ᐃᓯᑭᐊᓕᐅᑉ ᐊᒡᓚᖏᑦ 32:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐅᐱᒋᔭᐅᓪᓗᑎᒃ ᐃᓗᕕᕐᑕᐅᓂᑰᓐᖏᓚᑦ ᓯᕗᓕᑦᑕ ᐊᔪᖏᑦᑐᕐᔪᐊᖁᑎᒋᓚᐅᕐᑕᖏᑕ ᐃᓗᕕᕐᑕᐅᓯᒪᓂᖏᑎᑐᑦ, ᑖᒃᑯᐊ ᐅᓇᑕᐅᑎᖏᑦ ᐃᓗᕕᕐᑕᐅᖃᑕᐅᓯᒪᕗᑦ, ᓴᕕᒡᔪᐊᕕᓂᖏᓪᓗ ᓂᐊᖁᖏᑕ ᐊᑖᓃᓪᓗᑎᒃ, ᓴᐴᓗᑕᖏᓪᓗ ᓴᐅᓂᖏᑕ ᖄᖓᓃᓪᓗᑎᒃ; ᐊᔪᖏᑦᑐᕐᔪᐊᖑᓚᐅᕋᒥᒃ ᓯᕘᕋᒋᔭᐅᖃᑦᑕᓚᐅᕐᑐᑦ ᐃᓅᔪᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 32:27 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 20:11

ᓴᐅᓂᖏᑦ ᐃᓅᓱᒃᑑᓪᓗᓂ ᐊᔪᕐᑐᓕᓂᕕᓂᖏᓐᓂᒃ ᑕᑕᑉᐳᑦ, ᐊᑯᓂᐅᖏᑦᑐᕐᓕ ᓇᓪᓚᖓᖃᑎᒋᓕᕈᒫᕐᐰᑦ ᓄᓇᒥ.

ᐃᓐᖏᕈᑎᑦ 109:18

ᓯᕗᓂᕐᓗᖁᔨᓂᕐᒥᒃ ᐊᑐᖃᑦᑕᓚᐅᕐᒪᑦ ᐊᓐᓄᕌᕐᓯᒪᔪᕐᑎᑐᑦ, ᑕᒪᓐᓇ ᑎᒥᖓᓄᑦ ᑎᑭᐅᑎᓚᐅᕐᓕ ᐃᒥᕐᒧᑦ ᑭᓂᑕᐅᓯᒪᔪᑐᑎᑐᑦ, ᐅᕐᓱᑎᑐᓪᓗ ᓴᐅᓂᖏᓐᓄᑦ ᐃᑦᓮᔪᑎᑐᑦ!

ᐃᓐᖏᕈᑎᑦ 49:14

ᓰᐱᑎᑐᑦ ᑐᖁᖓᔪᑦ ᐃᓂᖓᓂ ᐃᓂᒃᓴᖃᕐᐳᑦ; ᑐᖂᑉ ᓂᕿᒋᔪᒫᕐᐰᑦ; ᓱᓕᑦᓯᐊᕐᑐᓪᓕ ᐊᖓᔪᖅᑳᖑᔪᒫᕐᐳᑦ ᑖᒃᑯᓄᖓ ᐅᓪᓛᒥ; ᐃᓂᖁᓇᕐᓂᖏᑦ ᓱᕈᕈᒫᕐᐳᑦ ᐃᓗᕕᕐᒥ, ᐊᔪᖏᓐᓂᕆᓚᐅᕐᑕᑎᒃ ᐅᖓᓯᒋᓕᕐᓗᒋᑦ.

ᐃᓐᖏᕈᑎᑦ 92:7

ᐱᐅᖏᑦᑐᑦ ᐱᕈᓕᕐᐸᑕ ᐃᕕᒃᓱᒃᑲᑎᑐᑦ, ᐊᔪᕐᑐᓕᔪᓪᓗ ᑕᒪᕐᒥᒃ ᓴᖅᑭᓕᕐᐸᑕ ᐱᕈᕐᕕᐅᓕᕐᑐᑎᑐᑦ, ᑖᒃᑯᐊ ᓯᕗᓂᒃᓴᖃᓕᕇᕐᐳᑦ ᐊᓯᕈᕐᑕᐅᕕᒃᓴᒥᖕᓂᒃ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 92:9

ᑕᑯᓚᐅᒃᑭᑦ ᐊᑭᕋᕐᑐᕐᑎᑎᑦ ᐊᑕᓃᖅ, ᑕᑯᒋᑦ ᐊᑭᕋᕐᑐᕐᑎᑎᑦ ᓄᖑᔪᒫᕐᐳᑦ; ᐱᐅᖏᑦᑐᓕᒫᑦ ᐊᕕᑎᑕᐅᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:32

ᐱᐅᖏᑦᑐᑦ ᐱᐅᖏᑦᑐᓕᓂᕐᒥᖕᓄᑦ ᐃᒻᒥᓂᒃ ᓵᓚᐅᑎᑉᐳᑦ, ᐃᓱᐊᕐᑐᓪᓕ ᓴᐳᑦᔭᐅᕕᒃᓴᖃᕐᐳᑦ ᐅᐱᒋᔭᐅᓂᕐᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 14:16

“ᐃᓕᖕᓂᒃ ᑕᑯᔪᑦ ᑕᑯᓐᓈᕈᒫᕐᐹᑎᑦ, ᐃᓱᒪᒋᓗᑎᓪᓗ, ‘ᑖᓐᓇ ᑕᕝᕚ ᓄᓇᕐᔪᐊᕐᒥᒃ ᓴᔪᒃᐱᓗᒃᑎᑦᓯᕙᓚᐅᕐᑐᖅ, ᐊᖓᔪᖅᑲᐅᕕᒡᔪᐊᓂᒡᓗ ᑲᑉᐱᐊᓱᒃᑎᑦᓯᓂᕐᒧᑦ ᓴᔪᒃᑎᑦᓯᕙᓚᐅᕐᑐᖅ,

ᐂᓮᐊᓯᐅᑉ ᐊᒡᓚᖏᑦ 54:17

ᐅᓇᑕᐅᑏᑦ ᐃᓕᑦᓯᓐᓄᑦ ᐊᑐᕐᑕᐅᓇᓱᒃᑐᑦ ᐊᑑᑎᖃᕈᒫᓐᖏᓚᑦ, ᐅᖃᐅᓯᒃᓮᕈᑎᔪᒫᕐᐸᓯ ᐅᖃᓕᒫᑦ ᐃᓕᑦᓯᓐᓂᒃ ᐊᑭᕋᕐᑐᕋᓱᒃᑐᑦ ᐃᖅᑲᕐᑐᐃᕕᖕᓂ, ᑕᒪᓐᓇ ᑕᕝᕙ ᐊᑕᓂᐅᑉ ᐱᔨᖏᑕ ᐱᒋᔪᒫᕐᑕᖓᑦ ᓴᐳᑦᔭᐅᓂᕆᔪᒫᕐᑕᖓᓪᓗ ᐅᕙᓐᓂᑦ, ᐊᑕᓂᖅ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 18:20

ᑕᕐᓂᖅ ᐊᔪᕐᑐᓕᔪᖅ ᑭᓯᒥ ᑐᖁᔪᒃᓴᐅᕗᖅ. ᐃᕐᓂᖓᓕ ᐸᓯᔭᒃᓴᐅᑦᔪᑎᖃᕐᑐᒃᓴᐅᓐᖏᓚᖅ ᐊᑖᑕᖓᑕ ᐊᔪᕐᑐᓕᓯᒪᓂᖓᓄᑦ, ᐅᕝᕙᓘᓐᓃᑦ ᐊᑖᑕᐅᔪᖅ ᐃᕐᓂᖓᑕ ᐊᔪᕐᑐᓕᓯᒪᓂᖓᓄᑦ ᐸᓯᔭᒃᓴᐅᑦᔪᑎᖃᕐᑐᒃᓴᐅᖏᓐᓂᕗᖅ; ᓈᒻᒪᓈᕐᑐᒥᒃ ᐃᓅᓯᖃᕐᑐᖅ ᓈᒻᒪᓈᕐᑐᒥᒃ ᐃᒻᒥᓄᑐᐊᖅ ᐊᑭᓕᕐᑕᐅᔪᒫᕐᐳᖅ, ᐱᐅᖏᑦᑐᓕᔪᕐᓗ ᐱᐅᖏᑦᑐᓕᓂᕐᒥᓄᑦ ᐃᒻᒥᓄᑐᐊᖅ ᐊᑭᓕᕐᑕᐅᑦᔪᒫᕆᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 26:17

ᐅᒡᒍᐊᕈᑎᓕᐅᕈᒫᕐᐳᓪᓗ ᐃᓕᑦᓯᓐᓄᑦ, ᐅᖃᕐᓗᑎᒃ, ‘ᐃᒫᓂᑦ ᑕᑯᒃᓴᐅᔪᓐᓃᕐᐳᑎᑦ, ᐃᒡᓗᒐᓮᑦ ᐅᐱᓐᓇᕐᑐᑦ, ᐃᒪᕕᖕᒥ ᐊᔪᖏᑦᑐᕐᔪᐊᖑᓚᐅᕐᑐᓯ, ᐃᓄᖁᑎᑎᓪᓗ ᓄᓇᖃᕐᑐᑦ ᑕᕝᕙᓂ, ᑲᑉᐱᐊᒋᔭᐅᓚᐅᕐᑐᓯ ᓄᓇᑐᐃᓐᓇᒥᐅᓕᒫᓄᑦ!

ᐃᓯᑭᐊᓕᐅᑉ ᐊᒡᓚᖏᑦ 32:21

ᐱᓯᑎᐅᓂᕐᐹᖑᓚᐅᕐᑐᓂᒃ ᐅᖃᐅᓯᐅᔪᒫᕐᐳᑦ, ᑕᐱᕆᓚᐅᕐᑕᑎᒃ ᐃᓚᒋᓗᒋᑦ, ᑐᖁᖓᔪᑦ ᐃᓂᖓᓂᑦ: ‘ᐊᖅᑲᓚᐅᕐᐳᑦ, ᓇᓪᓚᖓᓕᕐᓗᑎᒃ, ᑭᐱᓯᒪᖏᑦᑐᑦ ᐃᓚᒋᓗᒋᑦ, ᓴᕕᒡᔪᐊᒧᑦ ᑐᖁᑕᐅᓯᒪᔪᑦ.’

ᐃᓯᑭᐊᓕᐅᑉ ᐊᒡᓚᖏᑦ 32:28

“ᑍᒫᒃᑕᐅᖅ ᐃᓕᑦᓯ ᑐᖁᕋᕐᑕᐅᔪᒫᕐᐳᓯ ᑭᐱᓯᒪᖏᑦᑐᓄᓪᓗ ᐃᓗᕕᕐᑕᐅᓯᒪᖃᑕᐅᓗᓯ, ᓴᕕᒡᔪᐊᒧᑦ ᑐᖁᑕᐅᓚᐅᕐᑐᕕᓂᕐᓄᑦ ᐃᓚᒋᔭᐅᓗᓯ.

ᔪᐊᓇᓯᐅᑉ ᐊᒡᓚᖏᑦ 8:24

ᑍᒤᒻᒪᑦ ᐅᖃᐅᑎᕙᑦᓯ ᑐᖁᔪᒫᕐᓂᕋᕐᓗᓯ ᐊᔪᕐᓂᑦᓯᓐᓃᓪᓗᓯ, ᑐᖁᔪᒫᕐᐳᓯ ᐊᔪᕐᓂᑦᓯᓐᓃᓪᓗᓯ ᐅᒃᐱᓕᖏᒃᑯᑦᓯ ᐅᕙᖓᐅᓂᓐᓂᒃ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:4

ᐅᓇᑕᐅᑎᕗᑦ ᓯᓚᕐᔪᐊᕐᒥᐅᑦ ᐅᓇᑕᐅᑎᖏᑎᑐᑦ ᑍᒤᑦᑑᖏᒻᒪᑕ. ᐅᓇᑕᐅᑎᕗᓪᓕ ᒎᑎᒥᑦ ᐱᔪᓐᓇᕐᓂᖃᕐᑎᑕᐅᕗᑦ ᐊᔪᓕᕐᕕᐅᕙᒃᑐᑦ ᐊᓯᕈᕈᓐᓇᕐᓗᒋᑦ.