ᐃᓯᑭᐊᓕᐅᑉ ᐊᒡᓚᖏᑦ 38:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᒑᒡᒥᐅᓪᓗ ᑲᑉᐱᐊᓱᒃᑎᑦᓱᒫᕐᐸᒃᑲ ᑲᑉᐱᐊᓇᕐᑐᓄᑦ ᐊᑦᔨᒌᖏᑦᑐᓄᑦ, ᐊᑕᓂᖅ ᒎᑎ ᐅᖃᕐᐳᖅ; ᐅᓇᑕᕐᑎᖁᑎᓕᒫᖏᑦ ᐃᒻᒥᖕᓄᑦ ᑐᖁᕋᖃᑦᑕᐅᑎᓕᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 38:21 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 20:23

ᐊᒧᓁᒥᐅᑦ ᒧᐊᐱᒥᐅᓪᓗ ᐅᓇᑕᓕᓚᐅᕐᐳᑦ ᖃᖅᑲᒥ ᓰᐊᕆᒥᐅᓂᒃ, ᑐᖁᕋᕐᐰᓪᓗ ᓄᖑᑦᓯᐊᕐᓗᒋᑦ, ᓯᐊᕆᒥᐅᑦ ᓄᖑᓐᓇᒥᒋᑦ, ᑕᕝᕙ ᐃᒻᒥᖕᓄᑦ ᓵᓪᓗᑎᒃ ᑐᖁᕋᖃᑦᑕᐅᑎᓕᓚᐅᕆᕗᑦ.

ᐃᓐᖏᕈᑎᑦ 105:16

ᐊᒻᒪ ᓄᓇᒧᑦ ᑳᖕᓇᕐᑐᕐᔪᐊᒥᒃ ᑎᑭᑎᑦᓯᓚᐅᕆᕗᖅ, ᓂᐊᖂᔭᒃᓴᓕᒫᑦ ᓄᖑᑎᓚᐅᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 66:16

ᐃᑯᒪᒧᑦ ᐱᓂᐊᕐᓂᖃᕈᒫᕐᐳᖅ ᐃᖅᑲᕐᑐᐃᓂᕐᒥᒃ, ᓴᕕᒡᔪᐊᒥᓄᓪᓗ ᐃᓅᔪᓕᒫᓂᒃ ᐱᓇᓱᐊᕐᕕᖃᕈᒫᕐᐳᖅ; ᑐᖁᑕᐅᔪᓪᓗ ᐊᑕᓂᕐᒧᑦ ᐅᓄᕐᑐᐊᓘᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 25:29

ᑕᑯᓕᕆᑦᓯ, ᐃᒡᓗᒐᓴᒡᔪᐊᖁᑎᒪ ᐊᓯᕈᕐᑕᐅᑦᔪᑎᒃᓴᖓᓂᒃ ᑎᑭᑎᑦᓯᕙᓪᓕᐊᓕᕐᐳᖓ, ᓱᒋᐊᕐᑕᐅᓂᐊᕋᓱᒋᖏᑉᐱᓰ? ᓱᒋᐊᕐᑕᐅᖏᑦᑑᓂᐊᓐᖏᓚᓯ, ᑐᖁᕋᕐᑕᐅᑦᔪᑎᒃᓴᓯᓐᓂᒃ ᑎᑭᑎᑦᓯᓂᐊᕋᒪ ᐃᓅᔪᓕᒫᓄᑦ ᓄᓇᒥ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.’

ᐃᓯᑭᐊᓕᐅᑉ ᐊᒡᓚᖏᑦ 14:17

“ᐅᕝᕙᓗ ᓄᓇᖓᑦ ᓴᕕᒡᔪᐊᕐᒧᑦ ᑎᑭᑕᐅᑎᒃᑯᒃᑯ, ᐅᖃᕐᓗᖓᓗ, ‘ᓴᕕᒡᔪᐊᖅ ᓄᓇᒃᑯᑦ ᐊᖅᑯᓴᐅᑦᔭᐅᓕ;’ ᑕᕝᕙ ᐃᓄᐃᑦ ᐆᒪᔪᓪᓗ ᑕᒫᓃᑦᑐᑦ ᓄᖑᒃᑲᔭᕐᐸᒃᑲ.

ᕼᐊᒊᑉ ᐊᒡᓚᖏᑦ 2:22

ᐊᖓᔪᖅᑲᐅᕖᑦ ᐃᒃᓯᕙᐅᑕᕐᔪᐊᖏᑦ ᐅᕐᕈᑎᓐᓂᐊᕐᐸᒃᑲ; ᐃᓅᖃᑎᒌᒡᔪᐊᓪᓗ ᐊᖓᔪᖅᑲᐅᕕᖏᑕ ᐱᔪᓐᓇᕐᓂᖏᑦ ᐊᓯᕈᕐᓂᐊᓕᕐᐸᒃᑲ, ᐅᓇᑕᐅᑏᓪᓗ ᐊᒃᓴᓗᐊᓖᑦ ᐅᕐᕈᑎᓐᓂᐊᕆᕙᒃᑲ ᐃᑭᒪᔪᓪᓗ ᐱᖃᓯᐅᑎᓗᒋᑦ; ᕿᒻᒥᕐᔪᐊᓪᓗ ᐃᑭᒪᔪᓪᓗ ᑲᑕᒃᑎᓐᓂᐊᕐᐸᒃᑲ, ᖃᑕᓐᖑᑎᒌᓕᒫᑦ ᓴᕕᒡᔪᐊᒧᑦ ᑐᖁᖃᑦᑕᐅᑎᓂᐊᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 14:13

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐃᓄᐃᑦ ᐊᖏᔪᒥᒃ ᐅᐃᒪᔮᕐᑎᑦᓱᒫᕐᐰᑦ; ᐃᓅᖃᑎᒥᖕᓂᒃ ᐊᒡᒐᖏᑎᒍᑦ ᑎᒍᓯᓗᑎᒃ, ᑐᖁᕋᐅᑎᓇᓱᐊᕈᒫᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 7:22

ᑎᑦᑐᓚᐅᑎᑦ 300ᐃᑦ ᓂᓪᓕᐊᑎᑕᐅᓕᕐᒪᑕ, ᐊᑕᓂᐅᑉ ᐊᖑᑎᑦ ᐃᓚᒥᖕᓄᑦ ᓴᕕᒡᔪᐊᒥᖕᓄᑦ ᐅᓇᑕᕐᑎᓕᕐᐰᑦ ᐅᓇᑕᕐᑐᒃᓴᐅᖃᑎᓕᒫᒥᖕᓄᑦ. ᕿᒫᓪᓗᑎᒡᓗ ᐱᑦ-ᓰᑕ ᑎᑭᓪᓗᒍ ᔨᕆᕋᐅᑉ ᓇᓛᓄᑦ, ᓄᓇᓖᑦ ᐊᐱᐅᓪ-ᒥᕼᐅᓚ ᑭᒡᓕᖓᓄᑦ ᑕᐹᑎᐅᑉ ᖃᓂᒋᔮᓄᑦ.

ᓴᒧᐃᓕ ᓯᕗᓪᓖᑦ 14:20

ᑕᕝᕙ ᓴᐅᓕᐅᑉ ᐃᓄᖁᑎᓂ ᓇᔪᕐᑎᓂ ᐃᓚᒋᓪᓗᒋᑦ ᐱᓕᔅᑍᓂᒥᐅᓂᒃ ᐅᓇᑕᕆᐊᓕᕐᐳᑦ; ᑕᑯᒋᓪᓗ, ᑕᑯᓕᕐᐳᑦ ᐃᒻᒥᖕᓄᑦ ᓴᕕᒡᔪᐊᓄᑦ ᑐᖁᕋᖃᑦᑕᐅᑎᓕᕐᑐᓂᒃ, ᐅᐃᒪᔮᒻᒪᕆᒃᓗᑎᒃ ᑐᑮᕈᑎᓯᒪᔪᓂᒃ.