ᐃᓯᑭᐊᓕᐅᑉ ᐊᒡᓚᖏᑦ 36:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ “ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐅᓪᓗᖅ ᓇᓪᓕᐅᑎᒃᐸᑦ ᓴᓗᒻᒤᕕᒋᔪᒫᕐᑕᕋ ᐱᐅᖏᑦᑐᓕᓂᓕᒫᑦᓯᓐᓂᑦ, ᐃᒡᓗᒐᓴᒡᔪᐊᑦ ᐃᓄᖃᓕᕐᑎᑦᓱᒫᕆᕙᒃᑲ, ᓱᓇᐅᔪᓐᓃᕐᓯᒪᔪᓪᓗ ᐋᖅᑭᒃᓱᕐᓕᕐᒥᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 36:33 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 36:10

ᐃᓅᖃᑎᓯᓗ ᐅᓄᕐᓯᕙᓪᓕᐊᑎᓐᓂᐊᓕᕐᐸᒃᑲ, ᐃᓴᕆᐊᓕᐅᑉ ᑭᖑᕚᓕᒫᖏᑦ, ᐊᑕᖏᕐᓗᒋᑦ; ᐃᒡᓗᒐᓴᒡᔪᐊᑦ ᐃᓄᖃᓕᕈᒫᕐᐳᑦ ᓯᖁᒥᑕᐅᓯᒪᔪᓪᓗ ᓴᓇᔭᐅᓕᕐᒥᓗᑎᒃ;

ᐂᓮᐊᓯᐅᑉ ᐊᒡᓚᖏᑦ 58:12

ᐃᒡᓗᒐᓴᒡᔪᐊᕕᓂᓯ ᓯᖁᑦᑎᕐᓯᒪᔪᑐᕾᑦ ᓇᑉᐸᕐᑎᕐᑕᐅᒃᑲᓐᓂᕈᒫᕐᐳᑦ; ᑐᓐᖓᕕᓕᐅᕐᓗᓯᓗ ᑭᖑᕚᑦᓯᓐᓄᑦ ᑭᖑᓕᕇᓄᑦ ᐅᓄᕐᑐᓄᑦ ᐱᒋᔭᐅᔪᒃᓴᓂᒃ; ᑍᔭᐅᓕᕈᒫᕐᐳᓯ ᐋᖅᑭᒃᓱᐃᔨᓂᒃ ᓯᖁᒥᓯᒪᓚᐅᕐᑐᓂᒃ, ᐊᖅᑯᑎᓂᒡᓗ ᐋᖅᑭᒃᓱᐃᔨᐅᓂᕋᕐᑕᐅᓗᓯ ᐊᑐᕐᑕᐅᔪᒃᓴᓂᒃ.”

ᔨᕆᒤᐊᐅᑉ ᐊᒡᓚᖏᑦ 33:10

“ᐃᒫᒃ ᐊᑕᓂᖅ ᐅᖃᕐᐳᖅ: ᑕᕝᕙᓂ ᐅᖃᖃᑦᑕᕐᐳᓯ, ‘ᓄᓇᓖᑦ ᑖᒃᑯᐊ ᓄᓇᓕᕕᓂᑐᐃᓐᓇᐅᓕᕐᐳᑦ ᓱᓇᑕᖃᖏᑦᑐᑦ, ᐃᓄᖃᕋᑎᒃ ᐆᒪᔪᕐᑕᖃᕋᑎᒡᓗ,’ ᑍᒤᓚᐅᕋᓗᐊᕐᑎᓪᓗᒋᑦ ᔫᑕᒥᐅᓂᒃ ᔨᕉᓴᓕᒥᐅᓂᒡᓗ ᓱᓇᑕᖃᖏᑦᑐᓂ ᐃᓄᖃᕋᑎᒃ ᐆᒪᔪᖃᕋᑎᒡᓗ; ᑐᓴᕐᑕᐅᔪᓐᓇᕐᓯᔪᒫᕆᕗᑦ

ᔨᕆᒤᐊᐅᑉ ᐊᒡᓚᖏᑦ 32:43

ᐱᕈᕐᓰᕖᓪᓗ ᑕᒫᓂ ᓂᐅᕕᐊᖑᔪᓐᓇᕐᓯᔪᒫᕆᕗᑦ ᐅᖃᕐᐸᓚᐅᕋᓗᐊᕐᑎᓪᓗᓯ ᓱᓇᑕᖃᖏᓐᓂᕐᒧᑦ ᐃᓄᖃᕐᑐᒃᓴᐅᔪᓐᓃᕐᓂᕋᕐᓗᒋᑦ ᐆᒪᔪᖃᕐᑐᒃᓴᐅᔪᓐᓃᕐᓂᕋᕐᓗᒋᓪᓗ ᑲᐅᓪᑎᐊᒥᐅᓄᑦ ᑐᓂᔭᐅᓯᒪᓕᕐᒪᑦ.

ᐃᓐᖏᕈᑎᑦ 51:2

ᐅᐊᓴᓚᐅᓐᖓ ᓴᓗᒻᒪᕐᑎᓪᓗᖓ ᐊᔪᕐᑐᓕᓂᓐᓂᑦ ᑕᒤᓐᓂᑦ ᐊᔪᕐᓂᓐᓂᓪᓗ ᓴᓗᒻᒪᕐᓴᓚᐅᓐᖓ.

ᐂᓮᐊᓯᐅᑉ ᐊᒡᓚᖏᑦ 61:4

ᐃᒡᓗᒐᓴᒡᔪᐊᓂᒃ ᓴᓇᓕᕈᒫᕐᐳᑦ ᐊᑯᓂ ᓯᖁᑦᑎᕐᓯᒪᓕᓚᐅᕐᑐᓂᒃ, ᒪᑭᑎᑦᓯᔪᒫᕐᓗᑎᒡᓗ ᐅᕐᕈᑎᑕᐅᓯᒪᔪᑐᖃᕐᓂᒃ; ᐃᒡᓗᒐᓴᒡᔪᐊᓪᓗ ᓄᑕᐅᓯᓕᕈᒫᕐᐰᑦ ᓯᖁᑦᑎᕐᓯᒪᔪᑦ, ᓯᖁᑦᑎᕐᓯᒪᓚᐅᕐᑐᑦ ᑭᖑᕚᕇᒐᓴᒡᔪᐊᓂ ᐅᓄᕐᑐᓂ.

ᔨᕆᒤᐊᐅᑉ ᐊᒡᓚᖏᑦ 33:8

ᓴᓗᒻᒪᕈᒫᕐᐸᒃᑲ ᐊᔪᕐᑐᓕᓂᖏᑕ ᐸᓯᔭᒃᓴᐅᓂᖏᓐᓂᑦ, ᐃᓱᒪᒋᔪᓐᓁᕐᕕᒋᓗᒋᓪᓗ ᐊᔪᕐᓂᖏᓐᓂᒃ ᐊᑭᕋᕐᑐᕐᓂᕆᓚᐅᕐᑕᖏᓐᓂᓪᓗ ᐅᕙᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 36:34

ᐱᕈᕐᓰᕕᖁᑎᑦᓯᒍᑦ ᐊᖅᑯᓵᕐᑐᑦ ᑕᑯᕙᓚᐅᕐᐳᑦ ᑲᒪᒋᔭᐅᓯᒪᖏᓐᓂᕐᒧᑦ ᓱᓇᖃᕈᓐᓃᕐᑐᓂᒃ, ᓄᓇ ᓱᓇᖃᕐᐸᓚᐅᕈᓐᓃᕐᑐᖅ ᐱᕈᕐᓰᕕᐅᓕᕈᒫᕐᐳᖅ.