ᐃᓯᑭᐊᓕᐅᑉ ᐊᒡᓚᖏᑦ 34:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐰᕐᓯᔩᑦ ᕿᓂᑦᓯᐊᓲᖑᖕᒪᑕ ᓰᐱᖁᑎᖏᑕ ᐃᓚᖏᓐᓂᒃ ᓇᒧᑐᐃᓐᓇᖅ ᓯᐊᒻᒪᕐᑐᖃᕐᑎᓪᓗᒍ, ᑍᒫᒃᑕᐅᖅ ᓰᐱᖁᑎᒃᑲ ᕿᓂᕐᓂᐊᓕᕐᐸᒃᑲ; ᓴᐳᑎᔪᒫᕐᐸᒃᑲ ᓇᓂᓕᒫᖅ ᓯᐊᒻᒪᕐᓯᒪᕕᒋᓚᐅᕐᑕᖏᓐᓂᑦ ᐅᓪᓗᖅ ᓄᕗᔭᑎᓪᓗᒍ ᑖᕐᑑᑎᓪᓗᒍᓗ.

ᐃᓯᑭᐊᓕᐅᑉ ᐊᒡᓚᖏᑦ 34:12 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:23

ᓰᐱᖁᑎᑎᑦ ᐊᔪᐃᓐᓇᕐᓗᒋᑦ ᑲᒪᒋᑦᓯᐊᒃᑭᑦ, ᐆᒪᔪᖁᑎᑎᓪᓗ ᖃᐅᔨᓴᑦᓯᐊᕐᓗᒋᑦ;

ᐂᓮᐊᓯᐅᑉ ᐊᒡᓚᖏᑦ 40:11

ᓰᐱᓕᕆᔨᑎᑐᑦ ᐃᓄᖁᑎᓂ ᓂᕆᑎᑦᓱᒫᕐᐰᑦ, ᓰᐲᓪᓗ ᓄᕐᕋᖏᑎᑐᑦ ᑕᓕᕐᒥᓄᑦ ᐃᕿᓯᒥᐊᕈᒫᕐᐰᑦ, ᐊᒡᔭᕐᓗᒋᑦ ᓴᒡᕕᖕᒥᓂ, ᕿᑐᕐᖓᓛᓖᓪᓗ ᐊᑦᑕᕆᓗᒋᑦ ᒪᓕᒃᑎᑦᓱᒫᕐᐰᑦ.”

ᐂᓮᐊᓯᐅᑉ ᐊᒡᓚᖏᑦ 50:10

ᓇᓪᓕᓯ ᐊᑕᓂᕐᒥᒃ ᐃᓕᕋᒋᔭᖃᕐᐹ? ᓈᓚᒡᓗᓂᓗ ᐱᔨᖓᑕ ᓂᐱᖓᓂᒃ, ᓇᓪᓕᐊᑦ ᑖᕐᑐᒥ ᐃᓅᔪᖅ ᖃᐅᒪᔪᕐᓯᐅᖏᑦᑐᖅ, ᑖᓐᓇ ᑕᑎᖃᓕᕐᓕ ᐊᑕᓂᐅᑉ ᐊᑎᖓᓂᒃ ᒎᑎᒥᓂᒡᓗ ᑕᑎᖃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 56:8

ᐃᒫᒃ ᐊᑕᓂᖅ ᒎᑎ ᐅᖃᕐᒪᑦ, ᑖᓐᓇ ᑲᑎᕐᓱᐃᔪᖅ ᐃᓴᕆᐊᓕᒥᐅᑦ ᐊᓂᑎᓯᒪᔭᖏᓐᓂᒃ, “ᑲᑎᕐᓱᐃᕕᒋᔪᒫᕆᕙᒃᑲ ᑲᑎᕐᓱᕐᑕᐅᓯᒪᓕᕇᕐᑐᑦ ᐊᓯᖏᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 13:16

ᐊᑕᓂᖅ ᒎᑎᓯ ᓂᕐᑐᕐᓯᐅᒃ ᑖᕐᓯᑎᑦᓯᖏᓐᓂᖓᓂ, ᐹᓪᓚᖁᓇᓯ ᖃᖅᑬᑦ ᑕᕐᕆᑎᑕᐅᓕᕐᐸᑕ ᑖᕐᑐᒧᑦ, ᖃᐅᒪᔪᒥᒃ ᕿᓂᕋᓗᐊᕈᑦᓯ ᑖᑦᓱᒪ ᑖᕐᓯᑎᑦᓱᒫᑉᐹ ᑖᕐᑐᕐᔪᐊᖑᓕᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 23:3

ᐅᕙᖓ ᐃᓄᖁᑎᒪ ᐊᒥᐊᒃᑯᖏᑦ ᑲᑎᕐᓱᕈᒫᕐᐸᒃᑲ ᓇᒧᑐᐃᓐᓇᖅ ᐊᐅᓪᓚᕐᑎᑦᓯᕕᒋᓯᒪᓚᐅᕐᑕᓐᓂᑦ, ᐅᑎᕐᑎᓪᓗᒋᓪᓗ ᓇᑎᕐᓇᒧᑦ ᓄᓇᒋᔭᖓᓐᓄᑦ, ᕿᑐᕐᖏᐅᖁᓪᓗᒋᑦ ᐅᓄᕐᓯᕙᓪᓕᐊᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 31:10

ᐊᑕᓂᖅ ᐅᖃᕐᐳᖅ, “ᐃᓅᖃᑎᒌᒡᔪᐊᖑᔪᓯ ᐊᑕᓂᐅᑉ ᐅᖃᐅᓯᖏᑦ ᑐᓴᓕᕐᓯᒋᒃ ᑐᓴᕐᑕᐅᑎᓯᐅᒃ ᐃᒪᐅᑉ ᑭᒡᓕᖓᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐃᓴᕆᐊᓕᒥᐅᓂᒃ ᓇᒧᑐᐃᓐᓈᕐᑎᑦᓯᓚᐅᕐᑑᑉ ᑲᑎᕐᓱᕈᒫᕆᕔᑦ ᐃᓄᖁᑎᓂᓗ ᐰᕆᓂᐊᕐᐰᑦ ᓰᐱᓂᒃ ᐰᕐᓯᔨᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 31:8

ᑕᑯᒋᑦ, ᑎᑭᑎᒍᒫᕐᐸᒃᑲ ᐅᓐᓄᐊᓪᓗᐊᑉ ᓇᓛᓂᑦ, ᑲᑎᕐᓱᕈᒫᕐᐸᒃᑲᓗ ᓯᓚᕐᔪᐊᑉ ᑭᒡᓕᖏᓐᓂᑦ, ᑕᐅᑐᖏᑦᑐᑦ ᑐᓯᐊᑦᑐᓪᓗ, ᓄᑕᕋᒃᓴᓖᑦ ᐃᕐᓂᓱᒃᑐᓪᓗ ᑖᒃᑯᓄᖓ ᐃᓚᒋᔭᐅᔪᒫᕐᐳᑦ, ᐃᓄᒋᐊᒃᑐᕐᔪᐊᖑᓗᑎᒃ ᑕᒪᐅᖓ ᐅᑎᕈᒫᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 33:12

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ, ᑕᕝᕙᓂ ᓄᓇᓕᖕᓂ ᓱᓇᑕᖃᖏᑦᑐᒥ ᐃᓄᖃᖏᑦᑐᒥᓗ ᐆᒪᔪᕐᑕᖃᖏᑦᑐᒥ ᓄᓇᓕᓕᒫᖏᑦ, ᐃᓄᖃᓕᕈᒫᕐᐳᖅ ᓰᐱᓕᕆᔨᓂᒃ ᐆᒪᔪᖁᑎᖏᓪᓗ ᐃᓂᒃᓴᖃᑦᓯᐊᓕᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 30:3

ᐅᓪᓗᖅ ᖃᒡᓕᓕᕐᐳᖅ, ᐊᑕᓂᐅᑉ ᐅᓪᓗᖓ ᖃᒡᓕᓕᕐᐳᖅ; ᐅᓪᓗᖅ ᓄᕗᔭᔪᑎᑐᑦ ᑍᒤᑉᐳᖅ, ᐃᓅᖃᑎᒌᒡᔪᐊᑦ ᓱᒋᐊᕐᑕᐅᕕᒃᓴᖓᑦ.

ᐃᓯᑭᐊᓕᐅᑉ ᐊᒡᓚᖏᑦ 32:7

ᐃᓕᖕᓂᒃ ᐊᓯᕈᐃᓕᕈᒪ, ᕿᓚᒃ ᑕᓕᑎᑦᓱᒫᕐᐸᕋ, ᐅᓪᓗᕆᐊᓪᓗ ᑖᕐᓯᓗᑎᒃ; ᓯᕿᓂᖅ ᓄᕗᔭᓄᑦ ᑕᓕᑎᑦᓱᒫᕐᐸᕋ, ᑕᖅᑭᕐᓗ ᖃᐅᒪᔪᓐᓁᕐᓗᓂ.

ᔨᐸᓁᐊᐅᑉ ᐊᒡᓚᖏᑦ 1:15

ᐅᓪᓗᖅ ᓂᓐᖓᐅᓯᕐᒧᑦ ᐅᓪᓗᕆᔭᐅᔪᒫᕐᐳᖅ, ᐅᖁᒤᑦᑑᓗᓂ ᐃᓱᒪᔮᕐᓇᕐᓗᓂᓗ, ᓯᖁᑦᑎᕐᑕᐅᓂᕐᑕᖃᕈᒫᕐᐳᖅ ᓄᖑᕈᑦᔭᐅᓂᕐᑕᖃᕐᓗᓂᓗ, ᑖᕐᑑᔪᒫᕐᐳᖅ ᖁᕕᐊᓇᖏᓪᓗᓂᓗ, ᓄᕗᔭᖃᕈᒫᕐᐳᖅ ᑖᕐᔪᖓᓗᓂᓗ.

ᓴᑲᕅᐊᐅᑉ ᐊᒡᓚᖏᑦ 10:3

ᓰᐱᓕᕆᔩᑦ ᓂᓐᖓᒡᕕᒋᓯᒪᓚᐅᕐᐸᒃᑲ, ᐊᐅᓚᑦᓯᔩᓪᓗ ᓱᒋᐊᕈᒫᕐᐸᒃᑲ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓰᐱᖁᑎᓂ ᔫᑕᒥ ᓄᓇᖃᕐᑐᑦ ᐰᕆᔪᒫᕐᐰᑦ, ᕿᒻᒥᕐᔪᐊᑎᑐᓪᓗ ᓴᐱᖏᑦᑐᑎᑐᑦ ᐅᓇᑕᕐᕕᖕᒥ ᑍᒤᑎᑦᓱᒫᕐᐰᑦ.

ᓴᑲᕅᐊᐅᑉ ᐊᒡᓚᖏᑦ 9:16

ᐊᑕᓂᐅᑉ ᒎᑎᖓᑦᑕ ᓴᐳᑎᔪᒫᕐᐰᑦ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ, ᑍᒫᑦᓮᓐᓇᖅ ᓰᐱᓕᕆᔨᐅᑉ ᓰᐱᖁᑎᓂ ᓴᐳᑎᓲᕆᖕᒪᒋᑦ ᐃᕐᓯᓇᕐᑐᓂᑦ: ᐅᔭᕋᒃᑎᑐᑦ ᑕᑯᒥᓇᕐᑐᑎᑐᑦ ᑍᒤᑦᓱᒫᕐᐳᑦ ᓂᐊᖂᑎᖓᓂ, ᑕᑯᒃᓴᐅᑦᓯᐊᕐᓗᑎᒡᓗ ᓄᓇᖁᑎᖓᓂ.

ᓘᑲᓯᐅᑉ ᐊᒡᓚᖏᑦ 15:8

“ᐅᕝᕙᓗ ᐊᕐᓇᖅ, 10ᓂᒃ ᑮᓇᐅᔭᖁᑎᖃᕐᑐᖅ, ᐊᑕᐅᓯᕐᒥᒃ ᐊᓯᐅᔨᒍᓂ, ᓇᓂᕈᐊᒥᒃ ᐃᑭᑦᓯᒐᔭᓐᖏᓛᖅ, ᐃᒡᓗ ᓴᓂᕐᓗᒍ ᕿᓂᑦᓯᐊᕋᔭᓐᖏᓚᐅᒃ ᓇᓂᖅᑳᕐᓇᒍ?

ᓘᑲᓯᐅᑉ ᐊᒡᓚᖏᑦ 19:10

ᐃᓅᑉ ᐃᕐᓂᖓ ᑎᑭᓯᒪᖕᒪᑦ ᐊᓯᐅᓯᒪᔪᑦ ᕿᓂᕆᐊᕐᓗᒋᑦ ᐱᐅᓕᔭᕐᑐᕐᓗᒋᓪᓗ.”

ᔪᐊᓇᓯᐅᑉ ᐊᒡᓚᖏᑦ 10:16

ᐊᓯᖏᓐᓂᒃ ᓱᓕ ᓰᐱᖁᑎᖃᕐᐳᖓ, ᑕᕝᕙᓐᖓᑦ ᓰᐱᒃᑯᕕᖕᒥᒃ ᐱᓯᒪᖏᑦᑐᓂᒃ; ᑖᒃᑯᐊᑦᑕᐅᖅ ᑕᕝᕗᖓ ᐃᑎᕐᑎᑦᓴᕆᐊᖃᕐᐸᒃᑲ; ᓂᐱᓐᓂᒃ ᑐᓴᕈᒫᕐᐳᑦ. ᐊᑕᐅᓯᐅᖃᑎᒌᒍᒫᕐᐳᑦ, ᐊᑕᐅᓯᕐᒥᒡᓗ ᐰᕐᓯᔨᖃᕐᓗᑎᒃ.