ᐃᓯᑭᐊᓕᐅᑉ ᐊᒡᓚᖏᑦ 34:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᑕᑯᒋᑦ, ᐰᕐᓯᔩᑦ ᓵᓐᖓᓕᕐᐸᒃᑲ; ᓰᐱᖁᑎᒃᑲ ᑎᒍᓂᐊᓕᕐᐸᒃᑲ ᑖᒃᑯᓇᓐᖓᑦ, ᓂᕆᑎᑦᓯᔨᐅᔪᓐᓃᕐᑎᓪᓗᒋᓪᓗ ᓰᐱᖁᑎᓐᓂᒃ; ᐰᕐᓯᔩᑦ ᐃᒻᒥᓃᓐᓇᖅ ᓂᕆᑎᖃᑦᑕᕐᓂᐊᕈᓐᓃᕐᐳᑦ. ᓰᐱᖁᑎᒃᑲ ᓴᐳᑎᓂᐊᓕᕐᐸᒃᑲ ᖃᓂᖏᓐᓂᑦ, ᓂᕿᒋᔭᐅᑦᔮᔪᓐᓃᕐᓗᑎᒡᓗ ᑖᒃᑯᓄᖓ.”

ᐃᓯᑭᐊᓕᐅᑉ ᐊᒡᓚᖏᑦ 34:10 ပူးပေါင်းရင်းမြစ်များ

ᐃᓐᖏᕈᑎᑦ 23:5

ᓂᕐᕆᕕᖕᒥᒃ ᓂᕆᓂᐊᕐᑕᓐᓂᒃ ᐋᖅᑭᒃᓱᐃᕗᑎᑦ ᐊᑭᕋᕐᑐᕐᑎᒪ ᑕᒃᑯᐊᓐᓂ. ᓂᐊᖁᕋ ᓇᐹᕐᑑᑉ ᐅᕐᓱᖓᓄᑦ ᑯᕝᕕᕆᕙᑦ; ᐃᒥᐅᑎᒐ ᐊᒡᓛᑦ ᑕᑕᓗᐊᓕᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 21:13

ᑕᑯᒋᑦ, ᔨᕉᓴᓕᒥᐅᑕᐅᔪᓯ ᐊᑲᐅᒋᓐᖏᓚᑦᓯ, ᓇᕐᓴᒥᐅᑕᐅᔪᓯ, ᕾᕐᑑᓂᖓᓂ ᓄᓇᖃᕐᑐᓯ, ᐊᑕᓂᖅ ᐅᖃᕐᐳᖅ, ᐅᖃᕐᐳᓯ, ‘ᑭᒃᑯᑦ ᐅᕙᑦᑎᓐᓂᒃ ᐅᓇᑕᕋᓱᐊᕐᐹᑦ? ᑭᒃᑯᓪᓗ ᐱᔭᐅᑦᔧᕐᓯᒪᕕᑦᑎᓐᓄᑦ ᐃᑎᕈᓐᓇᕐᐹᑦ?’

ᔨᕆᒤᐊᐅᑉ ᐊᒡᓚᖏᑦ 39:6

ᑕᕝᕙᓃᓪᓗᑎᒃ ᓱᓕ ᕆᑉᓚᒥ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᑎᑬᐊᐅᑉ ᐃᕐᓂᖏᑦ ᑐᖁᑕᐅᑎᑉᐰᑦ ᔨᑎᑬᐊ ᑕᑯᓐᓇᕐᑎᓪᓗᒍ ᔫᑕᒥᐅᓪᓗ ᐊᖓᔪᖅᑳᖁᑎᖏᑦ.

ᔨᕆᒤᐊᐅᑉ ᐊᒡᓚᖏᑦ 50:31

“ᑕᑯᒋᑦ ᐊᑭᕋᕐᑐᕐᐸᒋᑦ ᐱᔪᓐᓇᕋᓱᒋᓗᐊᓚᐅᕋᕕᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐅᓪᓗᖅ ᓱᒋᐊᕐᑕᐅᕕᒃᓴᖅ ᓇᓪᓕᐅᑎᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 13:23

ᑍᒤᒻᒪᑦ ᑕᑯᑎᑕᐅᓐᖑᐊᕐᓂᕆᖃᑦᑕᕐᑕᓯ ᓄᖅᑲᕐᓂᐊᓕᕐᐳᖅ ᐱᔪᒫᕐᑐᒃᓴᓂᒡᓗ ᐅᖃᐅᓯᖃᕋᓱᖃᑦᑕᕐᓂᓯ ᐃᓱᓕᑉᐳᖅ; ᐃᓄᖁᑎᒃᑲ ᓴᐳᑎᓂᐊᓕᕐᐸᒃᑲ ᐱᔪᓐᓇᐅᑎᑦᓯᓐᓂᑦ. ᑕᕝᕙ ᖃᐅᔨᓂᐊᕐᐳᓯ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 13:8

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᓱᓕᖏᑦᑐᓂᒃ ᐅᖃᓪᓚᖃᑦᑕᕋᑦᓯ ᑕᑯᑎᑕᐅᓂᕋᕐᓂᓯᓗ ᓴᒡᓗᕿᑦᓯᓂᐅᓪᓗᑎᒃ, ᑍᒤᒻᒪᑦ ᑕᑯᒋᑦ, ᐃᓕᑦᓯᓐᓂᒃ ᓵᓐᖓᓯᓂᐊᓕᕐᐳᖓ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 21:3

ᐃᓴᕆᐊᓕᐅᑉ ᓄᓇᖓᓃᑦᑐᑦ ᐅᖃᐅᑎᒃᑭᑦ, ᐊᑕᓂᖅ ᐃᒫᒃ ᐅᖃᕐᐳᖅ: ᑕᑯᒋᑦ, ᓈᒻᒪᒃᓴᓐᖏᓚᖓ ᐃᓕᑦᓯᓐᓂᒃ, ᓴᕕᒡᔪᐊᕋ ᐊᒧᓗᒍ ᑐᖁᕅᔪᒫᓕᕐᐳᖓ ᐊᑦᔨᒌᒃᑎᓪᓗᒋᑦ ᐃᓱᐊᕐᑐᓕᔪᑦ ᐱᐅᖏᑦᑐᓕᔪᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 3:18

ᐱᐅᖏᑦᑐᓕᔪᒧᑦ ᐅᖃᕈᒪ, ‘ᑐᖁᓂᐊᓕᕐᐳᑎᑦ,’ ᐃᓂᕐᑎᖏᒃᑯᕕᐅᒃ ᐱᐅᖏᑦᑐᓕᓂᕐᒥᓂᑦ ᖃᕿᐊᓕᖁᓗᒍ, ᐃᓅᖁᓪᓗᒍᓗ, ᐊᔪᕐᑐᓕᓂᕐᒥᓂᑦ ᖃᕿᐊᓕᓚᐅᕋᓂ ᑐᖁᑐᐃᓐᓇᕐᐸᑦ; ᑐᖁᓂᖓᓄᑦ ᐸᓯᔭᒃᓴᐅᑎᒃᑲᔭᕐᐸᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 3:20

“ᓇᓛᒎᕐᑐᕐᓕ ᐊᑲᐅᔪᒥᒃ ᕿᒤᓗᓂ ᐊᔪᕐᑐᓕᒃᐸᑦ, ᐹᓪᓚᒍᑎᒃᓴᒧᑦ ᑎᑭᑎᒃᑯᒃᑯ, ᑐᖁᒃᐸᑦ ᐊᔪᕐᑐᓕᓂᕐᒦᓪᓗᓂ, ᐃᓂᕐᑎᓚᐅᖏᒃᑯᕕᐅᒃ, ᐱᐅᔪᑦ ᐱᓂᐊᓚᐅᕐᑕᖏᑦ ᐃᖅᑲᐅᒪᔭᐅᓂᐊᓐᖏᓚᑦ; ᑐᖁᓂᖓᓄᑦ ᐸᓯᔭᒃᓴᐅᑎᒃᑲᔭᕐᐸᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 34:2

“ᐃᓅᑉ ᐃᕐᓂᖓ, ᐃᓴᕆᐊᓕᒥᐅᑦ ᐰᕐᓯᔨᖏᑦ ᓵᓪᓗᒋᑦ ᐱᔪᒫᕐᑐᓂᒃ ᓇᓗᓁᕐᓯᕕᒋᓗᒋᑦ, ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᒥᐅᓄᑦ ᐰᕐᓯᔨᐅᔪᓯ ᐃᓕᑦᓯᓐᓂᑐᐊᖅ ᓂᕆᑎᑉᐳᓯ! ᐰᕐᓯᔩᑦ ᓰᐱᖁᑎᒥᖕᓂᒃ ᓂᕆᑎᑦᓯᔭᕆᐊᖃᓐᖏᓛᑦ?

ᐃᓯᑭᐊᓕᐅᑉ ᐊᒡᓚᖏᑦ 34:22

ᓰᐱᖁᑎᒃᑲ ᓴᐳᑎᓂᐊᓕᕐᐸᒃᑲ, ᓂᕿᒃᓴᐅᑐᐃᓐᓇᖁᔪᓐᓁᕋᒃᑭᑦ; ᓰᐲᓪᓗ ᐊᑐᓂᑦ ᑐᑭᑖᕈᑎᒋᓂᐊᓕᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 34:8

ᐃᓅᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᓰᐱᖁᑎᒃᑲ ᑐᖁᑕᐅᖃᑦᑕᓕᕐᐳᑦ, ᐆᒪᔪᓄᓪᓗ ᐃᕐᓯᓇᕐᑐᓄᑦ ᖃᓄᐃᑦᑐᑐᐃᓐᓇᓄᑦ ᓂᕿᒋᔭᐅᖃᑦᑕᓕᕐᐳᑦ, ᐰᕐᓯᔨᖃᖏᓐᓇᒥᒃ; ᐰᕐᓯᔨᖁᑎᒃᑲ ᕿᓂᕆᐊᓚᐅᕐᓯᒪᖏᒻᒪᑕ ᓰᐱᖁᑎᓐᓂᒃ, ᐰᕐᓯᔩᑦ ᐃᒥᖕᓃᓐᓇᖅ ᓂᕆᑎᑐᐃᓐᓇᖃᑦᑕᕐᒪᑕ, ᓰᐱᖁᑎᒃᑲᓗ ᓂᕆᑎᓚᐅᕐᓯᒪᓇᒋᑦ;

ᐃᓯᑭᐊᓕᐅᑉ ᐊᒡᓚᖏᑦ 34:9

ᑍᒤᒻᒪᑦ, ᐰᕐᓯᔨᐅᔪᓯ ᐊᑕᓂᐅᑉ ᐅᖃᐅᓯᖓᓂᒃ ᑐᓴᕆᑦᓯ:

ᐃᓯᑭᐊᓕᐅᑉ ᐊᒡᓚᖏᑦ 35:3

ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓰᐊᕆᒥᐅᖑᔪᓯ ᓵᓐᖓᓕᕐᐸᑦᓯ, ᐊᒡᒐᓐᓄᑦ ᐅᕐᓕᕐᑐᓕᕐᐸᑦᓯ, ᓄᓇᓯ ᓱᓁᕈᑎᑎᑦᓱᒫᕐᐸᕋ ᓄᓇᓕᕕᓂᑐᐃᓐᓇᐅᓕᕐᓗᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 5:8

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐅᕙᖓ ᓇᖕᒥᓂᖅ ᐊᑭᕋᕐᑐᓕᕐᐸᑦᓯ; ᓱᒋᐊᕐᓂᐊᕐᐸᑦᓯ ᐃᓅᖃᑎᒌᒡᔪᐊᑦ ᑕᑯᓐᓇᕐᑎᓪᓗᒋᑦ.

ᓇᕼᐅᒥᐅᑉ ᐊᒡᓚᖏᑦ 2:13

ᑕᑯᒋᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, “ᐊᑭᕋᕐᑐᕐᓗᑎᑦ ᓵᓕᕐᐸᒋᑦ, ᕿᒧᒃᓯᐅᑎᖁᑎᑎᑦ ᐊᒃᓴᓗᐊᓖᑦ ᐃᑯᐊᓪᓚᒃᑎᑦᓱᒫᕐᐸᒃᑲ ᐳᔫᓕᕐᓗᑎᒃ, ᐅᓇᑕᕐᑎᖁᑎᑎᓪᓗ ᓛᔭᑎᑐᑦ ᑍᒤᑦᑐᑦ ᑐᖁᕋᕐᑕᐅᔪᒫᕐᐳᑦ ᐅᓇᑕᕐᑐᓂ, ᓂᕿᒃᓴᑎᑦ ᐱᑦᔪᑎᒃᓴᑎᓪᓗ ᓇᑭᑐᐃᓐᓇᖅ ᐱᓚᐅᕐᑕᓕᒫᑎᑦ ᓄᖅᑲᕐᑎᑦᓱᒫᕐᐸᒃᑲ, ᐅᖃᕆᐊᕐᑐᕐᑎᑕᓯᓗ ᑐᓴᕐᓴᐅᖃᑦᑕᕐᓂᐊᕈᓐᓃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 10:3

ᓰᐱᓕᕆᔩᑦ ᓂᓐᖓᒡᕕᒋᓯᒪᓚᐅᕐᐸᒃᑲ, ᐊᐅᓚᑦᓯᔩᓪᓗ ᓱᒋᐊᕈᒫᕐᐸᒃᑲ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓰᐱᖁᑎᓂ ᔫᑕᒥ ᓄᓇᖃᕐᑐᑦ ᐰᕆᔪᒫᕐᐰᑦ, ᕿᒻᒥᕐᔪᐊᑎᑐᓪᓗ ᓴᐱᖏᑦᑐᑎᑐᑦ ᐅᓇᑕᕐᕕᖕᒥ ᑍᒤᑎᑦᓱᒫᕐᐰᑦ.

ᐄᑉᕈᐃᓄᑦ 13:17

ᓯᕗᓕᕐᑎᓯ ᓈᓚᒃᓯᒋᒃ ᐱᖁᔨᓂᖏᓪᓗ ᐊᑐᑦᓯᐊᕐᓗᒋᑦ; ᑕᕐᓂᑦᓯᓐᓂᒃ ᑲᒪᒋᔭᖃᕐᒪᑕ, ᐱᓂᐊᕐᓂᕆᔭᒥᓂᒃᑕᐅᖅ ᓇᓗᓁᕐᓯᔭᕆᐊᖃᕈᒫᕐᒪᑕ ᒎᑎᒧᑦ. ᖁᕕᐊᓱᒡᓗᑎᒃ ᐱᓇᓱᐊᖁᓪᓗᒋᑦ, ᖁᕕᐊᓱᖏᑦᑑᖏᓪᓗᑎᒃ, ᖁᕕᐊᒋᖏᓪᓗᒍ ᐱᓇᓱᐊᕐᐸᑕ ᐃᓕᑦᓯᓐᓄᑦ ᐃᑲᔪᕐᓂᖃᑦᔮᖏᒻᒪᑕ.

ᐲᑦᑐᕉᓯ ᓯᕗᓪᓖᑦ 3:12

ᐊᑕᓂᐅᑉ ᑕᑯᓐᓇᕐᐰᑦ ᐃᓗᐊᕐᑐᓕᔪᑦ, ᑐᓵᓪᓗᒋᓪᓗ ᑐᒃᓯᐊᕐᓂᖏᑦ. ᐱᐅᖏᑦᑐᒥᒃᓕ ᐱᓇᓱᐊᕐᑐᑦ ᐊᑕᓂᐅᑉ ᐊᓚᕐᐰᑦ.”