14 ᐊᓂᕐᓂᕋᓗ ᐃᓗᑦᓯᓐᓄᑦ ᐃᑎᕐᑎᑦᓱᒫᕐᐸᕋ, ᐃᓅᖁᓪᓗᓯ, ᓄᓇᑖᕐᑎᓪᓗᓯᓗ ᓇᖕᒥᓂᖅ ᓄᓇᑦᓯᓐᓂ; ᑕᕝᕙ ᖃᐅᔨᔪᒫᕐᐳᓯ ᐅᕙᖓ, ᐊᑕᓂᖅ ᐅᖃᓪᓚᓚᐅᕋᒪ, ᐱᓇᓱᐊᕐᓯᒪᓕᕐᓗᒍᓗ, ᐊᑕᓂᖅ ᐅᖃᕐᐳᖅ.”
ᒎᑎᐅᑉ ᐊᓂᕐᓂᖓᓄᑦ ᕿᓚᖕᒥᑦ ᑎᑭᑕᐅᓯᒪᓕᕈᑦᑕ ᑭᓯᐊᓂ, ᓱᓇᖃᕈᓐᓃᓚᐅᕐᑑᒐᓗᐊᑦ ᐱᕈᕐᕕᐅᓕᕈᒫᕆᕗᑦ ᐸᐅᕐᖓᓂᒃ, ᐱᕈᕐᕕᐅᓕᕐᑐᕐᓗ ᓇᐹᕐᑐᒐᓴᒃᔪᐊᓕᒃᑐᑦ ᑍᒤᓕᕈᒫᕆᕗᖅ.
ᓄᑖᒥᒃ ᐆᒻᒪᑎᑖᕐᑎᑦᓱᒫᕐᐸᒃᑲ, ᐊᓂᕐᓂᕐᒥᒡᓗ ᓄᑖᒥᒃ ᐃᓗᒻᒥᕐᑎᓪᓗᒋᑦ; ᐆᒻᒪᑎᖏᓪᓗ ᐅᔭᕋᒃᑎᑐᑦ ᓯᑎᔪᑦ ᐲᕐᓗᒋᑦ ᑎᒥᖏᓐᓂᑦ ᐆᒻᒪᑎᑖᕐᑎᑦᓱᒫᕐᐸᒃᑲ ᐊᕿᑦᑐᒥᒃ ᓈᓚᒍᓐᓇᕐᑐᒥᒃ.
ᐱᕈᕐᑐᓕᒫᑦ ᓇᐹᕐᑐᑦ ᓇᑎᕐᓇᒦᑦᑐᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᖅ ᓇᐹᕐᑐᒥᒃ ᑕᑭᔪᒥᒃ ᓇᑲᑦᓯᒐᒪ, ᓇᐹᕐᑐᕐᓗ ᐳᒃᑭᑦᑐᖅ ᐳᕐᑐᓯᑎᓪᓗᒍ, ᓇᐹᕐᑐᕐᓗ ᐆᒻᒪᐅᒐᓗᐊᖅ ᑐᖁᓕᑎᑉᐸᕋ, ᓇᐹᕐᑐᕐᓗ ᐸᓐᓇᑰᒐᓗᐊᖅ ᐆᒻᒪᕈᕐᑎᑉᐸᕋ. ᐅᕙᖓ ᐊᑕᓂᖅ ᑍᒫᒃ ᐅᖃᕐᓯᒪᒐᒪ, ᑍᒫᒡᓗ ᐱᓇᓱᐊᕐᓂᐊᕐᓗᖓ.”
ᓴᐱᖏᓐᓂᑦᓯᓐᓄᑦ ᐊᓂᒍᐃᔪᓐᓇᕐᐱᓰ, ᐅᕝᕙᓗ ᐱᔪᓐᓇᕐᓂᕾᓐᓇᕐᓂᐊᕐᐱᓰ, ᓱᒋᐊᕐᓯᓂᕐᒪ ᐅᓪᓗᖏᓐᓂ? ᐅᕙᖓ ᐊᑕᓂᖅ ᐅᖃᕐᐳᖓ, ᑕᒪᑐᒥᖓᓗ ᐱᓇᓱᐊᕐᓂᐊᕐᓗᖓ.
ᐊᓂᕐᓂᕋᓗ ᐃᓗᑦᓯᓐᓄᐊᕈᒫᕐᐸᕋ, ᐃᓅᓯᕆᔭᐅᖁᔭᓐᓂᒃ ᐃᓅᔪᓐᓇᕐᓯᖁᓪᓗᓯ ᐊᑐᕐᑕᐅᖁᔭᒃᑲᓗ ᒪᓕᑦᓯᐊᕈᓐᓇᕐᓯᓗᓯᐅᒃ.
ᐃᓅᖃᑎᒌᒡᔪᐊᑦ ᐊᒥᐊᒃᑰᔪᑦ ᓄᓇᑦᓯ ᐊᕙᑖᓃᑦᑐᑦ ᖃᐅᔨᓕᖁᓪᓗᒋᑦ ᐅᕙᖓ, ᐊᑕᓂᖅ, ᐃᒡᓗᒐᓴᒡᔪᐊᕕᓂᕐᓂᒃ ᐋᖅᑭᒃᓱᐃᒃᑲᓐᓂᕐᓯᒪᓂᓐᓂᒃ, ᐱᕈᕐᓰᕕᕕᓂᕐᓂᒡᓗ ᓱᓇᖃᓚᐅᕈᓐᓃᕐᑐᓂᒃ ᐱᕈᕐᕕᐅᓕᕐᑎᑦᓯᒃᑲᓐᓂᕋᒪ; ᐅᕙᖓ, ᐊᑕᓂ, ᐅᖃᕐᓯᒪᒐᒪ, ᑕᒪᓐᓇᓗ ᐱᓇᓱᐊᕐᓂᐊᕐᐸᕋ.
ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ, ᐃᓗᕕᓯ ᒪᑐᐃᕈᒃᑭᑦ, ᒪᑭᑎᓪᓗᓯᓗ ᐃᓗᕕᑦᓯᓐᓂᑦ, ᐆ ᐃᓄᖁᑎᒃᑲ.
ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ:
ᓄᑭᒃᑖᕐᑎᓐᓂᐊᕐᐸᑦᓯ, ᑎᒥᓯᓗ ᓂᕿᑖᕐᑎᓪᓗᒋᑦ, ᐅᓕᒡᓗᓯᓗ ᐅᕕᓂᖃᖁᓪᓗᓯ, ᐊᓂᕐᓂᕐᑖᕐᑎᓐᓂᐊᕐᐸᑦᓯᓗ, ᑕᕝᕙ ᐆᒻᒪᕐᓂᐊᕐᐳᓯ; ᑕᕝᕙ ᖃᐅᔨᓕᕐᓂᐊᕐᐳᓯ ᐅᕙᖓᐅᒐᒪ ᐊᑕᓂᖅ.”
ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᐊᓂᕐᓂᖅ ᐅᖃᖁᔭᓐᓂᒃ ᐅᖃᐅᑎᒍᒃ, ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐊᓄᕆᓂᑦ ᓯᑕᒪᓂᑦ ᐊᓄᕌᓚᐅᕆᑦ, ᐊᓂᕐᓃᖅ, ᐅᑯᐊᐅ ᑐᖁᖓᔪᑦ ᐊᓂᕐᓵᕐᕕᒋᓚᐅᒃᑭᑦ, ᐆᒻᒪᖁᓪᓗᒋᑦ.”
ᑮᓇᕋᓗ ᐃᔨᓚᐅᕐᓯᒪᓂᐊᕈᓐᓃᕐᐸᕋ ᑖᒃᑯᓄᖓ, ᐊᓂᕐᓂᕋ ᑯᕕᒍᒃᑯ ᐃᓴᕆᐊᓕᐅᑉ ᑭᖑᕚᖏᓐᓄᑦ, ᐊᑕᓂᖅ ᒎᑎ ᐅᖃᕐᐳᖅ.”
“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.
ᑖᑦᓱᒪᓕ ᐊᓂᕐᓂᖓᑕ ᔩᓱᓯᒥᒃ ᐆᒻᒪᕐᑎᑦᓯᔫᑉ ᑐᖁᒥᑦ ᐃᓂᒋᒃᐸᓯ, ᙭ᔅᑑᓯ ᔩᓱᓯᒥᒃ ᐆᒻᒪᕐᑎᑦᓯᓚᐅᕐᑑᑉ ᑐᖁᒥᑦ ᑎᒥᓯ ᑐᖁᔪᒃᓮᑦ ᐃᓅᓯᑖᕐᑎᓐᓂᐊᕆᕔᑦ ᑖᑦᓱᒪ ᐊᓂᕐᓂᖓᒍᑦ ᐃᓗᑦᓯᓐᓃᑦᑐᒧᑦ.
᙭ᔅᑑᓯ ᔩᓱᓯᒃᑯᑦ ᐊᓂᕐᓂᐅᑉ ᐃᓅᓯᖃᕐᑎᑦᓯᔫᑉ ᐱᖁᔭᖏᑎᒍᑦ ᕿᓚᕈᑦᔮᕐᑕᐅᒐᒪ ᐊᔪᕐᓂᐅᑉ ᑐᖂᓪᓗ ᐱᖁᔭᖏᓐᓂᑦ.
ᐃᒫᒃ ᑎᑎᕋᕐᓯᒪᖕᒪᑦ, “ᐋᑕᒥ ᓯᕗᓪᓕᖅ ᐆᒻᒪᕐᑎᑕᐅᓚᐅᕐᐳᖅ ᑎᒥᖃᕐᓗᓂ”; ᐋᑕᒥᓕ ᑭᖑᓪᓕᖅ ᐊᓂᕐᓂᒃᑯᑦ ᐃᓅᓯᕐᑖᕐᑎᑦᓯᕗᖅ.