ᐃᓯᑭᐊᓕᐅᑉ ᐊᒡᓚᖏᑦ 38:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑍᒫᒡᓗ ᐊᔪᖏᑦᑐᕐᔪᐊᖑᓂᕋ ᐃᑦᔪᕐᓁᓐᓂᕋᓗ ᖃᐅᔨᔭᐅᑎᑦᓱᒫᕐᐸᕋ ᐃᓅᖃᑎᒌᒡᔪᐊᓄᑦ ᑕᑯᔭᐅᑎᓪᓗᒍ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 38:23 ပူးပေါင်းရင်းမြစ်များ

ᐃᓐᖏᕈᑎᑦ 9:16

ᐊᑕᓂᖅ ᖃᐅᔨᒪᔭᐅᕗᖅ ᐃᖅᑲᕐᑐᐃᓂᖏᑕ ᐱᓂᐊᕐᓂᖏᑎᒍᑦ; ᐱᐅᖏᑦᑐᓕᔪᑦ ᓂᒐᕐᓯᒪᕗᑦ ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓯᒪᔭᒥᖕᓄᑦ. ᐃᓱᒪᒃᓴᕐᓯᐅᕐᓂᖅ ᑐᒃᓯᐊᕐᓂᒃᑯᑦ. ᓰᓚ

ᒨᓯᓯ ᐂᑉᐸᖏᑦ 14:4

ᐱᔭᕐᓂᕈᓐᓃᕐᑎᓐᓂᐊᕋᒃᑯ, ᐃᓕᑦᓯᓐᓂᒡᓗ ᒪᓕᒃᓴᕐᓂᐊᕐᐳᖅ, ᓵᓚᖃᕐᓂᕋᓗ ᐊᖓᔪᖅᑳᕐᔪᐊᒥᒃ ᐅᓇᑕᕐᑐᒃᓴᖁᑎᖏᓐᓂᒡᓗ ᐅᐱᒋᔭᐅᑦᔪᑎᒋᓂᐊᕐᐸᕋ, ᑕᕝᕙ ᐄᑦᔨᑉᑎᒥᐅᑦ ᖃᐅᔨᓂᐊᕐᐳᑦ ᐊᑕᓂᐅᓂᓐᓂᒃ.” ᐃᓴᕆᐊᓕᒥᐅᓪᓗ ᐱᖁᔭᐅᓂᑎᒃ ᒪᓕᒡᓗᒍ ᐱᓂᐊᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 25:3

ᑍᒤᒻᒪᑦ ᐃᓅᖃᑎᒌᒡᔪᐊᑦ ᐱᔪᓐᓇᕐᓂᕐᔪᐊᖃᕐᑐᑦ ᓂᕐᑐᕈᒫᕐᐹᑎᑦ; ᐃᓅᖃᑎᒌᒡᔪᐊᑦ ᓇᒡᓕᖕᓂᖃᖏᑦᑐᑦ ᓯᕘᕋᒋᔪᒫᕐᐹᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 20:41

ᑐᓂᕐᕈᑏᑦ ᑎᐱᑦᓯᐊᕆᖕᓂᖏᓐᓄᑦ ᐃᓚᓕᐅᕈᒫᕐᐸᑦᓯ, ᓄᓇᓂᑦ ᓯᐊᒻᒪᕐᑎᑕᐅᓯᒪᕕᒋᔭᑦᓯᓐᓂᑦ ᐅᑎᕐᑎᒃᑯᑦᓯ; ᐃᑦᔪᕐᓁᓐᓂᕋ ᐃᓕᑦᓯᓐᓄᑦ ᓴᖅᑭᑎᑦᓱᒫᕐᐸᕋ ᐃᓅᖃᑎᒌᒡᔪᐊᑦ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 20:42

ᑕᕝᕙ ᑐᑭᓯᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ, ᐃᓴᕆᐊᓕᐅᑉ ᓄᓇᖓᓄᑦ ᐅᑎᕐᑎᒃᑯᑦᓯ, ᓯᕗᓕᑦᓯᓐᓄᑦ ᓄᓇᒋᔭᐅᖁᓪᓗᒍ ᐊᖏᕈᑎᒋᓚᐅᕐᑕᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 28:22

ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓮᑐᓃ ᐊᑭᕋᕐᑐᓕᕐᐸᒋᑦ, ᐊᑯᓐᓇᑦᓯᓐᓂ ᓂᕐᑐᕐᓇᕐᓂᕋ ᓴᖅᑭᑎᓐᓂᐊᕐᐸᕋ. ᖃᐅᔨᔪᒫᕐᐳᓪᓗ ᐅᕙᖓᐅᒐᒪ ᐊᑕᓂᖅ, ᐃᓕᑦᓯᓐᓂᒃ ᓱᒋᐊᕐᓯᓕᕈᒪ, ᐃᑦᔪᕐᓁᓐᓂᕋᓗ ᓴᖅᑭᑎᒃᑯᒃᑯ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 28:25

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᑦ ᑲᑎᕐᓱᓕᕈᒃᑭᑦ ᐃᓄᖕᓂᑦ ᓯᐊᒻᒪᕐᑎᑕᐅᕕᖏᓐᓂᑦ, ᐃᑦᔪᕐᓁᓐᓂᕋᓗ ᑖᒃᑯᑎᒎᓇᖅ ᓴᖅᑭᑎᓕᕈᒃᑯ ᐃᓅᖃᑎᒌᒡᔪᐊᓄᑦ, ᑕᕝᕙ ᐃᓴᕆᐊᓕᒥᐅᑦ ᓇᖕᒥᓂᖅ ᓄᓇᒥᖕᓂ ᓄᓇᖃᓕᕈᒫᕐᐳᑦ ᐱᔨᓐᓄᑦ ᔧᑯᒧᑦ ᑐᓂᓚᐅᕐᑕᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 36:23

ᐊᑎᕐᒪᓗ ᐃᑦᔪᕐᓁᑦᑐᕐᔪᐊᖑᓂᖓ ᖃᐅᔨᔭᐅᑎᓐᓂᐊᕐᐸᕋ, ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᓇᕐᕈᓇᕐᓯᑎᑕᐅᓚᐅᕐᑐᖅ, ᑖᒃᑯᓄᖓᓗ ᓇᕐᕈᓇᕐᓯᑎᓚᐅᕐᑕᑦᓯ; ᑕᕝᕙ ᐃᓅᖃᑎᒋᒡᔪᐊᑦ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐊᑕᓂᖅ ᒎᑎ ᐅᖃᕐᐳᖅ, ᐊᑐᕐᓂᐊᕐᐸᑦᓯ ᐃᑦᔪᕐᓁᑦᑑᓂᓐᓂᒃ ᖃᐅᔨᔭᐅᑎᓕᕈᒪ ᐃᓅᖃᑎᒌᒡᔪᐊᑦ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 37:28

ᑕᕝᕙ ᐃᓅᖃᑎᒌᒡᔪᐊᑦ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᖅ ᐃᓴᕆᐊᓕᒥᐅᓂᒃ ᐃᑦᔪᕐᓁᑎᑦᓯᒐᒪ, ᐃᑦᔪᕐᓁᑦᑐᕕᖁᑎᒪ ᑖᒃᑯᐊ ᐊᑯᕐᖓᓐᓃᓐᓂᖓᓄᑦ ᐃᓱᖃᖏᑦᑐᒧᑦ.”

ᐃᓯᑭᐊᓕᐅᑉ ᐊᒡᓚᖏᑦ 37:6

ᓄᑭᒃᑖᕐᑎᓐᓂᐊᕐᐸᑦᓯ, ᑎᒥᓯᓗ ᓂᕿᑖᕐᑎᓪᓗᒋᑦ, ᐅᓕᒡᓗᓯᓗ ᐅᕕᓂᖃᖁᓪᓗᓯ, ᐊᓂᕐᓂᕐᑖᕐᑎᓐᓂᐊᕐᐸᑦᓯᓗ, ᑕᕝᕙ ᐆᒻᒪᕐᓂᐊᕐᐳᓯ; ᑕᕝᕙ ᖃᐅᔨᓕᕐᓂᐊᕐᐳᓯ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 38:16

ᐃᓄᖁᑎᒃᑲ ᐃᓴᕆᐊᓕᒥᐅᑦ ᐅᓇᑕᕆᐊᕈᒫᕐᐸᓯ, ᓄᕗᔭᒧᑦ ᓄᓇ ᐅᓕᒃᑕᐅᔪᑎᑐᑦ ᑍᒤᑦᓱᒫᕐᐸᓯ. ᑖᒃᑯᓇᓂ ᐅᓪᓗᐃᑦ ᑭᖑᓪᓕᖏᓐᓂ ᑎᓕᔪᒫᕐᐸᒋᑦ ᑎᒍᓯᔭᕐᑐᕐᑎᓪᓗᓯ ᓄᓇᖁᑎᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᓕᖁᓪᓗᒋᑦ ᐅᕙᓐᓂᒃ, ᐃᓕᖕᓂᒃ ᐊᑐᕐᓗᖓ ᒑᒡ, ᐃᑦᔪᕐᓁᑦᑑᓂᕋ ᖃᐅᔨᔭᐅᑎᑦᓱᒫᕐᐸᕋ ᑖᒃᑯᐊ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 39:13

ᑕᒫᓂ ᓄᓇᖃᕐᑐᓕᒫᑦ ᐃᓗᕕᕐᓯᖃᑕᐅᔪᒫᕐᐳᑦ ᑖᒃᑯᓂᖓ; ᑕᒪᓐᓇᓗ ᐅᐱᒋᔭᐅᑦᔪᑎᒋᔪᒫᕐᐹᑦ ᓂᕐᑐᕐᓇᕐᓂᓐᓂᒃ ᓴᖅᑭᑎᑦᓯᓂᕐᒪ ᐅᓪᓗᖓᓂ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 39:21

“ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᓂᕐᑐᕐᓇᕐᓂᕐᔪᐊᕋ ᐃᓂᑖᕐᑎᑦᓱᒫᕐᐸᕋ; ᐃᓅᖃᑎᒌᒡᔪᐊᓕᒫᓪᓗ ᑕᑯᔪᒫᕐᐳᑦ ᐋᖅᑭᒃᓱᐃᓂᒃᑯᑦ ᐱᓇᓱᐊᕐᓯᒪᓂᓐᓂᒃ, ᐱᔪᓐᓇᕐᓂᕋᓗ ᐊᑐᕐᓗᒍ ᐱᓇᓱᐊᕐᕕᒋᓯᒪᒐᒃᑭᑦ.

ᐃᓯᑭᐊᓕᐅᑉ ᐊᒡᓚᖏᑦ 39:27

ᐃᓄᖁᑎᒃᑲ ᐅᑎᕐᑎᓯᒪᓕᕈᒃᑭᑦ ᐃᓄᖕᓂᑦ ᑲᑎᕐᓱᕐᓯᒪᓕᕈᒃᑭᓪᓗ ᐊᑭᕋᖏᑕ ᓄᓇᖏᓐᓂᑦ, ᑖᒃᑯᑎᒎᓇᖅ ᐃᓅᖃᑎᒌᒡᔪᐊᑦ ᖃᐅᔨᑎᑦᓱᒫᕐᐸᒃᑲ ᐃᑦᔪᕐᓁᑦᑑᓂᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 39:7

ᐊᑎᕋ ᐃᑦᔪᕐᓁᑦᑐᖅ ᖃᐅᔨᔭᐅᑎᑦᓱᒪᒐᒃᑯ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ; ᐊᑎᕋᓗ ᓇᕐᕈᓇᕐᓯᑎᑕᐅᖁᔪᓐᓁᕋᒃᑯ; ᐃᓅᖃᑎᒌᒡᔪᐊᓪᓗ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.