ᐃᓯᑭᐊᓕᐅᑉ ᐊᒡᓚᖏᑦ 34:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐱᕈᕐᓰᕕᖁᑎᑖᕐᑎᑦᓱᒫᕐᐸᒃᑲ ᐱᕈᕐᕕᐅᑦᓯᐊᕐᓇᕐᑐᓂᒃ ᓄᓇᖓᓐᓂ ᑳᒃᑐᖃᖃᑦᑕᕈᓐᓃᖁᓪᓗᒍ, ᐃᓅᖃᑎᒌᒡᔪᐊᓄᓪᓗ ᐊᒃᓱᕈᕐᑎᑕᐅᕙᒍᓐᓃᕈᒪᕐᐳᑦ ᒥᑕᐅᑎᒋᔭᐅᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 34:29 ပူးပေါင်းရင်းမြစ်များ

ᐃᓐᖏᕈᑎᑦ 72:17

ᑖᑦᓱᒪ ᐊᑎᖓ ᐳᐃᒍᕐᑕᐅᓂᐊᓐᖏᓚᖅ ᐃᓱᖃᖏᑦᑐᒧᑦ; ᐅᐱᒋᔭᐅᔪᒫᕐᐳᕐᓗ ᓯᕿᓂᕐᑐᑦ ᐊᑯᓂᐅᑎᒋᔪᒥᒃ! ᐃᓄᐃᓪᓗ ᓮᒻᒪᕐᑎᑕᐅᔪᒫᕐᐳᑦ ᑖᑦᓱᒧᖓ; ᐃᓅᖃᑎᒌᒡᔪᐊᓕᒫᓪᓗ ᓮᒻᒪᕐᑎᑕᐅᓯᒪᔪᒥᒃ ᑍᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 4:2

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓇᐹᕐᑐᖁᑎᖓᑕ ᐊᕙᓚᖓᔪᖓ ᑕᑯᒥᓇᕐᑐᐊᓘᔪᒫᕐᐳᖅ ᐱᓐᓇᕐᓇᕐᑑᓗᓂ, ᓄᓇᐅᓪᓗ ᐱᕈᕐᑎᑕᖏᑦ ᐅᐱᓐᓇᕈᑕᐅᓗᑎᒃ ᓂᕐᑐᕐᓇᐅᑕᐅᔪᒫᕐᐳᑦ ᐃᓴᕆᐊᓕᒥ ᐊᒥᐊᒃᑰᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 53:2

ᐱᕈᕐᓴᓚᐅᕐᐳᖅ ᑖᑦᓱᒪ ᓵᖓᓂ ᐱᕈᕐᓯᐊᑎᑐᑦ ᐱᕈᕐᐸᓪᓕᐊᓕᓵᕐᑐᑎᑐᑦ, ᐊᒫᑐᓪᓗ ᓴᖅᑭᑉᐸᓪᓕᐊᓪᓗᓂ ᓄᓇᒥ ᐸᓂᕐᑐᒥ; ᑕᐅᑦᑐᖓ ᐃᒃᐱᖕᓇᖏᒻᒪᑦ ᐱᔪᒥᓇᕐᑐᑎᑐᓪᓗ ᑕᐅᑦᑐᖃᖏᒻᒪᑦ ᑕᑯᔪᒪᓚᐅᓐᖏᓚᕗᑦ; ᑕᑯᒥᓇᕐᓂᖃᖏᒻᒪᑦ ᐱᔪᒪᓚᐅᓐᖏᓚᕗᑦ.

ᐂᓮᐊᓯᐅᑉ ᐊᒡᓚᖏᑦ 60:21

ᐃᓄᖁᑎᓕᒫᓯ ᓇᓛᒎᑦᓯᐊᓕᕈᒫᕐᒪᑕ; ᓄᓇᓗ ᐱᒋᓕᕐᓗᒍ ᐃᓱᖃᖏᑦᑐᒧᑦ, ᐱᕈᕐᓯᐊᒃᓴᓐᖑᕐᑎᓚᐅᕋᒃᑭᑦ ᐱᕈᕐᓰᕕᓐᓂ ᐊᒡᒐᓐᓄᑦ ᐋᖅᑭᒃᓱᕐᓗᒋᑦ, ᐱᓐᓇᕐᓇᕐᑎᑕᐅᖁᓪᓗᖓ ᑖᒃᑯᑎᒎᓇᖅ.

ᐂᓮᐊᓯᐅᑉ ᐊᒡᓚᖏᑦ 61:3

ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 9:6

ᓄᑕᕋᑯᓗᒃ ᐃᕐᓂᐊᖑᖕᒪᑦ ᐅᕙᑦᑎᓐᓄᑦ! ᐃᕐᓂᖅ ᑐᓂᔭᐅᖕᒪᑦ ᐅᕙᑦᑎᓐᓄᑦ! ᒐᕙᒤᑦ ᑐᐃᖏᓐᓃᑦᓱᒫᕐᐳᑦ. ᐊᑎᖓᓗ ᑍᔭᐅᔪᒫᕐᐳᖅ, “ᐋᖅᑭᒃᓱᐃᔨᑦᓯᐊᒥᒃ,” “ᒎᑎᒥᒃ ᐊᔪᒐᖃᖏᑦᑐᒥᒃ,” “ᐊᑖᑕᐅᔪᒥᒃ ᐃᓱᖃᖏᑦᑐᒥᑦ,” “ᖃᓄᐃᖏᑦᓯᐊᕐᓂᐅᑉ ᐊᖓᔪᖅᑳᖓᓂᒃ.”

ᔨᕆᒤᐊᐅᑉ ᐊᒡᓚᖏᑦ 23:5

“ᑕᑯᒋᑦ, ᐅᓪᓗᑦ ᓇᓪᓕᐅᑎᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᒪᑭᑎᑦᓯᔪᒫᕋᒪ ᑍᕕᑎᐅᑉ ᑭᖑᕚᒋᓐᓂᑦ ᐃᓱᐊᕐᑐᓕᔪᒥᒃ, ᐊᖓᔪᖅᑳᕐᔪᐊᒃᓴᒥᒃ ᓯᓚᑐᓂᖃᕐᑐᒥᒃ, ᓄᓇᖁᑎᒥᓂ ᓈᒻᒪᓈᑦᓯᐊᕐᑐᒥᒃ ᐃᓱᐊᕐᑐᒥᒡᓗ ᐊᐅᓚᑦᓯᔪᒫᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 33:15

ᐅᓪᓗᐃᑦ ᑍᒃᑯᐊ ᓇᓪᓕᐅᑎᒃᐸᑕ ᓴᖅᑭᑎᑦᓯᔪᒫᕐᐳᖓ ᐊᑲᐅᔪᒥᒃ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ, ᑖᓐᓇ ᐊᑲᐅᔪᒥᒃ ᓈᒻᒪᑦᓯᐊᕐᑐᒥᒡᓗ ᐱᓇᓱᐊᕈᒫᕐᐳᖅ ᓄᓇᒥ.

ᐃᓯᑭᐊᓕᐅᑉ ᐊᒡᓚᖏᑦ 36:15

ᐃᓅᖃᑎᒌᒡᔪᐊᑦ ᒥᑕᐅᑎᒃᓴᕐᓂᖏᓐᓂᒃ ᑐᓵᑎᓐᓂᐊᕈᓐᓃᕐᐸᒋᑦ, ᐃᓄᐃᓪᓗ ᑲᓐᖑᓇᕐᑐᒦᑎᑕᐅᓂᖏᓐᓂᒃ ᑎᒍᒥᐊᕐᓂᐊᕈᓐᓃᕐᐳᑎᑦ ᐃᓅᖃᑎᒌᒡᔪᐊᓪᓗ ᕿᑐᕐᖎᔭᕐᐸᖕᓂᐊᕈᓐᓃᕐᐸᑎᑦ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 36:29

ᓴᓗᒤᑦᑑᓂᕆᓚᐅᕐᑕᓕᒫᑦᓯᓐᓂᑦ ᕿᓚᕈᑦᔮᕈᒫᕐᐸᑦᓯ; ᓂᐊᖂᔭᒃᓮᓪᓗ ᐱᕈᕐᑎᑦᓯᐊᕈᒫᕐᐸᒃᑲ ᐊᒥᒐᕐᓯᖏᑦᓯᐊᖁᓪᓗᓯ ᑳᖕᓇᕐᑐᒦᖁᓇᓯᓗ.

ᔪᐃᓕᐅᑉ ᐊᒡᓚᖏᑦ 2:19

ᐊᑕᓂᐅᓪᓗ ᐃᓄᖁᑎᓂ ᑭᐅᔪᒫᕐᐰᑦ ᐅᖃᐅᑎᓗᒋᓪᓗ, “ᑕᑯᒋᑦ, ᑐᓂᓯᕕᒋᓂᐊᕐᐸᑦᓯ ᓂᐊᖂᔭᒃᓴᒥᒃ ᕔᓂᒥᒡᓗ ᓄᑖᒥᒃ ᐸᐅᕐᖎᓪᓗ ᐅᕐᓱᖏᓐᓂᒃ, ᓈᒻᒪᒃᓯᓂᐊᕐᐳᓯ ᐃᓅᖃᑎᒌᒡᔪᐊᓄᓪᓗ ᓇᕐᕈᒋᔭᐅᓂᐊᕈᓐᓁᕐᐳᓯ.

ᓴᑲᕅᐊᐅᑉ ᐊᒡᓚᖏᑦ 3:8

ᔮᓱᐊ ᓈᓚᑦᓯᐊᕆᑦ, ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᑎᑦ; ᐃᓕᑦᓯᓗ ᑐᓂᕐᕈᓯᕐᑎᑦᓯᔨᐅᔪᓯ ᑖᑦᓱᒥᖓ ᐊᖓᔪᖅᑳᖃᕐᑐᓯ ᓈᓚᑦᓯᐊᕆᓯ, ᓯᕗᓂᒃᓴᒧᑦ ᑕᑯᔭᒃᓴᑦᓯᐊᕙᐅᔪᓯ: ᐱᔨᒐ ᓴᖅᑭᑎᑦᓱᒪᒐᒃᑯ ᑍᔭᐅᔪᖅ ᓇᐹᕐᑑᑉ ᐊᕙᓚᖓᔪᐊᓂᒃ.

ᓴᑲᕅᐊᐅᑉ ᐊᒡᓚᖏᑦ 6:12

ᐅᖃᐅᑎᒍᒃ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᒪᑦ, “ᐅᓇ ᐊᖑᑦ ᓇᐹᕐᑑᑉ ᐊᕙᓚᖓᔪᐊᓂᒃ ᐊᑎᖃᕐᐳᖅ, ᐃᓂᒋᔭᒥᓂᑦ ᐱᕈᕐᐸᓪᓕᐊᔪᒫᕐᒪᑦ ᑐᒃᓯᐊᕐᕕᒡᔪᐊᓕᐅᕐᓗᓂᓗ ᐊᑕᓂᕐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:16

ᑳᖕᓂᐊᕈᓐᓃᕐᐳᑦ, ᐃᒥᕈᖕᓂᐊᕈᓐᓃᕐᓗᑎᒡᓗ; ᓯᕿᓂᕐᒧᑦ ᐊᓯᐊᓄᓪᓘᓐᓃᑦ ᐆᓇᕐᑐᒧᑦ ᐆᑕᐅᓂᐊᕈᓐᓃᕐᐳᑦ.