ᐃᓯᑭᐊᓕᐅᑉ ᐊᒡᓚᖏᑦ 38:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᓄᓇᒋᔭᑦᓯᓐᓂᑦ ᐅᓐᓄᐊᓪᓗᐊᑉ ᓇᓛᓂᑦ ᐅᓇᑕᕐᑐᒃᓴᒐᓴᒡᔪᐊᓂᒃ ᐱᔪᓐᓇᕐᑐᕐᔪᐊᓂᒃ ᑕᓯᐅᕐᓯᔪᒫᕐᐳᓯ ᐃᓅᖃᑎᒌᒡᔪᐊᒐᓴᖕᓂᑦ ᐱᓯᒪᔪᓂᒃ ᕿᒥᕐᔪᐊᓂ ᐃᑭᒪᔪᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 38:15 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 32:30

“ᐅᓐᓄᐊᑉ ᓇᓛᓂᒥᐅᑦ ᐊᖓᔪᖅᑳᕕᓂᓕᒫᖏᑦ ᑕᕝᕙᓃᒃᑭᕗᑦ ᐊᑕᖏᕐᓗᑎᒃ, ᓮᑐᓂᒥᐅᓕᒫᓪᓗ ᑲᓐᖑᓲᑎᒃᓴᖃᕐᓗᑎᒃ ᑐᖁᑕᐅᓚᐅᕐᑐᕕᓂᕐᓄᑦ ᐃᓚᒋᔭᐅᕗᑦ, ᐱᔪᓐᓇᕐᓂᓕᒫᒥᖕᓄᑦ ᑲᑉᐱᐊᓱᒃᑎᑦᓯᖃᑦᑕᐅᓚᐅᕐᑐᑦ; ᑭᐱᓯᒪᖏᑦᑐᓄᑦ ᐃᓚᒋᔭᐅᕗᑦ ᓴᕕᒡᔪᐊᓄᑦ ᑐᖁᑕᐅᓯᒪᔪᓄᑦ, ᑲᓐᖑᓲᑎᒃᓴᒥᖕᓂᒃ ᓇᒃᓴᕐᓗᑎᒃ ᑐᖁᓯᒪᔪᑦ ᐃᓂᖓᓃᖃᑕᐅᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 38:4

ᑐᓄᒻᒧᑦ ᓵᑎᑦᓱᒫᕐᐸᒋᑦ, ᐊᒃᓕᕈᒃᑯᓪᓗ ᓂᒃᓯᒡᓗᑎᑦ ᐅᓂᐊᕈᒫᕐᐸᒋᑦ, ᐅᓇᑕᕐᑎᖁᑎᓕᒫᑎᓪᓗ, ᕿᒻᒥᕐᔪᐊᑦ ᕿᒻᒥᕐᔪᐊᒃᑰᕐᑐᓪᓗ, ᐊᓐᓄᕌᕐᓯᒪᔪᓕᒫᑦ ᐅᓇᑕᕐᑐᕐᓯᐅᑎᓂᒃ, ᐃᓄᒋᐊᒃᑐᕐᔪᐊᑦ, ᐊᑕᖏᕐᓗᑎᒃ ᐊᒡᕖᕋᐅᑎᓕᔭᕐᑐᑦ ᓴᐴᓗᑕᖃᕐᓗᑎᒡᓗ, ᓴᕕᒡᔪᐊᓕᔭᕐᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 38:6

ᐅᓇᑕᕐᑏᓪᓗ ᓄᓇᓂᑦ ᒎᒪᒥᑦ ᐃᓄᒋᐊᒃᑐᕐᔪᐊᖁᑎᖏᓪᓗ; ᐱᑦ-ᑐᒐᕐᒪᒥᓪᓗ ᐅᓐᓄᐊᓪᓗᐊᒥᑦ ᐅᖓᓯᒃᑐᒥᑦ ᐱᓯᒪᔪᓕᒫᑦ ᐃᓄᒋᐊᒃᑐᕐᔪᐊᖁᑎᖏᓪᓗ ᐊᓯᖏᓪᓗ ᐃᓄᒐᓴᒡᔪᐊᑦ ᐃᓚᒋᕚᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 39:2

ᓴᖑᑎᓐᓂᐊᕐᐸᒋᑦ ᑕᓯᐅᕐᓗᑎᑦ, ᑎᑭᑎᓪᓗᑎᑦ ᐅᖓᓯᒃᑐᒥᑦ ᐅᓐᓄᐊᓪᓗᐊᑉ ᓇᓛᓂᑦ, ᐂᑎᓪᓗᑎᓪᓗ ᐃᓴᕆᐊᓕᐅᑉ ᖃᖅᑲᖏᓐᓄᑦ ᐅᓇᑕᕆᐊᕐᑎᓪᓗᑎᑦ;

ᑖᓂᐊᓕᐅᑉ ᐊᒡᓚᖏᑦ 11:40

“ᑍᑦᓱᒪ ᐃᓱᐊᓂ ᐊᖓᔪᖅᑳᕐᔪᐊᖅ ᓯᕿᓂᐅᑉ ᓇᓛᓂᑦ ᐱᔪᖅ ᐅᓇᑕᖃᑎᒋᔪᒫᕐᐹ, ᐊᖓᔪᖅᑳᕐᔪᐊᓪᓗ ᐅᓐᓄᐊᑉ ᓇᓛᓂᑦ ᐱᔫᑉ ᓱᕐᔪᒍᒫᕆᕚ ᕿᒧᒃᓯᐅᑎᑦ ᐃᑭᒪᕝᕕᖕᒥᒃ ᐅᓂᐊᕐᑐᑦ ᐊᑐᕐᓗᒋᑦ, ᐅᓇᑕᕐᑐᒃᓴᒐᓴᒃᔪᐊᖃᕐᓗᓂ, ᐅᒥᐊᕐᔪᐊᖁᑎᖏᓪᓗ ᐅᓄᕐᑐᑦ ᐊᑐᕐᓗᒋᑦ, ᓄᓇᓕᒡᔪᐊᑦ ᐅᓄᕐᑐᑦ ᐅᓇᑕᕈᒫᕐᐰᑦ ᐃᒪᕐᑐᑦ ᖄᒥᑦᑐᑐᑦ.

ᔪᐃᓕᐅᑉ ᐊᒡᓚᖏᑦ 3:11

ᑲᑎᓗᓯ ᕾᓕᕆᑦᓯ ᐃᓅᖃᑎᒌᒡᔪᐊᓕᒫᖑᔪᓯ, ᓇᓂᑐᐃᓐᓈᕐᑐᑦ ᑲᑎᓕᕐᓕᑦ.’” ᐅᓇᑕᕐᑐᒃᓴᖁᑎᑎᓪᓗ ᑕᐅᓄᖓ ᐅᓇᑕᕆᐊᖁᒃᑭᑦ, ᐊᑕᓃᖅ!

ᔪᐃᓕᐅᑉ ᐊᒡᓚᖏᑦ 3:2

ᐃᓅᖃᑎᒌᒡᔪᐊᑦ ᐊᓯᖏᑦ ᑲᑎᑎᑦᓱᒫᕐᐸᒃᑲ, ᔨᕼᐆᓴᐸᐅᓪᓗ ᓇᕐᓴᖓᓄᐊᕈᑎᔪᒫᕐᐸᒃᑲ, ᑍᑲᓂᓗ ᐃᖅᑲᕐᑐᕈᒫᕐᐸᒃᑲ, ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐱᓪᓗᒋᑦ, ᑖᒃᑯᐊ ᐃᓄᖁᑎᓐᓂᒃ ᓯᐊᒻᒪᕐᑎᑦᓯᓚᐅᕐᑐᑦ ᐃᓅᖃᑎᒌᒡᔪᐊᓄᑦ; ᓄᓇᖁᑎᓐᓂᒡᓗ ᐊᕕᒃᑐᐃᓚᐅᕐᒪᑕ.

ᔨᐸᓁᐊᐅᑉ ᐊᒡᓚᖏᑦ 3:8

“ᑍᒤᒻᒪ ᐅᕙᓐᓂᒃ ᐅᑕᖅᑭᒋᑦᓯ, ᐊᑕᓂᖅ ᐅᖃᕐᐳᖅ, ᐅᓪᓗᕐᒧᑦ ᓇᓗᓁᕐᓯᕕᒋᔪᒫᕐᑕᓐᓄᑦ. ᐃᓅᖃᑎᒌᒡᔪᐊᑦ ᑲᑎᑎᑦᓱᒪᕙᒃᑲ ᐊᑕᓂᐅᕖᓪᓗ ᑲᑎᑎᑦᓱᒪᕙᒃᑲ, ᓂᓐᖓᐅᒪᓂᓐᓂᒃ ᑯᕝᕕᕆᔪᒪᕙᒃᑲ, ᓯᖕᓇᓂᓐᓄᑦ ᓄᓇᕐᔪᐊᓕᒫᖅ ᐊᓯᕈᕐᑕᐅᔪᒫᕐᐳᖅ ᐃᑯᒪᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:14

ᑖᒃᑯᐊ ᐊᓂᕐᓂᕐᓘᕗᑦ ᓵᑖᓇᓯᒥᓐᖔᕐᓯᒪᔪᑦ, ᑲᒪᓇᕐᑐᓂᒃ ᓴᖅᑭᑎᑦᓯᖃᑦᑕᕐᐳᑦ, ᐊᓂᕐᓃᓪᓗ ᑖᒃᑯᐊ ᐱᖓᓱᑦ ᓯᓚᕐᔪᐊᕐᒥᐅᓕᒫᑦ ᐊᖓᔪᖅᑳᕐᔪᐊᖏᓐᓄᐊᕐᐳᑦ, ᑖᒃᑯᐊ ᑲᑐᑦᔨᓗᑎᒃ ᐅᓇᑕᖅᑯᓪᓗᒋᑦ ᒎᑎᐅᑉ ᐊᔪᒐᖃᖏᑦᑐᕐᔪᐊᑉ ᐅᓪᓗᕐᔪᐊᖓᑕ ᓇᓪᓕᐅᓐᓂᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:16

ᑕᕝᕙ ᐊᓂᕐᓃᑦ ᐱᐅᖏᑦᑐᑦ ᐊᖓᔪᖅᑳᕐᔪᐊᓂᒃ ᐊᑕᐅᓯᕐᒧᑦ ᑲᑎᑎᑦᓯᔪᒫᕐᐳᑦ ᐄᑉᕉᑎᑐᑦ ᐊᕐᒪᒋᑕᓐᒥᒃ ᑍᔭᐅᔪᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:8

ᐃᓅᖃᑎᒌᒡᔪᐊᓂᒡᓗ ᓇᓂᑐᐃᓐᓈᕐᑐᓂᒃ ᑕᒻᒪᕐᑎᑦᓯᔭᕐᑐᕈᒫᕐᐳᖅ ᓯᐊᒻᒪᕐᑎᑕᐅᓯᒪᔪᓂᒃ, ᐅᒃᑯᓇᓂ, ᓄᓇᓕᖕᓂ ᒑᒡᒥ ᒪᒑᒡᒥᓗ, ᓵᑖᓇᓯᐅᑉ ᑲᑎᑎᑦᓱᒫᕐᐰᑦ ᐅᓇᑕᕆᐊᖁᓪᓗᒋᑦ; ᑖᒃᑯᐊᓗ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᓂᖃᕈᒫᕐᐳᑦ.