ᐃᓯᑭᐊᓕᐅᑉ ᐊᒡᓚᖏᑦ 33:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᖃᐅᔨᑎᑦᓯᓚᐅᕋᓗᐊᕐᑎᓪᓗᑎᓪᓕ ᐱᐅᖏᑦᑐᓕᔫᑉ ᓵᒋᐊᕆᐊᖃᕐᓂᖓᓂᒃ, ᐱᐅᖏᑦᑐᓕᓂᕐᒥᓂᑦ ᓵᒋᐊᖏᑉᐸᑦ; ᐱᐅᖏᑦᑐᓕᓂᕐᒦᓪᓗᓂ ᑐᖁᔪᒫᕐᐳᖅ, ᓇᖕᒥᓂᕐᓕ ᐃᓅᓰᑦ ᓴᐳᑎᓂᐊᕐᐸᑦ.”

ᐃᓯᑭᐊᓕᐅᑉ ᐊᒡᓚᖏᑦ 33:9 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:10

ᐊᑦᑕᕆᔭᐅᓇᓂ ᓱᒋᐊᕐᑕᐅᓂᖅ ᐊᑐᕐᑕᐅᕗᖅ ᐊᖅᑯᒻᒥᒃ ᕿᒤᔪᓄᑦ, ᐋᖅᑭᒋᐊᕐᑕᐅᓂᕐᒥᒃ ᐱᐅᒃᓴᖏᑦᑐᖅ ᑐᖁᔪᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:1

ᓇᓪᓕᐊᑦ ᐋᖅᑭᒋᐊᕐᑕᐅᖃᑦᑕᕐᑐᖅ, ᓯᑎᓇᓱᐊᕈᓂ, ᑕᕝᕔᓐᓇᖅ ᐊᓯᕈᕐᑕᐅᔪᒫᕐᐳᖅ ᐋᖅᑭᒋᐊᕐᑕᐅᕕᖃᕈᓐᓃᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 3:19

ᐊᔪᕐᑐᓕᔪᕐᓕ ᐃᓂᕐᑎᕈᕕᐅᒃ, ᑐᓴᕈᒪᖏᓐᓂᕐᒥᓄᑦ ᐊᔪᕐᑐᓕᓂᕐᒥᓂᒃ ᖃᕿᐊᓕᖏᓪᓗᓂ ᑐᖁᒃᐸᑦ; ᐸᓯᔭᒃᓴᐅᒐᔭᓐᖏᓚᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 3:21

ᓇᓛᒎᕐᑐᕐᓕ ᐃᓂᕐᑎᕈᕕᐅᒃ ᐊᔪᕐᑐᓕᖁᓇᒍ, ᐊᔪᕐᑐᓕᔪᓐᓃᕐᐸᑦ, ᑖᓐᓇ ᐃᓅᔪᒫᕐᐳᖅ, ᐃᓂᕐᑎᕐᑕᐅᓂᕐᒥᒃ ᓈᓚᖕᓂᕐᒥᓄᑦ; ᐃᕝᕕᓪᓗ ᐸᓯᔭᒃᓴᐅᒐᔭᓐᖏᓚᑎᑦ.”

ᐃᓯᑭᐊᓕᐅᑉ ᐊᒡᓚᖏᑦ 33:3

ᑖᓐᓇ ᓄᓇᒥᓄᑦ ᐅᓇᑕᕆᐊᕐᑐᓂᒃ ᑎᑭᓕᕐᑐᓂᒃ ᑕᑯᒍᓂ ᖃᐅᔨᑎᑦᓯᒋᐊᕈᑎᒥᒃ ᑎᑦᑐᓚᐅᒻᒥᒃ ᓂᓪᓕᕐᑎᑦᓯᒐᔭᕐᐳᖅ ᐃᓄᐃᑦ ᖃᐅᔨᒃᑲᕋᓱᐊᕐᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 33:4

ᑐᓴᕐᑑᒐᓗᐊᕐᓕ ᑲᒪᖏᑉᐸᑦ ᑎᑦᑐᓚᐅᑎᐅᑉ ᓂᐱᖓᓂᒃ ᖃᐅᔨᑎᑦᓯᒋᐊᕈᑎᒥᒃ, ᓴᕕᒡᔪᐊᓕᔭᕐᑐᓄᑦ ᑎᑭᑕᐅᓗᓂ ᑐᖁᑕᐅᒃᐸᑦ, ᑐᖁᑕᐅᓂᕐᒥᓄᑦ ᓵᑕᒃᓴᑑᒐᔭᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 33:6

ᖃᐅᔨᓴᕐᑎᓕ ᑕᑯᒐᓗᐊᕐᓗᓂ ᐊᑭᕋᕐᒥᖕᓂᒃ ᕾᔪᓂᒃ ᑎᑦᑐᓚᐅᒻᒥᒃ ᓂᓪᓕᕐᑎᑦᓯᖏᑉᐸᑦ, ᐃᓅᖃᑎᖏᑦ ᖃᐅᔨᑎᑕᐅᖏᑉᐸᑕ, ᐊᑭᕋᒥᖕᓄᑦ ᑎᑭᑕᐅᓗᑎᒃ, ᑐᖁᑕᐅᔪᖃᕐᐸᑦ; ᑐᖁᑕᐅᔪᖅ ᐊᔪᕐᑐᓕᓂᕐᒥᓃᑎᓪᓗᒍ, ᑖᑦᓱᒪ ᑐᖁᑕᐅᓂᖓᓄᑦ ᖃᐅᔨᓴᕐᑎ ᓵᑕᒃᓴᐅᖔᕋᔭᕐᐳᖅ.

ᓘᑲᓯᐅᑉ ᐊᒡᓚᖏᑦ 12:47

“ᐱᔨ ᐊᖓᔪᖅᑳᒥ ᐱᖁᔭᖓᓂᒃ ᖃᐅᔨᒪᔪᖅ, ᐅᐸᓗᖕᒊᔭᕋᓂᓗ ᐱᓂᐊᓚᐅᖏᑦᑐᖅ ᐱᖁᔭᖓᓂᒃ, ᓱᒋᐊᕐᑕᐅᔪᒫᕐᐳᖅ ᓂᑲᒋᔭᐅᖏᓪᓗᓂ ᑏᒐᕐᑐᕐᑕᐅᔪᒫᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 8:24

ᑍᒤᒻᒪᑦ ᐅᖃᐅᑎᕙᑦᓯ ᑐᖁᔪᒫᕐᓂᕋᕐᓗᓯ ᐊᔪᕐᓂᑦᓯᓐᓃᓪᓗᓯ, ᑐᖁᔪᒫᕐᐳᓯ ᐊᔪᕐᓂᑦᓯᓐᓃᓪᓗᓯ ᐅᒃᐱᓕᖏᒃᑯᑦᓯ ᐅᕙᖓᐅᓂᓐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:40

ᒫᓐᓇ ᑍᒤᒻᒪᑦ ᖃᐅᔨᒪᑦᓯᐊᓕᕆᑦᓯ, ᓇᓚᐅᑦᑍᔪᑎᒍᑦ ᐅᖃᐅᓯᐅᓯᒪᔪᓄᑦ ᓇᓚᐅᑕᐅᓕᖁᓇᓯ ᐃᒤᓕᔪᓂᑦ:

ᐋᐴᓯᑕᓖᑦ ᐱᓂᐊᕐᓂᖏᑦ 13:41

‘ᑕᑯᒋᑦᓯ, ᒥᑕᐅᑎᒃᓴᕐᑎᐅᔪᓯ, ᑕᑕᒥᓐᓂᐊᕐᓗᓯᓗ, ᐊᓯᕈᕐᑕᐅᓕᕆᑦᓯ; ᐃᓅᑎᓪᓗᓯ ᐱᓂᐊᕐᓂᖃᕐᓂᐊᕋᒪ, ᐱᓂᐊᕐᓂᕐᓂᒃ ᐅᒃᐱᕆᔭᕆᐊᒃᓴᖅ ᐊᔪᕐᑕᑦᓯᓐᓂᒃ, ᐅᖃᐅᓯᐅᒐᓗᐊᕐᐸᑦ ᑐᑭᓯᓇᕐᓯᑎᑕᐅᒐᓗᐊᕐᐸᓪᓘᓐᓃᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 13:46

ᐸᐅᓗᓯᒃᑯᒡᓕ ᐸᕐᓇᐹᓯᒃᑯᒃ ᓯᕘᕋᓇᑎᒃ ᐅᖃᓚᓪᓕᕐᐴᒃ ᐃᒫᒃ, “ᐱᔭᕆᐊᖃᒻᒪᕆᓚᐅᕐᒪᑦ ᐊᑕᓂᐅᑉ ᐅᖃᐅᑕᐅᓂᖓ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ ᐅᖃᐅᓯᐅᖁᓪᓗᒍ. ᑭᓯᐊᓂᓕ ᐃᓚᓕᐅᖏᓐᓇᑦᓯᐅᒃ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᔪᒃᓴᐅᔪᓐᓃᕐᑎᓐᓇᑦᓯ ᐃᓕᑦᓯᓐᓂᒃ, ᔫᑎᐅᖏᑦᑐᓄᑦ ᑕᕝᕙ ᓵᓐᓂᐊᓕᕐᐳᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:26

ᑍᒤᒻᒪᑦ ᐅᓪᓗᒥ ᐅᖃᐅᑎᕙᑦᓯ ᐸᓯᔭᒃᓴᐅᓂᐊᕈᓐᓃᕐᐳᖓ ᑕᕐᓂᓯ ᐱᑦᔪᑎᒋᓪᓗᒋᑦ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:14

᙭ᔅᑑᓯᒥᐅᑕᐅᖃᑎᕗᑦ, ᐃᓇᑉᐸᑦᓯ, ᐱᓇᓱᐊᒐᖃᕋᓱᐊᓐᖏᑦᑐᑦ ᐱᓇᓱᐊᖁᓗᒋᑦ ᐊᔪᕆᕐᑐᕐᓯᒋᒃ, ᓴᓐᖐᓕᓯᒪᔪᑦ ᐱᕙᓪᓕᕐᓇᕐᑐᓂᒃ ᐅᖃᐅᑎᓯᒋᒃ, ᓴᓐᖐᑦᑐᑦ ᐃᑲᔪᕐᓯᒋᒃ, ᑕᒤᓐᓄᑦ ᕿᓄᐃᓵᕐᓂᖃᕆᑦᓯ.

ᐄᑉᕈᐃᓄᑦ 12:25

ᐃᒃᐱᒍᓱᑦᓯᐊᕆᑦᓯ ᐅᖃᓪᓚᒃᑐᖅ ᓈᓚᒍᒪᖏᓪᓗᒍ ᐱᖁᓇᓯ. ᑍᒃᑯᐊ ᓄᓇᕐᔪᐊᕐᒦᓪᓗᓂ ᐅᖃᓪᓚᒃᑎᓪᓗᒍ ᓈᓚᒍᒪᓚᐅᖏᑦᑐᑦ ᕿᒫᕕᒃᓮᕈᑎᓚᐅᕐᒪᑕ, ᐅᕙᒍᓪᓕ ᐊᖏᓂᕐᓴᒥᒃ ᕿᒫᔪᓐᓇᕐᓂᐊᓐᖏᓚᒍᑦ ᕿᓚᖕᒦᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᓂᐊᖏᒃᑯᑦᑕ.

ᐄᑉᕈᐃᓄᑦ 2:3

ᖃᓄᕐᓕ ᑕᕝᕙ ᐊᓐᓇᒍᓐᓇᕋᔭᕐᐱᑖ? ᐱᐅᓕᔭᐅᕕᒃᓴᖅ ᑍᒫᒃ ᐱᓪᓚᕆᐅᑎᒋᔪᖅ ᑲᒪᒋᖏᒃᑯᑦᑎᒍ? ᑕᒪᓐᓇ ᐊᑕᓂᐅᑉ ᐱᐅᓕᔭᐅᕕᒃᓴᖅ ᐅᖃᐅᓯᕆᖅᑳᓚᐅᕐᒪᒍ, ᑕᒪᑐᒥᖓ ᑐᓴᓚᐅᕐᑐᑦ ᑖᑦᓱᒪᓐᖓᑦ ᐅᕙᑦᑎᓐᓄᑦ ᓇᓗᓁᕐᓯᓚᐅᕐᐳᑦ ᑕᒪᑐᒪ ᓱᓕᓂᖓᓂᒃ.