ᐃᓯᑭᐊᓕᐅᑉ ᐊᒡᓚᖏᑦ 32:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐃᓛᒥᒥᐅᑦ ᑐᖁᖓᔪᓃᖃᑕᐅᕗᑦ ᐅᓇᑕᕐᑐᓂ ᑐᖁᑕᕕᓂᕐᓂ ᐃᓚᓕᒫᕕᓂᓂ ᐃᓚᒋᓪᓗᒋᑦ, ᐊᕙᑖᓂ ᐃᓗᕕᕐᓯᒪᖃᑕᐅᕗᑦ ᑖᒃᑯᓄᖓ ᑭᐱᓯᒪᖏᑦᑐᓄᑦ ᐃᓚᒋᔭᐅᓪᓗᑎᒃ, ᐅᓇᑕᕐᑐᓂ ᑐᖁᑕᐅᔪᕕᓃ; ᐃᓅᓪᓗᑎᒃ ᑲᑉᐱᐊᓱᒃᑎᑦᓯᖃᑦᑕᓚᐅᕐᑐᑦ ᐃᓅᖃᑎᒥᖕᓂᒃ, ᑲᓐᖑᓲᑎᒃᓴᒥᖕᓂᒃ ᓇᔪᕐᑎᖃᕐᓗᑎᒃ ᑐᖁᓯᒪᔪᓄᑦ ᐃᓚᒋᔭᐅᕗᑦ; ᐃᓂᖃᕐᓗᑎᒃ ᑐᖁᑕᐅᓯᒪᔪᑦ ᐊᑯᕐᖓᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 32:25 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 1:20

ᐅᖃᐅᓯᐅᑦᑍᓕᓕ ᒑᑎᒥ, ᐊᓯᑭᓗᓂᐅᓪᓗ ᐊᖅᑯᑎᖏᓐᓂ; ᐱᓕᔅᑍᓂᒥᐅᑦ ᐊᕐᓇᖏᑦ ᖁᕕᐊᓱᒃᑎᑕᐅᖁᓇᒋᑦ; ᒎᑎᖃᖏᑦᑐᓪᓗ ᐸᓂᖏᑦ ᖁᕕᐊᓱᒃᑎᑕᐅᖁᓇᒋᑦ.

ᑯᕉᓂᑲ ᓯᕗᓪᓖᑦ 10:4

ᐅᓇᑕᐅᑎᒥᓂᒡᓗ ᐊᒃᔭᕐᓯᔨᒥᓄᑦ ᐅᖃᕐᐳᖅ, “ᓴᕕᒡᔪᐊᑦ ᐊᒧᓗᒍ, ᑖᑦᓱᒧᖓ ᑲᐱᓚᐅᓐᖓ, ᑭᐱᓯᒪᖏᑦᑐᑦ ᐱᓕᔅᑎᐊᒥᐅᑦ ᕾᓗᑎᒃ ᐱᓐᖑᐊᕆᓗᖓ ᐅᕙᓐᓂᒃ ᑐᖁᑦᓯᖁᓇᒋᑦ.” ᐅᓇᑕᐅᑎᓂᒡᓕ ᐊᒡᔭᕐᓯᔨᖓ ᑍᒤᓕᐅᕈᒪᓐᖏᓚᖅ; ᑲᑉᐱᐊᓱᒻᒪᕆᒃᑲᒥ. ᑍᒤᒻᒪᑦ ᓴᐅᓕ ᓴᕕᒡᔪᐊᓂ ᐊᒧᓪᓗᓂᐅᒃ, ᐹᒻᒪᒡᕕᒋᕚ.

ᐃᓐᖏᕈᑎᑦ 139:8

ᕿᓚᖕᒧᑦ ᖁᒻᒧᐊᒐᔭᕈᒪ, ᑕᕝᕙ ᑕᕝᕙᓃᑉᐳᑎᑦ; ᑐᖁᖓᔪᑦ ᐃᓂᖓᓄᑦ ᓇᓪᓚᕋᔭᕈᒪ, ᑕᑯᒋᑦ, ᑕᕝᕙ ᑕᕝᕙᓃᓐᓂᕗᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 32:19

ᐅᖃᐅᑎᓗᒋᓪᓗ, ‘ᑕᑯᒥᓇᕐᓂᕐᓴᐅᓇᓱᒋᕕᓰ ᐊᓯᑦᓯᓐᓂᑦ? ᑐᖁᖓᔪᑦ ᐃᓂᖓᓄᐊᓕᕆᑦᓯ ᐃᓕᔭᐅᖃᑎᖃᕐᓗᓯ ᑭᐱᓯᒪᖏᑦᑐᓂᒃ.’

ᐃᓯᑭᐊᓕᐅᑉ ᐊᒡᓚᖏᑦ 32:21

ᐱᓯᑎᐅᓂᕐᐹᖑᓚᐅᕐᑐᓂᒃ ᐅᖃᐅᓯᐅᔪᒫᕐᐳᑦ, ᑕᐱᕆᓚᐅᕐᑕᑎᒃ ᐃᓚᒋᓗᒋᑦ, ᑐᖁᖓᔪᑦ ᐃᓂᖓᓂᑦ: ‘ᐊᖅᑲᓚᐅᕐᐳᑦ, ᓇᓪᓚᖓᓕᕐᓗᑎᒃ, ᑭᐱᓯᒪᖏᑦᑐᑦ ᐃᓚᒋᓗᒋᑦ, ᓴᕕᒡᔪᐊᒧᑦ ᑐᖁᑕᐅᓯᒪᔪᑦ.’

ᐃᓯᑭᐊᓕᐅᑉ ᐊᒡᓚᖏᑦ 32:24

“ᐃᓛᒥᐅᑦᑕᐅᖅ ᑕᕝᕙᓃᒃᑭᕗᑦ ᐃᓚᓕᒫᕕᓂᖏᓪᓗ ᐊᕙᑖᓂ ᐃᓗᕕᕐᓯᒪᒋᕗᑦ; ᑐᖁᑕᐅᓯᒪᔪᓕᒫᑦ ᓴᕕᒡᔪᐊᒧᑦ ᑐᖁᑕᐅᓯᒪᔪᑦ, ᑭᐱᓯᒪᖏᑦᑐᓄᑦ ᐃᓚᒋᔭᐅᓕᕐᐳᑦ ᓄᓇᐅᑉ ᐊᑖᓂ, ᐃᓅᓪᓗᑎᒃ ᑲᑉᐱᐊᓱᒃᑎᑦᓯᕙᓚᐅᕐᑐᑦ ᐃᓅᖃᑎᒥᖕᓂᒃ, ᑲᓐᖑᓲᑎᒃᓴᒥᖕᓂᒃ ᓇᔪᕐᑎᖃᕐᓗᑎᒃ ᑐᖁᖓᔪᓄᑦ ᐃᓚᒋᔭᐅᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 44:7

ᓄᓇᓕᑐᖃᐅᖏᑦᑐᓂᒃ ᐃᑎᕐᑎᑦᓯᓯᒪᒐᑦᓯ ᐆᒻᒪᑎᒃᑯᑦ ᑎᒥᒃᑯᓪᓗ ᑭᐱᒪᖏᑦᑐᓂᒃ, ᐃᑦᔪᕐᓁᑦᑐᕕᖁᑎᓐᓂᒃ ᓇᕐᕈᓇᕐᓯᑎᑦᓯᓚᐅᕐᐳᓯ, ᐆᒪᔪᓂᒃ ᐅᕙᓐᓄᑦ ᓂᕿᒃᓴᐅᖁᓪᓗᒋᑦ ᑐᓂᕐᕈᓯᕐᓯᒪᒐᑦᓯ, ᑐᓐᓄᖏᓐᓂᒃ ᐊᐅᖏᓐᓂᒡᓗ. ᐊᖏᖃᑎᒌᒍᑎᒋᓯᒪᔭᒃᑲ ᓯᖁᒥᓚᐅᕐᐸᓯ, ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᑦᓯᓐᓄᑦ ᐃᓚᓕᐅᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 44:9

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓄᓇᖃᕐᑐᑐᖃᐅᖏᑦᑐᖅ ᑭᐱᔭᐅᓯᒪᖏᒃᑯᓂ ᐆᒻᒪᑎᒃᑯᑦ ᑎᒥᒃᑯᓪᓗ, ᐃᓅᖃᑎᒋᔭᐅᔪᓕᒫᑦ ᐃᓴᕆᐊᓕᒥᐅᓄᑦ, ᐃᑦᔪᕐᓁᑦᑐᕕᖁᑎᓐᓄᑦ ᐃᑎᕐᑐᒃᓴᐅᓐᖏᓚᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 7:51

ᓯᑎᐹᓇᓯ ᓱᓕ ᐅᖃᕐᐳᖅ, “ᓯᑎᔪᐊᓘᔪᓯ, ᑐᓴᕈᓐᓇᖏᑦᑐᐊᓘᓪᓗᓯ ᓈᓚᒍᓐᓇᖏᑦᑐᐊᓘᕗᓯ ᒎᑎᖃᖏᑦᑐᑎᑐᑦ, ᑍᒪᓐᖓᑦ ᐊᑭᕋᕐᑐᕐᑐᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᓯᕗᓕᕕᓂᑦᓯᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:22

ᑕᑯᒋᑦ, ᐃᒡᓕᕐᒥᑦ ᒪᑭᔪᐃᑦᑐᓐᖑᕐᑎᓐᓂᐊᕐᐸᕋ, ᐊᓯᓐᓂᐊᖃᑎᒋᕙᒃᑕᖏᓪᓗ ᐱᖃᓯᐅᑎᓗᒋᑦ ᐊᖏᔪᒥᒃ ᐋᓐᓂᐊᑎᑦᓱᒫᕐᐸᒃᑲ, ᖃᕿᐊᓕᕐᓂᐊᓐᖏᑐᐊᕐᐸᑦ ᐱᓂᐊᕐᓂᕆᕙᒃᑕᒥᓂᑦ ᐱᐅᖏᑦᑐᓂᑦ;