ᐃᓯᑭᐊᓕᐅᑉ ᐊᒡᓚᖏᑦ 39:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ “ᐃᕝᕕᓪᓕ, ᐃᓅᑉ ᐃᕐᓂᖓ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑎᖕᒥᐊᑦ ᐊᑦᔨᒌᖏᑦᑐᑦ ᐅᖃᐅᑎᒃᑭᑦ ᐆᒪᔪᓕᒫᓪᓗ ᓇᑎᕐᓇᒦᑦᑐᑦ, ‘ᑲᑎᓪᓗᓯ ᕾᒋᑦᓯ, ᓇᑭᓕᒫᖅ ᑲᑎᕐᓱᕐᓗᓯ ᓂᕆᔭᕐᑐᕆᑦᓯ ᑐᓂᕐᕈᑎᒃᓴᒥᒃ ᓂᕆᕕᒡᔪᐊᕈᑎᒃᓴᒥᒃ ᐃᓕᑦᓯᓐᓄᑦ ᐅᐸᓗᖎᔭᕐᓯᒪᔭᓐᓂᒃ, ᐊᖏᔪᕐᔪᐊᒥᒃ ᑐᓂᕐᕈᑎᒃᓴᒥᒃ ᓂᕆᕕᒡᔪᐊᕐᑐᖃᕈᒫᕐᐳᖅ ᐃᓴᕆᐊᓕᐅᑉ ᖃᖅᑲᖏᓐᓂ, ᓂᕿᓂᒃ ᓂᕆᔪᒃᓴᐅᕗᓯ ᐃᒥᕐᓗᓯᓗ ᐊᐅᖕᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 39:17 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 31:54

ᔧᑯᓗ ᐆᒪᔪᒥᒃ ᑐᓂᕐᕈᑎᖃᕐᐳᖅ ᑐᓂᕐᕈᓯᕈᑎᒋᓪᓗᒍ ᖃᖅᑲᒥ, ᐃᓚᓂᓗ ᕾᖁᕔᑦ ᓂᕆᑲᑎᒌᒃᓗᑎᒡᓗ; ᓂᕆᔭᕇᕋᒥᒡᓗ, ᑕᕝᕙᓂ ᖃᖅᑲᒥ ᓯᓂᒃᑕᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 18:6

ᐃᓘᓐᓇᓕᒫᑦᓯᐊᑎᒃ ᕿᒤᓐᓇᕐᑕᐅᔪᒫᕐᐳᑦ ᑎᖕᒥᐊᓄᑦ ᓂᕿᑐᕐᑐᓄᑦ ᖃᖅᑲᓃᑦᑐᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ. ᐊᐅᔭᓕᒫᖅ ᑎᖕᒥᐊᓄᑦ ᓂᕿᒋᔭᐅᓕᕈᒫᕐᐳᑦ, ᐅᑭᐅᓕᒫᕐᓗ ᐆᒪᔪᓄᑦ ᓄᓇᒦᑦᑐᓄᑦ ᓂᕿᒋᔭᐅᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 29:2

ᐃᓱᐃᓪᓕᐅᕐᑎᑦᓴᕆᐊᖃᕐᐸᕋᓕ ᐊᕅᐅᓪ, ᑕᒪᓐᓇ ᓇᓪᓕᐅᑎᒃᐸᑦ ᕿᒃᓵᖕᓂᖃᕈᒫᕐᐳᖅ ᐅᒡᒍᐊᕐᓂᖃᕐᓗᓂᓗ, ᑕᒪᑐᒪᓕ ᑭᖑᓂᖓᒍᑦ ᐂᕆᐅᓪᓚᕆᐅᓕᕈᒫᕐᐳᖅ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 34:6

ᐊᑕᓂᐅᑉ ᓴᕕᒡᔪᐊᖓ ᐊᐅᒥᑎᕐᓯᒪᕗᖅ; ᑐᓐᓄᕈᔫᓪᓗᓂᓗ, ᓰᐱᐅᑉ ᓄᕐᕋᖏᑕ ᒎᑦᓰᓪᓗ ᐊᐅᖏᓐᓂᑦ, ᓰᐲᓪᓗ ᐊᖑᓴᓪᓗᖏᑕ ᑕᕐᑐᕈᑎᖏᑕ ᑐᓐᓄᖏᓐᓂᑦ, ᐊᑕᓂᖅ ᑐᓂᕐᕈᓯᕐᓯᒪᖕᒪᑦ ᐳᔾᕋᒥ, ᐅᓄᕐᑐᕐᔪᐊᓂᒡᓗ ᑐᖁᕅᓪᓗᓂ ᐄᑐᒥᐅᑉ ᓄᓇᖓᓂ.

ᐂᓮᐊᓯᐅᑉ ᐊᒡᓚᖏᑦ 34:7

ᐃᒻᒧᒃᓯᐅᒊᑦ ᓄᔪᐊᕐᑐᑦ ᐸᖕᓂᖏᑦ ᐅᕐᕈᖃᑎᒋᔪᒫᕐᐰᑦ, ᐸᖕᓃᓪᓗ ᓴᓐᖏᔪᕐᔪᐊᑦ ᐱᖃᓯᐅᑦᔭᐅᓗᑎᒃ, ᓄᓇ ᐃᑦᑎᖃᓕᕈᒫᕐᐳᖅ ᐊᐅᕕᓂᖏᓐᓂᑦ, ᓄᓇᓗ ᐱᕈᕐᕕᒃᓴᑦᓯᐊᖑᓕᕈᒫᕐᐳᖅ ᑐᓐᓄᕈᔫᓗᓂ.

ᐂᓮᐊᓯᐅᑉ ᐊᒡᓚᖏᑦ 56:9

“ᐆᒪᔪᓕᒫᑦ ᓄᔪᐊᕐᑐᑦ ᓇᑎᕐᓇᒥᐅᑦ, ᓂᕆᔭᕐᑐᓕᕆᑦᓯ, ᐆᒪᔪᓕᒫᓪᓗ ᓇᐹᕐᑐᓕᖕᒥᐅᑦ.

ᔨᕆᒤᐊᐅᑉ ᐊᒡᓚᖏᑦ 12:9

ᐃᓄᖁᑎᒋᔪᒪᓪᓗᒋᑦ ᓂᕈᐊᓚᐅᕐᑕᒃᑲ ᑎᖕᒥᐊᑎᑐᑦ ᐅᑭᓕᕆᐊᑐᑦ ᑍᒤᓕᕐᐳᑦ ᑎᖕᒥᐊᖑᖃᑎᖏᓐᓄᑦ ᓂᕆᔭᐅᓇᓱᐊᕐᑐᑎᑐᑦ, ᐆᒪᔪᑦ ᐃᕐᓯᓇᕐᑐᑦ ᕾᖁᓕᒃᑭᑦ ᑖᒃᑯᓂᖓ ᓂᕆᖃᑕᐅᓂᐊᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 25:33

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᕐᒧᑦ ᑐᖁᕋᕐᑕᐅᔪᕕᓃᑦ ᓇᓂᑐᐃᓐᓇᖅ ᑕᑯᔭᒃᓴᐅᔪᒫᕐᐳᑦ, ᓄᓇᕐᔪᐊᑉ ᑭᒡᓕᖓᓂᑦ ᑭᒡᓕᖓᓄᑦ. ᐅᒡᒍᐊᕈᑕᐅᔪᒫᓐᖏᓚᑦ ᑲᑎᕐᓱᕐᑕᐅᔪᓐᓇᖏᓪᓗᑎᒃ, ᐃᓗᕕᕐᑕᐅᔪᓐᓇᖏᓪᓗᑎᒡᓗ, ᐊᓇᕐᑎᑐᓪᓕ ᑕᒫᓃᕐᕆᑐᐃᓐᓇᕈᒫᕐᐳᑦ ᒪᓂᖅᑲᒥ.

ᔨᕆᒤᐊᐅᑉ ᐊᒡᓚᖏᑦ 46:10

ᐅᓪᓗᖅ ᑍᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᐅᑉ ᐅᓪᓗᖁᑎᒋᕚ, ᐅᓪᓗᖅ ᐊᑭᓂᐊᕐᕕᒋᕚ, ᐊᑭᕋᕐᑐᕐᑎᓂ ᐊᑭᓂᐊᕐᕕᒋᔪᒫᕐᒪᒋᑦ, ᓴᕕᒡᔪᐊᒧᑦ ᑲᐱᔭᐅᔪᖅ ᑐᖁᓗᓂ ᑭᓯᐊᓂᐅᕗᖅ, ᐊᐅᖕᒥᒃ ᑯᕕᓯᖏᓐᓂᖓᓂ ᓄᖅᑲᐅᑎᔭᐅᓂᐊᓐᖏᓚᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᑐᓂᕐᕈᓯᕐᓂᐊᕐᒪᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᓄᓇᖓᓐᓂ ᑰᑉ ᐃᕗᕅᑎᐅᑉ ᖃᓂᒋᔭᖓᓂ.

ᐃᓯᑭᐊᓕᐅᑉ ᐊᒡᓚᖏᑦ 29:5

ᐃᒋᑦᓱᒫᕐᐸᒋᓪᓗ ᓄᓇᒧᑦ ᐃᓄᖃᔪᐃᑦᑐᒧᑦ, ᑰᖁᑎᕕᑦ ᐃᖃᓗᖏᑦ ᐱᖃᓯᐅᑎᓗᒋᑦ; ᑎᒦᑦ ᒪᓂᖅᑲᒦᑐᐃᓐᓇᕈᒫᕐᐳᖅ ᐃᓗᕕᕐᓯᒪᖏᓪᓗᓂ. ᓂᕿᒋᔭᐅᑎᓕᕈᒫᕐᐸᒋᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 39:16

ᐃᒡᓗᒐᓴᒡᔪᐊᓪᓗ ᕼᐊᒨᓇᒥᒃ ᐊᑎᖃᓕᕈᒫᕐᐳᑦ. ᑖᒃᑯᓇᓐᖓᑦ ᓄᓇ ᓴᓗᒻᒪᕐᑕᐅᔪᒫᕐᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 39:4

ᐃᓴᕆᐊᓕᒥᐅᑦ ᖃᖅᑲᖏᓐᓂ ᑐᖁᑕᐅᔪᒫᕐᐳᑎᑦ, ᐅᓇᑕᕐᑎᒐᓴᒡᔪᐊᑎᓪᓗ ᐃᓄᐃᓪᓗ ᐃᓚᒋᔭᑎᑦ; ᑎᖕᒥᐊᓄᑦ ᖃᓄᐃᑦᑐᑐᐃᓐᓇᕐᓄᑦ ᓂᕿᑐᓲᓕᒫᓄᑦ ᐆᒪᔪᓄᓪᓗ ᓄᔪᐊᕐᑐᓄᑦ ᓂᕆᔭᐅᔪᒫᕐᐳᓯ.

ᔨᐸᓁᐊᐅᑉ ᐊᒡᓚᖏᑦ 1:7

ᓂᐰᓕᕆᑦᓯ ᐊᑕᓂᐅᑉ ᒎᑎᐅᑉ ᓵᖓᓂ! ᐊᑕᓂᐅᑉ ᐅᓪᓗᖓ ᑎᑭᓕᕐᒪᑦ; ᐊᑕᓂᖅ ᑐᓂᕐᕈᑎᒃᓴᒥᓂᒃ ᐊᑐᐃᓐᓇᕈᐃᓯᒪᓕᕐᒪᑦ ᕾᖁᓯᒪᔭᓂᓗ ᐃᑦᔪᕐᓁᑎᑉᐰᑦ.

ᒫᑎᐅᓯᐅᑉ ᐊᒡᓚᖏᑦ 24:28

“ᓇᓂᓕᒫᖅ ᑐᖁᖓᔪᖃᓕᕌᖓᑦ, ᑎᖕᒥᐊᕐᔪᐊᑦ ᓂᕿᑐᓲᑦ ᑎᒥᕕᓂᕐᒧᑦ ᑲᑎᓲᖑᕗᑦ.”

ᓴᒧᐃᓕ ᓯᕗᓪᓖᑦ 16:3

ᔨᓯᓗ ᕾᖁᓗᒍ ᑐᓂᕐᕈᓯᕆᐊᕐᑐᖁᔭᒃᓴᕆᕙᑦ, ᖃᐅᔨᑎᑦᓱᒫᕐᐸᒋᑦ ᖃᓄᐃᓕᐅᕐᑐᒃᓴᐅᓂᕐᓂᒃ; ᐅᕐᓱᕐᑎᕐᑕᒃᓴᕆᕙᓪᓗ ᑍᓐᓇ ᐊᑎᖓ ᑍᔭᕋ.”

ᓴᒧᐃᓕ ᓯᕗᓪᓖᑦ 17:46

ᐅᓪᓗᒥ ᑕᕝᕙᓂ ᐊᑕᓂᐅᑉ ᑐᓂᓂᐊᕐᐹᑎᑦ ᐱᔪᓐᓇᕐᓂᓐᓄᑦ, ᐱᒋᐊᕐᓂᐊᕐᐸᒋᑦ, ᓂᐊᖁᐃᓪᓗ ᓇᑲᓐᓂᐊᕐᐸᕋ; ᐅᓪᓗᒥᓗ ᐱᓕᔅᑍᓂᒥᐅᑦ ᑕᖕᒫᕐᓯᒪᕕᖓᓂ ᑎᒥᕕᓃᑦ ᑐᓂᓂᐊᕐᐸᕋ ᑎᖕᒥᐊᓄᑦ ᖃᖓᑕᖃᑦᑕᕐᑐᓄᑦ ᐅᒫᔪᓄᓪᓗ ᓄᓇᒦᑦᑐᓄᑦ; ᓄᓇᕐᔪᐊᕐᒥᐅᓕᒫᑦ ᖃᐅᔨᖁᓪᓗᒋᑦ ᐃᓴᕆᐊᓕᒥ ᒎᑎᑕᖃᕐᒪᑦ.

ᓴᒧᐃᓕ ᓯᕗᓪᓖᑦ 9:13

ᐃᒡᓗᒐᓴᖕᓄᐊᑐᐊᕈᑦᓯ, ᑕᑯᓂᐊᕐᐸᓯ ᖃᖅᑲᒧᐊᓚᐅᕐᑎᓐᓇᒍ ᐱᓪᓚᕆᐅᓂᕐᐹᒧᑦ ᓂᕆᔭᕐᑐᕐᓗᓂ; ᐃᓄᐃᑦ ᕾᖁᔭᐅᓯᒪᔪᑦ ᓂᕆᑦᔮᖏᑦᑐᑦ ᑖᓐᓇ ᕾᓚᐅᖏᓐᓂᖓᓂ, ᑖᑦᓱᒪ ᓮᒻᒪᕐᑎᑦᓴᕆᐊᖃᕐᒪᒋᑦ ᑐᓂᕐᕈᑏᑦ; ᑭᖑᓂᖓᒍᑦ ᕾᖁᔭᐅᓯᒪᔪᑦ ᓂᕆᓕᕐᓂᐊᕐᐳᑦ. ᒫᓐᓇ ᐂᒍᑦᓯᒃ, ᐊᖑᓂᐊᕐᐸᓯᒃ ᑕᑉᐸᐅᓐᖓᑐᐊᕈᑦᓯᒃ.”