1 ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ:
ᑕᕝᕙ ᐃᓅᖃᑎᒌᒡᔪᐊᑦ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᖅ ᐃᓴᕆᐊᓕᒥᐅᓂᒃ ᐃᑦᔪᕐᓁᑎᑦᓯᒐᒪ, ᐃᑦᔪᕐᓁᑦᑐᕕᖁᑎᒪ ᑖᒃᑯᐊ ᐊᑯᕐᖓᓐᓃᓐᓂᖓᓄᑦ ᐃᓱᖃᖏᑦᑐᒧᑦ.”
“ᐃᓅᑉ ᐃᕐᓂᖓ, ᒑᒡ ᓵᕝᕕᒋᒍᒃ, ᒪᒑᒡ ᓄᓇᖓᓃᑦᑐᖅ, ᐊᖓᔪᖅᑳᖑᔪᖅ ᒥᓯᑭᒥᐅᓄᑦ ᑐᐸᐅᓪᒥᐅᓄᓪᓗ, ᓵᓐᖓᓗᒍ ᐅᖃᕐᑕᐅᖁᔭᓐᓂᒃ ᐅᖃᕐᕕᒋᒍᒃ,
ᐊᐅᕐᓵᕐᑐᑎᑐᓪᓕ ᐊᒻᒧᐊᒍᒫᕐᐴᒃ ᐱᓕᔅᑍᓂᒥᐅᓄᑦ ᐅᓇᑕᕆᐊᕐᓗᑎᒃ; ᑐᓄᐊᓐᓂᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓄᑦ; ᑲᑐᑦᔨᓗᑎᒃ ᐊᕐᓵᕐᓂᔪᒫᕐᐳᑦ ᓯᕿᓂᐅᑉ ᓄᐃᕕᐊᓂᒥᐅᓂᒃ; ᐱᔪᓐᓇᕐᓂᖃᕐᓗᑎᒃ ᐅᓇᑕᕆᐊᕈᒫᕐᐳᑦ ᐄᑐᒥᒥᐅᓂᒃ ᒧᐊᐱᒥᐅᓂᒡᓗ, ᐊᒧᓁᑎᒥᐅᓪᓗ ᑖᒃᑯᓂᖓ ᓈᓚᓕᕈᒫᕐᐳᑦ.
ᓇᓪᓕᐅᑎᔪᒫᕐᒪᑦ ᐊᑕᓂᐅᑉ ᓱᒋᐊᕐᓯᓂᕆᔪᒫᕐᑕᖓ ᐱᔪᓐᓇᕐᓂᐅᔪᓂᒃ ᑕᑉᐹᓂ, ᓄᓇᕐᔪᐊᒥᓗ ᐊᐅᓚᑦᓯᔨᐅᔪᓂᒃ.
“ᐃᕝᕕᓪᓕ ᐃᓅᑉ ᐃᕐᓂᖓ ᒑᒡᒥᐅᑦ ᓵᓐᖓᓗᒋᑦ ᐅᖃᐅᓯᐅᖁᔭᓐᓂᒃ ᐅᖃᕐᕕᒋᒃᑭᑦ, ᐅᖃᕐᓗᑎᓪᓗ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓵᓐᖓᓕᕐᐸᒋᑦ, ᒑᒡ, ᐊᖓᔪᖅᑳᖑᔪᑎᑦ ᒥᓯᑭᒥᐅᓄᑦ ᑐᐸᐅᓪᒥᐅᓄᓪᓗ;
ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒻ ᐅᔭᕋᓱᒡᔪᒃᑎᑐᑦ ᐅᖁᒤᑦᑑᑎᑦᓱᒫᕐᐸᕋ, ᑖᑦᓱᒥᖓ ᐊᐅᓚᑦᔧᓇᓱᐊᕐᑐᑦ ᐃᒻᒥᖕᓂᒃ ᐋᓐᓂᖃᑦᑕᕈᒫᕐᐳᑦ, ᐃᓅᖃᑎᒌᒡᔪᐊᑦ ᓇᑭᑐᐃᓐᓇᖅ ᐱᓯᒪᔪᑦ ᐊᑭᕋᕐᑐᕋᓱᒃᑲᓗᐊᕐᐸᑕ.
ᐂᖏᓖᓪᓗ ᐱᖓᓲᔪᕐᑐᖓᑦᑕ ᖃᓪᓗᑎᓂ ᑯᕕᒋᕚ ᑰᒑᓗᖕᒧᑦ ᐃᕗᕅᑎᒧᑦ, ᑰᒐᓗᒡᓗ ᐃᒤᕐᑎᑉᐳᖅ, ᐊᖅᑯᑕᐅᔪᓐᓇᕐᓯᓪᓗᓂᓗ ᐊᖓᔪᖅᑳᕐᔪᐊᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᓄᑦ.
ᐃᓅᖃᑎᒌᒡᔪᐊᓂᒡᓗ ᓇᓂᑐᐃᓐᓈᕐᑐᓂᒃ ᑕᒻᒪᕐᑎᑦᓯᔭᕐᑐᕈᒫᕐᐳᖅ ᓯᐊᒻᒪᕐᑎᑕᐅᓯᒪᔪᓂᒃ, ᐅᒃᑯᓇᓂ, ᓄᓇᓕᖕᓂ ᒑᒡᒥ ᒪᒑᒡᒥᓗ, ᓵᑖᓇᓯᐅᑉ ᑲᑎᑎᑦᓱᒫᕐᐰᑦ ᐅᓇᑕᕆᐊᖁᓪᓗᒋᑦ; ᑖᒃᑯᐊᓗ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᓂᖃᕈᒫᕐᐳᑦ.
