ᐃᓯᑭᐊᓕᐅᑉ ᐊᒡᓚᖏᑦ 34:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐅᕙᖓᓗ ᐊᑕᓂᖅ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᐱᔨᒐᓗ ᑍᕕᑎ ᑖᒃᑯᓄᖓ ᐊᖓᔪᖅᑳᖑᔪᒫᕐᐳᖅ; ᐅᕙᖓ ᐊᑕᓂᖅ, ᑍᒫᒃ ᐅᖃᕐᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 34:24 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 36:28

ᓄᓇᖃᓕᕈᒫᕐᐳᓯ ᓯᕗᓕᑦᓯᓐᓄᑦ ᓄᓇᑖᕆᔭᐅᑎᓚᐅᕐᓯᒪᔭᓐᓂᒃ; ᐃᓄᖁᑎᒋᓂᐊᕐᐸᑦᓯ, ᒎᑎᒋᓂᐊᕐᐸᑦᓯᓐᖓᓗ.

ᔨᕆᒤᐊᐅᑉ ᐊᒡᓚᖏᑦ 31:33

ᐃᒤᑦᑐᒥᒃ ᐊᖏᖃᑎᒌᒍᑎᓕᐅᕈᒫᕐᐳᖓ ᐃᓴᕆᐊᓕᒥᐅᓄᑦ ᑍᒃᑯᐊ ᐅᓪᓗᐃᑦ ᑭᖑᕐᖓᒍᑦ, ᐊᑕᓂᖅ ᐅᖃᕐᐳᖅ: ᐱᖁᔭᒃᑲ ᑎᑎᕋᕈᒫᕐᐸᒃᑲ ᐃᓱᒪᖏᓐᓄᑦ ᐆᒻᒪᑎᖏᓐᓄᓪᓗ; ᑖᒃᑯᓄᖓ ᒎᑎᒋᔭᐅᔪᒫᕐᐳᖓ ᑖᒃᑯᐊᓗ ᐃᓄᖁᑎᒋᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:3

ᓂᐱᕐᔪᐊᒥᒡᓗ ᑐᓴᕐᐳᖓ ᐃᒃᓯᕙᐅᑕᕐᔪᐊᕐᒥᑦ ᐅᖃᕐᑐᒥᒃ, “ᑕᑯᒋᑦ, ᒎᑎ ᓄᓇᖃᖃᑦᑕᐅᓂᐊᓕᕐᐳᖅ ᐃᓄᖕᓄᑦ. ᑖᑦᓱᒪ ᐃᒡᓗᒥᐅᖃᑎᒋᓂᐊᕐᐰᑦ, ᑖᑦᓱᒪᓗ ᐃᓄᖁᑎᒋᓂᐊᕐᐰᑦ, ᒎᑎᐅᓪᓗ ᓇᖕᒥᓂᖅ ᓇᔪᕐᓂᐊᕐᐰᑦ ᒎᑎᒋᔭᐅᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 37:27

ᑖᒃᑯᓇᓂ ᐃᓂᖃᕈᒫᕐᐳᖓ; ᑖᒃᑯᓄᖓᓗ ᒎᑎᒋᔭᐅᓗᖓ, ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.

ᒫᑎᐅᓯᐅᑉ ᐊᒡᓚᖏᑦ 28:18

ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ.

ᐃᓯᑭᐊᓕᐅᑉ ᐊᒡᓚᖏᑦ 37:23

ᒎᑎᓐᖑᐊᖃᕐᓂᕐᒧᑦ ᓇᕐᕈᓇᕐᓯᑎᖃᑦᑕᕈᓐᓁᕈᒫᕐᐳᑦ ᐃᑦᔪᕐᓇᕐᑐᓕᓂᕐᓄᓪᓗ ᖃᓄᐃᑦᑐᑐᐃᓐᓇᕐᓄᑦ, ᐱᐅᖏᑦᑐᓕᓂᕐᓄᓪᓗ ᐊᓯᖏᓐᓄᑦ; ᐱᐅᓕᔪᒫᕐᐸᒃᑲᓕ ᐊᔪᕐᑐᓕᓂᕐᒧᑦ ᑲᑕᒍᑎᒋᖃᑦᑕᓚᐅᕐᑕᖏᓐᓂᑦ, ᓴᓗᒻᒪᕈᒫᕐᐸᒃᑲ; ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ, ᒎᑎᒋᔪᒫᕐᐹᖓᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:25

ᐊᐅᓚᑦᓯᔭᕆᐊᖃᕐᐳᕐᓕ ᐊᑭᕋᕐᑐᕐᑎᖏᑦ ᑕᒪᕐᒥᒃ ᐃᑎᒐᖏᑕ ᐊᑖᓄᑦ ᐱᑎᑕᐅᓚᐅᖏᓐᓂᖏᓐᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 5:31

ᒎᑎᐅᑉ ᐊᑕᓂᖑᕐᑎᓚᐅᕐᐹ ᑕᓕᕐᐱᖕᒥᓂ ᓯᕗᓕᕐᑎᖑᕐᑎᓪᓗᓂᐅᒃ ᐱᐅᓕᔨᖑᕐᑎᓪᓗᓂᐅᒡᓗ, ᐃᓴᕆᐊᓕᒥᐅᑦ ᖃᕿᐊᓕᕐᕕᒃᓴᖃᖁᓪᓗᒋᑦ ᐱᐅᖏᑦᑐᓕᓂᖏᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᓪᓗ.

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᐃᓯᑭᐊᓕᐅᑉ ᐊᒡᓚᖏᑦ 39:22

ᐃᓴᕆᐊᓕᐅᑉ ᑭᖑᕚᖏᑦ ᖃᐅᔨᔪᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ, ᐅᓪᓗᒥᑦ ᑕᕝᕙᓐᖓᑦ ᐱᒋᐊᕐᓗᓂ ᑭᖑᓂᖓᓂᓗ.

ᔨᕆᒤᐊᐅᑉ ᐊᒡᓚᖏᑦ 32:38

ᐃᓄᖁᑎᒋᔪᒫᕐᐸᒃᑲ, ᑖᒃᑯᐊᓗ ᒎᑎᒋᔪᒫᕐᐹᖓ.

ᔨᕆᒤᐊᐅᑉ ᐊᒡᓚᖏᑦ 31:1

ᐊᑕᓂᖅ ᐅᖃᕐᐳᖅ, “ᑕᒪᓐᓇ ᓇᓪᓕᐅᑎᒃᐸᑦ ᒎᑎᒋᔭᐅᔪᒫᕐᐳᖓ ᐃᓴᕆᐊᓕᒥᐅᑦ ᐃᓚᒌᒃᑐᖁᑎᓕᒫᖏᓐᓄᑦ ᑖᒃᑯᐊᓗ ᐃᓄᑯᑎᒋᔪᒫᕐᐸᒃᑲ.”

ᔨᕆᒤᐊᐅᑉ ᐊᒡᓚᖏᑦ 30:9

ᑖᒃᑯᐊᓕ ᐱᔨᑦᓯᖁᓪᓗᒋᑦ ᐊᑕᓂᕐᒥᒃ ᒎᑎᒥᖕᓂᒃ, ᐊᖓᔪᖅᑳᕐᔪᐊᕕᓂᐅᓪᓗ ᑍᕕᑎᐅᑉ ᑭᖑᕚᖓᓂᒃ, ᒪᑭᑎᑦᓱᒫᕐᑕᓐᓂᒃ ᑖᒃᑯᓄᖓ.

ᐃᓐᖏᕈᑎᑦ 2:6

“ᐊᖓᔪᖅᑳᕐᔪᐊᖁᑎᒐ ᐃᓕᕙᕋ ᓮᐅᓂᒧᑦ, ᖃᖅᑲᒥ ᐃᑦᔪᕐᓁᑦᑐᖁᑎᓐᓂ.”

ᐂᓮᐊᓯᐅᑉ ᐊᒡᓚᖏᑦ 55:3

ᓯᐅᑎᓯ ᒪᓂᓗᒋᒃ, ᐅᕙᓐᓄᑦ ᕾᓗᓯ; ᑐᓵᑦᓯᐊᕆᑦᓯ ᑕᕐᓂᓯ ᐃᓅᖁᓪᓗᒋᑦ; ᐊᖏᖃᑎᒋᔪᒪᕙᒋᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᑍᕕᑎᒧᑦ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᓇᒡᓕᒍᓱᖕᓂᓐᓂᒃ ᓱᖁᓯᕐᓂᐊᖏᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 55:4

ᑕᑯᒋᑦᓯ, ᐃᓄᖕᓄᑦ ᖃᐅᔨᓯᒪᔪᖁᑎᒋᓪᓗᒍ ᓇᓗᓁᕐᓯᔨᒋᓚᐅᕐᐸᕋ, ᐊᖓᔪᖅᑳᓐᖑᕐᑎᓪᓗᒍ ᓯᕗᓕᕐᑎᐅᑎᓚᐅᕐᐸᕋ ᐃᓄᒐᓴᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 30:21

ᓇᖕᒥᓂᕐᒥᖕᓂᓪᓗ ᓯᕗᓕᕐᑎᑖᕈᒫᕐᐳᑦ ᐊᖓᔪᖅᑳᕐᔪᐊᖃᕐᓗᑎᒡᓗ ᐃᓅᖃᑎᒥᖕᓂᑦ ᐱᔪᒥᒃ. ᐅᕙᓐᓄᓪᓗ ᖃᒡᓕᑎᓐᓂᐊᕐᐸᕋ ᖃᓂᒋᔭᓐᓃᓪᓗᓂ ᐃᓅᖁᓪᓗᒍ. ᑭᓇ ᕾᔪᓐᓇᕐᐹ ᐅᕙᓐᓄᑦ ᑐᓐᖓᓴᕐᑕᐅᖏᓪᓗᓂ?

ᐃᓯᑭᐊᓕᐅᑉ ᐊᒡᓚᖏᑦ 21:27

ᐊᓯᕈᕐᐳᑦ, ᐊᓯᕈᕐᐳᑦ, ᐊᓯᕈᕐᑕᐅᑎᓐᓂᐊᕐᐸᒃᑲ; ᑕᒪᓐᓇ ᓇᓪᓕᐅᑎᓂᐊᓐᖏᓚᖅ ᑍᒤᓕᐅᕈᓐᓇᕐᑐᖅ ᑎᑭᓚᐅᖏᓐᓂᖓᓂ; ᑖᑦᓱᒧᖓ ᑕᒪᓐᓇ ᑐᓂᔪᒫᕐᐸᕋ.”

ᐃᓯᑭᐊᓕᐅᑉ ᐊᒡᓚᖏᑦ 37:22

ᐊᑕᐅᓯᓐᖑᑎᓪᓗᒋᑦ ᐃᓅᖃᑎᒌᒡᔪᐊᓐᖑᕐᑎᑦᓱᒫᕐᐸᒃᑲ ᓄᓇᒥ, ᐃᓴᕆᐊᓕᐅᑉ ᖃᖅᑲᖏᓐᓂ; ᐊᖓᔪᖅᑳᕐᔪᐊᒧᑦ ᐊᑕᐅᓯᕐᒧᑦ ᐊᐅᓚᑕᐅᔪᒫᕐᐳᑦ; ᐃᓅᖃᑎᒌᒡᔪᐊᖑᓂᖏᒡᓗ ᒪᕐᕈᐃᖑᔪᓐᓃᕈᒫᕐᐳᑦ, ᐊᖓᔪᖅᑳᕐᔪᐊᖃᕐᕕᖏᒡᓗ ᒪᕐᕉᓕᖅᑭᖓᔪᓐᓃᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 37:24

ᐱᔨᒐ ᑍᕕᑎ ᐊᖓᔪᖅᑳᕐᔪᐊᖑᔪᒫᕐᐳᖅ ᑖᒃᑯᓄᖓ; ᐊᑕᐅᓯᕐᒥᒡᓗ ᐰᕐᓯᔨᖃᕈᒫᕐᐳᑦ. ᐱᖁᔭᒃᑲᓗ ᒪᓕᒍᒫᕐᐰᑦ ᐊᑐᕐᑕᐅᖁᔭᒃᑲᓗ ᑲᒪᒋᑦᓯᐊᕐᓗᒋᑦ ᐊᑐᕈᒫᕐᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 37:25

ᓄᓇᖃᕈᒫᕐᐳᑦ ᐱᔨᓐᓄᑦ ᔧᑯᒧᑦ ᓄᓇᑖᕆᔭᐅᑎᓚᐅᕐᑕᓐᓂ ᓯᕗᓕᕕᓂᖏᑕ ᓄᓇᖃᕐᕕᒋᓚᐅᕐᑕᖓᓂ; ᑖᒃᑯᐊᓗ ᕿᑐᕐᖓᖏᑦ ᕿᑐᕐᖓᖏᑕᓗ ᕿᑐᕐᖓᖏᑦ ᑕᕝᕙᓂ ᓄᓇᖃᕈᒫᕐᐳᑦ ᐃᓱᖃᖏᑦᑐᒧᑦ; ᑍᕕᑎᓗ ᐱᔨᒐ ᐊᖓᔪᖅᑳᖑᔪᒫᕐᐳᖅ ᑕᕝᕙᓂ ᐃᓱᖃᖏᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 44:3

ᐊᖓᔪᖅᑳᕐᔪᐊᖅ ᑕᕝᕙᓂ ᓂᕆᔪᓐᓇᕐᑐᑑᕗᖅ ᐊᑕᓂᐅᑉ ᓵᖓᓂ; ᐃᑎᕐᑐᒃᓴᐅᕗᖅ ᐃᑎᕐᑕᕐᕕᐅᑉ ᑐᕐᓲᖑᔭᖓᑕ ᐃᒡᓗᕈᓯᖓᒍᑦ ᐃᓱᐊᓃᑦᑐᒃᑯᑦ, ᑕᕝᕘᓇᓗ ᐊᓂᖕᒥᓗᓂ.”

ᐃᓯᑭᐊᓕᐅᑉ ᐊᒡᓚᖏᑦ 45:7

“ᓄᓇᒥᒃ ᓴᓂᕐᕙᒃᑕᐅᓯᒪᔪᖃᕆᐊᖃᕐᐳᖅ ᐊᖓᔪᖅᑳᓄᑦ ᓄᓇᒃᓴᒥᒃ ᐃᑦᔪᕐᓁᑎᑕᐅᓯᒪᔫᑉ ᑭᒡᓕᖓᓂ ᐃᒡᓗᒐᓮᓪᓗ ᑭᒡᓕᖓᓃᑦᑐᒥᒃ, ᐂᑉᐸᖓ ᓯᕿᓂᐅᑉ ᓂᐱᕕᐊᑕ ᓇᓛᓃᓪᓗᓂ; ᐂᑉᐸᖓᓗ ᓯᕿᓂᐅᑉ ᓄᐃᕕᐊᑕ ᓇᓛᓃᓗᓂ ᐃᑦᔪᕐᓁᑎᑕᐅᓯᒪᔫᑉ ᑭᒡᓕᖓᓂ ᐃᓴᕆᐊᓕᒥᐅᑦ ᓄᓇᖁᑎᖏᑕ ᑭᒡᓕᖓ ᑎᑭᓪᓗᒍ, ᑕᑭᓂᖓ ᐊᑦᔨᒋᔭᐅᖁᓪᓗᒍ ᐃᓴᕆᐊᓕᒥᐅᑦ ᓄᓇᖁᑎᖓᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 48:21

ᑖᑦᓱᒪ ᐃᑦᔪᕐᓁᑦᑐᒃᑯᕕᐅᑉ ᐊᕙᑎᖏᒃ ᐃᒡᓗᒐᓴᖃᕐᕕᐅᔪᕐᓗ ᐊᖓᔪᖅᑳᒧᑦ ᓄᓇᖁᑎᒋᔭᐅᔪᒃᓴᐅᕗᖅ. ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥᑦ, ᓂᐱᕕᐊᑕ ᓇᓛᓄᐊᖓᔪᒧᑦ ᐊᖏᓂᖃᕐᓗᓂ 10ᒤᓕᒥᒃ ᐊᕙᒻᒧᑦ, ᑭᖑᕚᕇᑦ ᓄᓇᖁᑎᖏᓐᓄᑦ ᐋᖅᑭᒃᓯᒪᓂᖓ ᐊᑦᔨᒋᔭᐅᒐᓚᒡᓗᓂ, ᐊᖓᔪᖅᑳᑉ ᑕᒪᓐᓇ ᐱᒋᔭᒃᓴᕆᕚ. ᐃᑦᔪᕐᓁᑦᑐᒃᑯᕕᐅᓗᓂ ᕿᑎᖓᓂᓗ ᑐᒃᓯᐊᕐᕕᒡᔪᐊᖅ ᐃᓂᖃᕐᓗᓂ,

ᕼᐆᓯᐊᑉ ᐊᒡᓚᖏᑦ 3:5

ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.

ᓴᑲᕅᐊᐅᑉ ᐊᒡᓚᖏᑦ 13:7

“ᑐᐸᓕᕆᑦ, ᓴᕕᒡᔪᐊᖅ, ᐱᒋᐊᕐᓗᒍᓗ ᓰᐱᓕᕆᔨᖁᑎᒐ, ᐊᖑᑦ ᐱᓇᓱᐊᖃᑎᒐ!” ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ: “ᓰᐱᓕᕆᔨ ᑲᐱᓕᕈᒃ, ᓰᐲᑦ ᑕᕝᕙ ᓯᐊᒻᒪᖕᓂᐊᕐᐳᑦ, ᓰᐱᑯᓗᐃᓪᓗ ᓱᒋᐊᕈᒪᕙᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 20:5

ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑍᑦᓱᒪᓂ ᐃᓴᕆᐊᓕᒥᐅᑦ ᓂᕈᐊᕋᒃᑭᑦ, ᐊᖏᒻᒪᕆᒡᕕᒋᓚᐅᕐᐸᒃᑲ ᔧᑰᑉ ᑭᖑᕚᖏᑕ ᓯᕗᓕᖏᑦ, ᐅᕙᓐᓂᒡᓗ ᖃᐅᔨᑎᓪᓗᒋᑦ ᐄᑦᔨᑉᑎᒦᑎᓪᓗᒋᑦ, ᐊᖏᕐᕕᒋᓪᓗᒋᑦ ᐅᖃᐅᑎᓚᐅᕐᐸᒃᑲ, ‘ᐅᕙᖓᐅᕗᖓ ᐊᑕᓂᖅ ᒎᑎᓯ.’

ᐃᓯᑭᐊᓕᐅᑉ ᐊᒡᓚᖏᑦ 20:7

ᐅᖃᐅᑎᓚᐅᕐᐸᒃᑲᓗ, ᑕᑯᒥᒋᔭᓯ ᓇᕐᕈᓇᕐᑐᑦ ᐃᒋᓚᐅᕐᓯᐅᒃ, ᐊᑕᖏᕐᓗᓯ ᐃᓕᑦᓯᓐᓂᒃ ᐃᑦᔪᕐᓇᕐᑎᑐᓐᓃᕆᑦᓯ ᐄᑦᔨᑉᑎᒥᐅᑦ ᒎᑎᓐᖑᐊᖏᓐᓄᑦ; ᐅᕙᖓᐅᒐᒪ ᐊᑕᓂᖅ ᒎᑎᓯ.