ᐃᓯᑭᐊᓕᐅᑉ ᐊᒡᓚᖏᑦ 31:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᑯᒋᑦ, ᓕᐸᓇᓂᒥ ᓇᐹᕐᑐᒥᒃ ᓰᑕᕆᒥᒃ ᐊᑦᔨᖃᕐᐳᑎᑦ, ᐊᕙᓚᖓᔪᖃᐅᑦᓯᐊᕐᑐᒥᒃ ᐅᖃᐅᔭᖃᕐᑐᒥᒡᓗ ᓯᐊᒻᒪᖓᑦᓯᐊᕐᑐᓂᒃ, ᑕᑭᔫᓂᕐᒥᓄᑦ ᓄᕗᔭᓄᑦ ᑎᑭᐅᓯᒪᔪᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 31:3 ပူးပေါင်းရင်းမြစ်များ

ᐃᓐᖏᕈᑎᑦ 92:12

ᐃᓱᐊᕐᑐᓕᔪᑦ ᐱᕈᕐᓂᐊᕐᐳᑦ ᓇᐹᕐᑐᑎᑐᑦ ᐹᒥᑎᑐᑦ, ᐱᕈᕐᓂᐊᕐᐳᑦ ᓇᐹᕐᑐᑎᑐᑦ ᓰᑕᕆᑎᑐᑦ ᓕᐸᓇᓂᒦᑦᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 37:24

ᐱᔨᑎᑦ ᑎᓕᓚᐅᕋᕕᒋᑦ ᒥᑕᐅᑎᖃᕐᑎᓚᐅᕐᐸᑎᑦ ᐊᑕᓂᕐᒥᒃ, ᐅᖃᓚᐅᕐᐳᑎᓪᓗ, ᕿᒻᒥᕐᔪᐊᑦ ᐊᒃᓴᓗᐊᓕᖏᓐᓄᑦ ᖃᖅᑬᑦ ᖄᖏᓐᓄᑦ ᒪᔪᓚᐅᕐᐳᖓ, ᓕᐸᓇᓂᐅᑉ ᐳᕐᑐᓂᖏᑎᑐᑦ, ᓇᐹᕐᑐᖏᑕ ᑕᑭᓂᖏᓐᓂᒃ ᓰᑕᕆᓂᒃ ᓇᑲᑎᕆᓚᐅᕐᐳᖓ, ᓇᐹᕐᑐᕆᖕᓂᕐᐹᓂᒃ ᑎᑭᐅᑎᓯᒪᕗᖓ, ᖁᓪᓕᕐᐹᓄᑦ ᓇᐹᕐᑐᑦ ᖁᑦᓯᖕᓂᕐᐹᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 17:8

ᓇᐹᕐᑐᑎᑐᑦ ᑍᒤᑉᐳᖅ ᐃᒪᖃᑦᓯᐊᕐᑐᒥ ᐱᕈᕐᓯᒪᔪᑎᑐᑦ, ᐊᒫᖏᓪᓗ ᐃᒫᓄᑦ ᑎᑭᐅᒪᑦᓯᐊᕐᑐᑎᑐᑦ, ᓯᓚ ᐅᖅᑰᔪᐊᓘᓕᕋᓗᐊᕐᐸᑦ ᓯᕘᕋᖏᑦᑐᑎᑐᑦ, ᐅᖃᐅᔭᖃᕐᑐᑎᑐᑦ ᑐᖑᔪᐃᓐᓇᕐᑐᓂᒃ, ᐸᓂᕐᓇᕐᑐᖃᕋᓗᐊᕐᐸᑦ ᐃᓱᒫᓗᖏᑦᑐᑎᑐᑦ, ᐱᕈᕐᑐᒃᓴᖁᑎᖏᑦ ᐱᕈᐃᓐᓇᐅᔭᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 50:18

ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ: ᑕᑯᒋᑦ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓ ᓱᒋᐊᕐᓂᐊᕐᐸᕋ ᓄᓇᖁᑎᖓᓗ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 17:22

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᓇᖕᒥᓂᕐᓗ ᓇᐹᕐᑐᑦ ᑕᑭᔪᑦ ᓰᑕᕇᑦ ᓄᕗᖏᓐᓂᑦ ᐲᕐᓯᓗᖓ, ᐊᐅᓪᓚᕈᑦᔨᔪᒪᕗᖓ; ᐳᕐᑐᓂᕐᐹᑉ ᓄᕗᐊᓂᑦ ᐱᕈᓕᓵᕐᑐᒥᒃ ᓇᑲᑦᓯᓗᖓ, ᓇᖕᒥᓂᕐᓗ ᖃᖅᑲᒧᑦ ᐳᕐᑐᔪᒧᑦ ᖁᑦᓯᖕᓂᕐᐹᒧᑦ ᓇᑉᐸᕈᒪᕙᕋ;

ᐃᓯᑭᐊᓕᐅᑉ ᐊᒡᓚᖏᑦ 19:11

ᓇᑲᖓᑕ ᓯᓕᖕᓂᕐᐹᖓ ᐊᖓᔪᖅᑳᕐᔪᐊᑉ ᑎᒃᑯᐊᕐᓯᑦᔪᑎᑖᕆᕚ; ᖁᒻᒧᑦ ᑕᑭᒡᓕᕗᖅ ᐊᕙᓚᖓᔪᐃᑦ ᑲᑎᓐᖓᓂᖏᓐᓂ; ᐳᕐᑐᓂᖓ ᑕᑯᔭᐅᕗᖅ ᐊᕙᓚᖓᔪᖏᑦ ᓯᓕᒃᑑᑕᐅᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 31:10

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓇᐹᕐᑐᖅ ᑕᑭᔫᓕᕋᒥ ᓄᕗᔭᓄᓪᓗ ᑎᑭᐅᒪᔪᓐᓇᓕᕐᓗᓂ, ᐆᒻᒪᑎᖓ ᐱᐅᔪᕆᓕᕐᐳᖅ ᑕᑭᓂᕐᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 31:16

ᐅᕐᕈᑎᒃᑯᒃᑯ ᐅᕐᕈᕙᓗᖓᓄᑦ ᐃᓅᖃᑎᒌᒡᔪᐊᑦ ᐊᐅᓚᑦᔭᒃᑕᐅᔪᒫᕐᐳᑦ, ᑐᖁᖓᔪᑦ ᐃᓂᖓᓄᑦ ᐃᒋᒃᑯᒃᑯ; ᐄᑕᓂᒥᓗ ᓇᐹᕐᑐᓕᒫᑦ, ᓂᕈᐊᕆᔭᐅᕙᒃᑐᑦ ᐱᐅᓂᕐᐹᓪᓗ ᓕᐸᓇᓂᒥ, ᐃᒥᕐᒥᒃ ᐃᒥᖃᑦᑕᕐᑐᓕᒫᑦ, ᖁᕕᐊᓲᑎᖃᕈᒫᕐᐳᑦ ᓄᓇᐅᑉ ᐊᑖᓃᑦᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 31:17

ᒪᓕᒍᒫᕐᐹᓪᓗ ᑐᖁᓯᒪᔪᑦ ᐃᓂᖓᓄᐊᖃᑎᒋᓗᒍ, ᓴᕕᒡᔪᐊᒧᑦ ᑐᖁᑕᐅᓯᒪᔪᑦ; ᐃᓛᒃ, ᑕᕐᕋᓕᓂᖓᓂ ᐃᓂᖃᖃᑦᑕᓚᐅᕐᑐᓕᒫᑦ ᐃᓅᖃᑎᒌᒡᔪᐊᑦ ᑐᖁᖃᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 31:5

ᓇᐹᕐᑑᖃᑎᒥᓂᑦ ᑕᑭᓂᕐᐹᖑᓕᕐᐳᖅ ᓇᐹᕐᑐᒐᓮᑦ ᐊᑯᕐᖓᓐᓂ; ᐊᕙᓚᖓᔪᖏᑦ ᐱᕈᕐᑐᖃᑦᓯᐊᕐᐳᑦ ᑕᑭᔫᓪᓗᑎᒡᓗ, ᐃᒪᕐᑐᑦᓯᐊᕋᒥ ᐊᒫᖏᑎᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 31:6

ᑎᖕᒥᐊᓄᑦ ᖃᓄᐃᑦᑐᑐᐃᓐᓇᕐᓄᑦ ᐊᕙᓚᖓᔪᖏᑕ ᐱᕈᕐᑐᖏᑦ ᐃᕙᕕᐅᕗᑦ; ᐊᕙᓚᖓᔪᖏᑕᓗ ᐊᑖᓂ ᐆᒪᔪᑦ ᓄᔪᐊᕐᑐᑦ ᕿᑐᕐᖏᐅᕐᐳᑦ; ᐃᓅᖃᑎᒌᒡᔪᐊᓕᒫᓪᓗ ᑕᕐᕋᓕᓂᖓᓂ ᐃᓂᖃᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 31:8

ᓇᐹᕐᑐᐃᑦ ᓰᑕᕇᑦ ᐊᑭᒪᔪᓐᓇᓐᖏᓚᑦ ᒎᑎᐅᑉ ᐱᕈᕐᓰᕕᖁᑎᖓᓃᑦᑐᑦ, ᐊᕙᓚᖓᔪᖏᑕᓗ ᐅᖃᐅᔭᖃᕐᓂᖏᑦ ᐊᑦᔨᖃᕐᒥᓇᑎᒃ; ᓇᐹᕐᑐᑐᐃᓐᓁᑦ ᐊᕙᓚᖓᔪᖏᑦ ᓇᓪᓕᕐᓲᑎᔪᓐᓇᓐᖏᓚᑦ; ᑖᓐᓇ ᓇᐹᕐᑐᖅ ᑕᑯᒥᓇᕐᑐᖅ ᐊᑦᔨᖃᓐᖏᓚᖅ ᒎᑎᐅᑉ ᐱᕈᕐᓰᕕᖁᑎᖓᓂ.

ᐃᓯᑭᐊᓕᐅᑉ ᐊᒡᓚᖏᑦ 32:22

“ᐊᓯᕆᐊᒥᐅᑦᑕᐅᖅ ᑕᒫᓃᒃᑭᕗᑦ, ᐃᓚᓕᒫᖏᓪᓗ, ᐃᓗᕕᕐᑕᐅᖃᑕᐅᓯᒪᕗᑦ, ᑐᖁᑕᐅᓯᒪᔪᓕᒫᑦ, ᓴᕕᒡᔪᐊᒧᑦ ᑐᖁᑕᐅᓯᒪᔪᑦ;

ᑖᓂᐊᓕᐅᑉ ᐊᒡᓚᖏᑦ 4:10

“ᐃᒫᒃ ᑕᑯᑎᑕᐅᓚᐅᕐᐳᖓ ᐃᓱᒪᒃᑯᑦ ᓯᓂᒡᕕᓐᓂ ᓯᓂᒃᑎᓪᓗᖓ: ᑕᐅᑐᒃᑎᓪᓗᖓ, ᓇᐹᕐᑐᒥᒃ ᓵᓐᓂ ᑕᑯᓚᐅᕐᐳᖓ ᓄᓇᐅᑉ ᕿᑎᖓᓃᑦᑐᒥᒃ, ᑕᑭᓂᖓ ᑕᑭᔪᒻᒪᕆᐊᓘᓪᓗᓂ.

ᑖᓂᐊᓕᐅᑉ ᐊᒡᓚᖏᑦ 4:12

ᐅᖃᐅᔭᖏᑦ ᑕᑯᒥᓇᕐᑑᓚᐅᕐᐳᑦ, ᐸᐅᕐᖓᖃᕐᓗᓂᓗ ᐊᒥᒐᖏᑦᑐᓂᒃ, ᑕᒤᓐᓄᓪᓗ ᓂᕿᒃᓴᐅᓪᓗᑎᒃ: ᐆᒪᔪᐃᓪᓗ ᓄᓇᒥᐅᑍᑦ ᐊᑖᓂ ᑕᕐᕋᓕᓂᖃᕐᐳᑦ, ᑎᖕᒥᐊᓪᓗ ᑎᖏᕙᒃᑐᑦ ᐊᕙᓚᖓᔪᖏᓐᓂ ᐃᓂᖃᕐᓗᑎᒃ; ᑕᕝᕙᓐᖓᓪᓗ ᐆᒪᔪᐃᑦ ᓱᓇᑐᐃᓐᓁᑦ ᐅᕕᓂᓕᓕᒫᓪᓗ ᓂᕿᖃᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 4:7

ᐊᖓᒃᑯᐃᓪᓕ, ᓇᓚᐅᑦᑍᔩᓪᓗ, ᑲᓪᑎᐊᒥᐅᓪᓗ ᓯᓚᑐᔪᖁᑎᖏᑦ, ᓯᕗᓂᒃᓴᒥᒡᓗ ᖃᐅᔨᒪᓇᓱᐊᕐᑏᑦ, ᕾᖕᒪᑕ ᓯᓐᓇᒃᑐᓐᓂᒃ ᐅᓂᒃᑳᕐᕕᒋᓚᐅᕐᐸᒃᑲ, ᑍᒃᑯᓇᖓᓪᓕ ᑐᑭᖓᓂᒃ ᐅᖃᐅᑎᔭᐅᔪᓐᓇᓚᐅᓐᖏᓚᖓ.

ᔨᐸᓁᐊᐅᑉ ᐊᒡᓚᖏᑦ 2:13

ᐊᒡᒐᓂᓗ ᓱᒋᐊᕈᑎᒋᔪᒫᕐᐰᑦ ᓯᕿᓂᐅᑉ ᑕᕐᕋᖓᓃᑦᑐᑦ ᐊᓯᕈᕐᓗᒋᑦ ᐊᓯᕆᐊᒥᐅᑦ. ᓂᓂᕕᒥᐅᓪᓗ ᓄᖑᑦᓱᒫᕐᐰᑦ ᓄᓇᖓ ᐸᓂᕐᑑᓕᕐᓗᓂ ᓱᓇᖃᔪᐃᑦᑑᔪᒫᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 11:1

ᐅᒃᑯᐊᑎᑦ ᒪᑐᐃᒃᑭᑦ ᓕᐸᓇᓃ, ᓇᐹᕐᑐᖁᑎᑎᑦ ᑐᑭᓕᐊᕐᑐᑦ ᓰᑕᕇᑦ ᐃᑯᒪᒧᑦ ᓄᖑᑕᐅᖁᓪᓗᒋᑦ!

ᓴᑲᕅᐊᐅᑉ ᐊᒡᓚᖏᑦ 11:2

ᓂᐹᒋᑦ ᓇᐹᕐᑑᖅ ᐅᖃᐅᔭᖃᓱᐃᑦᑐᑎᑦ; ᓇᐹᕐᑐᖅ ᑐᑭᓕᐊᕐᑐᖅ ᓰᑕᕆ ᐅᕐᕈᖕᒪᑦ; ᐊᔪᖏᑦᑐᕐᔪᐊᑦ ᓱᓇᐅᔪᓁᕐᒪᑕ! ᖁᕝᕕᐅᓕᕆᑦ ᐆᒃ ᐰᓴᓃᓪᓗ ᑎᓴᒃᑍᑦ ᓇᐹᕐᑐᑦ ᐹᓴᓂᒦᑦᑐᑦ; ᓇᐹᕐᑐᒐᓴᒡᔪᐊᓕᒫᑦ ᓇᑲᑎᕐᑕᐅᖕᒪᑕ!

ᐃᓗᐊᕐᓮᔩᑦ ᐊᒡᓚᖏᑦ 9:15

ᐅᕐᐱᒊᑦ ᐅᖃᕐᐳᑦ ᓇᐹᕐᑐᓄᑦ, ‘ᐱᖁᓪᓚᕆᒃᑯᑦᓯᓐᖓ ᐅᕐᓱᒧᑦ ᒥᖑᐊᕐᓗᖓ ᐊᖓᔪᖅᑳᕐᔪᐊᓐᖑᑎᒃᑯᑦᓯᓐᖓ ᐃᓕᑦᓯᓐᓄᑦ, ᐊᑏ ᕾᓕᕆᑦᓯ ᐃᔨᕐᓯᒪᓗᓯ ᑕᕐᕋᓕᓂᓐᓂ; ᑍᒤᓐᖏᑐᐊᕈᑦᓯ ᐃᑯᒪᒥᒃ ᓄᐃᑎᑦᓯᓂᐊᕐᐳᖓ ᐅᕐᐲᑦ ᐃᑯᐊᓪᓚᒡᓗᒋᑦ ᓕᐸᓇᓂᐅᑉ ᓇᐹᕐᑐᖏᑦ ᓰᑕᕇᑦ ᓯᑎᔪᔧᑦ.’”