ᐃᓯᑭᐊᓕᐅᑉ ᐊᒡᓚᖏᑦ 36:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ “ᑍᒤᒻᒪᑦ ᐱᔪᖃᓛᕐᑐᒥᒃ ᐅᖃᐅᑎᒃᑭᑦ, ᐅᖃᕐᓗᑎᓪᓗ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑖᒃᑯᓇᓐᖓᑦ ᓱᓁᕈᑦᔭᐅᓚᐅᕋᕕᑦ, ᐊᕙᑎᓕᒫᕐᓂᑦ ᑲᑐᑦᔭᐅᓪᓗᑎᑦ ᓵᓚᐅᓚᐅᕋᕕᑦ, ᐃᓅᖃᑎᒌᒡᔪᐊᓄᑦ ᐱᑖᕆᔭᐅᓚᐅᕐᐳᑎᑦ, ᐃᓄᖕᓄᓪᓗ ᐅᖃᐅᓯᐅᖃᑦᑕᓕᓚᐅᕐᐳᑎᑦ ᐅᖃᐅᓯᐅᓂᕐᓗᖃᑦᑕᓕᕐᓗᑎᓪᓗ;

ᐃᓯᑭᐊᓕᐅᑉ ᐊᒡᓚᖏᑦ 36:3 ပူးပေါင်းရင်းမြစ်များ

ᐃᓐᖏᕈᑎᑦ 35:25

ᐃᓱᒪᖁᓇᒋᑦ, “ᐋᕼᐊ, ᑍᒤᑦᑐᕆᔭᕗᑦ ᐊᓱᐃᓛᖑᕗᖅ!” ᐃᒫᒡᓗ ᐅᖃᖁᓇᒋᑦ, “ᓵᓚᒋᓯᒪᕙᕗᑦ.”

ᐃᓐᖏᕈᑎᑦ 61:1

ᐃᓗᖏᕐᑐᕐᓗᖓ ᓂᓪᓕᐊᓂᕋ ᑐᓴᓚᐅᕈᒃ, ᒎᑏ; ᑐᒃᓯᐊᕐᓂᕋᓗ ᓈᓚᓚᐅᕈᒃ.

ᐃᓐᖏᕈᑎᑦ 69:12

ᐃᑎᕐᑕᕐᕕᖕᓂ ᐃᒃᓯᕙᔪᑦ ᓂᓪᓕᐊᕙᒃᐳᑦ ᐊᑭᕋᕐᑐᕐᓗᖓ, ᐋᖓᔮᕐᑎᓂᓪᓗ ᐃᓐᖏᐅᑎᓕᐊᖑᓯᒪᓪᓗᖓ.

ᐃᓐᖏᕈᑎᑦ 79:10

ᓱᖕᒪᑦ ᐃᓅᖃᑎᒌᑦ ᐅᖃᕐᑐᒃᓴᐅᕚᑦ, “ᒎᑎᖓᓪᓕ ᓇᐅᒃ?” ᐃᓅᖃᑎᒌᒡᔪᐊᓂᑦ ᖃᐅᔨᓚᐅᕐᓕ ᐱᔨᕕᑦ ᐊᐅᖏᑕ ᑯᕕᔭᐅᓯᒪᓂᖏᓐᓄᑦ ᐊᑭᓂᐊᕐᑕᐅᓕᕐᓂᖏᓐᓂᒃ ᐅᕙᒍᑦ ᑕᑯᓐᓇᓪᓚᕆᒃᑎᓪᓗᑕ!

ᐃᓐᖏᕈᑎᑦ 79:4

ᐃᓅᖃᑎᑦᑎᓐᓄᑦ ᐅᐱᓐᓇᕈᓐᓃᕐᐳᒍᑦ; ᐃᔪᕿᑕᐅᑎᒋᔭᐅᓪᓗᑕ ᒥᑕᐅᑎᒋᔭᐅᓕᕐᐳᒍᑦ ᖃᓂᒋᔭᑦᑎᓐᓃᑦᑐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:12

ᐃᓅᑎᓪᓗᒋᑦ ᑲᑉᐱᐊᓇᕐᑐᕕᖕᒧᑦ ᐄᔭᐅᓂᐊᕐᒪᑕ ᐃᓗᐃᑦᑑᓗᑎᒃ, ᐃᑎᕐᓴᒧᑦ ᑲᑕᒃᑐᑎᑐᑦ:

ᔨᕆᒤᐊᐅᑉ ᐊᒡᓚᖏᑦ 18:16

ᓄᓇᖓ ᐊᑐᕐᑐᒃᓴᐅᔪᓐᓃᕐᓂᐊᕐᐳᖅ, ᓄᓇᒋᔭᐅᔭᕆᐊᒃᓴᖅ ᓇᕐᕈᒋᔭᐅᓕᕐᓗᓂ. ᐊᖅᑯᓵᕐᑐᓕᒫᑦ ᑲᒪᓂᐊᖃᑦᑕᕈᒫᕐᐳᑦ ᐃᓕᕿᑕᒫᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 2:15

ᓛᔭᑎᑐᑦ ᖃᓕᖑᐊᕐᑕᐅᖕᒪᑕ, ᐃᕐᓯᓵᕐᑕᐅᓪᓗᑎᒡᓗ; ᓄᓇᖓᓗ ᓱᓁᕈᑦᔭᐅᖕᒪᑦ, ᐃᒡᓗᒐᓴᒡᔪᐊᖁᑎᖏᓪᓗ ᐃᑭᑕᐅᓪᓗᑎᒃ ᓄᖑᑕᐅᖕᒪᑕ ᐃᓄᖃᕈᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 24:9

ᐃᓅᖃᑎᒋᔪᒥᓇᕈᓐᓃᕐᑎᑦᓱᒪᕙᒃᑲ ᐱᐅᒋᔭᐅᖏᑦᑑᑎᓪᓗᒋᓪᓗ ᐊᖓᔪᖅᑳᕐᔪᐊᖃᕐᕕᐅᔪᓕᒫᓄᑦ ᓄᓇᒥ, ᐱᐅᖏᑦᑐᒥᒃ ᐅᖃᐅᓯᐅᒐᔪᒃᑎᓪᓗᒋᑦ ᐊᑭᕋᕐᑐᕐᑕᐅᒐᔪᒃᑎᓪᓗᒋᓪᓗ ᓇᓂᑐᐃᓐᓇᖅ ᓄᓇᖃᓕᕌᖓᑕ.

ᔨᕆᒤᐊᐅᑉ ᐊᒡᓚᖏᑦ 33:24

“ᐃᓄᐃᑦ ᐅᖃᓪᓚᖕᓂᖏᑦ ᖃᐅᔨᒪᕕᒌᑦ? ᐅᖃᕐᒪᑕ, ‘ᐊᑕᓂᐅᑉ ᐊᖓᔪᖅᑲᐅᕕᒃ ᓂᕈᐊᓚᐅᕐᑕᓂ ᐃᓚᒌᒃ ᒪᕐᕉᒃ ᓇᕐᕈᒋᓕᕐᐹᒃ.’ ᑍᒤᒻᒪᑦ ᐃᓄᖁᑎᒃᑲ ᓇᕐᕈᒋᓕᕐᐰᑦ ᐃᓅᖃᑎᒌᒡᔪᐊᖑᔪᓐᓃᕐᓗᑎᒡᓗ ᑖᑦᓱᒪ ᓵᖓᓂ.

ᔨᕆᒤᐊᐅᑉ ᐊᒡᓚᖏᑦ 51:34

ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᕉᓴᓕᒥᐅᖑᔪᒍᑦ ᓂᕆᓚᐅᕐᐹᑎᒍᑦ, ᒪᕐᕋᑎᑐᑦ ᐃᓗᓕᖃᖏᑦᑐᑎᑐᑦ ᑍᒤᑎᓚᐅᕐᐹᑎᒍᑦ, ᖁᒡᓗᒋᐊᑎᑐᑦ ᐄᕚᑎᒍᑦ, ᓂᕆᓚᐅᕐᓗᓂᑎᒍᓪᓗ ᐅᕆᐊᕆᕚᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 52:1

ᔨᑎᑬᐊ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᐊᕐᕌᒍᖃᓕᕐᓗᓂ 21ᓂᒃ, ᐊᖓᔪᖅᑳᕐᔪᐊᕆᔭᐅᓚᐅᕐᐳᕐᓗ ᔨᕉᓴᓕᒥ ᐊᕐᕌᒍᓂᒃ 11ᓂᒃ, ᐊᓈᓇᖓ ᐊᑎᖃᕐᐳᖅ ᕼᐊᒧᑕᓕᒥᒃ ᔨᕆᒤᐊᐅᑉ ᐸᓂᖓ ᓕᑉᓇᒥ ᓄᓇᖃᕐᓗᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:2

ᐊᑕᓂᖅ ᓂᑲᒍᓱᖕᓂᖃᕋᓂ ᔧᑯᒃᑯᑦ ᐃᒡᓗᒐᓴᒡᔪᐊᖁᑎᖏᑦ ᐊᓯᕈᕐᑕᐅᑎᑉᐰᑦ ᓂᓐᖓᕕᒡᔪᐊᕐᓂᕐᒥᓄᑦ ᔫᑕᐅᑉ ᐸᓂᖏᑕ ᐱᔭᐅᑦᔧᕐᓯᒪᑦᔪᑎᖏᑦ ᓯᖁᒥᑉᐰᑦ ᐊᖓᔪᖅᑲᐅᕕᖏᑦ ᐊᖓᔪᖅᑳᕐᔪᐊᖏᑕᓗ ᐃᕐᓂᖏᑦ ᐅᐱᓐᓇᕈᓐᓃᕐᑎᓪᓗᒋᑦ ᐱᔪᓐᓇᕐᓂᖃᕈᓐᓁᕐᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:5

ᐊᑕᓂᖅ ᐊᑭᕋᕐᑎᑐᑦ ᑍᒤᓕᕐᐳᖅ ᐃᓴᕆᐊᓕᒥᐅᓂᒃ ᓄᖑᕅᓪᓗᓂ, ᐃᒡᓗᒐᓴᒡᔪᐊᖁᑎᖏᑦ ᓄᖑᑎᒻᒪᒋᑦ ᐱᔭᐅᒌᒃᑯᑎᖏᓪᓗ ᓯᖁᑦᑎᕐᓱᒋᑦ ᔫᑕᐅᑉ ᐸᓂᖏᓐᓄᑦ ᓇᓂᑐᐃᓐᓇᖅ ᕿᒃᓵᖕᓇᕐᑐᖃᕐᑎᑦᓯᕗᖅ ᐅᒡᒍᐊᕐᓇᕐᑐᖃᕐᑎᑦᓯᓪᓗᓂᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:62

ᐅᓪᓗᓕᒫᖅ ᖃᓄᐃᓕᓗᑎᒃ ᓱᒃᑯᐃᒐᔭᕐᒪᖔᕐᒥᒃ ᑐᑭᑖᕋᓱᐊᖃᑦᑕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 12:20

ᐃᒡᓗᒐᓴᒡᔪᐊᑦ ᒫᓐᓇ ᐃᓄᓖᑦ ᓱᒃᑯᑎᕐᑕᐅᔪᒫᕐᐳᑦ, ᓄᓇᓗ ᑕᒪᓐᓇ ᓱᓇᑕᖃᕈᓐᓃᕐᓗᓂ; ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 13:10

“ᐃᓛᒃ ᑖᒃᑯᐊ, ᐃᓄᖁᑎᓐᓂᒃ ᑕᒻᒪᕐᑎᑦᓯᓚᐅᕐᐳᑦ, ᐅᖃᕐᓗᑎᒃ, ‘ᖃᓄᐃᓐᓇᕐᑐᖃᓐᖏᓚᖅ,’ ᐅᕝᕙ ᖃᓄᐃᓐᓇᕐᑐᑦ ᐊᑐᓕᕐᑎᓪᓗᒋᑦ; ᐃᓄᖁᑎᒃᑲ ᐊᕙᓗᕐᔪᐊᓕᐅᕐᑎᓪᓗᒋᑦ, ᑖᒃᑯᐊ ᓇᓚᐅᑦᑍᔨᐅᓂᕋᕐᑐᑦ ᖄᖓᒍᑦ ᖃᑯᕐᑕᒥᒃ ᒥᖑᐊᕆᔨᑐᐃᓐᓇᐅᕗᑦ;

ᐃᓯᑭᐊᓕᐅᑉ ᐊᒡᓚᖏᑦ 35:13

ᑐᓴᕐᓯᒪᕙᑦᓯᓗ ᖃᓂᑦᓯᒍᑦ ᐊᖏᓂᕐᓴᐅᓂᕋᕐᑎᓪᓗᓯ ᐅᕙᓐᓂᑦ, ᐅᓄᕐᑐᐃᕐᓱᕐᓗᓯ ᐅᕙᓐᓂᒃ ᐊᑭᕋᕐᑐᕐᓗᓯ ᐅᖃᓪᓚᒃᑎᓪᓗᓯ; ᑐᓵᓯᒪᕙᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 36:5

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓯᖕᓇᕕᒡᔪᐊᕐᓂᕐᒧᑦ ᓂᓐᖓᐅᒪᓪᓗᖓ ᐃᓅᖃᑎᒌᒡᔪᐊᑦ, ᐄᑐᒥᐅᓕᒫᓪᓗ ᓵᓐᖓᓕᕐᐸᒃᑲ, ᖁᕕᐊᓲᑎᒋᓪᓗᒋᑦ ᒥᑕᐅᑎᒋᓪᓗᒋᓪᓗ ᑎᒍᓯᓚᐅᕐᒪᑕ ᓄᓇᖁᑎᓐᓂᒃ, ᓄᓇᑖᕆᔪᒪᓪᓗᒍ ᐱᓇᓱᐊᕐᕕᒋᔪᒪᓪᓗᒍᓗ.

ᑖᓂᐊᓕᐅᑉ ᐊᒡᓚᖏᑦ 9:16

ᐊᑕᓃᖅ ᐱᓂᐊᕐᓂᑎᑦ ᐃᓱᐊᕐᑐᑦ ᑲᔪᓯᑎᓪᓗᒋᑦ, ᓂᓐᖓᐅᒪᓃᑦ ᔨᕉᓴᓕᒥᑦ ᓴᖑᑎᓚᐅᕈᒃ ᓂᓐᖓᐅᒪᕕᒃᔪᐊᕐᓃᑦ ᐃᒡᓗᒐᓴᒡᔪᐊᖁᑎᖕᓂᑦ, ᖃᖅᑲᒥᑦ ᐃᑦᔪᕐᓁᑦᑐᒥᑦ ᐊᔪᕐᑐᓕᓂᑦᑕ ᓯᕗᓕᑦᑕᓗ ᐱᐅᖏᑦᑐᓕᓂᖏᑕ, ᔨᕉᓴᓕᒻ ᐃᓄᖁᑎᑎᓪᓗ ᒥᑕᐅᑎᒋᔭᒃᓴᓐᖑᕐᑎᓯᒪᖕᒪᒋᑦ ᐃᓄᖕᓄᑦ ᐊᕙᑎᑦᑎᓐᓂ ᓄᓇᖃᕐᑐᓄᑦ.

ᒨᓯᓯ ᐱᖓᔪᖏᑦ 26:43

ᓄᓇ ᑭᓯᐊᓂ ᐃᓄᖏᓐᓂᑦ ᕿᒪᒃᑕᐅᔭᕆᐊᖃᕈᒫᕐᒪᑦ, ᑕᕾᕐᓯᑦᓯᐊᕈᓐᓇᖁᓪᓗᒍ, ᐃᓄᐃᓪᓗ ᐊᑭᓖᔭᕆᐊᖃᓕᕐᓗᑎᒃ ᐱᖁᔭᓐᓂᒃ ᒪᓕᒐᒃᓴᐅᖁᔭᓐᓂᒡᓗ ᓈᓚᓚᐅᖏᓐᓂᕐᒥᖕᓂᒃ.

ᐅᐸᑍᐊᑉ ᐊᒡᓚᖏᑦ 1:13

ᐃᓄᖁᑎᒪ ᐃᑎᕐᑕᕐᕕᖓᓄᑦ ᐃᑎᕐᑐᒃᓴᐅᓚᐅᓐᖏᓚᑎᑦ ᑲᑉᐱᐊᓱᖕᓂᖏᑕ ᐅᓪᓗᖏᓐᓂ, ᐃᓛᒃ ᑲᑉᐱᐊᓱᖕᓂᖏᓐᓂᒃ ᒥᑕᐅᑎᒃᓴᖃᑕᐅᔪᒃᓴᐅᓚᐅᓐᖏᓚᑎᑦ ᑲᑉᐱᐊᓱᖕᓂᖏᑕ ᐅᓪᓗᖏᓐᓂ, ᐱᖁᑎᖏᓐᓂᒡᓗ ᐱᓇᓱᒃᑐᒃᓴᐅᓚᐅᓐᖏᓚᑎᑦ ᑲᑉᐱᐊᓱᖕᓂᖏᑕ ᐅᓪᓗᖏᓐᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:13

ᐅᖃᕐᓂᕐᓗᒡᕕᐅᔭᕌᖓᑦᑕ, ᐱᑦᓯᐊᕐᓂᕐᒥᒃ ᑭᐅᕙᒃᐳᒍᑦ; ᒫᓐᓇᒧᑦ ᐊᒡᓛᑦ ᑎᑭᓪᓗᑕ ᓯᓚᕐᔪᐊᕐᒥᐅᑦ ᐊᒃᑕᕐᓗᑯᖏᑎᑐᑦ ᑍᒤᑉᐳᒍᑦ; ᓇᖁᔭᕐᓇᕐᑐᑎᑐᑦ ᐱᐅᖏᓐᓂᕐᐹᑎᑐᑦ ᐃᓄᓕᒫᓄᑦ ᑍᒤᓪᓗᑕ.

ᒨᓯᓯ ᑕᓪᓕᒪᖏᑦ 28:37

ᓄᓇᓄᑦ ᓇᒧᑐᐃᓐᓇᖅ ᐊᑕᓂᐅᑉ ᓯᐊᒻᒪᕐᑎᑦᓱᒫᕐᐹᓯ, ᐃᓄᖏᓐᓂᓪᓗ ᖁᐊᕐᓵᕈᑕᐅᔪᒫᕐᐳᓯ ᓱᔪᐊᓘᓐᓂᕐᒪᖔᑦᓯ ᐃᓱᒪᒋᔭᐅᓗᓯ; ᑍᒎᓴᒐᐅᓕᕐᓗᓯ ᐅᖃᐅᓯᐅᒐᔪᓕᕐᓗᓯᓗ.