ᐃᓯᑭᐊᓕᐅᑉ ᐊᒡᓚᖏᑦ 37:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓂᐅᑉ ᐱᔪᓐᓇᕐᓂᖓᑕ ᓇᔪᓕᕐᐹᖓ, ᐊᑕᓂᐅᓪᓗ ᐊᓂᕐᓂᖓᑕ ᐊᐅᓪᓚᕈᑎᕚᖓ, ᓇᕐᓴᐅᓪᓗ ᕿᑎᖓᓄᐊᕐᑎᑉᐹᖓ; ᓴᐅᓂᕕᓂᕐᓂᒃ ᑕᑕᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 37:1 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 18:12

ᐃᓕᖕᓂᓪᓗ ᕿᒪᕉᑎᑐᐊᕈᒪ, ᐊᑕᓂᐅᑉ ᐊᓂᕐᓂᖓᑕ ᐊᐅᓪᓚᕈᑎᓂᐊᕐᐹᑎᑦ ᓄᓇᒧᑦ ᖃᐅᔨᒪᓐᖏᑕᓐᓄᑦ; ᑕᕝᕙ, ᐅᖃᕆᐊᕐᑐᕈᒪ ᐂᕼᐊᑉᒧᑦ ᓇᓂᓐᖏᑐᐊᕈᓂᑎᑦ, ᑕᕝᕙ ᑐᖁᓐᓂᐊᕐᐹᖓ, ᑭᓯᐊᓂᓕ ᐅᕙᖓ ᐱᔩᑦ ᐊᑕᓂᕐᒥᒃ ᑲᒪᑦᓯᐊᒻᒪᕆᒃᐳᖓ ᐅᕕᒃᑲᐅᓂᓐᓂᑦ.

ᐊᑕᓃᑦ ᐂᑉᐸᖏᑦ 2:16

ᑖᒃᑯᐊ ᐅᖃᕐᐳᑦ ᐃᓔᓴᒧᑦ, “ᑕᑯᒋᑦ, ᐱᔪᓐᓇᑦᓯᐊᕐᑐᓂᒃ 50ᓂᒃ ᐊᖑᑎᖁᑎᖃᕋᑦᑕ ᐊᖓᔪᖅᑳᕐᓂᒃ ᕿᓂᕆᐊᕈᓐᓇᕐᐳᑦ, ᐊᑕᓂᐅᑉ ᐊᓂᕐᓂᖓᑕ ᐱᒐᒥᐅᒃ ᓇᒧᑦ ᖃᖅᑲᐅᑉ ᖄᖓᓄᑦ ᓇᕐᓴᒧᓪᓘᓐᓃᑦ ᑲᑕᒃᑎᑕᕕᓂᕆᑐᐃᓐᓇᕆᐊᖃᕐᒪᒍ.” ᐃᓔᓴᐅᑉ ᑭᐅᕔᑦ, “ᕿᓂᕆᐊᕐᑎᓐᖏᓪᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 26:19

ᑐᖁᖓᔪᖁᑎᑎᑦ ᐆᒻᒪᒃᑲᓐᓂᕈᒫᕐᐳᑦ, ᑎᒥᖏᑦ ᒪᑭᑦᓱᒫᕆᕗᑦ, ᑕᒪᕐᒥᒃ ᐃᓗᕕᕐᑕᐅᓯᒪᔪᑦ ᑐᐸᒍᒫᕐᐳᑦ. ᑐᐸᒡᓗᑎᒃ ᐃᓐᖏᕈᒫᕐᐳᑦ ᖁᕕᐊᓱᖕᓂᕐᒧᑦ, ᓲᕐᓗ ᐸᑐᒃ ᕿᓪᓕᒐᓛᒃᑎᑦᓯᕙᖕᒪᑦ ᓄᓇᒥᒃ ᖃᐅᓯᓕᕐᑎᑦᓯᓕᕌᖓᒥ ᑍᒫᒃᑕᐅᖅ ᐊᑕᓂᐅᑉ ᐆᒻᒪᕐᑎᑦᓱᒫᕐᐰᑦ ᑐᖁᓚᐅᕐᑐᕕᓃᑦ.

ᔨᕆᒤᐊᐅᑉ ᐊᒡᓚᖏᑦ 7:2

ᐊᑕᓂᐅᑉ ᐃᒡᓗᖓᑕ ᐃᑎᕐᑕᕐᕕᖓᓃᓪᓗᑎᑦ ᐅᖃᐅᓯᕆᔭᐅᖁᔭᒃᑲ ᐅᖃᒃᑭᑦ: “ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ, ᔫᑕᒥᐅᑕᐅᔪᓯ ᑐᒃᓯᐊᕐᕕᒡᔪᐊᕐᒧᑦ ᑐᒃᓯᐊᕆᐊᕐᑐᕐᐸᒃᑐᓯ ᐅᕘᓇ ᐃᑎᕐᑕᕐᕕᒃᑯᑦ.

ᔨᕆᒤᐊᐅᑉ ᐊᒡᓚᖏᑦ 7:32

ᑍᒤᒻᒪᑦ ᑕᑯᒋᑦ, ᐅᓪᓗᐃᑦ ᕾᓕᕐᐳᑦ, ᐊᑕᓂᖅ ᐅᖃᕐᐳᖅ, ᐃᓄᖕᓄᑦ ᑖᓐᓇ ᓄᓇ ᑍᔭᐅᔪᓐᓃᕈᒫᕐᐳᖅ ᑐᐱᑎᒥᒃ ᐅᕝᕙᓗ ᐱᐊᓐ ᕼᐃᓇᒻ ᓇᕐᓴᖓᓂᒃ, ᑐᖁᕅᕕᖕᒥᒃ ᑍᔭᐅᖔᓕᕈᒫᕐᒪᑦ ᑐᖁᖓᔪᓂᒃ ᐃᓗᕕᕐᓯᕕᒃᓮᕈᑎᔪᒫᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 8:2

ᓴᖅᑭᔮᓕᕐᓗᑎᒃ ᓯᕿᓂᕐᒧᑦ, ᑕᖅᑭᕐᒧᑦ ᐅᓪᓗᕆᐊᓄᓪᓗ, ᐅᖓᒋᓗᒋᑦ ᑭᒡᒐᕐᑐᕐᓗᒋᓪᓗ ᑐᒃᓯᐊᕐᕕᒋᕙᓚᐅᕐᑕᖏᓐᓄᑦ, ᑲᑎᕐᓱᕐᑕᐅᓗᑎᒃ ᐃᓗᕕᕐᓄᐊᕐᑕᐅᔪᒫᓐᖏᓚᑦ, ᑕᒫᓃᕐᕆᑐᐃᓐᓇᕈᒫᕐᐳᑦ ᐊᓇᕐᑎᑐᑦ ᒪᓂᖅᑲᒦᑦᑐᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 1:3

ᐊᑕᓂᖅ ᐅᖃᕐᐳᖅ ᐃᓯᑭᐊᓕᒧᑦ ᑐᓂᕐᕈᓯᕐᑎᑦᓯᔨᒧᑦ, ᐳᔾᔧᑎᐅᑉ ᐃᕐᓂᖓᓄᑦ, ᑲᐅᓪᑎᐊᒥᐅᑦ ᓄᓇᖓᓂ ᑰᑉ ᓰᐸᕆᐅᑉ ᖃᓂᒋᔮᓂ; ᐱᔪᓐᓇᕐᓂᖓᓄᓪᓗ ᓇᔪᕐᑕᐅᓕᕐᐳᖅ ᑕᕝᕙᓂ.

ᐃᓯᑭᐊᓕᐅᑉ ᐊᒡᓚᖏᑦ 11:24

ᐊᓂᕐᓂᐅᓪᓗ ᖃᖓᑦᑕᕐᑎᓪᓗᓂᖓ ᑕᑯᑎᑕᐅᓂᒃᑯᑦ ᐂᑎᑉᐹᖓ ᒎᑎᐅᑉ ᐊᓂᕐᓂᖓᒍᑦ ᑲᐅᓪᑎᐊᒧᑦ ᐊᐅᓪᓚᕈᑦᔭᐅᓯᒪᔪᓄᑦ. ᑕᕝᕙ ᑕᑯᑎᑕᐅᓂᕋ ᐅᕙᓐᓂᑦ ᕿᒪᕉᑎᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 3:14

ᐊᓂᕐᓂᐅᓪᓗ ᖃᖓᑦᑕᕐᑎᓪᓗᓂᖓ ᐊᐅᓪᓚᕈᑎᕚᖓ, ᑕᕝᕙ ᖁᕕᐊᓇᖏᑦᑐᕐᔪᐊᕐᒧᑦ ᓂᓐᖓᐅᒪᓇᕐᑐᒧᑦ ᐊᓂᕐᓂᒃᑯᑦ ᑎᑭᑕᐅᕗᖓ, ᐊᑕᓂᐅᓪᓕ ᐊᒡᒐᖏᑕ ᓲᖑᔪᕐᔪᐊᓄᑦ ᑎᒍᒥᐊᕐᐹᖓ;

ᐃᓯᑭᐊᓕᐅᑉ ᐊᒡᓚᖏᑦ 3:22

ᐊᑕᓂᐅᓪᓗ ᐱᔪᓐᓇᕐᓂᖓᑕ ᑕᕝᕙᓂ ᓇᔪᕐᐹᖓ; ᐅᖃᐅᑎᓪᓗᖓᓗ, “ᒪᑭᓪᓗᑎᑦ ᓇᑎᕐᓇᒧᑦ ᐂᓕᕆᑦ, ᑍᑲᓂ ᐅᖃᐅᑎᓂᐊᕐᐸᒋᑦ.”

ᐃᓯᑭᐊᓕᐅᑉ ᐊᒡᓚᖏᑦ 33:22

ᐊᖑᑎᐅᑉ ᕾᕕᒋᓂᐊᕐᑕᖓᑕ ᓯᕗᓂᖓᓂ, ᐅᓐᓄᒃᑯᑦ ᐊᑕᓂᐅᑉ ᐱᔪᓐᓇᕐᓂᖓᓄᑦ ᓇᔪᕐᑕᐅᓚᐅᕐᐳᖓ; ᐊᖑᑦ ᐅᓪᓛᓐᖑᕐᑎᓪᓗᒍ ᐅᕙᓐᓄᑦ ᕾᖕᒪᑦ ᐊᑕᓂᐅᑉ ᖃᓂᕋ ᒪᑐᐃᕐᐹ; ᑕᕝᕙ ᖃᓂᕋ ᒪᑐᐃᓚᐅᕐᐳᖅ ᐅᖃᕈᓐᓁᓪᓕᓯᒪᔪᓐᓃᕐᓗᖓᓗ.

ᐃᓯᑭᐊᓕᐅᑉ ᐊᒡᓚᖏᑦ 37:2

ᑕᒪᒃᑯᐊᓗ ᐊᑯᓐᓂᖓᑦᑎᒍᑦ ᑕᓯᐅᕐᐹᖓ; ᑕᑯᒋᓪᓗ, ᓇᕐᓴᒦᑦᑐᖃᕐᐳᖅ ᐅᓄᕐᑐᕐᔪᐊᓂᒃ; ᑖᒃᑯᐊᓗ ᐸᓂᓪᓚᕆᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 40:1

ᐊᐅᓪᓚᕈᑦᔭᐅᓯᒪᓂᑦᑕ ᐊᕐᕌᒍᖏᑕ 25ᖓᓐᓂ, ᐊᕐᕌᒎᑉ ᐱᒋᐊᕐᓂᖓᓂ, ᑕᖅᑭᐅᑉ ᐅᓪᓗᒋᑕ 10ᖓᓐᓂ, ᔨᕉᓴᓕᐅᑉ ᓵᓚᐅᓯᒪᓂᖓᑕ ᐊᕐᕌᒍᐃᑦ 14ᖓᓐᓂ, ᐅᓪᓗᒥ ᑕᕝᕙᓂᓪᓗᐊᖅ, ᐊᑕᓂᐅᑉ ᐱᔪᓐᓇᕐᓂᖓᑕ ᓇᔪᓕᕐᐹᖓ,

ᐃᓯᑭᐊᓕᐅᑉ ᐊᒡᓚᖏᑦ 43:5

ᑕᕝᕙ ᐊᓂᕐᓂᐅᑉ ᒪᑭᑎᓪᓗᖓ, ᐃᓗᕙᓯᖕᓂᕐᓴᒧᑦ ᑐᕐᓲᖑᔭᕐᒧᐊᕐᑎᑉᐹᖓ; ᑕᑯᒋᓪᓗ, ᐊᑕᓂᐅᑉ ᓂᕐᑐᕐᓇᕐᓂᕐᔪᐊᖓᓄᑦ ᑐᒃᓯᐊᕐᕕᒡᔪᐊᖅ ᑕᑕᑕᐅᓯᒪᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 8:1

ᐊᕐᕌᒍᑦ ᐱᖓᓲᔪᕐᑐᖓᓐᓂ, ᑕᖅᑮᑦ ᐱᖓᓲᔪᕐᑐᖏᑕ, ᐅᓪᓗᖏᑕ ᑕᓪᓕᒪᖓᓐᓂ, ᔫᑕᐅᑉ ᐊᖓᔪᖅᑳᖏᓐᓂᒃ ᐃᒃᓯᕙᖃᑎᖃᕐᑎᓪᓗᖓ ᐃᒡᓗᓐᓂ, ᐊᑕᓂᐅᑉ ᒎᑎᐅᑉ ᐱᔪᓐᓇᕐᓂᕐᔪᐊᖓᓄᑦ ᑎᑭᑕᐅᕗᖓ.

ᐃᓯᑭᐊᓕᐅᑉ ᐊᒡᓚᖏᑦ 8:3

ᐃᓴᒃᓗᓂ ᐊᒡᒐᒋᔮᕐᑕᒥᓄᑦ ᓄᔭᒃᑯᑦ ᑎᒍᕚᖓ; ᐊᓂᕐᓂᐅᑉ ᖃᖓᑦᑕᕐᑎᑉᐹᖓ ᓄᓇᐅᓪᓗ ᕿᓚᐅᓪᓗ ᐊᑯᓐᓂᖓᓄᑦ, ᑕᑯᑎᑦᔪᑎᒃᑯᓪᓗ ᒎᑎᒥᑦ ᐱᔪᒃᑯᑦ ᔨᕉᓴᓕᒧᐊᕐᑎᑉᐹᖓ, ᑐᒃᓯᐊᕐᕕᒡᔪᐊᓪᓗ ᐃᑎᕆᐊᕐᕕᖓᓄᐊᕐᑎᑉᐹᖓ ᐃᓗᓪᓕᕐᒧᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ, ᒎᑎᓐᖑᐊᓕᐊᕆᓯᒪᔫᑉ ᐃᓂᖓᓄᑦ ᓯᖕᓇᒋᔭᐅᔪᒧᑦ, ᑖᑦᓱᒧᖓ ᓯᖕᓇᑎᑦᓯᔪᒧᑦ.

ᓘᑲᓯᐅᑉ ᐊᒡᓚᖏᑦ 4:1

ᔩᓱᓯ ᔪᐊᕐᑕᓂᒥᑦ ᐅᑎᓕᕐᑎᓪᓗᒍ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓯᒪᓪᓗᓂ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᑕᓯᐅᕐᐹ ᐃᓄᖃᖏᑦᑐᒧᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 8:39

ᐃᒫᓂᑦ ᖃᑭᖕᒪᑎᒃ ᐊᑕᓂᐅᑉ ᐊᓂᕐᓂᖓᑕ ᐱᓕᑉᐴᓯ ᐊᐅᓪᓚᕈᑎᕚ; ᐃᑎᐅᐱᐊᒥᐅᑕᐅᓪᓗ ᑕᑯᒃᑲᓐᓂᕈᓐᓂᕐᐹ, ᐃᖏᕐᕋᓕᕐᐳᕐᓗ ᖁᕕᐊᓱᒃᑐᐊᓘᓪᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:10

ᐊᑕᓂᐅᓪᓕ ᐅᓪᓗᖓᓂ ᐊᓂᕐᓂᕐᒦᓕᓚᐅᕐᐳᖓ, ᑐᓴᕐᓗᖓᓗ ᑐᓄᓐᓂᑦ ᓂᐱᒥᒃ ᓂᐱᖅᑯᕐᑐᔪᒥᒃ ᑎᑦᑐᓚᐅᑎᑎᑐᑦ.