ᐃᓯᑭᐊᓕᐅᑉ ᐊᒡᓚᖏᑦ 36:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᓕᑦᓯᓕ, ᐃᓴᕆᐊᓕᐅᑉ ᖃᖅᑲᖏᑦ, ᓇᐹᕐᑐᑎᑦ ᐱᕈᕐᕕᐅᓕᕈᒫᕆᕗᑦ, ᐸᐅᕐᖓᕐᑖᖃᑦᑕᓕᕐᓗᑎᒡᓗ ᐃᓄᖁᑎᒪ ᐃᓴᕆᐊᓕᒥᐅᑉ ᓂᕿᒃᓴᖏᓐᓂᒃ; ᒫᓐᓇᒃᑯᑦ ᐊᖏᕐᕋᕆᐊᒃᓕᖕᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 36:8 ပူးပေါင်းရင်းမြစ်များ

ᐃᓐᖏᕈᑎᑦ 67:6

ᓄᓇᐅᑉ ᑕᕝᕙ ᐱᕈᕐᑎᑕᓂ ᓴᖅᑭᑎᑦᓱᒫᕐᐰᑦ; ᒎᑎᐅᓪᓗ, ᒎᑎᑦᑕ, ᓮᒻᒪᕐᑎᑦᓱᒫᕐᐹᑎᒍᑦ.

ᐃᓐᖏᕈᑎᑦ 85:12

ᐄᓛᒃ ᐊᑕᓂᖅ ᐱᐅᔪᒥᒃ ᑐᓂᓯᓂᐊᕐᐳᖅ, ᑕᕝᕙ ᓄᓇᕗᑦ ᐱᕈᕐᑎᑦᓯᓂᐊᕐᐳᖅ ᐱᕈᕐᑐᒥᓂᒃ.

ᐂᓮᐊᓯᐅᑉ ᐊᒡᓚᖏᑦ 27:6

ᐅᓪᓗᓂ ᓇᓪᓕᐅᑎᔪᒫᕐᑐᓂ, ᔧᑰᑉ ᑭᖑᕚᖏᑦ ᐊᒫᖃᓕᕈᒫᕐᐳᑦ; ᐃᓴᕆᐊᓕ ᓇᐹᕐᑐᒃᓴᑎᑐᑦ ᐱᕈᕐᑐᒃᓴᖃᓕᕐᓗᓂ, ᓄᓇᕐᔪᐊᕐᓗ ᐸᐅᕐᖓᖃᓕᕈᒫᕐᐳᖅ ᑖᒃᑯᓇᓐᖓᑦ ᐱᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 30:23

ᐱᕈᕐᑐᒃᓴᓂᒃ ᑲᓐᖓᕐᓱᐃᔭᕌᖓᑦᓯ ᐊᑕᓂᖅ ᓯᓚᓗᒃᑎᑦᓯᕙᒍᒫᕐᐳᖅ ᐱᕈᕈᑎᒃᓴᖏᓐᓂᒃ, ᐱᕈᕐᑐᕕᓂᕐᓂᒃ ᑲᑎᕐᓱᒐᒃᓴᖃᑦᓯᐊᖁᓪᓗᓯ, ᐱᕈᕐᓯᒪᑦᓯᐊᕐᑐᓂᒃ ᐊᒥᒐᖏᑦᑐᓂᒡᓗ. ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐆᒪᔪᖁᑎᓯ ᓂᕆᓇᓱᐊᕈᒫᕐᐳᑦ ᓄᓇᒥ ᓂᕿᒃᓴᖃᑦᓯᐊᕐᑐᒥ ᐊᒥᒐᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 4:2

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓇᐹᕐᑐᖁᑎᖓᑕ ᐊᕙᓚᖓᔪᖓ ᑕᑯᒥᓇᕐᑐᐊᓘᔪᒫᕐᐳᖅ ᐱᓐᓇᕐᓇᕐᑑᓗᓂ, ᓄᓇᐅᓪᓗ ᐱᕈᕐᑎᑕᖏᑦ ᐅᐱᓐᓇᕈᑕᐅᓗᑎᒃ ᓂᕐᑐᕐᓇᐅᑕᐅᔪᒫᕐᐳᑦ ᐃᓴᕆᐊᓕᒥ ᐊᒥᐊᒃᑰᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 65:9

ᑭᖑᕚᕐᑖᕐᑎᑦᓱᒫᕐᐸᒃᑲ ᔧᑰᑉ ᑭᖑᕚᖏᓐᓂᑦ ᐱᔪᓂᒃ, ᔫᑕᐅᓪᓗ ᑭᖑᕚᖏᑦᑕ ᖃᖅᑲᖁᑎᒃᑲ ᐱᒋᔪᒫᕐᐹᑦ; ᓂᕈᐊᕐᓯᒪᔭᒪ ᐱᒋᓕᕈᒫᕐᐹᑦ, ᐱᔨᒃᑲᓗ ᓄᓇᖃᕈᒫᕐᐳᑦ ᑕᕝᕙᓂ.

ᐃᓯᑭᐊᓕᐅᑉ ᐊᒡᓚᖏᑦ 12:25

ᐅᕙᖓᓕ ᐊᑕᓂᖅ ᐅᖃᐅᓯᕐᒥᒃ ᐅᖃᕐᓂᐊᓕᕐᐳᖓ, ᐅᖃᐅᓯᕆᔭᒃᑲᓗ ᐊᑑᑎᓂᐊᓕᕐᓗᑎᒃ. ᑭᖑᕙᕐᓂᐊᕈᓐᓃᕐᐳᖅ, ᐃᓅᑎᓪᓗᓯ ᓱᓕ, ᐊᑭᕋᕐᑐᕐᑎᐅᓪᓗᓯ ᑭᖑᕚᖑᔪᓯ, ᐅᖃᐅᓰᑦ ᐅᖃᐅᓯᕆᔭᒃᑲ ᐊᑑᑎᑎᓐᓂᐊᓕᕐᐸᒃᑲ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 17:23

ᐃᓴᕆᐊᓕᒥᐅᑦ ᖃᖅᑲᖏᑕ ᐳᕐᑐᓂᕐᐹᖓᓐᓂ ᓇᑉᐸᕐᓯᔪᒪᕗᖓ, ᐊᕙᓚᖓᔪᕐᔪᐊᖃᓕᕈᒫᕐᐳᖅ ᐸᐅᕐᖓᖃᓕᕐᓗᓂᓗ, ᓇᐹᕐᑐᕐᔪᐊᖑᓕᖁᓪᓗᒍ ᓰᑕᕆᐅᓕᕐᓗᓂ; ᐆᒪᔪᓪᓗ ᖃᓄᐃᑦᑐᑐᐃᓐᓁᑦ ᓇᐹᕐᑑᑉ ᐊᑖᓂ ᐃᓂᖃᓕᕈᒫᕐᐳᑦ, ᐊᕙᓚᖓᔪᖏᑕᓗ ᑕᕐᕋᓕᓂᖏᓐᓂ ᑎᖕᒥᐊᑦ ᐊᑦᔨᒌᖏᑦᑐᑦ ᐅᓪᓗᖃᓕᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 36:7

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐅᖃᕕᒃᐳᖓ ᐃᓅᖃᑎᒌᒡᔪᐊᑦ ᖃᓂᒋᔭᑦᓯᓐᓃᑦᑐᑦ ᓱᓇᐅᑎᖏᓐᓂᕐᒧᑦ ᒥᑕᐅᑎᒋᓗᒋᑦ ᐃᓗᖏᕐᓱᕐᑎᑦᓱᒫᕐᐸᒃᑲ.

ᔪᐃᓕᐅᑉ ᐊᒡᓚᖏᑦ 2:22

ᓯᕘᕋᓂᐊᕋᓯ ᐆᒪᔪᐃᑦ ᓄᔪᐊᕐᑐᑦ ᐱᕈᕐᑐᐃᑦ ᓇᑎᕐᓇᒦᑦᑐᑦ ᑐᖑᔪᕐᓯᓕᕐᒪᑕ; ᓇᐹᕐᑐᓪᓗ ᐸᐅᕐᖓᕐᑖᓕᕐᒪᑕ, ᓇᐹᕐᑐᐃᑦ ᐱᒋᓕᒃᓮᑦ ᕔᓂᒃᓮᓪᓗ ᐸᐅᕐᖓᖏᑦ ᐱᕈᑦᓯᐊᓕᕐᒪᑕ.

ᔪᐃᓕᐅᑉ ᐊᒡᓚᖏᑦ 2:24

ᓂᐊᑰᔭᒃᓮᑦ ᐃᕖᔭᕐᑕᐅᕕᖏᑦ ᑕᑕᓐᓂᐊᕐᐳᑦ ᓂᐊᖂᔭᒃᓴᓂᒃ, ᐴᒃᓮᑦ ᕔᓂᒧᑦ ᐸᐅᕐᖎᓪᓗ ᐅᕐᓱᖏᓐᓄᑦ ᑕᑕᑦᓱᒫᕐᐳᖅ ᖄᒥᓪᓗᑎᒃ.

ᐱᓕᐱᒥᐅᓄᑦ 4:5

ᐃᓅᖃᑎᓕᒫᑦᓯᓐᓄᑦ ᓂᑲᒍᓱᖕᓂᓯ ᖃᐅᔨᔭᐅᓕ. ᐊᑕᓂᖅ ᖃᓂᒻᒪᑦ.

ᐄᑉᕈᐃᓄᑦ 10:37

ᐊᒡᓔᑦ ᐅᖃᕐᒪᑕ, “ᐊᑯᓂᐅᖏᑦᑐᖅ, ᑎᑭᑦᑐᒃᓴᖅ ᑎᑭᓐᓂᐊᕐᒪᑦ ᑭᖑᕙᕐᓂᐊᕋᓂᓗ;