ᐃᓯᑭᐊᓕᐅᑉ ᐊᒡᓚᖏᑦ 31:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᐃᓅᑉ ᐃᕐᓂᖓ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᐰᕉ ᐅᖃᐅᑎᒍᒃ ᐃᓄᒋᐊᒃᑐᕐᔪᐊᖁᑎᖏᓪᓗ: ᐊᔪᖏᑦᑐᐊᓘᓃᑦ ᓱᓇᒧᑦ ᐊᑦᔨᐅᔪᓐᓇᕐᐹ?

ᐃᓯᑭᐊᓕᐅᑉ ᐊᒡᓚᖏᑦ 31:2 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 1:17

ᔨᕆᒤᐋ ᐅᐸᓗᖕᒊᔭᓕᕆᑦ, ᐂᓗᑎᓪᓗ ᐅᖃᐅᑎᔭᕐᑐᓕᒃᑭᑦ ᑕᒤᓐᓂᒃ ᐅᖃᐅᓯᕆᔭᐅᖁᔭᓐᓂᒃ. ᓯᕘᕋᒋᑦᑍᓕᒃᑭᑦ, ᓯᕘᕋᒍᕕᓪᓕ ᓯᕘᕋᑎᓐᓂᕐᓴᐅᔪᓐᓇᕐᐸᒋᑦ ᐱᖃᑎᒋᓕᕈᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 1:5

“ᓄᑕᕋᒃᓴᓐᖑᓚᐅᕐᑎᓐᓇᒃ ᓱᓕ ᓂᕈᐊᓚᐅᕐᐸᒋᑦ; ᐃᓅᓕᖅᑳᕐᑎᓐᓇᒡᓗ ᐃᑦᔪᕐᓁᑎᓚᐅᕐᐸᒋᑦ; ᑎᓕᓚᐅᕐᐸᒋᑦ ᐱᔪᖃᓛᕐᑐᒥᒃ ᐅᖃᕐᑎᒋᔪᒪᓪᓗᑎᑦ ᐃᓅᖃᑎᒌᒡᔪᐊᓄᑦ.”

ᐃᓯᑭᐊᓕᐅᑉ ᐊᒡᓚᖏᑦ 29:15

ᓱᓇᐅᖏᓐᓂᕐᐸᐅᔪᒫᕐᐳᖅ ᐊᖓᔪᖅᑲᐅᕕᓕᒫᓂᑦ, ᐃᓅᖃᑎᒌᒡᔪᐊᓂᓪᓗ ᐊᓯᒥᖕᓂᑦ ᐊᖏᓂᕐᓴᐅᓚᐅᕐᓯᒪᔪᓐᓁᕈᒫᕐᐳᑦ; ᓱᓇᐅᓐᖏᓗᐊᕐᓂᕐᒥᖕᓄᑦ ᐊᒡᓛᑦ ᐃᓅᖃᑎᒌᒡᔪᐊᓂᒃ ᐊᓯᒥᖕᓂᒃ ᐊᐅᓚᑦᓯᓚᐅᕐᓯᒪᔪᓐᓁᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 29:19

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐄᑦᔨᑉᑎᒥᐅᑦ ᓄᓇᖓ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ ᑐᓂᓂᐊᓕᕐᐸᕋ; ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᑦ ᐱᑖᕆᓗᒋᑦ ᐊᐅᓪᓚᕈᑦᔨᖁᓪᓗᒍ ᓱᓇᓕᒫᓂᒃ; ᐅᓇᑕᕐᑎᖁᑎᖏᑦᑕᓗ ᐊᑭᓕᕐᑕᐅᑦᔪᑎᒋᔪᒫᕐᒪᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 30:10

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐄᑦᔨᑉᑎᒥᐅᑦ ᐃᓄᒐᓴᒡᔪᐊᖏᑦ ᓄᖑᑎᑦᓱᒫᕐᐸᒃᑲ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᒍᑦ ᓂᐱᑯᓁᓴᒃᑯᑦ.

ᐃᓯᑭᐊᓕᐅᑉ ᐊᒡᓚᖏᑦ 31:18

ᓂᕐᑐᕐᓇᕐᑑᓚᐅᕐᐲᑦ ᐊᔪᓐᖏᑎᒋᓪᓗᑎᓪᓗ ᐄᑕᓂᐅᑉ ᓇᐹᕐᑐᖏᑎᑐᑦ? ᐄᑕᓂᐅᓪᓕ ᓇᐹᕐᑐᖏᓐᓄᑦ ᓇᑲᑕᐅᖃᑕᐅᓂᐊᕐᐳᑎᑦ ᑐᖁᖓᔪᑦ ᐃᓂᖓᓄᐊᖃᑕᐅᓗᑎᑦ ᓄᓇᐅᑉ ᐊᑖᓄᑦ; ᑭᐱᓯᒪᖏᑦᑐᑦ ᐃᓚᒋᓗᒋᑦ, ᓴᕕᒡᔪᐊᒧᑦ ᑐᖁᑕᐅᓯᒪᔪᑦ ᐃᓚᒋᓗᒋᑦ. ᑖᓐᓇᐅᕗᖅ ᑕᕝᕙ ᐰᕉᖅ ᐃᓄᒐᓴᒡᔪᐊᖁᑎᖏᓪᓗ, ᐊᑕᓂᖅ ᒎᑎ ᐅᖃᕐᐳᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 10:11

ᐅᖃᐅᑦᔭᐅᓕᕐᐳᖓᓗ, “ᐅᖃᐅᓯᐅᖁᔭᐅᔪᓂᒃ ᐅᖃᐅᓯᖃᕐᑐᒃᓴᐅᕗᑎᑦ ᐃᓅᒐᓴᒡᔪᐊᓄᑦ ᐃᓅᓯᖃᑎᒌᖏᑦᑐᓄᑦ ᐅᖃᐅᓯᖃᑎᒌᖏᑦᑐᓄᓪᓗ, ᐊᖓᔪᖅᑳᕐᔪᐊᓄᓪᓗ.”