ᐃᓯᑭᐊᓕᐅᑉ ᐊᒡᓚᖏᑦ 31:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓇᐹᕐᑐᐃᑦ ᓰᑕᕇᑦ ᐊᑭᒪᔪᓐᓇᓐᖏᓚᑦ ᒎᑎᐅᑉ ᐱᕈᕐᓰᕕᖁᑎᖓᓃᑦᑐᑦ, ᐊᕙᓚᖓᔪᖏᑕᓗ ᐅᖃᐅᔭᖃᕐᓂᖏᑦ ᐊᑦᔨᖃᕐᒥᓇᑎᒃ; ᓇᐹᕐᑐᑐᐃᓐᓁᑦ ᐊᕙᓚᖓᔪᖏᑦ ᓇᓪᓕᕐᓲᑎᔪᓐᓇᓐᖏᓚᑦ; ᑖᓐᓇ ᓇᐹᕐᑐᖅ ᑕᑯᒥᓇᕐᑐᖅ ᐊᑦᔨᖃᓐᖏᓚᖅ ᒎᑎᐅᑉ ᐱᕈᕐᓰᕕᖁᑎᖓᓂ.

ᐃᓯᑭᐊᓕᐅᑉ ᐊᒡᓚᖏᑦ 31:8 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 13:10

ᓘᑎᓗ ᐊᕙᒻᒧᑦ ᑕᑯᓴᕋᒥ, ᑕᑯᕗᖅ ᔪᐊᕐᑕᓂᐅᑉ ᓇᕐᓴᖓᓂᒃ ᐃᒪᖃᑦᓯᐊᕐᑐᒥᒃ, ᐊᑕᓂᐅᑉ ᐱᕈᕐᓰᕕᖁᑎᖓᑎᑐᑦ, ᐄᑦᔨᑉᑎᐅᓪᓗ ᓄᓇᖓᑎᑐᑦ ᑍᒤᑦᑑᔮᕐᑐᒥᒃ. ᓄᓇᐅᑉ ᔪᐊᕆᐅᑉ ᓇᓛᓄᑦ; ᑍᒤᑦᑑᓚᐅᕐᐳᖅ ᑕᒪᓐᓇ ᐊᑕᓂᐅᑉ ᓱᑑᒪ ᒍᒨᕋᓗ ᐊᓯᕈᓚᐅᕐᑎᓐᓇᓂᒋᒃ.

ᐃᓐᖏᕈᑎᑦ 37:35

ᑕᑯᓯᒪᕗᖓ ᐱᐅᖏᑦᑐᓕᔪᑦ ᐱᔪᓐᓇᕐᓂᖃᕐᔪᐊᕐᑎᓪᓗᒋᑦ, ᐱᕈᑦᓯᐊᕐᑐᑎᑐᑦ ᓯᐊᒻᒪᕐᓗᑎᒃ ᓇᐹᕐᑐᑐᑦ ᐃᓂᑐᖃᕐᒥᓂ ᐱᕈᕐᑐᑎᑐᑦ.

ᐃᓐᖏᕈᑎᑦ 80:10

ᖃᖅᑬᑦ ᐅᓕᒃᑕᐅᓯᒪᕗᑦ ᑕᕐᕋᖏᓐᓄᑦ, ᐊᕙᓚᖓᔪᖏᓐᓄᑦ ᓇᐹᕐᑐᕐᔪᐊᑦ ᓰᑕᕆᒥᒃ ᐊᑎᓖᑦ ᑖᓪᓕᕐᑕᐅᕗᑦ;

ᓲᓗᒨᓂᐅᑉ ᐃᓐᖏᕈᓯᖏᑦ 5:15

ᓂᐅᖏᒃ ᐅᔭᕋᒃᑎᑐᑦ ᐊᓚᐹᔅᑕᕆᑐᑦ ᓇᐹᕘᒃ, ᒎᓘᖕᓂᒃ ᑐᓐᖓᕕᖃᕐᓗᑎᒃ. ᑕᐅᑦᑐᖃᕐᓗᓂᓗ ᓕᐸᓇᓂᑐᑦ, ᓇᐹᕐᑐᑎᑐᑦ ᓰᑕᕆᑐᑦ ᐱᐅᑎᒋᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 51:3

ᐊᑕᓂᐅᑉ ᓮᒻᒪᕐᓴᕈᒫᕐᐹ ᓮᐅᓂ, ᓯᖁᑦᑎᕐᑕᐅᓯᒪᓂᖏᓪᓗ ᐋᖅᑭᒃᓗᒋᑦ, ᓄᓇᖁᑎᖓ ᓱᓇᖃᕈᓐᓁᓚᐅᕐᑐᖅ ᐱᕈᕐᓰᕕᒃᑐᑦ ᐄᑕᓂᑎᑐᑦ ᑍᒤᑎᑦᓱᒫᕐᐹ, ᓄᓇᖓᑕᓗ ᐃᓚᖓ ᓯᐅᕅᓐᓇᖅ ᐊᑕᓂᐅᑉ ᐱᕈᕐᓰᕕᖁᑎᖓᓄᑦ ᐊᑦᔨᐅᓕᕐᑎᑦᓱᒫᕐᓗᒍ, ᑕᕝᕙᓂ ᖁᕕᐊᓱᖕᓂᖃᕈᒫᕐᐳᑦ ᐊᓕᐊᓁᒍᓱᒡᓗᑎᒡᓗ, ᖁᔭᓕᔪᒫᕐᐳᑦ ᓂᕐᑐᐃᓗᑎᒡᓗ ᐃᓐᖏᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 28:13

ᐄᑕᓂᒥ ᓄᓇᖃᓚᐅᕐᐳᑎᑦ, ᒎᑎᐅᑉ ᐱᕈᕐᓰᕕᖁᑎᖓᓂ; ᐅᔭᕋᖕᓂᒃ ᐱᐅᔪᓂᒃ ᐊᑦᔨᒌᖏᑦᑐᓂᒃ ᐱᐅᓴᐅᑎᖃᕐᐸᒡᓗᑎᑦ, ᑲᕐᓃᓕᐊᓂᒃ, ᑑᐹᑦᓯᓂᒃ, ᔭᓯᐸᕆᓂᒡᓗ, ᑯᕅᓱᓕᐊᓂᒃ ᐳᕅᓕᓂᒃ, ᐆᓂᒡᓯᓂᒡᓗ, ᓴᐰᕋᓂᒃ, ᑳᐳᕐᓐᑯᓪᓂᒃ, ᐃᒪᕆᐅᓪᓂᒡᓗ; ᐊᓐᓄᕌᑎᑦ ᒎᓗᓂᒃ ᑕᕐᓴᖃᐅᕐᐸᒡᓗᑎᒃ ᓴᓇᓐᖑᐊᕐᓯᒪᔪᓂᒃ ᐃᑎᕐᓴᓕᐅᕈᑎᓯᒪᔪᓂᒃ. ᑕᒪᒃᑯᐊᓗ ᐊᓐᓄᕌᒃᓴᐅᑕᐅᓚᐅᕐᐳᑦ ᐃᓕᖕᓄᑦ ᐱᓐᖑᕐᑎᑕᐅᕕᖕᓂᑦ ᐱᒋᐊᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 31:16

ᐅᕐᕈᑎᒃᑯᒃᑯ ᐅᕐᕈᕙᓗᖓᓄᑦ ᐃᓅᖃᑎᒌᒡᔪᐊᑦ ᐊᐅᓚᑦᔭᒃᑕᐅᔪᒫᕐᐳᑦ, ᑐᖁᖓᔪᑦ ᐃᓂᖓᓄᑦ ᐃᒋᒃᑯᒃᑯ; ᐄᑕᓂᒥᓗ ᓇᐹᕐᑐᓕᒫᑦ, ᓂᕈᐊᕆᔭᐅᕙᒃᑐᑦ ᐱᐅᓂᕐᐹᓪᓗ ᓕᐸᓇᓂᒥ, ᐃᒥᕐᒥᒃ ᐃᒥᖃᑦᑕᕐᑐᓕᒫᑦ, ᖁᕕᐊᓲᑎᖃᕈᒫᕐᐳᑦ ᓄᓇᐅᑉ ᐊᑖᓃᑦᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 31:18

ᓂᕐᑐᕐᓇᕐᑑᓚᐅᕐᐲᑦ ᐊᔪᓐᖏᑎᒋᓪᓗᑎᓪᓗ ᐄᑕᓂᐅᑉ ᓇᐹᕐᑐᖏᑎᑐᑦ? ᐄᑕᓂᐅᓪᓕ ᓇᐹᕐᑐᖏᓐᓄᑦ ᓇᑲᑕᐅᖃᑕᐅᓂᐊᕐᐳᑎᑦ ᑐᖁᖓᔪᑦ ᐃᓂᖓᓄᐊᖃᑕᐅᓗᑎᑦ ᓄᓇᐅᑉ ᐊᑖᓄᑦ; ᑭᐱᓯᒪᖏᑦᑐᑦ ᐃᓚᒋᓗᒋᑦ, ᓴᕕᒡᔪᐊᒧᑦ ᑐᖁᑕᐅᓯᒪᔪᑦ ᐃᓚᒋᓗᒋᑦ. ᑖᓐᓇᐅᕗᖅ ᑕᕝᕙ ᐰᕉᖅ ᐃᓄᒐᓴᒡᔪᐊᖁᑎᖏᓪᓗ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 31:3

ᑕᑯᒋᑦ, ᓕᐸᓇᓂᒥ ᓇᐹᕐᑐᒥᒃ ᓰᑕᕆᒥᒃ ᐊᑦᔨᖃᕐᐳᑎᑦ, ᐊᕙᓚᖓᔪᖃᐅᑦᓯᐊᕐᑐᒥᒃ ᐅᖃᐅᔭᖃᕐᑐᒥᒡᓗ ᓯᐊᒻᒪᖓᑦᓯᐊᕐᑐᓂᒃ, ᑕᑭᔫᓂᕐᒥᓄᑦ ᓄᕗᔭᓄᑦ ᑎᑭᐅᓯᒪᔪᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 31:7

ᓇᐹᕐᑑᑉ ᐊᖏᔪᕐᔪᐊᖑᓂᖓ ᑕᑯᒥᓇᕐᐳᖅ, ᐊᕙᓚᖓᔪᖏᑦ ᑕᑭᔫᑕᐅᕗᑦ; ᐊᒫᖏᓪᓗ ᓄᓇᒧᑦ ᒪᖑᒃᓯᒪᑦᓯᐊᕋᒥᒃ ᐃᒪᖃᑦᓯᐊᕈᓐᓇᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:7

“‘ᓯᐅᑎᖃᕐᑑᑉ, ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ. “‘ᓵᓚᖃᕐᑐᑦ ᓂᕆᔪᓐᓇᕐᑎᓐᓂᐊᕐᐸᒃᑲ ᓇᐹᕐᑐᒥᑦ ᐃᓅᓯᖃᕐᓇᕐᑐᒥᒃ ᐱᕈᕐᑐᓕᖕᒥᑦ, ᒎᑎᐅᑉ ᐸᕋᑍᓯᖓᓂ.’”