ᐃᓯᑭᐊᓕᐅᑉ ᐊᒡᓚᖏᑦ 35:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ “ᐃᓴᕆᐊᓕᒥᐅᓂᒃ ᐆᒥᓱᒃᑎᐅᓚᐅᕋᑦᓯ, ᑐᖁᕋᑕᐅᑎᓚᐅᕋᑦᓯᐅᒡᓗ ᑲᑉᐱᐊᓱᒃᑎᑕᐅᑎᓪᓗᒋᑦ, ᓱᒋᐊᕐᑕᐅᕕᖓᑦ ᑭᖑᓪᓕᕐᐹᖅ ᓇᓪᓕᐅᓯᒪᑎᓪᓗᒍ;

ᐃᓯᑭᐊᓕᐅᑉ ᐊᒡᓚᖏᑦ 35:5 ပူးပေါင်းရင်းမြစ်များ

ᐃᓐᖏᕈᑎᑦ 137:7

ᐊᑕᓃᖅ ᐃᖅᑲᐅᒪᒋᑦ, ᐄᑐᒥᒥᐅᑦ ᔨᕉᓴᓕᒥᒃ ᓵᓚᖃᓕᕐᑎᓪᓗᒋᑦ, ᐅᖃᓚᐅᕐᒪᑕ, “ᐅᕐᕈᑎᓪᓗᒍ, ᐅᕐᕈᑎᓪᓗᒍ, ᑐᓐᖓᕕᖏᓐᓄᑦ ᑎᑭᓪᓗᒍ ᓄᖑᓪᓚᕆᒡᓗᒍ!”

ᐃᓐᖏᕈᑎᑦ 63:10

ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᑎᕆᒐᓂᐊᖑᔮᕐᑐᓄᑦ ᔮᑯᓄᑦ ᓂᕿᒃᓴᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 18:21

ᑍᒤᒻᒪᑦ ᕿᑐᕐᖓᖏᑦ ᑳᖕᓇᕐᑐᕐᔪᐊᒧᑦ ᐱᕐᓕᕋᓕᕐᓕᑦ; ᐅᓇᑕᕐᑐᓄᓪᓗ ᑐᖁᕋᕐᑕᐅᓕᕐᓕᑦ, ᓄᓕᐊᖏᑦ ᕿᑐᕐᒊᕈᑦᔭᐅᓕᕐᓕᑦ, ᐅᐃᒡᒐᕐᓂᐅᓕᕐᓗᑎᒡᓗ, ᐊᖑᑎᖏᓪᓗ ᑐᖁᕋᕐᑕᐅᓗᑎᒃ ᐋᓐᓂᐊᓇᕐᑐᓄᑦ, ᐃᓅᓱᒃᑐᖁᑎᖏᓪᓗ ᐅᓇᑕᕐᑐᓂ ᑐᖁᕋᕐᑕᐅᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 21:25

ᐱᐅᖏᑦᑐᕐᔪᐊᖑᓪᓗᑎᑦ ᐊᖓᔪᖅᑳᖑᒐᕕᑦ ᐃᓴᕆᐊᓕᒥᐅᓄᑦ, ᐅᓪᓗᖅ ᑭᖑᓪᓕᕐᐹᖅ ᓱᒋᐊᕐᑕᐅᕕᒃᓮᑦ ᓇᓪᓕᐅᑎᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 21:29

ᑕᑯᑎᑕᐅᓂᐅᓂᕋᕐᑕᓯ ᓱᓕᓐᖏᓚᑦ, ᐱᔪᒫᕐᑐᒃᓴᓂᒡᓗ ᐅᖃᓪᓚᖕᓂᕆᔭᓯ ᓴᒡᓗᕿᑦᓯᓂᐅᕗᑦ, ᐱᐅᖏᑦᑑᒐᑦᓯ ᐱᐅᖏᑦᑐᓕᓪᓗᓯᓗ ᖁᖓᓯᓯ ᓇᑲᑕᐅᔪᒫᕐᐳᑦ ᓴᕕᒡᔪᐊᕐᒧᑦ, ᐅᓪᓗᕆᔭᒃᓴᓯ ᓇᓪᓕᐅᑎᕗᖅ, ᐅᓪᓗᖅ ᑭᖑᓪᓕᕐᐹᖅ ᓱᒋᐊᕐᑕᐅᕕᒃᓴᓯ.

ᐃᓯᑭᐊᓕᐅᑉ ᐊᒡᓚᖏᑦ 25:12

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐄᑐᒥᐅᑦ ᔫᑕᐅᑉ ᑭᖑᕚᖏᓐᓂᒃ ᐊᑭᓂᐊᓚᐅᕐᒪᑕ ᑕᒪᓐᓇ ᐸᓯᔭᒃᓴᐅᑦᔪᑎᒋᓂᐊᓕᕐᐹᑦ,

ᐃᓯᑭᐊᓕᐅᑉ ᐊᒡᓚᖏᑦ 25:15

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᐱᓕᔅᑍᓂᒥᐅᑦ ᐊᑭᓂᐊᓚᐅᕐᒪᑕ ᐆᒻᒪᑎᒥᒍᑦ ᒥᑕᐅᑎᖃᕐᓗᑎᒃ ᓄᖅᑲᔪᐃᑦᑐᒥᒃ ᐆᒥᓱᖕᓂᕐᒥᖕᓄᑦ;

ᐃᓯᑭᐊᓕᐅᑉ ᐊᒡᓚᖏᑦ 35:12

ᖃᐅᔨᓕᖁᓪᓗᓯ ᐅᕙᖓ, ᐊᑕᓂᖅ, ᑕᒤᓐᓂᒃ ᑐᓵᓯᒪᓂᓐᓂᒃ ᐅᖃᕐᓂᕐᓗᐊᑎᓪᓗᓯ ᐃᓴᕆᐊᓕᒥᐅᑦ ᖃᖅᑲᖏᓐᓂᒃ, ᐅᖃᕐᓗᓯ, ‘ᓱᓁᕈᑦᔭᐅᓯᒪᓕᕐᐳᑦ, ᐅᕙᑦᑎᓐᓄᑦ ᑐᓂᔭᐅᕗᑦ ᐱᑖᕆᔭᐅᖁᓪᓗᒋᑦ.’

ᐃᓯᑭᐊᓕᐅᑉ ᐊᒡᓚᖏᑦ 36:5

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓯᖕᓇᕕᒡᔪᐊᕐᓂᕐᒧᑦ ᓂᓐᖓᐅᒪᓪᓗᖓ ᐃᓅᖃᑎᒌᒡᔪᐊᑦ, ᐄᑐᒥᐅᓕᒫᓪᓗ ᓵᓐᖓᓕᕐᐸᒃᑲ, ᖁᕕᐊᓲᑎᒋᓪᓗᒋᑦ ᒥᑕᐅᑎᒋᓪᓗᒋᓪᓗ ᑎᒍᓯᓚᐅᕐᒪᑕ ᓄᓇᖁᑎᓐᓂᒃ, ᓄᓇᑖᕆᔪᒪᓪᓗᒍ ᐱᓇᓱᐊᕐᕕᒋᔪᒪᓪᓗᒍᓗ.

ᐃᓯᑭᐊᓕᐅᑉ ᐊᒡᓚᖏᑦ 7:2

“ᐃᕝᕕᑦ, ᐃᓅᑉ ᐃᕐᓂᖓ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᐃᓴᕆᐊᓕᒥᐅᓄᑦ: ᐃᓱᓕᑉᐳᖅ! ᓄᓇᓕᒫᖅ ᐃᓘᓐᓈᑦ ᐃᓱᓕᕝᕕᒃᓴᒥᓄᑦ ᑎᑭᑉᐳᖅ.

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᐂᒨᓯᐅᑉ ᐊᒡᓚᖏᑦ 1:11

ᐊᑕᓂᖅ ᐃᒫᒃ ᐅᖃᕐᐳᖅ, “ᐄᑐᒥᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᖃᑕᓐᖑᑎᓂ ᓴᕕᒡᔪᐊᒧᑦ ᕿᒫᑎᓪᓗᒍ ᒪᓕᓚᐅᕐᒪᒍ, ᓂᑲᒍᓱᒐᓂᓗ ᐱᓇᓱᐊᓚᐅᕐᒪᑦ; ᓂᓐᖓᐅᒪᓂᖓᓗ ᓯᖁᑦᑎᕆᓚᐅᕐᒪᑦ ᑕᐅᕗᖓᓕᒫᖅ, ᓂᓐᖓᐅᒪᓂᓂᓗ ᑲᔪᓯᑎᓚᐅᕐᐹ ᐃᓱᖃᖏᑦᑐᒧᑦ.

ᐂᒨᓯᐅᑉ ᐊᒡᓚᖏᑦ 1:6

ᐊᑕᓂᖅ ᐃᒫᒃ ᐅᖃᕐᐳᖅ: “ᒑᓴᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᓪᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐃᓄᖕᓂᒃ ᐊᐅᓪᓚᕈᑦᔨᓚᐅᕐᓂᖏᓐᓂᒃ ᐃᓘᓐᓇᖏᓐᓂᒃ ᑎᒍᔭᐅᑎᑦᓯᓪᓗᑎᒃ ᐂᑎᓪᓗᒋᓪᓗ ᐄᑐᒥᒧᑦ.