ᐃᓯᑭᐊᓕᐅᑉ ᐊᒡᓚᖏᑦ 36:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐊᓂᕐᓂᕋᓗ ᐃᓗᑦᓯᓐᓄᐊᕈᒫᕐᐸᕋ, ᐃᓅᓯᕆᔭᐅᖁᔭᓐᓂᒃ ᐃᓅᔪᓐᓇᕐᓯᖁᓪᓗᓯ ᐊᑐᕐᑕᐅᖁᔭᒃᑲᓗ ᒪᓕᑦᓯᐊᕈᓐᓇᕐᓯᓗᓯᐅᒃ.

ᐃᓯᑭᐊᓕᐅᑉ ᐊᒡᓚᖏᑦ 36:27 ပူးပေါင်းရင်းမြစ်များ

ᐄᑉᕈᐃᓄᑦ 13:21

ᑖᑦᓱᒪ ᐱᔪᓐᓇᕐᑎᓪᓕᓯ ᐱᓂᐊᑦᓯᐊᕐᓂᕐᓂᒃ ᑕᒤᓐᓂᒃ ᐱᔪᓐᓇᑦᓯᖁᓪᓗᓯ ᑖᑦᓱᒪ ᐱᔪᒪᔭᖓᒍᑦ, ᐃᓗᑦᓯᓐᓂ ᐱᓇᓱᐊᕐᓗᓂ ᖁᕕᐊᒋᔭᒥᓂᒃ, ᔩᓱᓯ ᙭ᔅᑑᓯᒃᑯᑦ; ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:16

ᖃᐅᔨᒪᓐᖏᓚᓰ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᒋᖕᒪᓯ? ᒎᑎᐅᓪᓗ ᐊᓂᕐᓂᕐᖓᑕ ᐃᓂᒋᖕᒪᓯ?

ᐃᓯᑭᐊᓕᐅᑉ ᐊᒡᓚᖏᑦ 39:29

ᑮᓇᕋᓗ ᐃᔨᓚᐅᕐᓯᒪᓂᐊᕈᓐᓃᕐᐸᕋ ᑖᒃᑯᓄᖓ, ᐊᓂᕐᓂᕋ ᑯᕕᒍᒃᑯ ᐃᓴᕆᐊᓕᐅᑉ ᑭᖑᕚᖏᓐᓄᑦ, ᐊᑕᓂᖅ ᒎᑎ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 31:33

ᐃᒤᑦᑐᒥᒃ ᐊᖏᖃᑎᒌᒍᑎᓕᐅᕈᒫᕐᐳᖓ ᐃᓴᕆᐊᓕᒥᐅᓄᑦ ᑍᒃᑯᐊ ᐅᓪᓗᐃᑦ ᑭᖑᕐᖓᒍᑦ, ᐊᑕᓂᖅ ᐅᖃᕐᐳᖅ: ᐱᖁᔭᒃᑲ ᑎᑎᕋᕈᒫᕐᐸᒃᑲ ᐃᓱᒪᖏᓐᓄᑦ ᐆᒻᒪᑎᖏᓐᓄᓪᓗ; ᑖᒃᑯᓄᖓ ᒎᑎᒋᔭᐅᔪᒫᕐᐳᖓ ᑖᒃᑯᐊᓗ ᐃᓄᖁᑎᒋᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:23

ᓈᓚᒋᑦ ᐃᓂᕐᑎᕆᑦᔪᑎᓐᓂᒃ; ᐃᓱᒪᒋᔭᒃᑲ ᐃᓕᖕᓄᑦ ᑯᕕᑎᓐᓂᐊᕋᒃᑭᑦ; ᐅᖃᐅᓯᒃᑲᓗ ᐃᓕᖕᓄᑦ ᖃᐅᔨᔭᐅᑎᓐᓂᐊᕋᒃᑭᑦ.

ᔪᐊᓇᓯ ᓯᕗᓪᓖᑦ 3:24

ᓇᓪᓕᐊᑦ ᑖᑦᓱᒪ ᐱᖁᔭᖏᓐᓂᒃ ᒪᓕᒃᑐᖅ ᑖᓐᓇ ᑖᑦᓱᒪᓃᑉᐳᖅ, ᑖᓐᓇᓗ ᑖᑦᓱᒪᓃᓪᓗᓂ. ᐃᒫᒡᓗ ᖃᐅᔨᒪᔪᓐᓇᕐᐳᒍᑦ ᐅᕙᑦᑎᓐᓃᓐᓂᓐᖓᓂᒃ; ᐊᓂᕐᓂᕐᒧᑦ ᑐᓂᕐᕈᓯᐊᑦᑎᓐᓄᑦ ᑖᑦᓱᒧᖓ ᖃᐅᔨᑎᑕᐅᓗᑕ.

ᐃᓯᑭᐊᓕᐅᑉ ᐊᒡᓚᖏᑦ 37:14

ᐊᓂᕐᓂᕋᓗ ᐃᓗᑦᓯᓐᓄᑦ ᐃᑎᕐᑎᑦᓱᒫᕐᐸᕋ, ᐃᓅᖁᓪᓗᓯ, ᓄᓇᑖᕐᑎᓪᓗᓯᓗ ᓇᖕᒥᓂᖅ ᓄᓇᑦᓯᓐᓂ; ᑕᕝᕙ ᖃᐅᔨᔪᒫᕐᐳᓯ ᐅᕙᖓ, ᐊᑕᓂᖅ ᐅᖃᓪᓚᓚᐅᕋᒪ, ᐱᓇᓱᐊᕐᓯᒪᓕᕐᓗᒍᓗ, ᐊᑕᓂᖅ ᐅᖃᕐᐳᖅ.”

ᔪᐊᓇᓯᐅᑉ ᐂᑉᐸᖏᑦ 1:6

ᓇᒡᓕᖕᓂᐅᕗᖅ ᑕᕝᕙ, ᐱᖁᔭᖏᓐᓂᒃ ᒪᓕᒡᓗᑕ; ᐅᓇ ᑕᕝᕙ ᐱᖁᔭᖓ, ᐱᒋᐊᕐᓂᖓᓂᑦ ᑐᓴᐅᒪᔭᓯ, ᓇᒡᓕᖕᓂᕐᒥ ᐃᓅᖁᓪᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 37:24

ᐱᔨᒐ ᑍᕕᑎ ᐊᖓᔪᖅᑳᕐᔪᐊᖑᔪᒫᕐᐳᖅ ᑖᒃᑯᓄᖓ; ᐊᑕᐅᓯᕐᒥᒡᓗ ᐰᕐᓯᔨᖃᕈᒫᕐᐳᑦ. ᐱᖁᔭᒃᑲᓗ ᒪᓕᒍᒫᕐᐰᑦ ᐊᑐᕐᑕᐅᖁᔭᒃᑲᓗ ᑲᒪᒋᑦᓯᐊᕐᓗᒋᑦ ᐊᑐᕈᒫᕐᐰᑦ.

ᒐᓔᑎᐊᒥᐅᓄᑦ 5:16

ᐅᖃᕐᐳᖓᓕ, ᐊᓂᕐᓂᒃᑯᑦ ᐃᓅᓚᐅᕆᑦᓯ, ᑕᕝᕙ ᑎᒥᐅᑉ ᐱᔪᒪᔭᖓᓄᑦ ᐊᐅᓚᑕᐅᓂᐊᓐᖏᓚᓯ.

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 59:21

“ᐅᕙᖓᓕ,” ᐊᑕᓂᖅ ᐅᖃᕐᐳᖅ: “ᐃᒫᒃ ᐊᖏᖃᑎᒌᒍᑎᒥᒃ ᓇᓗᓁᕐᓯᕕᒋᔪᒪᕙᒃᑲ; ᐊᓂᕐᓂᕋ ᐃᓕᖕᓃᑦᑐᖅ, ᐅᖃᐅᓯᒃᑲᓗ ᖃᓂᕐᓄᑦ ᐃᓕᓯᒪᔭᒃᑲ, ᖃᓂᕐᓂᒃ ᕿᒤᓂᐊᓐᖏᓚᑦ, ᑭᖑᕚᕐᓂᓪᓗ ᑭᖑᕚᕆᔪᒫᕐᑕᖏᑕᓗ ᖃᓂᖏᓐᓂᒃ, ᐊᑕᓂᖅ ᑍᒪᒃ ᐅᖃᕐᐳᖅ, ᒫᓐᓇᒥᑦ ᐱᒋᐊᕐᓗᒍ ᐃᓱᖃᖏᑦᑐᒧᓪᓗ.”

ᐲᑦᑐᕉᓯ ᓯᕗᓪᓖᑦ 1:22

ᒫᓐᓇᓕ ᓈᓚᖕᓂᑦᓯᒍᑦ ᓱᓕᔪᒧᑦ ᐆᒻᒪᑎᓯ ᓴᓗᒻᒪᕐᓯᒪᕙᓯ ᓇᒡᓕᖕᓂᕐᑖᕐᓗᓯᓗ ᓱᓕᔪᒥᒃ ᐅᒃᐱᖃᑎᑦᓯᓐᓄᑦ, ᓇᒡᓕᒃᑎᒌᒃᑐᒃᓴᐅᒐᑦᓯ ᐃᑎᔪᒥᒃ, ᐆᒻᒪᑎᒥᑦ ᐱᔪᒥᒃ.

ᕉᒪᒥᐅᓄᑦ 8:9

ᐃᓕᑦᓯᓕ ᑎᒥᐅᑉ ᐱᔪᒪᔭᖓᓃᓐᖏᓚᓯ, ᐊᓂᕐᓂᕐᒦᑉᐳᓯᓕ, ᒎᑎᐅᑉ ᐊᓂᕐᓂᖓ ᐃᓂᖃᕐᐸᑦ ᐃᓕᑦᓯᓐᓂ. ᙭ᔅᑑᓯᐅᑉ ᐊᓂᕐᓂᖓᓂᒃ ᐱᖃᖏᑦᑐᖅ ᑖᑦᓱᒧᖓ ᐱᖁᑎᒋᔭᐅᓐᖏᓚᖅ.

ᓘᑲᓯᐅᑉ ᐊᒡᓚᖏᑦ 11:13

ᐃᓕᑦᓯ ᐱᐅᖏᑦᑑᒐᓗᐊᕐᑐᓯ, ᐱᐅᔪᒥᒃ ᑐᓂᓯᔭᕆᐊᒃᓴᖅ ᕿᑐᕐᖓᑦᓯᓐᓄᑦ ᖃᐅᔨᒪᒐᑦᓯ, ᐊᖏᓂᕐᓴᒥᒡᓕ ᐊᑖᑕᓯ ᕿᓚᖕᒦᑦᑐᖅ ᑐᓂᓯᔪᓐᓇᕐᓂᕐᓴᐅᕗᖅ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᔪᒪᕕᒋᔨᒥᓄᑦ!”

ᐲᑦᑐᕉᓯ ᓯᕗᓪᓖᑦ 1:2

ᓂᕈᐊᕐᑕᐅᓯᒪᕗᓯ ᒎᑎᒧᑦ ᐊᑖᑕᒧᑦ ᐱᓂᐊᕐᑕᐅᖁᔭᖓᓄᑦ ᐃᑦᔪᕐᓁᑎᑕᐅᖁᓪᓗᓯ ᐊᓂᕐᓂᖓᓄᑦ ᒪᓕᑦᓯᐊᖁᓪᓗᓯ ᔩᓱᓯ ᙭ᔅᑑᓯᒥᒃ ᐊᐅᖓᓄᓪᓗ ᓴᓗᒻᒪᕐᑎᑕᐅᓗᓯ: ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓮᒻᒪᕐᑎᑕᐅᓇᕐᑐᖅ ᐱᕙᓪᓕᐊᓕ ᐃᓕᑦᓯᓐᓄᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:13

ᒎᑎᒧᓪᓕ ᖁᔭᓕᑦᔪᑎᒋᔭᕆᐊᕾᓐᓇᕐᐸᑦᓯ, ᙭ᔅᑑᓯᒥᐅᑕᐅᖃᑎᒃᑲ, ᐊᑕᓂᐅᑉ ᓇᒡᓕᒋᔭᖏᑦ, ᓯᕗᓪᓕᕐᐸᐅᓪᓗᓯ ᓂᕈᐊᓚᐅᕐᒪᓯ ᐱᐅᓕᔭᐅᖁᓪᓗᓯ, ᐊᓂᕐᓂᐅᑉ ᐃᑦᔪᕐᓁᑎᑦᓯᓂᖓᒍᑦ ᓱᓕᓂᕐᒥᒡᓗ ᐅᒃᐱᕐᓂᑦᓯᒍᑦ.

ᑯᓘᓯᐊᒥᐅᓄᑦ 2:6

᙭ᔅᑑᓯ ᔩᓱᓯᒥᒃ ᐃᓚᓕᐅᕆᓯᒪᓕᕋᑦᓯ ᐊᑕᓂᕆᔪᒪᓕᕐᓗᒍ, ᑍᒤᒻᒪᑦ ᐃᓅᔪᒃᓴᐅᓕᕐᐳᓯ ᑖᑦᓱᒪᓃᓪᓗᓯ,

ᒐᓔᑎᐊᒥᐅᓄᑦ 5:5

ᐊᓂᕐᓂᒃᑯᑦ ᐅᑕᖅᑭᕗᒍᑦ ᐅᒃᐱᕐᓂᑦᑎᒍᑦ, ᓂᕆᐅᒃᓗᑕ ᐃᓗᐊᕐᓯᑎᑕᐅᓂᒃᓴᑦᑎᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 11:20

ᑕᕝᕙ ᒪᓕᒐᒃᓴᐅᖁᔭᒃᑲ ᐊᑐᓕᕈᒫᕐᐰᑦ ᐱᓂᐊᕐᑕᐅᖁᔭᒃᑲᓗ ᓈᓚᓕᕐᓗᒋᑦ; ᑕᕝᕙ ᐃᓄᖁᑎᒋᓕᕈᒫᕐᐸᒃᑲ, ᒎᑎᒋᔭᐅᓕᕐᓗᖓᓗ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 43:11

ᑲᓐᖑᓲᑎᖃᕈᓐᓇᕐᓯᒃᐸᑕ ᐱᓂᐊᕐᓂᕆᓯᒪᔭᓕᒫᒥᖕᓂᒃ, ᑐᒃᓯᐊᕐᕕᒡᔪᐊᑉ ᓴᓇᓯᒪᓂᒃᓴᖓᓂᒃ, ᐋᖅᑭᒃᓯᒪᓂᒃᓴᖓᓂᒡᓗ, ᐊᓂᕕᒃᓴᖏᓐᓂᒃ ᐃᑎᕐᑕᕐᕕᒃᓴᖏᓐᓂᒡᓗ, ᓴᓇᔭᐅᓯᒪᓂᒃᓴᓕᒫᖓᓂᒡᓗ; ᖃᐅᔨᑎᓛᕐᐸᑎᑦ ᒪᓕᒐᓕᒫᖏᓐᓂᒃ ᐱᖁᔭᓕᒫᖏᓐᓂᒡᓗ; ᑕᑯᓐᓇᕐᑎᓪᓗᒋᓪᓗ ᑎᑎᕋᓛᕐᐸᑎᑦ, ᒪᓕᒍᓐᓇᖁᓪᓗᒋᑦ ᐱᓇᓱᐊᖁᓪᓗᒋᓪᓗ ᐱᖁᔭᓕᒫᖏᓐᓂᒃ ᒪᓕᒐᒃᓴᓕᒫᖏᓐᓂᒡᓗ.

ᒨᓯᓯ ᑕᓪᓕᒪᖏᑦ 30:8

ᑕᕝᕙ ᐊᑕᓂᐅᑉ ᓂᐱᖓ ᓈᓚᓕᕋᔭᕆᕙᓯ, ᐱᖁᔭᓕᒫᖏᓪᓗ ᒪᓕᓕᕐᓗᒋᑦ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᔭᒃᑲ.

ᐃᓐᖏᕈᑎᑦ 105:45

ᐃᓱᐊᓄᑦ ᓈᓚᑦᓯᐊᖁᓪᓗᒋᑦ ᐃᓕᖅᑯᓯᐅᖁᔭᖏᓐᓂᒃ, ᐱᖁᔭᖏᓐᓂᒡᓗ ᓈᓚᖁᓪᓗᒋᑦ. ᐊᑕᓂᖅ ᓂᕐᑐᕐᑕᐅᓕ!

ᔨᕆᒤᐊᐅᑉ ᐊᒡᓚᖏᑦ 32:40

ᐊᖏᖃᑎᒋᔪᒫᕐᐸᒃᑲ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᐱᐅᔪᒥᒡᓗ ᐱᓇᓱᐊᕐᕕᒌᓐᓇᕈᒫᕐᐸᒃᑲ, ᓯᕘᕋᓂᕐᒥᒡᓗ ᐆᒻᒪᑎᖏᓐᓄᑦ ᐃᓕᓯᔪᒫᕐᐳᖓ, ᕿᒤᓚᐅᕐᓯᒪᖁᓇᒋᑦ ᐅᕙᓐᓂᒃ.