ᐃᓯᑭᐊᓕᐅᑉ ᐊᒡᓚᖏᑦ 36:38 - ᐊᒡᓔᑦ ᐃᑦᔪᕐᖕᓁᑦᑐᑦ

³⁸ ᓰᐱᑎᑐᑦ ᑐᓂᕐᕈᑎᒃᓴᑎᑐᑦ ᑲᑎᕐᓱᕐᑕᐅᓯᒪᔪᑎᑐᑦ, ᓲᕐᓗ ᓰᐱᑎᑐᑦ ᑲᑎᕐᓱᕐᑕᐅᓯᒪᔪᑎᑐᑦ ᔨᕉᓴᓕᒥ ᓇᓪᓕᐅᓐᓂᕐᓯᐅᕐᕕᖕᒥ ᓇᓪᓕᐅᓐᓂᕐᓯᐅᕐᑎᓪᓗᒋᑦ, ᑍᒫᒃᑕᐅᖅ ᐃᒡᓗᒐᓴᒡᔪᐊᕕᓃᑦ ᐃᓄᖕᓂᒃ ᑕᑕᓕᕈᒫᕐᐳᑦ ᓰᐱᑎᑐᑦ ᑲᑎᕐᓱᕐᑕᐅᓯᒪᔪᑎᑐᑦ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 36:38 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 8:63

ᓲᓗᒨᓂ ᑐᓂᕐᕈᓯᕐᐳᖅ ᖃᓄᐃᓐᖏᑎᑕᐅᓂᖅ ᐱᓪᓗᒍ ᐃᒻᒧᒃᓯᐅᒐᕐᓂᒃ 22,000ᓂᒃ, ᓰᐱᓂᒡᓗ 120,000ᓂᒃ ᑐᒃᓯᐊᕐᓂᕐᒧᑦ ᑐᓂᕐᕈᑕᐅᑎᓪᓗᒋᑦ, ᑕᕝᕙ ᐊᖓᔪᖅᑳᕐᔪᐊᖅ ᐃᓄᓕᒫᓪᓗ ᑐᒃᓯᐊᕐᕕᒡᔪᐊᕐᒥ ᑐᓂᕐᕈᓯᕐᐳᑦ ᐃᑦᔪᕐᓁᓕᕐᑎᓪᓗᒍ.

ᑯᕉᓂᑲ ᐂᑉᐸᖏᑦ 7:8

ᑍᑦᓱᒪᓂᐅᑎᓪᓗᒍ ᓲᓗᒨᓂ ᓇᓪᓕᐅᓐᓂᕐᓯᐅᕐᑎᑦᓯᓚᐅᕐᐳᖅ ᐅᓪᓗᓂᒃ 7ᓂᒃ, ᐃᓴᕆᐊᓕᒥᐅᓕᒫᓪᓗ ᐃᓚᒋᓪᓗᒋᑦ, ᐅᓄᕐᑐᕐᔪᐊᖑᓪᓗᑎᒃ ᑲᑎᒪᓚᐅᕐᐳᑦ, ᕼᐊᒫᑎ ᐃᑎᕆᐊᕐᕕᖕᒥᑦ ᐄᑦᔨᑉᑎᐅᑉ ᑰᖓᓄᑦ ᑎᑭᓪᓗᒍ.

ᐃᓐᖏᕈᑎᑦ 100:3

ᖃᐅᔨᒪᓗᓯ ᐊᑕᓂᖅ ᒎᑎᐅᖕᒪᑦ! ᑖᑦᓱᒪ ᓴᓇᓚᐅᕐᒪᑎᒍᑦ ᐱᖁᑎᒋᕚᑎᒍᑦ; ᐃᓄᖁᑎᒋᕚᑎᒍᑦ, ᑲᒪᒋᕚᑎᒍᓪᓗ ᓰᐱᖁᑎᒥᑐᑦ.

ᐃᓐᖏᕈᑎᑦ 74:1

ᒎᑏ, ᓱᖕᒪᑦ ᖁᔭᓈᕐᓯᒪᕕᑎᒍᑦ ᐃᓱᖃᖏᑦᑐᒧᑦ? ᓱᖕᒪᑦ ᓂᓐᖓᐅᒪᓃᑦ ᐳᔫᕐᐸ ᓰᐱᖁᑎᖕᓄᑦ ᓇᑎᕐᓇᒦᑦᑐᓄᑦ?

ᒨᓯᓯ ᐂᑉᐸᖏᑦ 23:17

ᐊᕐᕌᒍᒥ ᐊᑕᐅᓯᕐᒥ ᐱᖓᓱᐃᕐᑐᕐᓗᑎᒃ ᐊᖑᑎᓕᒫᑦ ᑐᒃᓯᐊᕆᐊᖃᑦᑕᕐᑐᒃᓴᐅᕗᑦ ᐊᑕᓂᕐᒧᑦ ᒎᑎᒧᑦ.

ᒨᓯᓯ ᐂᑉᐸᖏᑦ 34:23

“ᐊᕐᕌᒍᒥ ᐊᑕᐅᓯᕐᒥ ᐊᖑᑎᓕᒫᑦ ᐱᖓᓱᐃᕐᑐᕐᓗᑎᒃ ᑐᒃᓯᐊᕆᐊᕐᑐᒃᓴᐅᕗᑦ ᐅᕙᓐᓄᑦ, ᐊᑕᓂᕐᒧᑦ, ᐃᓴᕆᐊᓕᒥᐅᑦ ᒎᑎᖓᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 23:1

“ᑲᑉᐱᐊᓇᒦᒃ ᐰᕐᓯᔨᐅᔪᑦ ᓰᐱᓂᒃ ᐊᓯᕈᐃᔪᑦ ᓯᐊᒻᒪᕐᑎᑦᓯᔪᓪᓗ ᓇᑎᕐᓇᖁᑎᓐᓂ!” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 30:19

ᑖᒃᑯᓇᓐᖓᑦ ᓂᕐᑐᐃᔪᓂᒃ ᐃᓐᖏᕐᑐᖃᕈᒫᕐᐳᖅ; ᖁᕕᐊᓱᒡᕙᓗᒃᑐᓪᓗ ᓂᐱᖃᓕᕈᒫᕆᕗᑦ, ᐅᓄᕐᓯᕙᓪᓕᐊᔪᒫᕐᐳᑦ ᓄᖑᑉᐸᓪᓕᐊᖏᓪᓗᑎᒃ ᐅᐱᒋᔭᐅᑎᑦᓱᒫᕐᐸᒃᑲ ᐊᖏᔪᕈᕐᑎᓪᓗᒋᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 34:31

ᓰᐱᖁᑎᒋᕙᑦᓯᓗ, ᓂᕆᑎᖃᑦᑕᕐᐸᑦᓯ, ᒎᑎᒋᕙᑦᓯᓐᖓᓗ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 36:37

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᑦ ᐃᑲᔪᕐᑕᐅᔪᒪᓗᑎᒃ ᐅᕙᓐᓄᑦ ᐅᖃᕈᓐᓇᕐᑎᑦᓱᒫᕆᕙᒃᑲ: ᐅᓄᕐᓯᕙᓪᓕᐊᑎᓪᓗᒋᓪᓗ ᓰᐲᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 46:9

“ᐃᓄᐃᓪᓕ ᐊᑕᓂᕐᒧᐊᕈᑎᒃ ᓇᓪᓕᐅᓐᓂᕐᓯᐅᕐᓇᐅᑎᓪᓗᒍ, ᐅᓐᓄᐊᓪᓗᐊᑉ ᓇᓛᓃᑦᑐᒃᑯᑦ ᐃᑎᕐᑐᕕᓃᑦ ᐊᓂᔪᒃᓴᐅᕗᑦ ᐅᓪᓗᓪᓗᐊᑉ ᓇᓛᓃᑦᑐᒃᑯᑦ ᐃᑎᕐᑕᕐᕕᒃᑯᑦ; ᐅᓪᓗᓪᓗᐊᓪᓗ ᓇᓛᓃᑦᑐᒃᑯᑦ ᐃᑎᕐᑐᕕᓃᑦ ᐅᓐᓄᐊᓪᓗᐊᑉ ᓇᓛᓃᑦᑐᒃᑯᑦ ᐊᓂᔪᒃᓴᐅᕗᑦ; ᓇᓪᓕᐊᑦ ᐃᑎᕐᕕᒋᓚᐅᕐᑕᒥᒍᑦ ᐊᓂᔪᒃᓴᐅᓐᖏᓚᖅ, ᐃᑎᕐᕕᒋᓚᐅᑕᖏᑕᓕ ᐊᑭᓪᓗᐊᖓᒍᑦ ᐊᓂᔪᒃᓴᐅᕗᑦ.

ᔪᐊᓇᓯᐅᑉ ᐊᒡᓚᖏᑦ 10:16

ᐊᓯᖏᓐᓂᒃ ᓱᓕ ᓰᐱᖁᑎᖃᕐᐳᖓ, ᑕᕝᕙᓐᖓᑦ ᓰᐱᒃᑯᕕᖕᒥᒃ ᐱᓯᒪᖏᑦᑐᓂᒃ; ᑖᒃᑯᐊᑦᑕᐅᖅ ᑕᕝᕗᖓ ᐃᑎᕐᑎᑦᓴᕆᐊᖃᕐᐸᒃᑲ; ᓂᐱᓐᓂᒃ ᑐᓴᕈᒫᕐᐳᑦ. ᐊᑕᐅᓯᐅᖃᑎᒌᒍᒫᕐᐳᑦ, ᐊᑕᐅᓯᕐᒥᒡᓗ ᐰᕐᓯᔨᖃᕐᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 10:7

ᑕᕝᕙ ᔩᓱᓯᐅᑉ ᐅᖃᕐᕕᒋᒃᑲᓐᓂᓕᕐᐰᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐅᕙᖓ ᓰᐲᑦ ᐃᑎᕐᑕᕐᕕᒋᕚᖓ.

ᔪᐊᓇᓯᐅᑉ ᐊᒡᓚᖏᑦ 10:9

ᐃᑎᕐᑕᕐᕕᐅᕗᖓ; ᓇᓪᓕᐊᑦ ᐅᕙᒃᑯᑦ ᐃᑎᑐᖅ, ᑖᓐᓇ ᐱᐅᓕᔭᐅᓂᐊᕐᐳᖅ, ᐃᑎᕐᓗᓂ ᐊᓂᓗᓂᓗ ᓂᕿᒃᓴᓕᖕᒥᒃ ᓇᓂᓯᓂᐊᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 2:14

ᑐᒃᓯᐊᕐᕕᒡᔪᐊᕐᒥᓗ ᐃᓄᖕᓂᒃ ᑕᑯᕗᖅ ᐃᒻᒧᒃᓯᐅᒊᑦ ᐸᖕᓂᖏᓐᓂᒃ ᓰᐱᓂᒡᓗ ᐊᕿᒡᒋᐅᔮᕐᑐᓂᒡᓗ ᓂᐅᕐᕈᑎᖃᕐᑐᓂᒃ, ᑮᓇᐅᔭᓂᒡᓗ ᑕᐅᕐᓰᔩᑦ ᐱᓇᓱᐊᕐᑎᓪᓗᒋᑦ ᐱᓇᓱᐊᒐᕐᒥᖕᓂᒃ.

ᒨᓯᓯ ᑕᓪᓕᒪᖏᑦ 16:16

“ᐊᖑᑎᓕᒫᑦ ᐃᓅᖃᑎᒌᒡᔪᐊᓂᑦ ᐱᓯᒪᔪᑦ ᑐᒃᓯᐊᕆᐊᖃᑦᑕᕐᑐᒃᓴᐅᕗᑦ ᐊᑕᓂᕐᒧᑦ ᐱᖓᓱᐃᕐᑐᕐᓗᑎᒃ ᐊᕐᕌᒍᒥ ᐊᑕᐅᓯᕐᒥ ᑕᕝᕙᓂ ᑐᒃᓯᐊᕐᕕᖕᒥ: ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒥ, ᐱᕈᕐᑐᓂᒃ ᑲᑎᕐᓯᕕᐅᑉ ᓇᓪᓕᐅᓐᓂᕐᓯᐅᕐᑕᐅᓂᖓᓂ, ᑐᐲᓐᓇᕐᒥᓗ ᐃᓂᖃᓚᐅᕐᓂᑦᓯ ᓇᓪᓕᐅᓐᓂᕐᓯᐅᕐᑕᐅᓂᖓᓂ. ᐊᖑᑎᓪᓕ ᐊᑐᓂᑦ ᑐᓂᕐᕈᑎᒃᓴᒥᖕᓂᒃ ᓇᒃᓴᕐᑐᒃᓴᐅᕗᑦ;