ᐃᓯᑭᐊᓕᐅᑉ ᐊᒡᓚᖏᑦ 33:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᖃᐅᔨᓴᕐᑎᓕ ᑕᑯᒐᓗᐊᕐᓗᓂ ᐊᑭᕋᕐᒥᖕᓂᒃ ᕾᔪᓂᒃ ᑎᑦᑐᓚᐅᒻᒥᒃ ᓂᓪᓕᕐᑎᑦᓯᖏᑉᐸᑦ, ᐃᓅᖃᑎᖏᑦ ᖃᐅᔨᑎᑕᐅᖏᑉᐸᑕ, ᐊᑭᕋᒥᖕᓄᑦ ᑎᑭᑕᐅᓗᑎᒃ, ᑐᖁᑕᐅᔪᖃᕐᐸᑦ; ᑐᖁᑕᐅᔪᖅ ᐊᔪᕐᑐᓕᓂᕐᒥᓃᑎᓪᓗᒍ, ᑖᑦᓱᒪ ᑐᖁᑕᐅᓂᖓᓄᑦ ᖃᐅᔨᓴᕐᑎ ᓵᑕᒃᓴᐅᖔᕋᔭᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 33:6 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 42:22

ᕉᐱᓂᐅᑉ ᐅᖃᐅᑎᕔᑦ, “ᐅᖃᐅᑎᓚᐅᕐᓯᒪᓐᖏᓚᑦᓰ ᐊᔪᕐᑐᓕᖁᓇᓯ ᓄᑲᑉᐱᐊᒧᑦ? ᐃᓕᑦᓯᓕ ᓈᓚᒍᒪᓚᐅᓐᖏᓚᓯ, ᑕᕝᕙ ᑖᑦᓱᒪ ᐊᐅᖓᓄᑦ ᐊᑭᓂᐊᕐᑕᐅᓕᕐᐳᒍᑦ.”

ᒨᓯᓯ ᓯᕗᓪᓖᑦ 9:5

ᐊᐅᒃ ᐃᓅᑦᔪᑎᓯ ᑯᕕᔭᐅᒃᐸᑦ ᐊᑭᓕᒐᒃᓴᐅᖁᕙᕋ; ᐆᒪᔪᐃᓪᓗ ᐊᐅᖓ ᐊᑭᓕᒐᒃᓴᐅᖁᕙᕋ; ᐃᓅᓪᓗ ᐊᐅᖓ; ᐃᓄᒃ ᐃᓅᖃᑎᖓᑕ ᐊᐅᖓᓂᒃ ᑯᕕᓯᒃᐸᑦ ᐃᓅᑉ ᐃᓅᓯᖓᓂᒃ ᐊᑭᖃᖁᕙᕋ.

ᓴᒧᐃᓕ ᐂᑉᐸᖏᑦ 4:11

ᐱᐅᖏᓐᓂᕐᓴᒻᒪᕆᐅᕗᖅ ᐱᐅᖏᑦᑐᑦ ᑐᖁᑦᓯᑎᓪᓗᒋᑦ ᐸᓯᔭᒃᓴᐅᖏᑦᑐᒥᒃ ᐃᓄᖕᒥᒃ ᓯᓂᒃᑐᒥᒃ ᐊᖏᕐᕋᒥᓂ, ᒫᓐᓇᓗ ᐊᑭᓂᐊᕈᒪᕗᖓ ᐃᓕᑦᓯᖕᓄᑦ ᑖᑦᓱᒥᖓ ᑐᖁᑦᓯᓂᑦᓯᓐᓂᒃ ᓄᓇᕐᔪᐊᒥᓪᓗ ᐃᒋᑕᐅᑎᓐᓂᐊᕐᐸᑦᓯᒃ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:32

ᐱᐅᖏᑦᑐᑦ ᐱᐅᖏᑦᑐᓕᓂᕐᒥᖕᓄᑦ ᐃᒻᒥᓂᒃ ᓵᓚᐅᑎᑉᐳᑦ, ᐃᓱᐊᕐᑐᓪᓕ ᓴᐳᑦᔭᐅᕕᒃᓴᖃᕐᐳᑦ ᐅᐱᒋᔭᐅᓂᕐᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 14:15

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ ᑖᒃᑯᓄᖓ ᐱᔪᒫᕐᑐᒃᓴᓂᒃ ᐅᖃᕐᑎᑕᐅᓂᕋᖃᑦᑕᕐᑐᓄᑦ ᐊᑎᕋ ᐊᑐᕐᓗᒍ ᑎᓕᓚᐅᖏᒃᑲᓗᐊᕐᑕᒃᑲ, ᐅᖃᕐᐸᒃᑐᑦ, ‘ᐅᓇᑕᕐᑐᖃᕐᓂᐊᓐᖏᓚᖅ ᑳᖕᓇᕐᑐᖃᕐᓂᐊᕋᓂᓗ ᑕᒫᓂ ᓄᓇᒥ’; ᑖᒃᑯᐊ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᐅᕙᓐᓄᑦ ᓇᖕᒥᓂᖅ ᐅᓇᑕᕐᓂᒃᑯᑦ ᑳᖕᓇᕐᑐᕐᔪᐊᒧᓪᓗ ᓄᖑᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 18:20

ᑕᕐᓂᖅ ᐊᔪᕐᑐᓕᔪᖅ ᑭᓯᒥ ᑐᖁᔪᒃᓴᐅᕗᖅ. ᐃᕐᓂᖓᓕ ᐸᓯᔭᒃᓴᐅᑦᔪᑎᖃᕐᑐᒃᓴᐅᓐᖏᓚᖅ ᐊᑖᑕᖓᑕ ᐊᔪᕐᑐᓕᓯᒪᓂᖓᓄᑦ, ᐅᕝᕙᓘᓐᓃᑦ ᐊᑖᑕᐅᔪᖅ ᐃᕐᓂᖓᑕ ᐊᔪᕐᑐᓕᓯᒪᓂᖓᓄᑦ ᐸᓯᔭᒃᓴᐅᑦᔪᑎᖃᕐᑐᒃᓴᐅᖏᓐᓂᕗᖅ; ᓈᒻᒪᓈᕐᑐᒥᒃ ᐃᓅᓯᖃᕐᑐᖅ ᓈᒻᒪᓈᕐᑐᒥᒃ ᐃᒻᒥᓄᑐᐊᖅ ᐊᑭᓕᕐᑕᐅᔪᒫᕐᐳᖅ, ᐱᐅᖏᑦᑐᓕᔪᕐᓗ ᐱᐅᖏᑦᑐᓕᓂᕐᒥᓄᑦ ᐃᒻᒥᓄᑐᐊᖅ ᐊᑭᓕᕐᑕᐅᑦᔪᒫᕆᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 18:24

“ᐊᖑᓪᓕ ᓈᒻᒪᓈᕐᑐᒥᒃ ᐃᓅᓯᖃᓚᐅᕐᑐᖅ, ᓈᒻᒪᓈᕐᑐᒥᒃ ᐃᓅᔪᓐᓁᕐᐸᑦ, ᐊᔪᕐᑐᓕᓂᕐᒥᒡᓗ ᐃᓅᓯᖃᓕᕐᓗᓂ, ᐊᔪᕐᑐᓕᔪᑦ ᐊᑐᕐᐸᒃᑕᖏᓐᓂᒃ ᓇᕐᕈᓇᕐᑐᓂᒃ ᐊᑐᖃᑕᐅᓕᕐᐸᑦ, ᐃᓅᔪᒃᓴᐅᕚ? ᓈᒻᒪᓈᕐᑐᒥᒃ ᐃᓅᓯᖃᓚᐅᕐᓂᖓ ᐃᖅᑲᐅᒪᔭᐅᓂᐊᓐᖏᓚᖅ; ᓱᖁᓯᔪᐃᑦᑑᓚᐅᖏᓐᓂᕐᒥᓄᑦ ᐸᓯᔭᒃᓴᐅᓕᕋᒥ ᐊᔪᕐᑐᓕᓂᕐᒥᓄᓪᓗ ᐱᓂᐊᕐᓂᕆᔭᒥᓄᑦ, ᑖᓐᓇ ᑐᖁᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 34:10

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᑕᑯᒋᑦ, ᐰᕐᓯᔩᑦ ᓵᓐᖓᓕᕐᐸᒃᑲ; ᓰᐱᖁᑎᒃᑲ ᑎᒍᓂᐊᓕᕐᐸᒃᑲ ᑖᒃᑯᓇᓐᖓᑦ, ᓂᕆᑎᑦᓯᔨᐅᔪᓐᓃᕐᑎᓪᓗᒋᓪᓗ ᓰᐱᖁᑎᓐᓂᒃ; ᐰᕐᓯᔩᑦ ᐃᒻᒥᓃᓐᓇᖅ ᓂᕆᑎᖃᑦᑕᕐᓂᐊᕈᓐᓃᕐᐳᑦ. ᓰᐱᖁᑎᒃᑲ ᓴᐳᑎᓂᐊᓕᕐᐸᒃᑲ ᖃᓂᖏᓐᓂᑦ, ᓂᕿᒋᔭᐅᑦᔮᔪᓐᓃᕐᓗᑎᒡᓗ ᑖᒃᑯᓄᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 18:6

ᑖᒃᑯᐊ ᐊᑭᕋᕐᑐᕐᒪᑕ ᐅᖃᕐᓂᕐᓘᑎᖃᕐᒪᑕᓗ ᐸᐅᓗᓯᒥᒃ; ᐊᓐᓄᕌᓂ ᐳᔪᕐᓗᖏᑦ ᐃᑦᓱᒃᐰᑦ ᐊᖏᖃᑎᒋᖏᒻᒪᕆᒃᓗᒋᓪᓗ ᐅᖃᐅᑎᕔᑦ, “ᑕᕐᓂᓯ ᐊᓯᐅᒃᐸᑕ ᐃᓕᑦᓯᓐᓂᒃ ᓇᖕᒥᓂᖅ ᐱᔭᕆᓂᐊᕐᐳᓯ! ᐅᕙᖓ ᐸᓯᔭᒃᓴᐅᓂᐊᓐᖏᓚᖓ. ᒫᓐᓇᒥᑦ ᔫᑎᐅᖏᑦᑐᑦ ᐊᔪᕆᕐᑐᖔᕐᓂᐊᓕᕐᐸᒃᑲ.”