ᐃᓯᑭᐊᓕᐅᑉ ᐊᒡᓚᖏᑦ 36:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 36:25 ပူးပေါင်းရင်းမြစ်များ

ᐃᓐᖏᕈᑎᑦ 51:2

ᐅᐊᓴᓚᐅᓐᖓ ᓴᓗᒻᒪᕐᑎᓪᓗᖓ ᐊᔪᕐᑐᓕᓂᓐᓂᑦ ᑕᒤᓐᓂᑦ ᐊᔪᕐᓂᓐᓂᓪᓗ ᓴᓗᒻᒪᕐᓴᓚᐅᓐᖓ.

ᐃᓐᖏᕈᑎᑦ 51:7

ᓴᓗᒻᒪᕐᓴᓚᐅᓐᖓ ᕼᐊᓯᑉᒧᑦ, ᑕᕝᕙ ᓴᓗᒻᒪᕐᓂᐊᕐᐳᖓ; ᐅᐊᓴᓚᐅᓐᖓ, ᑕᕝᕙ ᐊᐳᒻᒥᑦ ᖃᑯᕐᓂᕐᓴᐅᓕᕐᓂᐊᕐᐳᖓ.

ᐃᓐᖏᕈᑎᑦ 51:9

ᑮᓁᑦ ᐃᔨᓚᐅᕈᒃ ᐊᔪᕐᓂᓐᓂᑦ, ᐊᓯᐅᑎᓚᐅᒃᑭᓪᓗ ᑕᒪᕐᒥᒃ ᐱᐅᖏᑦᑐᓕᓂᒃᑲ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:12

ᐃᓄᖃᕆᕗᖅ ᐃᒻᒥᖕᓂᒃ ᐸᓯᔭᒃᓴᐅᓂᖃᕋᓱᒋᖏᑦᑐᓂᒃ, ᓴᓗᒤᓐᓂᕐᒥᖕᓂᑦ ᓴᓗᒻᒪᕐᑕᐅᓚᐅᕐᓯᒪᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 4:4

ᐊᑕᓂᐅᑉ ᓴᓗᒻᒪᕐᓴᕐᓯᒪᓕᕐᐸᒋᑦ ᓴᓗᒤᓐᓂᖏᓐᓂᑦ ᓮᐅᓂᐅᑉ ᐸᓂᖏᑦ ᐃᕐᕈᕐᑐᕐᐸᒋᓪᓗ ᐊᐅᖕᒥᑦ ᐃᑦᓴᒃᓯᒪᓂᖏᓐᓂᑦ ᔨᕉᓴᓕᒥᐅᑦ ᐃᖅᑲᕐᑐᕐᑕᐅᓂᐅᑉ ᐊᓂᕐᓂᖓᒍᑦ, ᐊᓂᕐᓂᒃᑯᓪᓗ ᐃᑯᐊᓪᓚᒃᑎᑦᓯᔪᒃᑯᑦ.

ᐂᓮᐊᓯᐅᑉ ᐊᒡᓚᖏᑦ 52:15

ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ ᖁᐊᕐᓵᖓᑎᑦᓯᔪᒫᕐᐳᖅ; ᐊᖓᔪᖅᑳᕐᔪᐊᑦ ᓂᓪᓕᕈᓐᓇᕈᒫᓐᖏᓚᑦ ᑕᑕᒥᓐᓂᐊᕈᑎᒋᓗᒍ, ᑖᒃᑯᓄᖓ ᐅᖃᐅᓯᐅᓚᐅᕐᓯᒪᖏᑦᑐᒥᒃ ᑕᑯᔪᒫᕐᒪᑕ, ᑐᓴᓚᐅᕐᓯᒪᓐᖏᑕᒥᖕᓂᒡᓗ ᑐᑭᓯᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 33:8

ᓴᓗᒻᒪᕈᒫᕐᐸᒃᑲ ᐊᔪᕐᑐᓕᓂᖏᑕ ᐸᓯᔭᒃᓴᐅᓂᖏᓐᓂᑦ, ᐃᓱᒪᒋᔪᓐᓁᕐᕕᒋᓗᒋᓪᓗ ᐊᔪᕐᓂᖏᓐᓂᒃ ᐊᑭᕋᕐᑐᕐᓂᕆᓚᐅᕐᑕᖏᓐᓂᓪᓗ ᐅᕙᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 16:9

“ᑕᕝᕙ ᐃᒪᕐᒧᑦ ᐅᐊᓴᓚᐅᕐᐸᒋᑦ ᐊᐅᖏᔭᑦᑎᐊᕐᓗᑎᓪᓗ; ᐸᐅᕐᖎᓪᓗ ᐅᕐᓱᖓᓄᑦ ᐅᕐᓱᕐᑎᕐᓗᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 36:17

“ᐃᓅᑉ ᐃᕐᓂᖓ, ᐃᓴᕆᐊᓕᐅᑉ ᑭᖑᕚᖏᑦ ᓄᓇᒥᖕᓃᓪᓗᑎᒃ, ᓄᓇᒥᖕᓂᒃ ᓇᕐᕈᓇᕐᓯᑎᑦᓯᓚᐅᕐᒪᑕ ᐃᓕᖅᑯᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ; ᐃᓕᖅᑯᓯᖏᑦ ᓵᓐᓂ ᓴᓗᒤᑦᑑᓚᐅᕐᐳᑦ ᐊᕐᓇᐅᑉ ᐊᐅᓈᕐᕕᖕᒥᓄᑦ ᓇᓪᓕᐅᑎᕕᐅᓯᒪᓂᖓᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 36:29

ᓴᓗᒤᑦᑑᓂᕆᓚᐅᕐᑕᓕᒫᑦᓯᓐᓂᑦ ᕿᓚᕈᑦᔮᕈᒫᕐᐸᑦᓯ; ᓂᐊᖂᔭᒃᓮᓪᓗ ᐱᕈᕐᑎᑦᓯᐊᕈᒫᕐᐸᒃᑲ ᐊᒥᒐᕐᓯᖏᑦᓯᐊᖁᓪᓗᓯ ᑳᖕᓇᕐᑐᒦᖁᓇᓯᓗ.

ᐃᓯᑭᐊᓕᐅᑉ ᐊᒡᓚᖏᑦ 37:23

ᒎᑎᓐᖑᐊᖃᕐᓂᕐᒧᑦ ᓇᕐᕈᓇᕐᓯᑎᖃᑦᑕᕈᓐᓁᕈᒫᕐᐳᑦ ᐃᑦᔪᕐᓇᕐᑐᓕᓂᕐᓄᓪᓗ ᖃᓄᐃᑦᑐᑐᐃᓐᓇᕐᓄᑦ, ᐱᐅᖏᑦᑐᓕᓂᕐᓄᓪᓗ ᐊᓯᖏᓐᓄᑦ; ᐱᐅᓕᔪᒫᕐᐸᒃᑲᓕ ᐊᔪᕐᑐᓕᓂᕐᒧᑦ ᑲᑕᒍᑎᒋᖃᑦᑕᓚᐅᕐᑕᖏᓐᓂᑦ, ᓴᓗᒻᒪᕈᒫᕐᐸᒃᑲ; ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ, ᒎᑎᒋᔪᒫᕐᐹᖓᓗ.

ᕼᐆᓯᐊᑉ ᐊᒡᓚᖏᑦ 14:3

ᐊᓯᕆᐊᒧᑦ ᐱᐅᓕᔭᐅᓂᐊᓐᖏᓚᒍᑦ, ᕿᒻᒥᕐᔪᐊᒃᑰᕐᓂᐊᓐᖏᓚᒍᑦ; ᐅᖃᕐᓂᐊᕈᓐᓁᕐᐳᒍᓪᓗ, ‘ᒎᑎᕗᑦ,’ ᐊᒡᒐᑦᑕ ᓴᓇᓯᒪᔭᖏᓐᓄᑦ. ᐃᓕᖕᓂᑦ ᐃᓕᐊᕐᔪᐃᑦ ᓂᑲᒋᔭᐅᓂᕐᒥᒃ ᓇᒡᕚᕐᒪᑕ.”

ᕼᐆᓯᐊᑉ ᐊᒡᓚᖏᑦ 14:8

ᐃᕗᕅᒥ, ᒎᑎᓐᖑᐊᑦ ᖃᓄᐃᓕᐅᕆᐊᖃᕐᐸᒃᑳ? ᐅᕙᖓ ᑭᐅᓯᒪᕗᖓ ᐃᓕᑦᓯᓐᓂᒡᓗ ᑲᒪᓕᕐᓗᖓ. ᑐᖑᔪᐃᓐᓇᕐᑐᑎᑐᑦ ᓇᐹᕐᑐᑐᑦ ᑍᒤᑉᐳᖓ, ᐱᕈᕐᑎᑕᑎᑦ ᐅᕙᓐᓂᑦ ᐱᕗᑦ.”

ᕼᐆᓯᐊᑉ ᐊᒡᓚᖏᑦ 14:9

ᓇᓪᓕᐊᑦ ᓯᓚᑐᔪᖅ, ᑕᒪᒃᑯᓂᖓ ᑐᑭᓯᓕᕐᓕ; ᓇᓪᓕᐊᑦ ᖃᐅᔨᔪᓐᓇᕐᑐᖅ ᑖᒃᑯᓂᖓ ᖃᐅᔨᓕᕐᓕ; ᐊᑕᓂᐅᑉ ᐊᖅᑯᑎᖏᑦ ᓈᒻᒪᑦᓯᐊᕐᒪᑕ; ᐃᓱᐊᕐᑐᑦ ᑕᒪᓐᓇ ᐊᑐᕐᐹᑦ, ᐱᐅᖏᑦᑐᓕᔪᓪᓕ ᑕᒪᐅᓇ ᐹᓪᓚᒃᐳᑦ.

ᒨᓯᓯ ᐱᖓᔪᖏᑦ 16:30

ᐅᓪᓗᒥ ᑕᕝᕙᓂ ᐃᓱᒪᒋᔭᐅᔪᓐᓁᕐᕕᒃ ᐊᑐᕐᓂᐊᕐᒪᑦ ᐃᓕᑦᓯ ᐱᓪᓗᓯ, ᓴᓗᒻᒪᕐᑎᑕᐅᖁᓪᓗᓯ ᑕᕝᕙᓂᓗ ᐊᑕᓂᐅᑉ ᓵᖓᓂ, ᓴᓗᒻᒪᕐᑎᑕᐅᓂᐊᕐᐳᓯ ᐊᔪᕐᓂᑦᓯᓐᓂᑦ.

ᒤᑲᐅᑉ ᐊᒡᓚᖏᑦ 5:12

ᐊᖓᒃᑯᖁᑎᓯ ᐊᓯᕈᕈᒫᕐᐸᒃᑲ, ᓯᕗᓂᒃᓴᒧᓪᓗ ᓇᓚᐅᑦᑍᔨᒃᓴᖃᕈᓐᓁᕐᓗᓯ.

ᒨᓯᓯ ᓯᑕᒪᖏᑦ 8:7

ᐃᒫᒃ ᐱᓂᐊᕐᐳᑎᑦ ᑖᒃᑯᓂᖓ ᓴᓗᒻᒪᕐᓮᓗᑎᑦ, ᐃᒥᕐᒧᑦ ᓯᕐᐸᕐᓴᕐᓗᒋᑦ ᓴᓗᒻᒪᕐᓮᑦᔪᑎᒋᓗᒍ, ᑎᒥᓕᒫᑎᒃ ᒥᖅᑯᐃᔭᕆᐊᖃᕐᐰᑦ, ᐊᓐᓄᕌᑎᒡᓗ ᐅᐊᓴᕐᓗᒋᑦ, ᐃᒻᒥᖕᓂᒃ ᓴᓗᒪᑦᓯᐊᓕᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 13:8

ᐲᑦᑐᕉᓯᐅᑉ ᐅᖃᐅᑎᕚ, “ᐃᑎᒐᓐᓂᒃ ᐅᐊᓴᓚᐅᕐᓯᒪᓂᐊᓐᖏᓚᑎᑦ.” ᔩᓱᓯᐅᑉ ᑭᐅᕚ, “ᐃᑎᒐᑎᑦ ᐅᐊᓴᕐᓂᐊᓐᖏᒍᒃᑭᑦ, ᐃᓚᒋᔪᓐᓃᕐᓂᐊᕐᐸᕐᒪ.”

ᔪᐊᓇᓯᐅᑉ ᐊᒡᓚᖏᑦ 3:5

ᔩᓱᓯᐅᑉ ᑭᐅᕚ, “ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᓂᐊᖑᖏᑦᑐᖅ ᐃᒪᕐᒧᑦ ᐊᓂᕐᓂᕐᒧᓪᓗ ᐃᑦᔪᕐᓁᑦᑐᒧᑦ, ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᓐᓇᓐᖏᓚᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 22:16

ᒫᓐᓇᓕ ᓱᓇᒦᒃ ᐅᑕᖅᑭᕖᑦ? ᒪᑭᓪᓗᑎᑦ ᐹᑉᑎᑕᐅᓕᕆᑦ, ᐊᔪᕐᓂᑎᑦ ᐅᐊᓴᕐᑕᐅᓂᐊᕐᒪᑕ, ᔩᓱᓯ ᑐᒃᓯᐊᕐᕕᒋᓕᕈᒃ.’”

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:11

ᐃᓚᓯ ᐃᓚᖏᑦ ᑍᒤᑦᑑᓚᐅᕆᕗᑦ. ᐊᔪᕐᓂᕐᒥᓪᓕ ᓴᓗᒻᒪᕐᑕᐅᓯᒪᓕᕐᐳᓯ, ᐃᑦᔪᕐᓁᑎᑕᐅᓪᓗᓯ, ᐸᓯᔭᒃᓴᐅᔪᓐᓃᕐᑎᑕᐅᕗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ ᒎᑎᑦᑕᓗ ᐊᓂᕐᓂᖓᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᐄᑉᕈᐃᓄᑦ 9:19

ᒨᓯᓯᐅᑉ ᐱᖁᔭᑦ ᑕᒪᕐᒥᒃ ᐃᓄᖕᓄᑦ ᐊᑐᐊᕇᕋᒥᒋᑦ ᓄᕐᕋᐅᔭᐅᑉ ᒎᑦᓯᐅᓪᓗ ᐊᐅᖏᓐᓂᒃ ᐱᓪᓗᓂ, ᐃᒪᕐᒥᒃ ᐃᓚᓪᓗᒋᑦ ᑖᒃᑯᐊ ᐱᖁᔧᑦ ᑎᑎᕋᕐᓯᒪᔪᑦ ᓯᕐᐸᕐᓴᓚᐅᕐᐰᑦ ᐃᓄᐃᓪᓗ ᑕᒪᕐᒥᒃ, ᕼᐃᓴᑉᓂᒃ ᓰᐱᑦ ᒥᖅᑯᖏᓐᓂᒃ ᐊᐅᖕᒥᒃ ᐃᑦᓴᒃᑎᕐᓯᒪᔪᑦ ᐊᑐᕐᓗᒋᑦ.

ᔪᐊᓇᓯ ᓯᕗᓪᓖᑦ 1:7

ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᔪᐊᓇᓯ ᓯᕗᓪᓖᑦ 5:6

ᔩᓱᓯ ᙭ᔅᑑᓯ ᑖᓐᓇᐅᕗᖅ ᑎᑭᓚᐅᕐᑐᖅ ᐃᒪᒃᑯᑦ ᐊᐅᒃᑯᓪᓗ, ᐃᒪᒃᑯᑐᐃᓐᓇᐅᓐᖏᑦᑐᕐᓕ ᑕᒤᑎᒍᓪᓕ ᐃᒪᒃᑯᑦ ᐊᐅᒃᑯᓪᓗ. ᐊᓂᕐᓂᕐᓗ ᓇᓗᓁᕐᓯᕗᖅ, ᐊᓂᕐᓂᖅ ᑖᓐᓇ ᓱᓕᔫᖕᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14

ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.