6 ᑎᖕᒥᐊᓄᑦ ᖃᓄᐃᑦᑐᑐᐃᓐᓇᕐᓄᑦ ᐊᕙᓚᖓᔪᖏᑕ ᐱᕈᕐᑐᖏᑦ ᐃᕙᕕᐅᕗᑦ; ᐊᕙᓚᖓᔪᖏᑕᓗ ᐊᑖᓂ ᐆᒪᔪᑦ ᓄᔪᐊᕐᑐᑦ ᕿᑐᕐᖏᐅᕐᐳᑦ; ᐃᓅᖃᑎᒌᒡᔪᐊᓕᒫᓪᓗ ᑕᕐᕋᓕᓂᖓᓂ ᐃᓂᖃᕐᓗᑎᒃ.
ᑕᕝᕙᓂ ᑎᖕᒥᐊᑦ ᐅᓪᓗᓕᐅᕐᐳᑦ; ᑎᖕᒥᐊᑦ ᓂᐅᑯᑖᓕᑦ ᓯᑐᐊᕆᒃᓂᒃ ᐊᑎᓖᑦ ᑕᕝᕙᓂ ᐊᖏᕐᕋᖃᕐᐳᑦ ᓇᐹᕐᑐᓂ ᑐᖑᔪᐃᓐᓇᕐᑐᓂ.
ᐃᓴᕆᐊᓕᒥᐅᑦ ᖃᖅᑲᖏᑕ ᐳᕐᑐᓂᕐᐹᖓᓐᓂ ᓇᑉᐸᕐᓯᔪᒪᕗᖓ, ᐊᕙᓚᖓᔪᕐᔪᐊᖃᓕᕈᒫᕐᐳᖅ ᐸᐅᕐᖓᖃᓕᕐᓗᓂᓗ, ᓇᐹᕐᑐᕐᔪᐊᖑᓕᖁᓪᓗᒍ ᓰᑕᕆᐅᓕᕐᓗᓂ; ᐆᒪᔪᓪᓗ ᖃᓄᐃᑦᑐᑐᐃᓐᓁᑦ ᓇᐹᕐᑑᑉ ᐊᑖᓂ ᐃᓂᖃᓕᕈᒫᕐᐳᑦ, ᐊᕙᓚᖓᔪᖏᑕᓗ ᑕᕐᕋᓕᓂᖏᓐᓂ ᑎᖕᒥᐊᑦ ᐊᑦᔨᒌᖏᑦᑐᑦ ᐅᓪᓗᖃᓕᕐᓗᑎᒃ.
ᐅᕐᕈᓯᒪᓕᕐᐸᓪᓗ ᑎᖕᒥᐊᓕᒫᓄᑦ ᐃᓂᒋᔭᐅᓕᕈᒫᕐᐳᖅ, ᐊᕙᓚᖓᔪᖏᓪᓗ ᐆᒪᔪᓕᒫᓄᑦ ᓇᑎᕐᓇᒦᑦᑐᓄᑦ ᐃᓂᒋᔭᐅᓕᕐᓗᑎᒃ.
ᒪᓕᒍᒫᕐᐹᓪᓗ ᑐᖁᓯᒪᔪᑦ ᐃᓂᖓᓄᐊᖃᑎᒋᓗᒍ, ᓴᕕᒡᔪᐊᒧᑦ ᑐᖁᑕᐅᓯᒪᔪᑦ; ᐃᓛᒃ, ᑕᕐᕋᓕᓂᖓᓂ ᐃᓂᖃᖃᑦᑕᓚᐅᕐᑐᓕᒫᑦ ᐃᓅᖃᑎᒌᒡᔪᐊᑦ ᑐᖁᖃᑕᐅᔪᒫᕐᐳᑦ.
ᓇᐹᕐᑑᑉ ᐊᖏᔪᕐᔪᐊᖑᓂᖓ ᑕᑯᒥᓇᕐᐳᖅ, ᐊᕙᓚᖓᔪᖏᑦ ᑕᑭᔫᑕᐅᕗᑦ; ᐊᒫᖏᓪᓗ ᓄᓇᒧᑦ ᒪᖑᒃᓯᒪᑦᓯᐊᕋᒥᒃ ᐃᒪᖃᑦᓯᐊᕈᓐᓇᕐᐳᖅ.
“ᐃᒫᒃ ᑕᑯᑎᑕᐅᓚᐅᕐᐳᖓ ᐃᓱᒪᒃᑯᑦ ᓯᓂᒡᕕᓐᓂ ᓯᓂᒃᑎᓪᓗᖓ: ᑕᐅᑐᒃᑎᓪᓗᖓ, ᓇᐹᕐᑐᒥᒃ ᓵᓐᓂ ᑕᑯᓚᐅᕐᐳᖓ ᓄᓇᐅᑉ ᕿᑎᖓᓃᑦᑐᒥᒃ, ᑕᑭᓂᖓ ᑕᑭᔪᒻᒪᕆᐊᓘᓪᓗᓂ.
ᐅᖃᐅᔭᖏᑦ ᑕᑯᒥᓇᕐᑑᓚᐅᕐᐳᑦ, ᐸᐅᕐᖓᖃᕐᓗᓂᓗ ᐊᒥᒐᖏᑦᑐᓂᒃ, ᑕᒤᓐᓄᓪᓗ ᓂᕿᒃᓴᐅᓪᓗᑎᒃ: ᐆᒪᔪᐃᓪᓗ ᓄᓇᒥᐅᑍᑦ ᐊᑖᓂ ᑕᕐᕋᓕᓂᖃᕐᐳᑦ, ᑎᖕᒥᐊᓪᓗ ᑎᖏᕙᒃᑐᑦ ᐊᕙᓚᖓᔪᖏᓐᓂ ᐃᓂᖃᕐᓗᑎᒃ; ᑕᕝᕙᓐᖓᓪᓗ ᐆᒪᔪᐃᑦ ᓱᓇᑐᐃᓐᓁᑦ ᐅᕕᓂᓕᓕᒫᓪᓗ ᓂᕿᖃᕐᐳᑦ.
ᐅᖃᐅᔭᖏᑦ ᑕᑯᒥᓇᑑᓚᐅᕐᑐᑦ, ᐸᐅᕐᖓᖃᕐᓗᓂᓗ ᐊᒥᒐᖏᑦᑐᓂᒃ, ᖃᓄᐃᑦᑐᑐᐃᓐᓇᓄᑦ ᓂᕿᒃᓴᓂᒃ, ᐃᓂᒃᓴᖃᕐᑎᑦᓯᓪᓗᓂᓗ ᑕᕐᕋᓕᓂᕐᒥᓂ ᐆᒪᔪᓂᒃ ᓄᓇᒦᑦᑐᓂᒃ, ᐃᓂᒋᔭᐅᓪᓗᓂᓗ ᑎᖕᒥᐊᓄᑦ ᓱᓇᑐᐃᓐᓇᕐᓄᑦ ᑎᖏᕙᒃᑐᓄᑦ.
ᑖᓐᓇ ᐱᕈᕐᓯᐊᒃᓴᓕᒫᓂᑦ ᒥᑭᓐᓂᕐᐸᐅᕗᖅ, ᐱᕈᕋᒥ ᐱᕈᕐᑐᓕᒫᓂᑦ ᐊᖏᓂᕐᐸᐅᓕᕐᐳᖅ ᓇᐹᕐᑑᓕᕐᓗᓂ, ᑕᕝᕙ ᑎᖕᒥᐊᑦ ᑕᕝᕙᓂ ᐅᓪᓗᓕᐅᓕᕐᐳᑦ ᓇᐹᕐᑑᑉ ᐊᕙᓚᖓᔪᖏᓐᓂ.”
ᑭᖑᓂᖓᒍᑦ ᑖᓐᓇ ᑲᓐᖓᕐᓲᑕᐅᒐᒥ ᐱᕈᕐᐸᓪᓕᐊᓯᕗᖅ ᐱᕈᕐᑐᓕᒫᓂᑦ ᐊᖏᓂᕐᐸᐅᓕᕐᓗᓂ, ᐊᕙᓚᖓᔪᖏᑦ ᐊᖏᒡᓕᕐᒪᑕ, ᑎᖕᒥᐊᑦ ᑕᕝᕙᓂ ᐅᓪᓗᖃᕈᓐᓇᓕᕐᐳᑦ ᑕᕐᕋᓕᓂᖓᓂ.”