ᐃᓯᑭᐊᓕᐅᑉ ᐊᒡᓚᖏᑦ 33:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐅᖃᕐᓯᒪᒐᓗᐊᕐᐳᖓ ᐃᓱᐊᕐᑑᑉ ᐃᓅᓂᐊᕐᓂᖓᓂᒃ, ᐃᓱᐊᕐᑐᕐᓕ ᐃᓱᐊᕐᑐᒦᖏᓐᓇᓂᐊᕋᓱᒋᓗᓂ ᐱᐅᖏᑦᑐᓕᒃᐸᑦ, ᐃᓱᐊᕐᑐᓕᓂᕆᓚᐅᕐᑕᖓ ᐃᖅᑲᐅᒪᔭᐅᔪᒫᓐᖏᓚᖅ; ᐱᐅᖏᑦᑐᓕᓂᕐᒥᓄᓪᓕ ᑐᖁᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 33:13 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 18:24

“ᐊᖑᓪᓕ ᓈᒻᒪᓈᕐᑐᒥᒃ ᐃᓅᓯᖃᓚᐅᕐᑐᖅ, ᓈᒻᒪᓈᕐᑐᒥᒃ ᐃᓅᔪᓐᓁᕐᐸᑦ, ᐊᔪᕐᑐᓕᓂᕐᒥᒡᓗ ᐃᓅᓯᖃᓕᕐᓗᓂ, ᐊᔪᕐᑐᓕᔪᑦ ᐊᑐᕐᐸᒃᑕᖏᓐᓂᒃ ᓇᕐᕈᓇᕐᑐᓂᒃ ᐊᑐᖃᑕᐅᓕᕐᐸᑦ, ᐃᓅᔪᒃᓴᐅᕚ? ᓈᒻᒪᓈᕐᑐᒥᒃ ᐃᓅᓯᖃᓚᐅᕐᓂᖓ ᐃᖅᑲᐅᒪᔭᐅᓂᐊᓐᖏᓚᖅ; ᓱᖁᓯᔪᐃᑦᑑᓚᐅᖏᓐᓂᕐᒥᓄᑦ ᐸᓯᔭᒃᓴᐅᓕᕋᒥ ᐊᔪᕐᑐᓕᓂᕐᒥᓄᓪᓗ ᐱᓂᐊᕐᓂᕆᔭᒥᓄᑦ, ᑖᓐᓇ ᑐᖁᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 18:26

ᐃᓱᐊᕐᑐᒥᒃ ᐱᓂᐊᕐᓂᖃᕐᑐᖅ ᐃᓱᐊᕐᓂᕐᒥᒃ ᕿᒤᓗᓂ ᐊᔪᕐᑐᓕᓕᕐᐸᑦ, ᑕᒪᑐᒧᖓ ᑐᖁᑦᔪᑎᖃᕐᓂᐊᕐᐳᖅ; ᐱᐅᖏᑦᑐᓕᓂᕐᒥᒃ ᐱᓇᓱᐊᓚᐅᕐᓂᕐᒥᓄᑦ ᑐᖁᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 18:4

ᑕᑯᒋᑦ, ᑕᕐᓂᓕᒫᑦ ᐱᒋᕙᒃᑲ; ᐊᑖᑕᐅᔪᑦ ᕿᑐᕐᖓᖏᓪᓗ ᑕᕐᓂᖏᑦ ᐱᒋᕙᒃᑲ: ᑕᕐᓂᖅ ᐊᔪᕐᑐᓕᔪᖅ ᑖᓐᓇ ᑐᖁᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 3:20

“ᓇᓛᒎᕐᑐᕐᓕ ᐊᑲᐅᔪᒥᒃ ᕿᒤᓗᓂ ᐊᔪᕐᑐᓕᒃᐸᑦ, ᐹᓪᓚᒍᑎᒃᓴᒧᑦ ᑎᑭᑎᒃᑯᒃᑯ, ᑐᖁᒃᐸᑦ ᐊᔪᕐᑐᓕᓂᕐᒦᓪᓗᓂ, ᐃᓂᕐᑎᓚᐅᖏᒃᑯᕕᐅᒃ, ᐱᐅᔪᑦ ᐱᓂᐊᓚᐅᕐᑕᖏᑦ ᐃᖅᑲᐅᒪᔭᐅᓂᐊᓐᖏᓚᑦ; ᑐᖁᓂᖓᓄᑦ ᐸᓯᔭᒃᓴᐅᑎᒃᑲᔭᕐᐸᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 33:18

ᐃᓱᐊᕐᑐᖅ ᐃᓱᐊᕐᑐᓕᓂᕐᒥᓂᒃ ᕿᒤᓗᓂ, ᐱᐅᖏᑦᑐᓕᓂᕐᒥᒃ ᐱᓇᓱᐊᓕᕐᐸᑦ, ᑐᖁᑦᔪᑎᒋᔪᒫᕐᐹ.

ᕉᒪᒥᐅᓄᑦ 10:3

ᐃᓗᐊᕐᑑᓂᕋᕐᑕᐅᓂᖅ ᒎᑎᒥᑦ ᐱᔪᖅ ᖃᐅᔨᒪᓐᖏᓛᑦ, ᓇᖕᒥᓂᕐᒥᒃᑎᒍᓪᓕ ᐃᓗᐊᕐᑐᓕᔪᓐᖑᕋᓱᐊᕐᐳᑦ, ᐃᒻᒥᖕᓂᒃ ᑐᓂᓯᒪᓐᖏᓚᑦ ᒎᑎᐅᑉ ᐃᓗᐊᕐᑐᓕᔪᓐᖑᕐᑎᑦᓯᓂᖓᓄᑦ.

ᐱᓕᐱᒥᐅᓄᑦ 3:9

ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ;

ᐄᑉᕈᐃᓄᑦ 10:38

ᐃᓗᐊᕐᑐᓕᔪᖁᑎᒐ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ, ᓴᐱᓕᕐᓂᐊᕐᑐᕐᓗ ᑖᓐᓇ, ᑕᕐᓂᕐᒪ ᖁᕕᐊᓲᑎᒋᓂᐊᓐᖏᓛ.”

ᔪᐊᓇᓯ ᓯᕗᓪᓖᑦ 2:19

ᑖᒃᑯᐊ ᐅᕙᑦᑎᓐᓂᒃ ᕿᒤᕗᑦ, ᐃᓚᒋᔭᐅᓪᓚᕆᒃᓯᒪᖏᓐᓇᒥᒃ; ᐅᕙᑦᑎᓐᓄᑦ ᐃᓚᒋᔭᐅᓪᓚᕆᒃᓯᒪᒍᑎᒃ, ᐃᓚᐅᖏᓐᓇᕋᔭᓚᐅᕐᐳᑦ; ᕿᒤᓯᒪᕗᓪᓕ, ᓇᓗᓇᕈᓐᓁᖁᓪᓗᒋᑦ ᐅᕙᑦᑎᓐᓄᑦ ᐃᓚᒋᔭᐅᓪᓚᕆᒃᓯᒪᖏᓐᓂᖏᓐᓂᒃ.