ᐃᓯᑭᐊᓕᐅᑉ ᐊᒡᓚᖏᑦ 33:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ “ᐃᓅᑉ ᐃᕐᓂᖓ, ᐃᓄᐃᑦ ᐃᒡᓗᒐᓴᒡᔪᐊᕕᓂᕐᓂ ᓄᓇᖃᕐᑐᑦ ᐃᓴᕆᐊᓕᒥ ᐅᕾᓐᓇᓕᕐᒪᑕ, ‘ᐂᑉᕋᕼᐋᒻ ᐊᑕᐅᓯᐅᓪᓗᓂ ᓄᓇᒥᒃ ᑐᓂᓯᕕᐅᓚᐅᕐᐳᖅ; ᐅᓄᕐᑑᒐᑦᑕᓕ; ᓄᓇᒥᒃ ᑐᓂᓯᕕᐅᔭᕆᐊᖃᕐᓂᕐᓴᐅᕗᒍᑦ.’

ᐃᓯᑭᐊᓕᐅᑉ ᐊᒡᓚᖏᑦ 33:24 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 17:8

ᑕᒪᓐᓇᓗ ᓄᓇ ᐃᓕᖕᓄᑦ ᑐᓂᓂᐊᕐᐸᕋ, ᑭᖑᕚᒃᓴᕐᓄᓪᓗ ᑭᖑᓂᕐᓂ. ᑕᒪᓐᓇ ᓄᓇ ᓂᐅᕐᕈᐊᖑᕕᒋᔧᑦ, ᑕᒪᓐᓇᓕᒫᕐᓗ ᓄᓇ ᑬᓇᓂ, ᓄᓇᒋᔪᒫᕐᐸᓯ ᐃᓱᖃᖏᑦᑐᒧᑦ; ᐅᕙᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

ᓂᕼᐃᒤᐊᐅᑉ ᐊᒡᓚᖏᑦ 9:8

ᓇᒡᕚᓚᐅᕐᐸᑦ ᐆᒻᒪᑎᒥᒍᑦ ᐅᒃᐱᕐᓂᖓ ᑲᔪᓯᓂᖃᕐᑎᓪᓗᒍ ᐃᓕᖕᓄᑦ, ᐊᖏᖃᑎᒌᓚᐅᕐᐳᓯᒡᓗ ᓄᓇᒥᒃ ᑬᓇᓂᒥᒃ ᑐᓂᓂᐊᕐᓂᕋᕐᓗᒍ, ᐅᑯᐊ ᓄᓇᖁᑎᖓᓐᓂᑦ, ᕼᐃᑍᑎᒃᑯᑦ, ᐊᒧᕅᑎᑯᓪᓗ, ᐱᕆᔧᑎᒃᑯᓪᓗ, ᔨᐳᓮᑎᒃᑯᓪᓗ, ᒋᕐᒐᓮᑎᒃᑯᓪᓗ, ᓄᓇᒋᔭᐅᖁᓪᓗᒋᑦ ᑭᖑᕚᖏᓐᓄᑦ. ᐊᖏᕐᓂᕆᓚᐅᕐᑍᑦ ᑲᔪᓯᑎᓚᐅᕐᐸᑦ, ᐅᒃᐱᕐᓇᑦᓯᐊᕋᕕᑦ.

ᐂᓮᐊᓯᐅᑉ ᐊᒡᓚᖏᑦ 51:2

ᐂᑉᕋᕼᐋᒻ ᓯᕗᓕᕕᓂᓯ ᐃᖅᑲᕐᓯᐅᒃ, ᓵᕋᓗ ᐊᓂᕕᒋᓯᒪᔭᓯ; ᐂᑉᕋᕼᐋᒻ ᐊᑕᐅᓯᑐᐊᖑᑎᓪᓗᒍ ᕾᖁᓚᐅᕐᐸᕋ, ᓮᒻᒪᕐᑎᓪᓗᒍᓗ ᐃᓄᒋᐊᒃᓯᑎᓚᐅᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 39:10

ᓂᐳᔭᕋᑕᓐᓕ ᐅᓇᑕᕐᑎᓄᑦ ᐊᖓᔪᖄᖑᔪᖅ ᕿᒤᓚᐅᕐᐳᖅ ᔫᑕᒥᐅᓂᒃ ᐊᔪᕐᓴᕐᑐᓂᒃ ᑭᓱᖁᑎᖃᐅᖏᑦᑐᓂᒃ, ᑍᑦᓱᒪᓕ ᑕᕝᕙ ᓄᓇᖁᑎᑖᕐᑐᕐᑎᓚᐅᕐᐰᑦ ᕔᓂᓕᒃᓴᓂᒡᓗ ᐱᕈᕐᓰᕕᒃᑖᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 40:7

ᐃᓴᕆᐊᓕᒥᐅᓪᓕ ᐅᓇᑕᕐᑎᖏᑕ ᐊᖓᔪᖅᑳᕆᔭᖏᑦ ᕿᒫᓂᑰᓪᓗᑎᒃ ᓇᓂᑐᐃᓐᓈᓕᕐᓂᑯᐃᑦ ᑐᓴᐅᒪᓕᕐᐳᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᒋᑕᓔᐊ ᐊᕼᐂᑲᐅᑉ ᐃᕐᓂᖓ ᐊᐅᓚᑦᓯᔨᓐᖑᕐᑎᑕᐅᓯᒪᓕᕐᓂᖓᓂᒃ ᓄᓇᓕᓕᒫᓄᑦ ᑲᒪᔨᐅᓕᕐᓂᖓᓂᒡᓗ, ᐊᖑᑏᑦ ᐊᕐᓁᓪᓗ, ᓄᑕᖅᑲᓪᓗ, ᐊᔪᕐᓴᕐᓂᕐᐹᖑᔪᓄᑦ ᐊᐅᓪᓚᕈᑦᔭᐅᖏᓐᓂᑯᓄᑦ ᐹᐱᓘᓂᒧᑦ ᑖᑦᓱᒧᖓ ᑐᓂᔭᐅᓯᒪᓕᕐᓂᖏᑦ.

ᔨᕆᒤᐊᐅᑉ ᐊᒡᓚᖏᑦ 41:7

ᐃᒡᓗᒐᓴᒡᔪᐊᓪᓕ ᐊᕙᓗᕐᔪᐊᖏᑕ ᐃᓗᐊᓃᓕᕋᒥᒃ ᐃᓯᒥᐅᓕᐅᑉ ᓂᑕᓁᐊᐅᑉ ᐃᕐᓂᖓᑕ ᐱᖃᑎᒋᔭᖏᑕᓗ ᑐᖁᓪᓗᒋᑦ ᐃᒥᕐᑕᕐᕕᖕᒧᑦ ᐴᖅᑲᕐᐰᑦ ᑎᒥᕕᓂᖏᑦ.

ᐃᓯᑭᐊᓕᐅᑉ ᐊᒡᓚᖏᑦ 11:15

“ᐃᓅᑉ ᐃᕐᓂᖓ, ᖃᑕᓐᖑᑎᑎᑦ ᐊᒡᓛᑦ ᐃᓚᑎᑦ, ᐊᐅᓪᓚᕈᑦᔭᐅᓯᒪᔪᓯᒍᑦ ᐃᓚᓯ, ᐃᓴᕆᐊᓕᐅᑉ ᑭᖑᕚᓕᒫᖏᑦ, ᑖᒃᑯᐊ ᔨᕉᓴᓕᒦᑦᑐᑦ ᐅᖃᕐᓯᒪᖕᒪᑕ, ‘ᐅᖓᓯᒃᑐᒦᓗᐊᓕᕐᐳᑦ ᐊᑕᓂᕐᒥᑦ; ᓄᓇ ᑕᒪᓐᓇ ᓇᖕᒥᓂᕆᓕᕐᐸᕗᑦ.’

ᐃᓯᑭᐊᓕᐅᑉ ᐊᒡᓚᖏᑦ 33:23

ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ:

ᐃᓯᑭᐊᓕᐅᑉ ᐊᒡᓚᖏᑦ 33:27

ᒪᑯᓂᖓ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓅᒐᒪ, ᖁᓚᕐᓇᓐᖏᓚᖅ ᐅᑯᐊ ᐃᓄᐃᑦ ᐃᒡᓗᒐᓴᒡᔪᐊᕕᓂᕐᓂ ᓄᓇᖃᕐᑐᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ; ᓄᓇᑐᐃᓐᓇᒥᓗ ᓄᓇᖃᕐᑐᑦ ᐆᒪᔪᓄᑦ ᐃᕐᓯᓇᕐᑐᓄᑦ ᓂᕆᔭᐅᑎᑦᓱᒫᕐᐸᒃᑲ; ᓴᐴᓗᑕᓕᖕᓃᑦᑐᓪᓗ ᕾᕈᓱᖕᓂᓗ ᖃᓂᒪᓇᕐᑐᓄᑦ ᑐᖁᕋᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 34:2

“ᐃᓅᑉ ᐃᕐᓂᖓ, ᐃᓴᕆᐊᓕᒥᐅᑦ ᐰᕐᓯᔨᖏᑦ ᓵᓪᓗᒋᑦ ᐱᔪᒫᕐᑐᓂᒃ ᓇᓗᓁᕐᓯᕕᒋᓗᒋᑦ, ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᒥᐅᓄᑦ ᐰᕐᓯᔨᐅᔪᓯ ᐃᓕᑦᓯᓐᓂᑐᐊᖅ ᓂᕆᑎᑉᐳᓯ! ᐰᕐᓯᔩᑦ ᓰᐱᖁᑎᒥᖕᓂᒃ ᓂᕆᑎᑦᓯᔭᕆᐊᖃᓐᖏᓛᑦ?

ᐃᓯᑭᐊᓕᐅᑉ ᐊᒡᓚᖏᑦ 36:4

ᑍᒤᒻᒪᑦ, ᐃᓴᕆᐊᓕᐅᑉ ᖃᖅᑲᖏᑦ, ᑐᓴᕆᑦᓯ ᐊᑕᓂᐅᑉ ᒎᑎᐅᑉ ᐅᖃᐅᓯᖓᓂᒃ: ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᖃᖅᑲᓄᑦ ᐱᖑᕐᓄᓪᓗ, ᑰᕈᖕᓄᑦ ᓇᕐᓴᓄᓪᓗ, ᓱᓁᕈᑦᔭᐅᓂᑯᓄᑦ ᓱᓇᐅᔪᓐᓃᕐᑐᓄᑦ ᐃᒡᓗᒐᓴᖕᓄᓪᓗ ᕿᒪᒃᑕᐅᓂᑯᓄᑦ, ᐱᖁᑍᕈᑦᔭᐅᓂᑯᓄᑦ ᒥᑕᐅᑎᒋᔭᐅᕙᓕᕐᑐᓄᓪᓗ ᐃᓅᖃᑎᒌᒡᔪᐊᓄᑦ ᖃᓂᒋᔮᓃᑦᑐᓄᑦ.

ᒤᑲᐅᑉ ᐊᒡᓚᖏᑦ 3:11

ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᒫᑎᐅᓯᐅᑉ ᐊᒡᓚᖏᑦ 3:9

ᐸᓯᔭᒃᓴᐅᖏᓐᓇᓱᒋᑦᑍᓕᒋᑦᓯ ᐃᓱᒪᓗᓯ, ‘ᐂᑉᕋᕼᐋᒻ ᑭᖑᕚᕆᕚᑎᒍᑦ’; ᐅᖃᐅᑎᕙᑦᓯᓕ, ᒎᑎ ᒪᑯᓂᖓ ᐅᔭᕋᖕᓂᒃ ᐂᑉᕋᕼᐋᒻᒧᑦ ᑭᖑᕚᕆᔭᐅᓕᕐᑎᑦᓯᔪᓐᓇᕐᐳᖅ!

ᓘᑲᓯᐅᑉ ᐊᒡᓚᖏᑦ 3:8

ᐊᑏ ᓴᖅᑭᑎᑦᓯᓕᕆᑦᓯ ᓵᒋᐊᕐᓂᓯ ᓇᓗᓁᕐᑕᐅᑦᔪᑎᖓᓂᒃ, ᐃᓱᒪᑦᑍᓕᒋᑦᓯ ᐃᒫᒃ: ‘ᒎᑎᐅᑉ ᐃᓄᖁᑎᒋᕚᑎᒍᑦ ᐂᑉᕋᕼᐋᒻ ᑭᖑᕚᕆᖕᒪᑎᒍᑦ.’ ᐃᒫᒃ ᐅᖃᐅᑎᕙᑦᓯ; ᒎᑎ ᒪᑯᓂᖓ ᐅᔭᕋᖕᓂᒃ ᐂᑉᕋᕼᐋᒻᒧᑦ ᑭᖑᕚᓐᖑᕐᑎᑦᓯᔪᓐᓇᕐᐳᖅ!

ᔪᐊᓇᓯᐅᑉ ᐊᒡᓚᖏᑦ 8:33

ᑕᕝᕙ ᑭᐅᕚᑦ, “ᐂᑉᕋᕼᐋᒻ ᑭᖑᕚᕆᕚᑎᒍᑦ, ᓇᓪᓕᐊᓐᓅᓪᓘᓐᓃᑦ ᓯᐊᓛᕆᔭᐅᓚᐅᕐᓯᒪᓐᖏᓚᒍᑦ. ᖃᓄᖅ ᑐᑭᓕᖕᒥᒃ ᐅᖃᕐᐲᑦ, ‘ᕿᓚᕈᑦᔮᕐᓂᐊᕐᐹᓯ’?”

ᔪᐊᓇᓯᐅᑉ ᐊᒡᓚᖏᑦ 8:39

ᑖᒃᑯᐊ ᑭᐅᕚᑦ, “ᐂᑉᕋᕼᐋᒻ ᐊᑖᑕᒋᕙᕗᑦ.” ᔩᓱᓯᐅᑉ ᐅᖃᐅᑎᕔᑦ, “ᐂᑉᕋᕼᐋᑉ ᕿᑐᕐᖓᕆᒃᐸᓯ, ᐂᑉᕋᕼᐋᒻ ᐱᓂᐊᓚᐅᕐᑕᖏᑦ ᐱᓇᓱᐊᕋᔭᕆᕙᓯ,

ᐋᐴᓯᑕᓖᑦ ᐱᓂᐊᕐᓂᖏᑦ 7:5

ᒎᑎᐅᑉ ᐂᑉᕋᕼᐋᒻ ᓄᓇᒥᒃ ᓇᖕᒥᓂᕐᑖᕐᑎᓚᐅᓐᖏᓛ ᒥᑭᔪᒥᒡᓘᓐᓃᑦ, ᒎᑎᐅᑉ ᐊᖏᕐᕕᒋᓚᐅᕐᐹ ᑕᒪᑐᒥᖓ ᓄᓇᒥᒃ ᑭᖑᕚᒃᓴᖏᓪᓗ ᓇᖕᒥᓂᖃᖁᓪᓗᒋᑦ, ᑍᑦᓱᒪᓂ ᑕᒪᑐᒥᖓ ᐊᖏᕐᕕᐅᑎᓪᓗᒍ ᐂᑉᕋᕼᐋᒻ ᕿᑐᕐᖓᖃᓚᐅᓐᖏᓚᖅ.

ᕉᒪᒥᐅᓄᑦ 4:12

ᐊᑖᑕᒋᔭᐅᒋᕗᕐᓗ ᑭᐱᔭᐅᓯᒪᔪᓄᑦ ᑭᐱᔭᐅᓯᒪᓂᖏᑦ ᐱᑦᔪᑎᒋᓇᒋᑦ ᐅᒃᐱᕐᓂᒥᒍᓪᓕ ᐂᑉᕋᕼᐋᒻᑐᑦ ᓯᕗᓕᕕᓂᑦᑎᑐᑦ ᑭᐱᔭᐅᓚᐅᖅᑳᕋᓂ ᐃᓅᓯᕆᓚᐅᕐᑕᖓᓂᒃ ᒪᓕᖕᓂᖏᓐᓄᑦ.

ᕉᒪᒥᐅᓄᑦ 9:7

ᐂᑉᕋᕼᐋᒻᓗ ᕿᑐᕐᖓᕆᔧᓐᓇᕆᓐᖏᓔᑦ ᑭᖑᕚᕆᔭᕋᓗᐊᓂ, ᒎᑎ ᐅᖃᕐᓯᒪᒐᓗᐊᕐᑎᓪᓗᒍ, “ᐂᓴᑭᒃᑯᑦ ᑭᖑᕚᑎᑦ ᐱᔪᒫᕐᐳᑦ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:3

ᐃᓄᐃᑦ ᐅᖃᕐᐸᑕ, “ᐅᐃᒪᓇᕐᑐᖃᓐᖏᓚᖅ ᓯᕘᕋᓇᕐᑐᖃᕋᓂᓗ,” ᑕᕝᕙ ᑕᕝᕔᓐᓇ ᐊᓯᕈᕐᓇᕐᑑᑉ ᑎᑭᑦᓱᒫᕐᐰᑦ ᓲᕐᓗ ᑕᕝᕔᓐᓇᖅ ᐋᓐᓂᐊᓇᕐᑐᒧᑦ ᐊᕐᓇᐅᑉ ᑎᑭᑕᐅᓂᖓᑐᑦ ᐃᕐᓂᓱᓕᕐᑎᓪᓗᒍ, ᕿᒫᔪᓐᓇᕐᑐᖃᕈᒫᓐᖏᓚᕐᓗ.