ᐃᓯᑭᐊᓕᐅᑉ ᐊᒡᓚᖏᑦ 37:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑍᒤᒻᒪᑦ ᐅᖃᕐᑕᐅᖁᔭᓐᓂᒃ ᐅᖃᐅᑎᒃᑭᑦ, ᐅᖃᐅᑎᓗᒋᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᓗᕕᓯ ᒪᑐᐃᕐᓂᐊᕐᐸᒃᑲ, ᐃᓗᕕᓯᓐᓂᓪᓗ ᒪᑭᑎᓪᓗᓯ, ᐆ ᐃᓄᖁᑎᒃᑲ; ᐊᖏᕐᕋᕐᑎᓐᓂᐊᕐᐸᑦᓯ ᐃᓴᕆᐊᓕᐅᑉ ᓄᓇᖓᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 37:12 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 11:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐊᒡᒐᓂ ᐃᓴᒍᒫᕐᐰᑦ ᐃᓄᖁᑎᓂ ᐊᒥᐊᒃᑰᔪᑦ ᐅᑎᕐᑎᑦᓱᒪᓗᒋᑦ, ᐊᓯᕆᐊᒥᑦ ᐄᑦᔨᑉᑎᒥᓪᓗ, ᐹᑐᕉᓯᒥᑦ ᐃᑎᐅᐱᐊᒥᓪᓗ, ᐃᓛᒻᒥᑦ ᓯᓇᕆᒥᓪᓗ, ᕼᐊᒫᑎᒥᑦ ᕿᑭᕐᑕᓂᓪᓗ ᐃᒪᕕᖕᒦᑦᑐᓂᑦ.

ᐂᓮᐊᓯᐅᑉ ᐊᒡᓚᖏᑦ 26:19

ᑐᖁᖓᔪᖁᑎᑎᑦ ᐆᒻᒪᒃᑲᓐᓂᕈᒫᕐᐳᑦ, ᑎᒥᖏᑦ ᒪᑭᑦᓱᒫᕆᕗᑦ, ᑕᒪᕐᒥᒃ ᐃᓗᕕᕐᑕᐅᓯᒪᔪᑦ ᑐᐸᒍᒫᕐᐳᑦ. ᑐᐸᒡᓗᑎᒃ ᐃᓐᖏᕈᒫᕐᐳᑦ ᖁᕕᐊᓱᖕᓂᕐᒧᑦ, ᓲᕐᓗ ᐸᑐᒃ ᕿᓪᓕᒐᓛᒃᑎᑦᓯᕙᖕᒪᑦ ᓄᓇᒥᒃ ᖃᐅᓯᓕᕐᑎᑦᓯᓕᕌᖓᒥ ᑍᒫᒃᑕᐅᖅ ᐊᑕᓂᐅᑉ ᐆᒻᒪᕐᑎᑦᓱᒫᕐᐰᑦ ᑐᖁᓚᐅᕐᑐᕕᓃᑦ.

ᐂᓮᐊᓯᐅᑉ ᐊᒡᓚᖏᑦ 66:14

ᑕᒪᓐᓇ ᑕᑯᓕᕈᑦᓯᐅᒃ, ᐆᒻᒪᑎᓯ ᖁᕕᐊᓱᒃᑐᐊᓘᔪᒫᕐᐳᑦ; ᑎᒥᓯᓗ ᐱᕈᑦᓯᐊᕈᒫᕐᐳᑦ ᐃᕕᒃᓱᒐᕐᑎᑐᑦ; ᖃᐅᔨᒪᔭᐅᓕᕈᒫᕐᒪᑦ ᐊᑕᓂᐅᑉ ᐊᒡᒐᖕᒥᓄᑦ ᐱᔨᓂ ᓇᔪᕐᒪᒋᑦ, ᓂᓐᖓᕕᒡᔪᐊᕐᓂᐊᓗᐊᓗ ᓴᖅᑭᔮᕈᒫᕆᕗᖅ ᐊᑭᕋᕐᑐᕐᑎᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 28:25

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᑦ ᑲᑎᕐᓱᓕᕈᒃᑭᑦ ᐃᓄᖕᓂᑦ ᓯᐊᒻᒪᕐᑎᑕᐅᕕᖏᓐᓂᑦ, ᐃᑦᔪᕐᓁᓐᓂᕋᓗ ᑖᒃᑯᑎᒎᓇᖅ ᓴᖅᑭᑎᓕᕈᒃᑯ ᐃᓅᖃᑎᒌᒡᔪᐊᓄᑦ, ᑕᕝᕙ ᐃᓴᕆᐊᓕᒥᐅᑦ ᓇᖕᒥᓂᖅ ᓄᓇᒥᖕᓂ ᓄᓇᖃᓕᕈᒫᕐᐳᑦ ᐱᔨᓐᓄᑦ ᔧᑯᒧᑦ ᑐᓂᓚᐅᕐᑕᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 36:24

ᐃᓅᖃᑎᒌᒡᔪᐊᓂᑦ ᐂᔪᒫᕐᐸᑦᓯ, ᑲᑎᕐᓱᕈᒫᕐᐸᑦᓯᓗ ᓄᓇᓕᒡᔪᐊᓕᒫᓂᑦ, ᓇᖕᒥᓂᕐᓗ ᓄᓇᑦᓯᓐᓄᑦ ᐅᑎᕐᑎᑦᓱᒫᕐᐸᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 37:13

ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ, ᐃᓗᕕᓯ ᒪᑐᐃᕈᒃᑭᑦ, ᒪᑭᑎᓪᓗᓯᓗ ᐃᓗᕕᑦᓯᓐᓂᑦ, ᐆ ᐃᓄᖁᑎᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 37:21

ᐅᖃᐅᑎᓗᒋᓪᓗ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᓴᕆᐊᓕᐅᑉ ᐃᓄᖏᑦ ᐃᓅᖃᑎᒌᒡᔪᐊᓂᑦ ᐊᐅᓪᓚᕐᑎᑕᐅᕕᒋᓯᒪᔭᖏᓐᓂᑦ, ᑲᑎᕐᓱᕈᒫᕐᐸᒃᑲ ᓇᑭᑐᐃᓐᓇᓕᒫᖅ, ᓇᖕᒥᓂᕐᓗ ᓄᓇᖏᓐᓄᑦ ᐂᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 37:25

ᓄᓇᖃᕈᒫᕐᐳᑦ ᐱᔨᓐᓄᑦ ᔧᑯᒧᑦ ᓄᓇᑖᕆᔭᐅᑎᓚᐅᕐᑕᓐᓂ ᓯᕗᓕᕕᓂᖏᑕ ᓄᓇᖃᕐᕕᒋᓚᐅᕐᑕᖓᓂ; ᑖᒃᑯᐊᓗ ᕿᑐᕐᖓᖏᑦ ᕿᑐᕐᖓᖏᑕᓗ ᕿᑐᕐᖓᖏᑦ ᑕᕝᕙᓂ ᓄᓇᖃᕈᒫᕐᐳᑦ ᐃᓱᖃᖏᑦᑐᒧᑦ; ᑍᕕᑎᓗ ᐱᔨᒐ ᐊᖓᔪᖅᑳᖑᔪᒫᕐᐳᖅ ᑕᕝᕙᓂ ᐃᓱᖃᖏᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 37:4

ᑕᕝᕙ ᐅᖃᐅᑎᒃᑲᓐᓂᕆᕚᖓ, “ᓴᐅᓃᑦ ᐅᑯᐊ ᐅᖃᕐᑕᐅᖁᔭᓐᓂᒃ ᐅᖃᐅᑎᒃᑭᑦ, ᐅᖃᐅᑎᓗᒋᓪᓗ, ᓴᐅᓃᑦ ᐸᓂᕐᑐᓯ, ᑐᓴᕆᑦᓯ ᐊᑕᓂᐅᑉ ᐅᖃᐅᓯᖓᓂᒃ.

ᑖᓂᐊᓕᐅᑉ ᐊᒡᓚᖏᑦ 12:2

ᐅᓄᕐᑐᕐᔪᐊᑦ ᓄᓇᐅᑉ ᐃᓗᐊᓂ ᓯᓂᒃᑐᑦ ᒪᑭᑦᓱᒫᕐᐳᑦ: ᐃᓚᖏᑦ ᐃᓅᓯᕐᒧᑦ ᐃᓱᖃᖏᑦᑐᒧᑦ, ᐃᓚᖏᓪᓗ ᑲᓐᖑᓇᕐᑐᒧᑦ ᑲᑉᐱᐊᓇᕐᑐᒧᑦ ᐃᓱᖃᖏᑦᑐᒧᑦ.

ᕼᐆᓯᐊᑉ ᐊᒡᓚᖏᑦ 13:14

ᐊᑭᓕᕐᑕᒃᓴᕆᕙᒃᑳ ᑐᖁᖓᔪᑦ ᐃᓂᖏᑕ ᐱᔪᓐᓇᕐᓂᖏᓐᓂᑦ? ᐅᑎᕐᑎᑕᒃᓴᕆᕙᒃᑲᓘ ᑐᖁᒥᑦ? ᑐᖂ ᐋᓐᓂᐊᑎᑦᓯᓃᑦ ᓇᐅᒃ? ᑐᖁᖓᔪᑦ ᐃᓂᖏᑕ ᐊᓯᕈᕐᓯᓃᑦ ᓇᐅᒃ? ᐃᓚᑦᓱᒍᓱᖕᓂᖅ ᐃᔨᓐᓂᑦ ᐃᔨᕐᓯᒪᕗᖅ.

ᕼᐆᓯᐊᑉ ᐊᒡᓚᖏᑦ 6:2

ᐅᓪᓘᒃ ᒪᕐᕉᒃ ᐊᓂᒍᕐᐸᑎᒃ ᐆᒻᒪᕐᑎᓐᓂᐊᕐᐹᑎᒍᑦ; ᐅᓪᓗᑦ ᐱᖓᔪᐊᓐᓂ ᒪᑭᑎᓐᓂᐊᕐᐹᑎᒍᑦ, ᐃᓅᓕᖁᓪᓗᑕ ᑖᑦᓱᒪ ᓵᖓᓂ.

ᔪᐃᓕᐅᑉ ᐊᒡᓚᖏᑦ 3:5

ᑎᒍᓯᓚᐅᕋᑦᓯ ᓯᐅᕕᕆᖁᑎᓐᓂᒃ ᒎᓗᖁᑎᓐᓂᒡᓗ, ᐊᐅᓪᓚᕈᑦᔨᓚᐅᕋᑦᓯᓗ ᐱᐅᓂᕐᐹᖁᑎᓐᓂᒃ ᑐᒃᓯᐊᕐᕕᓯᓐᓄᑦ.

ᔨᐸᓁᐊᐅᑉ ᐊᒡᓚᖏᑦ 3:20

ᑍᑲᓂ ᓇᓪᓕᐅᑦᑐᒥ ᐅᑎᕐᑎᑦᓱᒫᕐᐸᑦᓯ! ᑲᑎᕐᓱᐃᓕᕈᒪᓗ ᓂᕐᑐᕐᓇᕐᓯᑎᑦᓱᒫᕐᐸᑦᓯ ᖃᐅᔨᒪᔭᐅᑦᓯᐊᕐᓗᓯᓗ ᐃᓄᓕᒫᓄᑦ ᓄᓇᕐᔪᐊᒦᑦᑐᓄᑦ. ᑎᒍᔭᐅᓯᒪᔪᑦ ᐅᑎᕐᑎᑦᓱᒫᕐᐸᒃᑲ ᑕᑯᓐᓇᕐᑎᓪᓗᓯ,” ᐊᑕᓂᖅ ᐅᖃᕐᐳᖅ.

ᒨᓯᓯ ᑕᓪᓕᒪᖏᑦ 32:39

ᒫᓐᓇ ᑕᑯᓕᕆᑦᓯ ᐅᕙᖓᐅᒐᒪ, ᑖᓐᓇᑐᐊᑦᓯᐊᖑᓪᓗᖓ ᒎᑎᐅᒐᒪ; ᐊᓯᓐᓂᒃ ᓴᓂᒃᑯᑦ ᒎᑎᑕᖃᓐᖏᓚᖅ; ᑐᖁᑦᓯᕙᒡᓗᖓ ᐃᓅᑎᑦᓯᕙᒃᐳᖓ; ᐃᑭᓕᕐᑎᑦᓯᓲᖑᓪᓗᖓᓗ ᒪᒥᑎᑦᓯᕙᒃᐳᖓ, ᑭᓇᓘᓐᓃᑦ ᐱᔪᓐᓇᕐᓂᓐᓂᒃ ᕿᒫᔪᓐᓇᓐᖏᓚᖅ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:16

ᐊᑕᓂᖅ ᓇᖕᒥᓂᖅ ᕿᓚᖕᒥᑦ ᐊᖅᑲᕈᒫᕐᒪᑦ, ᓂᐱᕐᔪᐊᒧᑦ ᕾᖁᔨᔪᒧᑦ, ᐂᖏᓖᑦ ᐊᖓᔪᖅᑳᖓᑦᑕ ᓂᐱᖓᓄᑦ, ᒎᑎᐅᓪᓗ ᑎᑦᑐᓚᐅᑎᖁᑎᖓᓄᑦ, ᙭ᔅᑑᓯᒥᓗ ᑐᖁᖓᔪᑦ ᐃᓅᓯᕐᒧᑦ ᓯᕗᓪᓕᐅᓗᑎᒃ ᒪᑭᖅᑳᕈᒫᕐᐳᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:13

ᐃᒪᕐᔪᐊᒥᓗ ᑐᖁᓯᒪᔪᑦ ᐃᒪᕐᔪᐊᑉ ᓴᖅᑭᑎᒃᑭᕔᑦ, ᓄᓇᕐᔪᐊᒥᓗ ᑐᖁᖓᔪᑦ ᐃᓂᖏᓐᓃᑦᑐᑦ ᓄᓇᕐᔪᐊᑉ ᓴᖅᑭᑎᒃᑭᕔᑦ, ᑕᕝᕙ ᑕᒪᕐᒥᒃ ᐃᖅᑲᕐᑐᕐᑕᐅᓕᕐᐳᑦ ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ.

ᓴᒧᐃᓕ ᓯᕗᓪᓖᑦ 2:6

ᐊᑕᓂᖅ ᑐᖁᑦᓯᕗᖅ ᐃᓅᓯᑕᕐᑎᑦᓯᓪᓗᓂᓗ; ᐃᓄᖕᓂᒃ ᑐᖁᖓᔪᑦ ᐃᓂᖓᓄᐊᕐᑎᑦᓯᕗᖅ ᒪᑭᑎᑦᓯᓪᓗᓂᓗ.