᖏᑦ 34:6

ᐊᑕᓂᐅᑉ ᓴᕕᒡᔪᐊᖓ ᐊᐅᒥᑎᕐᓯᒪᕗᖅ; ᑐᓐᓄᕈᔫᓪᓗᓂᓗ, ᓰᐱᐅᑉ ᓄᕐᕋᖏᑕ ᒎᑦᓰᓪᓗ ᐊᐅᖏᓐᓂᑦ, ᓰᐲᓪᓗ ᐊᖑᓴᓪᓗᖏᑕ ᑕᕐᑐᕈᑎᖏᑕ ᑐᓐᓄᖏᓐᓂᑦ, ᐊᑕᓂᖅ ᑐᓂᕐᕈᓯᕐᓯᒪᖕᒪᑦ ᐳᔾᕋᒥ, ᐅᓄᕐᑐᕐᔪᐊᓂᒡᓗ ᑐᖁᕅᓪᓗᓂ ᐄᑐᒥᐅᑉ ᓄᓇᖓᓂ.

ᐂᓮᐊᓯᐅᑉ ᐊᒡᓚᖏᑦ 34:7

ᐃᒻᒧᒃᓯᐅᒊᑦ ᓄᔪᐊᕐᑐᑦ ᐸᖕᓂᖏᑦ ᐅᕐᕈᖃᑎᒋᔪᒫᕐᐰᑦ, ᐸᖕᓃᓪᓗ ᓴᓐᖏᔪᕐᔪᐊᑦ ᐱᖃᓯᐅᑦᔭᐅᓗᑎᒃ, ᓄᓇ ᐃᑦᑎᖃᓕᕈᒫᕐᐳᖅ ᐊᐅᕕᓂᖏᓐᓂᑦ, ᓄᓇᓗ ᐱᕈᕐᕕᒃᓴᑦᓯᐊᖑᓕᕈᒫᕐᐳᖅ ᑐᓐᓄᕈᔫᓗᓂ.

ᔨᕆᒤᐊᐅᑉ ᐊᒡᓚᖏᑦ 46:5

ᓱᓇᒥᒃ ᑕᑯᕗᖔ? ᑲᑉᐱᐊᓱᓕᕐᑐᓂᒃ ᐅᑎᕆᐊᓕᕐᓗᑎᒡᓗ, ᐅᓇᑕᕐᑎᖁᑎᖏᑦ ᓵᓚᐅᕗᑦ, ᑐᐊᕕᕐᓗᑎᒃ ᕿᒫᕗᑦ, ᑲᑉᐱᐊᓱᓕᕐᐳᑦ ᓇᑭᑐᐃᓐᓇᖅ ᐊᕙᑕᖏᕐᑕᐅᓕᕋᒥᒃ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 50:11

“ᖁᕕᐊᓱᒃᑲᑦᓯ ᓯᕆᓪᓗᓯᓗ, ᓇᒡᕚᕐᑕᕐᓂᑦᓯᓐᓄᑦ ᐃᓄᖁᑎᒪ ᐱᖏᓐᓂᒃ, ᒥᓯᒃᑕᕐᐳᓯ ᐊᕐᓇᓪᓗᒃᑎᑐᑦ ᐸᐅᕐᖓᒃᓴᓂᒃ ᓯᐊᒻᒪᕐᑎᕆᔪᑎᑐᑦ, ᓂᓪᓕᐊᓪᓗᓯᓗ ᕿᒻᒥᕐᔪᐊᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 50:27

ᐊᖑᓴᓪᓗᓐᖑᕋᑖᕐᑐᖁᑎᖏᑦ ᑐᖁᕋᕐᑕᐅᓕᑦ, ᑐᖁᓮᕕᖕᒧᐊᕐᑕᐅᓗᑎᒃ ᑲᑉᐱᐊᓐᓇᒦᒃ ᑖᒃᑯᓄᖓ ᐅᓪᓗᖅ ᓇᓪᓕᐅᓯᒪᖕᒪᑦ ᓱᒋᐊᕐᑕᐅᕕᒃᓴᖓᑦ!

ᔨᕆᒤᐊᐅᑉ ᐊᒡᓚᖏᑦ 51:40

ᑐᖁᑕᐅᑎᑦᓱᒫᕐᐸᒃᑲ ᓄᕐᕋᐅᔭᑎᑐᑦ, ᑐᖁᑕᐅᔭᕐᑐᕐᑎᓪᓗᒋᓪᓗ ᓰᐱᑎᑐᑦ ᐊᖑᓴᓪᓗᕐᑎᑐᑦ ᒎᑦᓯᑎᑐᓪᓗ.”

ᐃᓯᑭᐊᓕᐅᑉ ᐊᒡᓚᖏᑦ 29:5

ᐃᒋᑦᓱᒫᕐᐸᒋᓪᓗ ᓄᓇᒧᑦ ᐃᓄᖃᔪᐃᑦᑐᒧᑦ, ᑰᖁᑎᕕᑦ ᐃᖃᓗᖏᑦ ᐱᖃᓯᐅᑎᓗᒋᑦ; ᑎᒦᑦ ᒪᓂᖅᑲᒦᑐᐃᓐᓇᕈᒫᕐᐳᖅ ᐃᓗᕕᕐᓯᒪᖏᓪᓗᓂ. ᓂᕿᒋᔭᐅᑎᓕᕈᒫᕐᐸᒋᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 34:17

ᐃᓕᑦᓯᓕ ᓰᐱᖁᑎᒃᑲ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᖅᑲᕐᑐᕈᒫᕐᐸᒃᑲ ᓰᐲᑦ ᐊᑐᓂᑦ, ᓰᐲᓪᓗ ᐊᖑᓴᓪᓗᖏᑦ ᒎᑦᓰᓪᓗ ᐊᖑᓴᓪᓗᖏᑦ.

ᐃᓯᑭᐊᓕᐅᑉ ᐊᒡᓚᖏᑦ 34:8

ᐃᓅᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᓰᐱᖁᑎᒃᑲ ᑐᖁᑕᐅᖃᑦᑕᓕᕐᐳᑦ, ᐆᒪᔪᓄᓪᓗ ᐃᕐᓯᓇᕐᑐᓄᑦ ᖃᓄᐃᑦᑐᑐᐃᓐᓇᓄᑦ ᓂᕿᒋᔭᐅᖃᑦᑕᓕᕐᐳᑦ, ᐰᕐᓯᔨᖃᖏᓐᓇᒥᒃ; ᐰᕐᓯᔨᖁᑎᒃᑲ ᕿᓂᕆᐊᓚᐅᕐᓯᒪᖏᒻᒪᑕ ᓰᐱᖁᑎᓐᓂᒃ, ᐰᕐᓯᔩᑦ ᐃᒥᖕᓃᓐᓇᖅ ᓂᕆᑎᑐᐃᓐᓇᖃᑦᑕᕐᒪᑕ, ᓰᐱᖁᑎᒃᑲᓗ ᓂᕆᑎᓚᐅᕐᓯᒪᓇᒋᑦ;

ᐃᓯᑭᐊᓕᐅᑉ ᐊᒡᓚᖏᑦ 39:19

ᓂᕆᔪᒃᓴᐅᕗᓯ ᐅᕐᓱᖏᓐᓂᒃ ᐊᕿᐊᑦᑐᕐᓗᓯ, ᐊᐅᖕᒥᒡᓗ ᐃᒥᕐᓗᓯ ᐋᖓᔮᓕᖏᓐᓂᑦᓯᓐᓂ, ᑕᒪᒃᑯᐊ ᑐᓂᕐᕈᑕᐅᓯᒪᕗᑦ ᓂᕆᕕᒡᔪᐊᒃᓴᑦ ᐃᓕᑦᓯᓐᓄᑦ ᐅᐸᓗᖎᔭᕐᓯᒪᔭᒃᑲ.

ᐂᒨᓯᐅᑉ ᐊᒡᓚᖏᑦ 4:1

ᓈᓚᒋᑦᓯ ᐃᓕᑦᓯ ᐊᕐᓁᑦ ᖃᖅᑲᒥ ᓴᒥᐊᕆᐊᒥ ᐃᓂᖃᕐᑐᓯ, ᐹᓴᓂᒥᐅᑦ ᐃᒻᒧᒃᓯᐅᒐᖁᑎᖏᑎᑐᑦ ᖁᐃᓂᔪᑎᑐᑦ ᑍᒤᑦᑐᓯ, ᐊᒃᓱᕈᕐᑎᑦᓯᔪᓯ ᐊᔪᕐᓴᕐᑐᓂᒃ, ᓱᓇᐅᔪᓐᓁᕐᑎᑦᓯᔪᓯᓗ ᐃᑲᔪᕐᑕᐅᔭᕆᐊᓕᖕᓂᒃ, ᐅᐃᑦᓯᓐᓄᑦ ᐅᖃᕋᑦᓯ, “ᕔᓂᒥᒃ ᐂᑦᑐᕐᑎᒍᑦ ᐃᒥᕐᓂᐊᕋᑕ!”

ᒨᓯᓯ ᑕᓪᓕᒪᖏᑦ 32:14

ᐃᒻᒧᒃᓯᐅᒐᖁᑎᖏᑦ ᒎᑦᓯᖁᑎᖏᓪᓗ ᐃᒻᒧᓕᐊᓘᓚᐅᕐᐳᑦ; ᓰᐱᖁᑎᖏᑦ, ᐊᖑᓴᓪᓗᖁᑎᖏᓪᓗ, ᐃᒻᒧᒃᓯᐅᒐᖁᑎᖏᓪᓗ ᐹᓴᓂᒥ ᐱᐅᓂᕐᐹᖑᓚᐅᕐᐳᑦ ᖁᐃᓂᔫᓪᓗᑎᒃ, ᓂᐊᖂᔭᒃᓴᖁᑎᖏᓪᓗ ᓯᖃᓪᓕᓯᒪᑦᓯᐊᓚᐅᕐᐳᑦ ᐊᑦᔨᒌᖏᑦᑐᓂᒡᓗ ᕔᓂᖁᑎᖃᐅᑦᓯᐊᕐᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:21

ᐊᓯᖏᓪᓗ ᐅᓇᑕᕐᑐᒃᓴᖁᑎᖏᑦ ᓴᕕᒡᔪᐊᒧᑦ ᑐᖁᑕᐅᕗᑦ ᑖᑦᓱᒪ ᕿᒻᒥᕐᔪᐊᕐᒥ ᐃᑭᒪᔫᑉ ᖃᓂᖓᓂᑦ ᐊᓂᓯᒪᔪᒧᑦ; ᑎᖕᒥᐊᓕᒫᓄᓪᓗ ᑎᒥᕕᓂᖏᑦ ᓂᕆᔭᐅᕗᑦ.