ᐃᓯᑭᐊᓕᐅᑉ ᐊᒡᓚᖏᑦ 31:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑕᑯᒥᓇᕐᑑᑎᓚᐅᕐᐸᕋ ᓯᐊᒻᒪᖓᑦᓯᐊᕐᑐᓂᒃ ᐊᕙᓚᖓᔪᖃᕐᑎᓪᓗᒍ, ᓇᐹᕐᑐᓕᒫᓄᑦ ᐄᑕᓂᒥ ᒎᑎᐅᑉ ᐱᕈᕐᓰᕕᖁᑎᖓᓂ ᑐᓱᒋᔭᐅᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 31:9 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 13:10

ᓘᑎᓗ ᐊᕙᒻᒧᑦ ᑕᑯᓴᕋᒥ, ᑕᑯᕗᖅ ᔪᐊᕐᑕᓂᐅᑉ ᓇᕐᓴᖓᓂᒃ ᐃᒪᖃᑦᓯᐊᕐᑐᒥᒃ, ᐊᑕᓂᐅᑉ ᐱᕈᕐᓰᕕᖁᑎᖓᑎᑐᑦ, ᐄᑦᔨᑉᑎᐅᓪᓗ ᓄᓇᖓᑎᑐᑦ ᑍᒤᑦᑑᔮᕐᑐᒥᒃ. ᓄᓇᐅᑉ ᔪᐊᕆᐅᑉ ᓇᓛᓄᑦ; ᑍᒤᑦᑑᓚᐅᕐᐳᖅ ᑕᒪᓐᓇ ᐊᑕᓂᐅᑉ ᓱᑑᒪ ᒍᒨᕋᓗ ᐊᓯᕈᓚᐅᕐᑎᓐᓇᓂᒋᒃ.

ᒨᓯᓯ ᓯᕗᓪᓖᑦ 26:14

ᐆᒪᔪᖁᑎᖃᓚᐅᕐᒪᑦ ᐅᓄᕐᑐᒻᒪᕆᐊᓗᖕᓂᒃ ᓰᐱᓂᒃ ᐃᒻᒧᒃᓯᐅᒐᕐᓂᒡᓗ, ᐱᔨᖃᕐᓗᓂᓗ ᐅᓄᕐᑐᓂᒃ, ᐱᓕᔅᑍᓂᒥᐅᓂᓪᓗ ᐊᒡᓛᑦ ᓱᒐᓗᓗᐊᕆᔭᐅᓕᓚᐅᕐᐳᖅ.

ᒨᓯᓯ ᓯᕗᓪᓖᑦ 37:11

ᐊᖓᔪᖏᑕᓗ ᓯᒡᒐᑎᓕᕐᐹᑦ, ᐊᑖᑕᖓᑕᓕ ᑕᒪᓐᓇ ᐃᓱᒪᒥᐅᑕᕆᓕᕐᐹ.

ᒨᓯᓯ ᐂᑉᐸᖏᑦ 9:16

ᑭᓯᐊᓂᓕ ᑕᒪᓐᓇ ᐱᑦᔪᑎᒋᓪᓗᒍ ᐃᓅᑎᓚᕿᓯᒪᕙᒋᑦ, ᖃᐅᔨᖁᓪᓗᑎᑦ ᐱᔪᓐᓇᕐᓂᓐᓂᒃ ᓂᕐᑐᕐᓇᕐᓂᕋᓗ ᓄᓇᕐᔪᐊᓕᒫᒥ ᐅᖃᐅᓯᐅᓕᖁᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:4

ᓂᓐᖓᐅᒪᓂᖅ ᐱᐅᓐᖏᓚᖅ, ᓂᓐᖓᖕᓂᒡᓗ ᓵᓚᖃᕈᓐᓇᕐᐳᖅ; ᑭᓇᓕ ᓯᖕᓇᓂᐅᑉ ᓵᖓᓂ ᓇᖏᕈᓐᓇᕐᐹ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:4

ᓱᓕ ᖃᐅᔨᓚᐅᕆᕗᖓ ᓴᓇᓂᓕᒫᑦ ᓴᓇᔪᓐᓇᑦᓯᐊᕐᓃᓪᓗ ᑐᓱᒋᔭᐅᖕᒪᑕ ᐊᓯᖏᓐᓄᑦ. ᑕᒪᓐᓇ ᑐᑭᖃᖏᒻᒪᑦ ᐊᓄᕆᒥᒡᓗ ᐊᖑᓯᓇᓱᑐᐃᓐᓇᕐᓂᐅᔮᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 51:3

ᐊᑕᓂᐅᑉ ᓮᒻᒪᕐᓴᕈᒫᕐᐹ ᓮᐅᓂ, ᓯᖁᑦᑎᕐᑕᐅᓯᒪᓂᖏᓪᓗ ᐋᖅᑭᒃᓗᒋᑦ, ᓄᓇᖁᑎᖓ ᓱᓇᖃᕈᓐᓁᓚᐅᕐᑐᖅ ᐱᕈᕐᓰᕕᒃᑐᑦ ᐄᑕᓂᑎᑐᑦ ᑍᒤᑎᑦᓱᒫᕐᐹ, ᓄᓇᖓᑕᓗ ᐃᓚᖓ ᓯᐅᕅᓐᓇᖅ ᐊᑕᓂᐅᑉ ᐱᕈᕐᓰᕕᖁᑎᖓᓄᑦ ᐊᑦᔨᐅᓕᕐᑎᑦᓱᒫᕐᓗᒍ, ᑕᕝᕙᓂ ᖁᕕᐊᓱᖕᓂᖃᕈᒫᕐᐳᑦ ᐊᓕᐊᓁᒍᓱᒡᓗᑎᒡᓗ, ᖁᔭᓕᔪᒫᕐᐳᑦ ᓂᕐᑐᐃᓗᑎᒡᓗ ᐃᓐᖏᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 55:12

ᖁᕕᐊᓱᒡᓗᓯ ᐊᓂᓕᕈᒫᕐᐳᓯ, ᑕᓯᐅᕐᑕᐅᓗᓯᓗ ᓮᒪᓂᕐᒧᑦ; ᖃᖅᑳᓗᐃᑦ ᐱᖑᐃᓪᓗ ᐃᓐᖏᕐᓯᔪᒫᕐᐳᑦ ᓵᑦᓯᓐᓂ, ᓇᐹᕐᑐᐃᓪᓗ ᐸᑦᑕᒃᑐᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 16:14

ᐃᓅᖃᑎᒌᒡᔪᐊᓄᓪᓗ ᐊᒡᓛᑦ ᖃᐅᔨᒪᔭᐅᓕᓚᐅᕐᐳᑎᑦ ᐃᓂᖁᓇᕐᓃᑦ ᐱᓪᓗᒍ, ᐃᓕᖕᓂᒃ ᐃᓂᖁᓇᕐᑐᓐᖑᕐᑎᑦᓯᓚᐅᕋᒪ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 17:22

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᓇᖕᒥᓂᕐᓗ ᓇᐹᕐᑐᑦ ᑕᑭᔪᑦ ᓰᑕᕇᑦ ᓄᕗᖏᓐᓂᑦ ᐲᕐᓯᓗᖓ, ᐊᐅᓪᓚᕈᑦᔨᔪᒪᕗᖓ; ᐳᕐᑐᓂᕐᐹᑉ ᓄᕗᐊᓂᑦ ᐱᕈᓕᓵᕐᑐᒥᒃ ᓇᑲᑦᓯᓗᖓ, ᓇᖕᒥᓂᕐᓗ ᖃᖅᑲᒧᑦ ᐳᕐᑐᔪᒧᑦ ᖁᑦᓯᖕᓂᕐᐹᒧᑦ ᓇᑉᐸᕈᒪᕙᕋ;

ᐃᓯᑭᐊᓕᐅᑉ ᐊᒡᓚᖏᑦ 17:24

ᐱᕈᕐᑐᓕᒫᑦ ᓇᐹᕐᑐᑦ ᓇᑎᕐᓇᒦᑦᑐᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᖅ ᓇᐹᕐᑐᒥᒃ ᑕᑭᔪᒥᒃ ᓇᑲᑦᓯᒐᒪ, ᓇᐹᕐᑐᕐᓗ ᐳᒃᑭᑦᑐᖅ ᐳᕐᑐᓯᑎᓪᓗᒍ, ᓇᐹᕐᑐᕐᓗ ᐆᒻᒪᐅᒐᓗᐊᖅ ᑐᖁᓕᑎᑉᐸᕋ, ᓇᐹᕐᑐᕐᓗ ᐸᓐᓇᑰᒐᓗᐊᖅ ᐆᒻᒪᕈᕐᑎᑉᐸᕋ. ᐅᕙᖓ ᐊᑕᓂᖅ ᑍᒫᒃ ᐅᖃᕐᓯᒪᒐᒪ, ᑍᒫᒡᓗ ᐱᓇᓱᐊᕐᓂᐊᕐᓗᖓ.”

ᐃᓯᑭᐊᓕᐅᑉ ᐊᒡᓚᖏᑦ 28:13

ᐄᑕᓂᒥ ᓄᓇᖃᓚᐅᕐᐳᑎᑦ, ᒎᑎᐅᑉ ᐱᕈᕐᓰᕕᖁᑎᖓᓂ; ᐅᔭᕋᖕᓂᒃ ᐱᐅᔪᓂᒃ ᐊᑦᔨᒌᖏᑦᑐᓂᒃ ᐱᐅᓴᐅᑎᖃᕐᐸᒡᓗᑎᑦ, ᑲᕐᓃᓕᐊᓂᒃ, ᑑᐹᑦᓯᓂᒃ, ᔭᓯᐸᕆᓂᒡᓗ, ᑯᕅᓱᓕᐊᓂᒃ ᐳᕅᓕᓂᒃ, ᐆᓂᒡᓯᓂᒡᓗ, ᓴᐰᕋᓂᒃ, ᑳᐳᕐᓐᑯᓪᓂᒃ, ᐃᒪᕆᐅᓪᓂᒡᓗ; ᐊᓐᓄᕌᑎᑦ ᒎᓗᓂᒃ ᑕᕐᓴᖃᐅᕐᐸᒡᓗᑎᒃ ᓴᓇᓐᖑᐊᕐᓯᒪᔪᓂᒃ ᐃᑎᕐᓴᓕᐅᕈᑎᓯᒪᔪᓂᒃ. ᑕᒪᒃᑯᐊᓗ ᐊᓐᓄᕌᒃᓴᐅᑕᐅᓚᐅᕐᐳᑦ ᐃᓕᖕᓄᑦ ᐱᓐᖑᕐᑎᑕᐅᕕᖕᓂᑦ ᐱᒋᐊᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 31:16

ᐅᕐᕈᑎᒃᑯᒃᑯ ᐅᕐᕈᕙᓗᖓᓄᑦ ᐃᓅᖃᑎᒌᒡᔪᐊᑦ ᐊᐅᓚᑦᔭᒃᑕᐅᔪᒫᕐᐳᑦ, ᑐᖁᖓᔪᑦ ᐃᓂᖓᓄᑦ ᐃᒋᒃᑯᒃᑯ; ᐄᑕᓂᒥᓗ ᓇᐹᕐᑐᓕᒫᑦ, ᓂᕈᐊᕆᔭᐅᕙᒃᑐᑦ ᐱᐅᓂᕐᐹᓪᓗ ᓕᐸᓇᓂᒥ, ᐃᒥᕐᒥᒃ ᐃᒥᖃᑦᑕᕐᑐᓕᒫᑦ, ᖁᕕᐊᓲᑎᖃᕈᒫᕐᐳᑦ ᓄᓇᐅᑉ ᐊᑖᓃᑦᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 31:18

ᓂᕐᑐᕐᓇᕐᑑᓚᐅᕐᐲᑦ ᐊᔪᓐᖏᑎᒋᓪᓗᑎᓪᓗ ᐄᑕᓂᐅᑉ ᓇᐹᕐᑐᖏᑎᑐᑦ? ᐄᑕᓂᐅᓪᓕ ᓇᐹᕐᑐᖏᓐᓄᑦ ᓇᑲᑕᐅᖃᑕᐅᓂᐊᕐᐳᑎᑦ ᑐᖁᖓᔪᑦ ᐃᓂᖓᓄᐊᖃᑕᐅᓗᑎᑦ ᓄᓇᐅᑉ ᐊᑖᓄᑦ; ᑭᐱᓯᒪᖏᑦᑐᑦ ᐃᓚᒋᓗᒋᑦ, ᓴᕕᒡᔪᐊᒧᑦ ᑐᖁᑕᐅᓯᒪᔪᑦ ᐃᓚᒋᓗᒋᑦ. ᑖᓐᓇᐅᕗᖅ ᑕᕝᕙ ᐰᕉᖅ ᐃᓄᒐᓴᒡᔪᐊᖁᑎᖏᓪᓗ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 36:35

ᐃᓄᐃᓪᓗ ᐅᖃᕈᒫᕐᐳᑦ, ‘ᒪᓐᓇ ᓄᓇ ᓱᓇᖃᓚᐅᖏᑦᑐᖅ ᐄᑕᓂᐅᑉ ᐱᕈᕐᓰᕕᖓᑐᑦ ᑍᒤᓕᕐᐳᖅ; ᐃᒡᓗᒐᓴᒡᔪᐊᕕᓃᓪᓗ ᐃᓄᖃᓚᐅᖏᑦᑐᑦ ᓱᓇᑕᖃᓚᐅᕈᓐᓃᕐᑐᓪᓗ ᒫᓐᓇ ᐃᓄᖃᓕᕆᕗᖅ ᐊᕙᓗᕐᔪᐊᖃᓕᕐᓗᓂᓗ.’

ᑖᓂᐊᓕᐅᑉ ᐊᒡᓚᖏᑦ 2:21

ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᓴᑲᕅᐊᐅᑉ ᐊᒡᓚᖏᑦ 11:2

ᓂᐹᒋᑦ ᓇᐹᕐᑑᖅ ᐅᖃᐅᔭᖃᓱᐃᑦᑐᑎᑦ; ᓇᐹᕐᑐᖅ ᑐᑭᓕᐊᕐᑐᖅ ᓰᑕᕆ ᐅᕐᕈᖕᒪᑦ; ᐊᔪᖏᑦᑐᕐᔪᐊᑦ ᓱᓇᐅᔪᓁᕐᒪᑕ! ᖁᕝᕕᐅᓕᕆᑦ ᐆᒃ ᐰᓴᓃᓪᓗ ᑎᓴᒃᑍᑦ ᓇᐹᕐᑐᑦ ᐹᓴᓂᒦᑦᑐᑦ; ᓇᐹᕐᑐᒐᓴᒡᔪᐊᓕᒫᑦ ᓇᑲᑎᕐᑕᐅᖕᒪᑕ!

ᓴᒧᐃᓕ ᓯᕗᓪᓖᑦ 18:15

ᓴᐅᓕᓗ ᖃᐅᔨᒐᒥ ᑍᕕᑎᐅᑉ ᐱᔪᓐᓇᑦᓯᐊᖃᑦᑕᕐᓂᖓᓂᒃ ᐱᓇᓱᐊᕐᑕᓕᒫᒥᓂᒃ, ᑕᐰᑦᓯᐊᓚᐅᕐᐳᖅ ᑲᑉᐱᐊᒋᒋᐊᓪᓚᓕᕐᓗᒍᓗ.