ᐃᓯᑭᐊᓕᐅᑉ ᐊᒡᓚᖏᑦ 36:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ “ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓯᖕᓇᕕᒡᔪᐊᕐᓂᕐᒧᑦ ᓂᓐᖓᐅᒪᓪᓗᖓ ᐃᓅᖃᑎᒌᒡᔪᐊᑦ, ᐄᑐᒥᐅᓕᒫᓪᓗ ᓵᓐᖓᓕᕐᐸᒃᑲ, ᖁᕕᐊᓲᑎᒋᓪᓗᒋᑦ ᒥᑕᐅᑎᒋᓪᓗᒋᓪᓗ ᑎᒍᓯᓚᐅᕐᒪᑕ ᓄᓇᖁᑎᓐᓂᒃ, ᓄᓇᑖᕆᔪᒪᓪᓗᒍ ᐱᓇᓱᐊᕐᕕᒋᔪᒪᓪᓗᒍᓗ.

ᐃᓯᑭᐊᓕᐅᑉ ᐊᒡᓚᖏᑦ 36:5 ပူးပေါင်းရင်းမြစ်များ

ᐃᓐᖏᕈᑎᑦ 137:7

ᐊᑕᓃᖅ ᐃᖅᑲᐅᒪᒋᑦ, ᐄᑐᒥᒥᐅᑦ ᔨᕉᓴᓕᒥᒃ ᓵᓚᖃᓕᕐᑎᓪᓗᒋᑦ, ᐅᖃᓚᐅᕐᒪᑕ, “ᐅᕐᕈᑎᓪᓗᒍ, ᐅᕐᕈᑎᓪᓗᒍ, ᑐᓐᖓᕕᖏᓐᓄᑦ ᑎᑭᓪᓗᒍ ᓄᖑᓪᓚᕆᒡᓗᒍ!”

ᐃᓐᖏᕈᑎᑦ 79:5

ᐊᑕᓃᖅ ᖃᓄᖅ ᐊᑯᓂᐅᑎᒋᔪᖅ ᐅᕙᑦᑎᓐᓄᑦ ᓂᓐᖓᐅᒪᓂᐊᕐᐲᑦ? ᓯᖕᓇᓂᕐᒧᑦ ᓂᓐᖓᐅᒪᓃᑦ ᐃᑯᒪᑎᑐᑦ ᐃᑯᐊᓚᑏᓐᓇᕐᓂᐊᕐᐱᐅᒃ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:5

ᐊᒃᓗᔪᓂᒃ ᒥᑕᐅᑎᖃᕐᑐᖅ ᐱᓐᖑᕐᑎᑦᓯᔨᒥᓂᒃ ᓇᕐᕈᓇᕐᑎᑦᓯᕗᖅ, ᐱᓂᕐᓗᖕᓂᐅᔪᓂᒃ ᖁᕕᐊᓲᑎᖃᕐᑐᖅ ᓱᒋᐊᕐᑕᐅᖏᑦᑑᓂᐊᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 12:14

ᐃᒫᒃ ᐊᑕᓂᖅ ᐅᖃᕐᐳᖅ, “ᐃᓄᖁᑎᒪ ᐃᓴᕆᐊᓕᒥᐅᑦ ᐊᓯᖏᑦ ᐊᑲᐅᖏᑦᑐᓕᔪᑦ ᑎᒍᓯᓚᐅᕐᑐᑦ ᑖᒃᑯᓂᖓ ᓄᓱᒍᒫᕐᐸᒃᑲ ᓄᓇᖏᓐᓂᑦ, ᔫᑕᒥᐅᓪᓗ ᐱᔭᐅᕕᒋᓯᒪᔭᖏᓐᓂᑦ ᓄᓱᒍᒫᕆᕙᒃᑲ.

ᔨᕆᒤᐊᐅᑉ ᐊᒡᓚᖏᑦ 25:9

ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 49:1

ᐊᒧᓁᑎᒥᐅᑦ ᐱᓪᓗᒋᑦ, ᐃᒫᒃ ᐊᑕᓂᖅ ᐅᖃᕐᐳᖅ, “ᐃᓴᕆᐊᓕᒥᐅᑦ ᑭᖑᕚᒃᓴᕐᑖᕐᓂᖏᒻᒪᑖ? ᑭᖑᕐᖑᑦᔨᔪᒃᓴᖃᓐᖏᓛᖅ? ᖃᓄᐃᒻᒪᓪᓕ ᒫᓕᑭ ᒑᑎᒥᐅᓂᒃ ᑎᒍᓯᓯᒪᕚ? ᐊᒧᓁᑎᒥᐅᓂᒡᓗ ᐃᓄᖃᐅᕐᓗᑎᒃ ᓄᓇᓕᖏᑦ.

ᔨᕆᒤᐊᐅᑉ ᐊᒡᓚᖏᑦ 50:11

“ᖁᕕᐊᓱᒃᑲᑦᓯ ᓯᕆᓪᓗᓯᓗ, ᓇᒡᕚᕐᑕᕐᓂᑦᓯᓐᓄᑦ ᐃᓄᖁᑎᒪ ᐱᖏᓐᓂᒃ, ᒥᓯᒃᑕᕐᐳᓯ ᐊᕐᓇᓪᓗᒃᑎᑐᑦ ᐸᐅᕐᖓᒃᓴᓂᒃ ᓯᐊᒻᒪᕐᑎᕆᔪᑎᑐᑦ, ᓂᓪᓕᐊᓪᓗᓯᓗ ᕿᒻᒥᕐᔪᐊᑎᑐᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:21

ᓯᕆᒋᑦᓯ ᖁᕕᐊᓱᒡᓗᓯ ᐄᑐᒥᐅᑕᐅᔪᓯ, ᓄᓇᖃᕐᑐᓯ ᐅᔾᒥ, ᐊᓯᕈᕐᑕᐅᓂᒃᓴᓯ ᓇᓪᓕᐅᑎᓛᕐᒥᖕᒪᑦ; ᐊᓐᓄᕌᖃᖏᓪᓗᓯ ᑲᓐᖑᓇᕐᑐᒥᒃ ᐊᑐᓕᕈᒫᕆᕗᓯ.

ᐃᓯᑭᐊᓕᐅᑉ ᐊᒡᓚᖏᑦ 36:3

“ᑍᒤᒻᒪᑦ ᐱᔪᖃᓛᕐᑐᒥᒃ ᐅᖃᐅᑎᒃᑭᑦ, ᐅᖃᕐᓗᑎᓪᓗ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑖᒃᑯᓇᓐᖓᑦ ᓱᓁᕈᑦᔭᐅᓚᐅᕋᕕᑦ, ᐊᕙᑎᓕᒫᕐᓂᑦ ᑲᑐᑦᔭᐅᓪᓗᑎᑦ ᓵᓚᐅᓚᐅᕋᕕᑦ, ᐃᓅᖃᑎᒌᒡᔪᐊᓄᑦ ᐱᑖᕆᔭᐅᓚᐅᕐᐳᑎᑦ, ᐃᓄᖕᓄᓪᓗ ᐅᖃᐅᓯᐅᖃᑦᑕᓕᓚᐅᕐᐳᑎᑦ ᐅᖃᐅᓯᐅᓂᕐᓗᖃᑦᑕᓕᕐᓗᑎᓪᓗ;

ᐃᓯᑭᐊᓕᐅᑉ ᐊᒡᓚᖏᑦ 36:6

“ᑍᒤᒻᒪᑦ ᐱᔪᒫᕐᑐᓂᒃ ᐅᖃᐅᑎᒃᑭᑦ ᐃᓴᕆᐊᓕᐅᑉ ᓄᓇᖓ, ᖃᖅᑬᑦ ᐱᖑᐃᓪᓗ, ᑰᕈᖏᑦ ᓇᕐᓴᖏᓪᓗ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓯᖕᓇᓂᕐᒧᑦ ᓂᓐᖓᐅᒪᓪᓗᖓ ᐅᖃᐅᑎᕙᑦᓯ, ᐃᓅᖃᑎᒌᒡᔪᐊᑦ ᓱᓇᐅᒃᓴᖏᓐᓂᕐᒧᑦ ᒥᑕᐅᑎᒋᓪᓗᓯ ᐃᓗᖏᕐᓱᕐᑎᓚᐅᕐᒪᓯ;

ᐃᓯᑭᐊᓕᐅᑉ ᐊᒡᓚᖏᑦ 38:19

ᓯᖕᓇᓂᕐᒧᑦ ᓂᓐᖓᕕᒡᔪᐊᓛᕐᓂᕋ ᓇᓗᓁᕐᐸᕋ, ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐃᓴᕆᐊᓕᒥᐅᑦ ᓄᓇᖓᓂ ᓴᔪᒃᐱᓗᒡᔪᐊᕐᑐᖃᕈᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 5:13

“ᑍᒫᒃ ᓂᓐᖓᐅᒪᓂᕋ ᐊᐅᓚᓂᖃᕈᒫᕐᐳᖅ, ᓂᓐᖓᕕᒡᔪᐊᕐᓂᕋᓗ ᑖᒃᑯᓄᖓ ᑐᕌᕈᒫᕐᐳᖅ ᐱᔭᕇᓚᐅᖏᓐᓂᓐᓂ; ᑖᒃᑯᐊ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᐅᔪᖓ ᐅᖃᓪᓚᒃᓯᒪᒐᒪ ᓯᖕᓇᓂᕐᒧᑦ, ᓂᓐᖓᒡᕕᖃᕐᓯᒪᓂᕐᒧᓪᓗ ᐱᓇᓱᐊᕐᓯᒪᓂᓐᓂᒃ ᑖᒃᑯᓄᖓ.

ᐅᐸᑍᐊᑉ ᐊᒡᓚᖏᑦ 1:12

ᓄᑬᓪᓗ ᖁᕕᐊᓲᑎᒋᔭᒃᓴᕆᓚᐅᓐᖏᓚᑦ ᐱᓂᕐᓗᒃᑕᐅᕕᐊᓂ; ᔫᑕᐅᑉ ᑭᖑᕚᖏᑦ ᖁᕕᐊᓲᑎᒋᓂᐊᕐᓇᒋᑦ ᑲᑉᐱᐊᓱᖕᓂᖏᑕ ᐅᓪᓗᖏᓐᓂ; ᐱᐅᔪᕆᔪᒃᓴᐅᓚᐅᓐᖏᓚᑎᑦ ᐅᓪᓗᖏᑕ ᑲᑉᐱᐊᓱᒃᑎᑕᐅᕕᖏᓐᓂ.

ᒤᑲᐅᑉ ᐊᒡᓚᖏᑦ 7:8

ᖁᕕᐊᓲᑎᒋᑦᑍᓕᓐᖓ ᐊᑭᕌᒃ! ᐹᓪᓚᒃᑲᓗᐊᕈᒪ ᒪᑭᑦᓱᒫᕐᐳᖓ, ᑖᕐᑐᒥ ᐃᒃᓯᕙᒐᓗᐊᕈᒪ, ᐊᑕᓂᖅ ᖃᐅᒪᓂᕆᔪᒫᕐᐸᕋ.

ᔨᐸᓁᐊᐅᑉ ᐊᒡᓚᖏᑦ 3:8

“ᑍᒤᒻᒪ ᐅᕙᓐᓂᒃ ᐅᑕᖅᑭᒋᑦᓯ, ᐊᑕᓂᖅ ᐅᖃᕐᐳᖅ, ᐅᓪᓗᕐᒧᑦ ᓇᓗᓁᕐᓯᕕᒋᔪᒫᕐᑕᓐᓄᑦ. ᐃᓅᖃᑎᒌᒡᔪᐊᑦ ᑲᑎᑎᑦᓱᒪᕙᒃᑲ ᐊᑕᓂᐅᕖᓪᓗ ᑲᑎᑎᑦᓱᒪᕙᒃᑲ, ᓂᓐᖓᐅᒪᓂᓐᓂᒃ ᑯᕝᕕᕆᔪᒪᕙᒃᑲ, ᓯᖕᓇᓂᓐᓄᑦ ᓄᓇᕐᔪᐊᓕᒫᖅ ᐊᓯᕈᕐᑕᐅᔪᒫᕐᐳᖅ ᐃᑯᒪᒧᑦ.

ᓴᑲᕅᐊᐅᑉ ᐊᒡᓚᖏᑦ 1:14

ᐂᖏᓕᓗ ᐅᕙᓐᓂᒃ ᐅᖃᖃᑎᖃᕐᑐᖅ ᐃᒫᒃ ᐅᖃᕐᐳᖅ, “ᐃᒫᒃ ᓂᓪᓕᐊᑦᔪᑎᖃᕆᑦ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ‘ᔨᕉᓴᓕᒻ ᓮᐅᓂᓗ ᐊᒃᓱᐊᓗᒃ ᓯᖕᓇᒋᕚᒃᑲᒃ.

ᓴᑲᕅᐊᐅᑉ ᐊᒡᓚᖏᑦ 1:15

ᐊᒃᓱᒻᒪᕆᐊᓗᒃ ᓂᓐᖓᐅᒪᕕᖃᕐᐳᖓ ᐃᓅᖃᑎᒌᒡᔪᐊᓂᒃ ᓄᓇᓂ ᓮᓕᓇᕐᑐᒦᑦᑐᓂᒃ. ᓂᓐᖓᐅᒪᓗᐊᓚᐅᓐᖏᒃᑲᓗᐊᕐᐳᖓ ᐃᓄᖁᑎᓐᓄᑦ, ᔫᑎᐅᖏᑦᑐᓪᓕ ᐅᖁᒤᒃᓴᕐᑎᑦᓯᕙᓪᓕᐊᓚᐅᕐᐳᑦ ᑖᒃᑯᓂᖓ.

ᒫᑯᓯᐅᑉ ᐊᒡᓚᖏᑦ 3:8

ᔨᕉᓴᓕᒻᒥᓐᖔᕐᑐᓂᓪᓗ, ᐂᑐᒥᐊᒥᓪᓗ, ᔪᐊᕐᑕᓂᐅᓪᓗ ᐊᑭᐊᓂᓐᖔᕐᑐᓂᑦ, ᐃᒡᓗᒐᓴᒡᔪᐊᓂᓪᓗ ᑍᕆᒥ ᓮᑐᓂᒥᓪᓗ, ᑕᒪᕐᒥᒃ ᔩᓱᓯᒧᐊᓚᐅᕐᐳᑦ ᑐᓴᓚᐅᕋᒥᒃ ᑖᑦᓱᒪ ᐱᓇᓱᐊᕐᓂᕆᓚᐅᕐᑕᖏᓐᓂᒃ.

ᒨᓯᓯ ᑕᓪᓕᒪᖏᑦ 4:24

ᐊᑕᓂᖅ ᒎᑎᓯ ᐃᑯᒪᑎᑐᑦ ᐃᑯᐊᓚᔪᑎᑐᑦ ᑍᒤᒻᒪᑦ; ᐊᓯᒥᓂᒃ ᒎᑎᖃᖁᔨᖏᒻᒪᕆᒃᑐᖅ.