ᐃᓯᑭᐊᓕᐅᑉ ᐊᒡᓚᖏᑦ 34:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐊᖏᖃᑎᒌᒍᑎᓕᐅᕈᒫᕐᐳᖓ ᐸᒡᕕᓴᒃᑕᐅᓇᖏᑦᑐᒥᒃ ᐃᓅᓯᖃᕈᑎᒋᓛᕐᑕᖓᓐᓂᒃ, ᐆᒪᔪᓪᓗ ᐃᕐᓯᓇᕐᑐᑦ ᓄᓇᒥᑦ ᐲᔭᕈᒫᕐᐸᒃᑲ, ᓰᐱᖁᑎᒃᑲ ᐃᓱᒫᓗᒋᔭᖃᖏᓪᓗᑎᒃ ᐃᓄᖃᖏᑦᑐᒦᖃᑦᑕᓛᕐᒪᑕ ᓯᓂᖃᑦᑕᕐᓗᑎᒡᓗ ᓇᐹᕐᑐᓕᖕᓂ.

ᐃᓯᑭᐊᓕᐅᑉ ᐊᒡᓚᖏᑦ 34:25 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 5:22

ᐊᓯᕈᕐᑕᐅᓂᖅ ᑳᖕᓇᕐᑐᕐᓗ ᐃᔪᕆᔪᒫᕐᐹᒃᑭᒃ, ᐃᕐᓯᔪᒫᖕᓇᒡᓗ ᓂᕐᔪᑎᓂᒃ ᓄᔪᐊᕐᑐᓂᒃ ᓄᓇᒦᑦᑐᓂᒃ.

ᔫᐱᐅᑉ ᐊᒡᓚᖏᑦ 5:23

ᐱᕈᕐᓰᕕᖕᒥ ᐃᑎᕐᓴᓕᐅᕆᓕᕈᕕᑦ ᐊᖏᖃᑎᒌᒃᓯᒪᓂᒃᑯᑦ ᐅᔭᕋᖃᕈᒫᓐᖏᓚᖅ, ᓂᕐᔪᑎᓄᓪᓗ ᓄᔪᐊᕐᑐᓄᑦ ᐱᕈᕐᓰᕕᖕᒥ ᑲᒪᒋᔭᐅᔪᒫᓐᖏᓚᑎᑦ.

ᐃᓐᖏᕈᑎᑦ 4:8

ᓇᓪᓚᖓᓂᐊᕐᐳᖓ ᓯᓂᒡᓗᖓᓗ ᐃᓱᒪᔮᖏᑦᓯᐊᕐᓗᖓ; ᐃᕝᕕᑦ ᑭᓯᕕᑦ ᐊᑕᓃᖅ ᑲᑉᐱᐊᓇᖏᑦᑐᒥᒃ ᐃᓂᖃᕐᑎᒃᑲᕕᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:24

ᐃᖏᒃᑯᕕᑦ ᑲᑉᐱᐊᓱᖕᓂᐊᓐᖏᓚᑎᑦ ᓇᓪᓚᕈᕕᓪᓗ, ᓯᓂᑦᓯᐊᕐᐸᒃᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 35:9

ᐊᖅᑯᒻᒥ ᑕᒫᓂ ᓛᔭᑕᖃᕈᒫᓐᖏᓚᖅ, ᐆᒪᔪᓂᒡᓗ ᐃᕐᓯᓇᕐᑐᓂᑦ ᑎᑭᑕᐅᔪᒫᓐᖏᓚᖅ; ᑍᒤᑦᑐᑦ ᑕᒫᓂ ᐱᑕᖃᕈᒫᖏᒻᒪᑕ, ᐱᐅᓕᔭᐅᓯᒪᔪᓪᓕ ᑕᒪᐅᓇ ᐃᖏᕐᕋᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 54:10

ᖃᖅᑳᓗᐃᑦ ᐱᑕᖃᕈᓐᓃᕈᒫᕐᐳᑦ ᐱᖑᐃᓪᓗ ᐲᔭᕐᑕᐅᔪᒫᕐᓗᑎᒃ, ᓇᒡᓕᒍᓱᖕᓂᕋᓕ ᓱᖁᓯᔪᐃᑦᑐᖅ ᐃᓕᑦᓯᓐᓂᒃ ᕿᒤᓂᐊᓐᖏᓚᖅ, ᓮᒻᒪᕐᑎᑦᓯᓂᕋᓗ ᐊᖏᖃᑎᒌᒍᑎᒐ ᐲᕐᑕᐅᓂᐊᖏᓐᓂᕗᖅ, ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᓇᒡᓕᒍᓱᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 55:3

ᓯᐅᑎᓯ ᒪᓂᓗᒋᒃ, ᐅᕙᓐᓄᑦ ᕾᓗᓯ; ᑐᓵᑦᓯᐊᕆᑦᓯ ᑕᕐᓂᓯ ᐃᓅᖁᓪᓗᒋᑦ; ᐊᖏᖃᑎᒋᔪᒪᕙᒋᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᑍᕕᑎᒧᑦ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᓇᒡᓕᒍᓱᖕᓂᓐᓂᒃ ᓱᖁᓯᕐᓂᐊᖏᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 61:8

ᐅᕙᖓ ᐊᑕᓂᖅ ᖁᕕᐊᒋᔭᖃᕋᒪ ᐊᑦᔨᒌᒃᑎᑦᓯᓂᕐᒥᒃ, ᐆᒥᓱᒡᓗᖓᓗ ᑎᒡᓕᒐᕐᓂᕐᒥᒃ ᓈᒻᒪᖏᑦᑐᓕᓂᕐᒥᒡᓗ; ᓱᕐᕋᔪᐃᑦᑑᓂᓐᓄᑦ ᐱᔭᕆᐊᖃᕐᑕᖏᓐᓂᒃ ᐊᑭᓕᕈᒫᕐᐸᒃᑲ, ᐊᖏᖃᑎᒌᒍᑎᓕᐅᕐᓗᖓᓗ ᑖᒃᑯᓄᖓ ᐃᓱᖃᖏᑦᑐᒧᑦ ᑐᕌᖓᔪᒥᒃ.

ᔨᕆᒤᐊᐅᑉ ᐊᒡᓚᖏᑦ 23:4

ᐰᕐᓯᔨᖃᕐᑎᓐᓂᐊᕐᐸᒃᑲᓗ ᑲᒪᔨᒃᓴᖏᓐᓂᒃ, ᓯᕘᕋᔪᓐᓃᖁᓪᓗᒋᑦ ᑲᑉᐱᐊᓇᕐᑐᒦᖁᓇᒋᓪᓗ ᐊᓯᐅᓯᒪᔪᖃᕈᓐᓃᕈᒫᕐᐳᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 23:6

ᑍᑦᓱᒪ ᐊᐅᓚᑦᓯᓂᖓᓂ ᔫᑕ ᐱᐅᓕᔭᐅᔪᒫᕐᐳᖅ, ᐃᓴᕆᐊᓕᒥᐅᓪᓗ ᐅᓇᑕᕐᑕᐅᓂᐊᕐᓂᕐᒥᒃ ᓯᕘᕋᖏᓪᓗᑎᒃ ᐃᓅᔪᒫᕐᐳᑦ, ᐊᑎᖃᕐᑎᑕᐅᔪᒫᕐᐳᕐᓗ: ‘ᐊᑕᓂᖅ ᐃᓱᐊᕐᓯᑦᔪᑎᒋᔭᕗᑦ.’

ᔨᕆᒤᐊᐅᑉ ᐊᒡᓚᖏᑦ 32:37

ᑕᑯᒋᑦ, ᑲᑎᕐᓱᕈᒫᕆᕙᒃᑲ ᓄᓇᓕᖕᓂᑦ ᓂᓐᖓᕕᒡᔪᐊᕐᓂᓐᓄᑦ ᐊᐅᓪᓚᕐᑎᑕᐅᕕᒋᓚᐅᕐᑕᖏᓐᓂᑦ, ᑕᒪᐅᖓᓗ ᐅᑎᕐᑎᑦᓱᒫᕐᐸᒃᑲ, ᐃᓅᓯᖃᓕᕐᑎᓪᓗᒋᑦ ᐃᓂᓪᓚᖓᑦᓯᐊᕐᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 33:16

ᑍᒃᑯᓇᓂ ᐅᓪᓗᓂ ᔫᑕᒥᐅᑦ ᐱᐅᓕᔭᐅᔪᒫᕐᐳᑦ, ᔨᕉᓴᓕᒥᐅᓪᓗ ᐃᓕᒪᓱᖏᓪᓗᑎᒃ ᐃᓅᔪᒫᕐᐳᑦ ᑍᔭᐅᔪᒫᕐᐳᓪᓗ ‘ᐊᑕᓂᖅ ᐃᓱᐊᕐᓯᑦᔪᑎᒋᕙᕗᑦ.’

ᐃᓯᑭᐊᓕᐅᑉ ᐊᒡᓚᖏᑦ 16:60

ᐊᖏᖃᑎᖃᕐᓯᒪᓂᕋ ᐃᓕᑦᓯᓐᓄᑦ ᐃᓅᓱᒃᑑᑎᓪᓗᓯ ᐃᖅᑲᐅᒪᓂᐊᕐᐸᕋ, ᐊᖏᖃᑎᒌᒍᑎᓕᐅᕈᒪᕗᖓᓗ ᐃᓕᑦᓯᓐᓄᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 16:62

ᐊᖏᖃᑎᒌᒍᑎᒋᓯᒪᔭᕋ ᐊᑐᓕᕐᑎᑦᓱᒫᕐᐸᕋ ᐃᓕᑦᓯᓐᓄᑦ, ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 20:37

ᐃᓕᑦᓯᓐᓂᒃ ᓂᒍᕐᕕᖃᖏᑦᑐᒃᑯᑦ ᐱᓇᓱᐊᕐᑎᑦᓯᔪᒫᕐᐳᖓ ᐊᖏᕈᑎᒋᓯᒪᔭᓐᓂᒃ ᒪᓕᑦᓯᐊᓕᕐᑎᓪᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 28:26

ᓄᓇᖃᓕᕈᒫᕐᐳᑦ ᐃᓱᒫᓗᒋᔭᖃᖏᓪᓗᑎᒃ, ᐃᒡᓗᓕᐅᕈᒫᕐᐳᑦ ᐱᕈᕐᓰᕕᓕᐅᕐᓗᑎᒡᓗ ᕔᓂᖃᕐᕕᒃᓴᓂᒃ. ᓄᓇᖃᓕᕈᒫᕐᐳᑦ ᐃᓱᒫᓗᓇᖏᑦᑐᒥ, ᓄᓇᖃᑎᒌᑦ ᐋᓐᓂᕐᓯᔪᒪᔪᑦ ᑖᒃᑯᓂᖓ ᓱᒋᐊᖃᑦᑕᕈᒫᕐᐸᒃᑲ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ.”

ᐃᓯᑭᐊᓕᐅᑉ ᐊᒡᓚᖏᑦ 34:27

ᓇᐹᕐᑐᑦ ᐱᕈᕐᓰᕕᖕᒦᑦᑐᑦ ᐱᕈᕐᑐᖃᕈᒫᕐᐳᑦ, ᓄᓇᓗ ᐱᕈᕐᕕᐅᒋᐊᓪᓚᒍᒫᕐᐳᖅ, ᐃᓱᒫᓗᖏᑦᓯᐊᕐᓗᑎᒃ ᓄᓇᒥᖕᓃᑦᓱᒫᕐᐳᑦ; ᑖᒃᑯᐊᓗ ᖃᐅᔨᔪᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐃᓄᖁᑎᒪ ᓇᖕᒪᐅᑕᖏᑕ ᐊᕐᓵᕐᑑᔭᖏᑦ ᓱᕋᒃᑯᒃᑭᑦ, ᐱᐅᓕᓗᒋᓪᓗ ᑖᒃᑯᓂᖓ ᓯᐊᓛᖃᕐᑐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 34:28

ᐃᓅᖃᑎᒌᒡᔪᐊᓄᑦ ᓂᑭᒃᓴᐅᕙᒍᓐᓁᕈᒫᕐᐳᑦ, ᐆᒪᔪᓄᓪᓗ ᓄᔪᐊᕐᑐᓄᑦ ᓂᕆᔭᐅᕙᒍᓐᓃᕐᓗᑎᒃ; ᓄᓇᖃᕈᒫᕐᐳᑦ ᖃᓄᐃᑕᐅᓐᓇᖏᑦᑐᒥ, ᓇᓪᓕᐊᓐᓄᓪᓘᓐᓃᑦ ᑲᑉᐱᐊᓱᒃᑎᑕᐅᕙᒍᓐᓁᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 37:26

ᐊᖏᖃᑎᒌᒍᑎᓕᐅᕈᒫᕐᐳᖓᓗ ᑖᒃᑯᓄᖓ ᐃᓂᓪᓚᖓᑦᓯᐊᕐᓇᕐᑐᒥᒃ; ᑕᒪᓐᓇᓗ ᐊᖏᖃᑎᒌᒍᑎᓕᐅᕐᓂᕋ ᑖᒃᑯᓄᖓ ᐃᓱᖃᖏᑦᑐᒧᑦ ᐃᓕᖓᔪᒫᕐᐳᖅ; ᓮᒻᒪᕐᑎᑦᓱᒫᕐᐸᒃᑲ ᐅᓄᕐᓯᕙᓪᓕᐊᑎᓪᓗᒋᓪᓗ, ᐃᑦᔪᕐᓁᑦᑐᕕᖁᑎᖓᓗ ᐊᑯᕐᖓᓐᓂ ᐃᓂᖃᕐᑎᑦᓱᒫᕐᐸᕋ ᐃᓱᖃᖏᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 38:8

ᐅᓪᓗᐃᑦ ᐅᓄᕐᑐᑦ ᓈᒃᐸᑕ ᐅᓇᑕᕆᐊᖁᔪᒫᕋᒃᑭᑦ; ᐊᕐᕌᒎᓛᕐᑐᓂ ᐅᓇᑕᕆᐊᖁᔪᒫᕋᒃᑭᑦ ᐅᓇᑕᕋᓱᒍᓐᓃᕐᑐᓂᒃ, ᐃᓴᕆᐊᓕᒥᐅᑦ ᖃᖅᑲᖏᓐᓂᕐᒥᐅᓂᒃ ᑲᑎᕐᓱᕐᓯᒪᔪᓂᒃ ᐃᓅᖃᑎᒌᒡᔪᐊᓂᑦ, ᐊᑯᓂ ᓱᓇᐅᔪᓐᓃᕐᓯᒪᔪᓂᒃ; ᐃᓄᖃᕐᑐᓂᒃ ᐃᓅᖃᑎᒌᒡᔪᐊᓂᓐᖔᕐᓯᒪᔪᓂᒃ ᒫᓐᓇᓗ ᐃᓂᓪᓚᑦᑎᐊᕐᓯᒪᓕᕐᑐᓂᒃ, ᑖᒃᑯᓂᖓᓕᒫᖅ.

ᐃᓯᑭᐊᓕᐅᑉ ᐊᒡᓚᖏᑦ 39:26

ᑲᓐᖑᓇᕐᑐᒦᓚᐅᕐᓂᑎᒃ ᐳᐃᒍᕈᒫᕐᐹᑦ, ᐅᒃᐱᕆᔭᒃᓴᐅᖏᑦᑐᓂᒡᓗ ᐱᓂᐊᕐᓂᖃᖃᑦᑕᓚᐅᕐᓂᑎᒃ ᐅᕙᓐᓄᑦ, ᓄᓇᒥᖕᓂ ᐃᓂᓪᓚᖓᑦᓯᐊᓕᕈᑎᒃ ᑲᑉᐱᐊᓱᒃᑎᑕᐅᖃᑦᑕᕈᓐᓁᕈᑎᒡᓗ ᓇᐅᑐᐃᓐᓇᓄᑦ.

ᒨᓯᓯ ᐱᖓᔪᖏᑦ 25:19

ᓄᓇ ᑕᕝᕙ ᐱᕈᕐᑐᒥᓂᒃ ᓴᖅᑭᑎᑦᓯᓂᐊᕐᐳᖅ, ᐃᓕᑦᓯᓗ ᓈᒻᒪᒃᑐᒥᒃ ᓂᕿᒃᓴᖃᕐᓂᐊᕐᐳᓯ ᐃᓅᓂᐊᕐᐳᓯᓗ ᖃᓄᐃᓐᓇᖏᑦᓯᐊᕐᑐᒥ.

ᒨᓯᓯ ᐱᖓᔪᖏᑦ 26:5

ᓂᕿᒃᓮᑦ ᐱᕈᕐᓯᐊᓯ ᐅᓄᕐᑐᒻᒪᕆᐅᓂᐊᕐᐳᑦ ᓂᐊᖂᔭᒃᓴᓂᒃ ᑲᑎᕐᓱᐃᑎᓪᓗᓯ ᓱᓕ ᕔᓂᒃᓴᓂᒃ ᐱᕈᕐᓰᓇᓱᒋᐊᖃᓕᖃᑦᑕᕐᓂᐊᕐᐳᓯ, ᓂᕿᒃᓴᖃᖃᑦᑕᕐᓂᐊᐳᓯ ᐊᒥᒐᕐᓯᖏᑦᓯᐊᕐᓗᓯ ᐃᕐᓯᓇᑐᖃᖏᑦᓯᐊᕐᑐᒥ ᓄᓇᖃᕐᓂᐊᕆᕗᓯ.

ᒨᓯᓯ ᐱᖓᔪᖏᑦ 26:6

“ᓄᓇᓯ ᐅᓇᑕᕐᕕᐅᖃᑕᕐᓂᐊᓐᖏᓚᖅ, ᓯᓂᖃᑦᑕᕐᓂᐊᕐᐳᓯᓗ ᓱᓇᒥ ᑲᑉᐱᐊᓱᖏᓪᓗᓯ. ᓂᕐᔪᑎᑦ ᐃᕐᓯᓇᕐᑐᑦ ᓄᓇᑦᓯᓐᓂᑦ ᐊᐅᓪᓚᕐᑎᓐᓂᐊᕐᐸᒃᑲ, ᑕᒫᓂᓗ ᐅᓇᑕᕐᑐᖃᖃᑦᑕᕐᓂᐊᓐᖏᓚᖅ.

ᓴᑲᕅᐊᐅᑉ ᐊᒡᓚᖏᑦ 14:11

ᑕᒪᓐᓇ ᐃᓄᖏᓐᓂᒃ ᐃᓄᖃᕈᒫᕐᐳᖅ, ᓱᕋᑦᑎᔭᐅᒃᑲᓐᓂᕐᓂᐊᕈᓐᓁᕐᓗᓂ; ᔨᕉᓴᓕᒥ ᑲᑉᐱᐊᓇᕐᑐᖃᒃᑲᓐᓂᕈᒫᓐᖏᓚᖅ.

ᓴᑲᕅᐊᐅᑉ ᐊᒡᓚᖏᑦ 6:13

ᑖᓐᓇ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓂᒃ ᓴᓇᔪᒫᕐᐳᖅ, ᐊᖓᔪᖅᑳᕐᔪᐊᕐᓯᐅᑎᓂᒡᓗ ᐅᐱᒋᔭᐅᑦᔪᑎᓂᒃ ᐊᑐᕈᒫᕐᐳᖅ ᐃᒃᓯᕙᐅᑕᕐᔪᐊᕐᒥᓗ ᐃᒃᓯᕚᕐᓗᓂ. ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᒫᕐᐳᖅ ᐃᒃᓯᕙᐅᑕᕐᔪᐊᕐᒥ ᐃᒃᓯᕚᕐᓗᓂ. ᐃᓂᒋᔭᖏᒡᓗ ᑖᒃᑯᐊᒃ ᒪᕐᕉᒃ ᐱᓇᓱᐊᖃᑎᒌᑦᓯᐊᕈᒫᕐᐴᒃ.”’

ᒨᓯᓯ ᓯᑕᒪᖏᑦ 25:12

ᑍᒤᒻᒪᑦ ᐅᖃᐅᑎᒍᒃ ᑕᑯᒋᑦ, ᐊᖏᖃᑎᒌᖕᓂᕐᒥᒃ ᑐᓂᓯᕕᒋᕙᒋᑦ ᓮᒪᓇᕐᑐᒦᖁᓪᓗᑎᑦ;

ᐄᑉᕈᐃᓄᑦ 13:20

ᒎᑎᐅᑉ ᓮᒻᒪᕐᑎᑦᓯᔨᐅᑉ ᑐᖁᖓᔪᓂᑦ ᒪᑭᑎᑦᓯᔫᑉ ᐊᑕᓂᑦᑎᓐᓂᒃ ᔩᓱᓯᒥᒃ, ᓰᐲᑦ ᐰᕐᓯᔨᕐᔪᐊᖓᓂᒃ, ᐊᖏᖃᑎᒌᖕᓂᐅᑉ ᐃᓱᖃᖏᑦᑑᑉ ᐊᐅᖓᓄᑦ,