ᐃᓯᑭᐊᓕᐅᑉ ᐊᒡᓚᖏᑦ 30:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ “ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐃᑎᐅᐱᐊᒥᐅᑦ ᓂᕆᐅᖏᑦᑐᑦ ᓱᒃᑲᓂᕐᐹᒃᑯᑦ ᑐᓴᕐᑎᑕᐅᑎᑦᓱᒫᕐᐸᒃᑲ ᑲᑉᐱᐊᓱᓕᖁᓪᓗᒋᑦ; ᑐᓴᕈᑎᒃ ᐄᑦᔨᑉᑎᒥᐅᑦ ᐊᓯᕈᕐᑕᐅᕕᖓᓂ ᑲᑉᐱᐊᓱᕕᒡᔪᐊᓕᕈᒫᕐᐳᑦ, ᐅᓪᓗᖅ ᑕᒪᓐᓇ ᑎᑭᒻᒪᑦ!

ᐃᓯᑭᐊᓕᐅᑉ ᐊᒡᓚᖏᑦ 30:9 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 19:17

ᔫᑕᒥᐅᑦ ᐄᑦᔨᑉᑎᒥᐅᓂᑦ ᑲᑉᐱᐊᒋᔭᐅᓕᕈᒫᕐᐳᑦ; ᓇᓪᓕᐊᓐᓄᑦ ᐅᖃᐅᑎᒋᔭᐅᓕᕈᑎᒃ ᑲᑉᐱᐊᓱᓕᖃᑦᑕᕈᒫᕐᐳᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐱᑦᔪᑎᒋᔭᖓᓄᑦ ᐃᓱᒪᓕᐅᕈᑎᒋᔭᐅᓯᒪᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 20:3

ᑕᕝᕙ ᐊᑕᓂᖅ ᐅᖃᕐᐳᖅ, “ᐱᔨᒐ ᐂᓮᐊᓯ ᐊᕐᕌᒍᓂᒃ ᐱᖓᓱᓂᒃ ᐱᓱᑲᑕᖃᑦᑕᓚᐅᕐᐳᖅ ᐃᑎᒐᒍᑎᖃᕋᓂ ᐊᓐᓄᕌᖃᕋᓂᓗ, ᑕᒪᓐᓇ ᓇᓗᓁᒃᑯᑕᐅᕗᖅ ᑲᒪᓇᕐᑑᓪᓗᓂᓗ ᐄᑦᔨᑉᑎᒥᐅᑦ ᐃᑎᐅᐱᐊᒥᐅᓪᓗ ᐱᐅᓯᕆᔪᒫᕐᑕᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 20:5

ᐃᑎᐅᐱᐊᒥᐅᓂᒃ ᑕᑎᒃᓴᕐᐸᓚᐅᕐᑐᑦ ᐄᑦᔨᑉᑎᒥᐅᓂᒡᓗ ᐱᐅᓯᑎᑦᓯᓯᒪᓗᐊᕐᐸᓚᐅᕐᑐᑦ ᓯᕘᕋᓕᕈᒫᕐᐳᑦ ᓂᕆᐅᒋᔭᒃᓮᕈᑎᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 23:5

ᐄᑦᔨᑉᑎᒥᐅᑦ ᐊᒡᓛᑦ ᑲᒪᓂᐊᕈᒫᕐᐳᑦ ᐅᒡᒍᐊᕕᒡᔪᐊᕐᓗᑎᒡᓗ ᑍᕆᒥᐅᑦ ᐊᓯᕈᕐᑕᐅᓂᖓᓂᒃ ᑐᓴᓕᕈᑎᒃ.

ᐂᓮᐊᓯᐅᑉ ᐊᒡᓚᖏᑦ 47:8

ᒫᓐᓇᓕ ᑍᒤᒻᒪᑦ ᑐᓵᓕᕆᑦ, ᖁᕕᐊᒋᔭᖃᕐᑐᑎᑦ ᐊᓕᐊᓁᒍᓱᖕᓂᕐᒥᒃ, ᐃᒃᓯᕙᑦᓯᐊᕐᑐᑎᑦ, ᐆᒻᒪᑎᖕᓂ ᐅᖃᕐᐸᒃᑐᑎᑦ, ‘ᐅᕙᖓᑑᕗᖓ ᐊᓯᖃᕐᓇᖓᓗ; ᐅᐃᒡᒐᓲᓗᖓ ᐃᒃᓯᕙᓂᐊᓐᖏᓚᖓ, ᕿᑐᕐᖎᕐᓂᕐᒥᒡᓗ ᖃᐅᔨᓂᐊᕐᓇᖓ’;

ᔨᕆᒤᐊᐅᑉ ᐊᒡᓚᖏᑦ 49:21

ᐅᕐᕈᒃᐸᑕ ᓄᓇ ᓴᔪᒃᐱᓗᒍᒫᕐᐳᖅ, ᕿᐊᓂᖓᓪᓗ ᑐᓴᕐᑕᐅᔪᒫᕐᐳᖅ ᐊᒐᐸᒥᐅᓄᑦ ᐃᒪᕐᒥ ᐊᐅᐸᓗᒃᑕᒥ.

ᔨᕆᒤᐊᐅᑉ ᐊᒡᓚᖏᑦ 49:31

ᐃᓅᖃᑎᒌᒡᔪᐊᑦ ᐃᓕᒪᓱᖏᑦᑐᑦ ᐅᓇᑕᕐᕕᐅᓂᐊᕋᓱᒋᓗᑎᒃ ᐅᐸᒃᑐᓕᕐᓯᐅᒃ, ᐊᑕᓂᖅ ᐅᖃᕐᐳᖅ, ᓄᓇᓕᒡᔪᐊᖏᑦ ᐃᑎᕐᑕᕐᕕᖃᖏᑦᑐᑦ ᐃᑎᕇᒃᑯᑎᖃᕋᑎᒡᓗ ᐃᓄᖏᑦ ᐱᔭᐅᑦᔧᒃᑯᑎᖃᖏᑦᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 24:14

ᐅᕙᖓ ᐊᑕᓂᐅᔪᖓ ᐅᖃᕇᕐᐳᖓ; ᖃᓄᐃᓕᒋᐊᕐᕕᒃᓴᕋ ᓇᓪᓕᐅᑎᔪᒫᕐᐳᖅ; ᐅᑎᕆᐊᕐᓂᐊᓐᖏᓚᖓ, ᑲᒪᒋᓐᖏᑕᖃᑦᔮᓇᖓᓗ, ᓴᖑᑦᔮᓇᖓᓗ; ᐱᐅᓯᕆᔭᓯ ᐱᓂᐊᕐᓂᓯᓗ ᒪᓕᒡᓗᒋᑦ ᐃᖅᑲᕐᑐᕈᒫᓕᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 26:16

ᑕᕝᕙ ᓯᒡᔭᒥᐅᑦ ᐊᖓᔪᖅᑳᕐᔪᐊᖏᑦ ᐃᒃᓯᕙᐅᑕᕐᔪᐊᕐᒥᖕᓂᒃ ᕿᒤᔪᒫᕐᐳᑦ, ᐊᓐᓄᕌᒥᖕᓂᒡᓗ ᐊᖓᔪᖅᑳᕐᔪᐊᕐᓯᐅᑎᓂᒃ ᐲᔧᔪᒫᕐᐳᑦ, ᑕᑯᒥᓇᕐᓴᐅᑎᓖᓪᓗ ᐊᓐᓄᕌᑦ ᐲᔭᕐᓗᒋᑦ; ᓴᔪᖕᓂᕐᒥᒡᓗ ᐊᓐᓄᕌᖔᕈᒫᕐᐳᑦ; ᒪᓂᖅᑲᒥᓗ ᐃᒃᓯᕚᕈᒫᕐᐳᑦ ᓴᔪᑐᐃᓐᓇᓕᕐᓗᑎᒃ, ᐃᓕᑦᓯᓐᓂᒃ ᑲᒪᓂᐊᕐᓂᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 27:35

ᓯᒡᔭᒥᐅᓕᒫᑦ ᖁᐊᕐᓵᕈᑎᒋᕚᓯ; ᐊᖓᔪᖅᑳᕐᔪᐊᖏᓪᓗ ᑲᑉᐱᐊᓱᒻᒪᕆᓕᕐᐳᑦ, ᑲᑉᐱᐊᓱᖕᓂᖏᑦ ᑕᑯᒃᓴᐅᓕᕐᓗᑎᒃ ᑮᓇᖏᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 33:33

ᐅᖃᐅᓯᕆᖃᑦᑕᓚᐅᕐᑕᑎᑦ ᓱᓕᓂᖏᑦ ᓴᖅᑭᓕᕐᐸᑕ; ᓱᓕᓂᖏᓪᓗ ᓴᖅᑭᑦᓱᒫᕐᓗᑎᒃ; ᑕᕝᕙ ᖃᐅᔨᓕᕈᒫᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᓇᔪᕐᑕᕕᓂᐅᓂᕐᒥᓂᒃ.”

ᐃᓯᑭᐊᓕᐅᑉ ᐊᒡᓚᖏᑦ 38:11

ᐅᖃᕐᓗᑎᓪᓗ, ‘ᓄᓇᓕᖕᓄᑦ ᐊᕙᓗᕐᔪᐊᖃᖏᑦᑐᓄᐊᕈᒪᕗᖓ; ᐃᓄᖕᓄᑦ ᐃᓂᓪᓚᖓᑦᓯᐊᕐᑐᓄᑦ, ᓄᓇᓕᖕᓄᑦ ᐊᕙᓗᕐᔪᐊᖃᖏᑦᑐᓄᑦ, ᓴᕕᕋᔭᖕᓄᓪᓗ ᐅᑯᐊᕐᔪᐊᓄᑦ ᐱᔭᐅᑦᔧᕐᓯᒪᖏᑦᑐᓄᑦ ᐃᑎᕐᑕᕐᕕᖃᖏᑦᑐᓄᑦ’;

ᐃᓯᑭᐊᓕᐅᑉ ᐊᒡᓚᖏᑦ 39:6

ᒪᒑᒡ ᐃᑯᐊᓪᓚᒃᑎᑦᓱᒫᕐᐸᕋ ᓯᒡᔭᒦᑦᑐᓪᓗ ᓄᓇᓖᑦ ᐃᓂᓪᓚᖓᑦᓯᐊᕐᑐᑦ; ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.

ᐂᒨᓯᐅᑉ ᐊᒡᓚᖏᑦ 4:2

ᐊᑕᓂᖅ ᒎᑎ ᐃᑦᔪᕐᓁᑦᑑᒐᒥ ᐊᖏᒻᒪᕆᒃᐳᖅ, “ᑕᑯᒋᑦ, ᐅᓪᓗᐃᑦ ᓇᓪᓕᐅᑎᔪᒫᕐᐳᑦ ᐃᓕᑦᓯᓐᓄᑦ, ᐊᐅᓪᓚᐅᑦᔭᐅᔪᒫᕋᑦᓯ ᓂᒃᓯᖕᓄᑦ ᓂᒃᓯᖃᑦᑕᐅᑎᓯᒪᓗᓯ, ᑭᖑᓪᓕᕐᐹᓯᓘᓐᓃᑦ ᐃᖃᓗᒃᑎᑐᑦ ᓂᒃᓯᒃᑕᐅᓯᒪᔪᑎᑑᓛᕐᐳᑦ.

ᕼᐊᐸᑲᐅᑉ ᐊᒡᓚᖏᑦ 2:3

ᑕᑯᑎᑦᔪᑎᑦ ᐱᕕᒃᓴᒥᖕᓂᒃ ᓇᓪᓕᐅᑎᕝᕕᐅᓯᒪᖏᒃᑲᓗᐊᕐᑎᓪᓗᒋᑦ; ᑭᖑᓪᓕᕐᐹᒥᒡᓕ ᐅᖃᐅᓯᖏᑦ ᓇᓪᓕᐅᑎᔪᒫᕐᐳᑦ ᓴᒡᓗᓂᐊᕋᑎᒡᓗ. ᓇᓪᓕᐅᑎᓂᐊᕐᓂᖓ ᐊᑯᓂᐅᖅᑰᔨᓂᐊᕋᓗᐊᕐᐳᖅ, ᐅᑕᖅᑭᑐᐃᓐᓇᕐᓯᐅᒡᓕ; ᐱᕕᒃᓴᖓ ᓇᓪᓕᐅᑎᓪᓚᕆᒍᒫᕐᒪᑦ, ᑭᖑᕙᕐᓂᐊᕋᓂᓗ.

ᔨᐸᓁᐊᐅᑉ ᐊᒡᓚᖏᑦ 2:12

ᐃᓕᑦᓯ ᐃᑎᐅᐱᐊᒥᐅᖑᔪᓯ ᑐᖁᑕᐅᔪᒫᕐᐳᓯ ᓴᕕᒡᔪᐊᓐᓄᑦ.

ᔨᐸᓁᐊᐅᑉ ᐊᒡᓚᖏᑦ 2:15

ᑖᓐᓇ ᐃᒡᓗᒐᓴᒃ ᖁᕕᐊᓱᒃᐳᖅ ᐃᓄᖏᓪᓗ ᐃᓂᓪᓚᖓᑦᓯᐊᕐᐳᑦ, ᐆᒻᒪᑎᒥᒍᑦ ᐅᖃᕐᑐᒧᑦ, “ᑖᓐᓇᐅᕗᖓ, ᐊᓯᓐᓂᒃ ᐱᑕᖃᓐᖏᓚᖅ.” ᖃᓄᐃᒻᒪᓖ ᕿᒪᒃᑕᐅᓯᒪᕚ? ᐆᒪᔪᓕᒫᓄᑦ ᐊᖁᐱᕕᐅᑐᐃᓐᓇᓕᕐᑐᖅ! ᑕᕝᕘᓇ ᐊᖅᑯᓵᕐᑐᓕᒫᑦ ᐅᖃᕐᓂᕐᓘᑎᖃᕈᒫᕐᐳᑦ ᐃᓵᒡᓗᑎᒡᓗ ᐅᕐᓕᕈᒫᕐᐳᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:2

ᐃᓕᑦᓯ ᓇᖕᒥᓂᖅ ᖃᐅᔨᒪᑦᓯᐊᕋᑦᓯ ᐊᑕᓂᐅᑉ ᐅᓪᓗᖓ ᓇᓪᓕᐅᑎᔪᒫᕐᒪᑦ ᑎᒡᓕᒋᐊᑐᕐᑐᑐᑦ ᐅᓐᓄᐊᒃᑯᑦ.

ᐃᓗᐊᕐᓮᔩᑦ ᐊᒡᓚᖏᑦ 18:7

ᑖᒃᑯᐊ ᐊᖑᑎᑦ ᑕᓪᓕᒪᑦ ᐊᐅᓪᓚᕐᐳᑦ ᐂᓪᓗᑎᒡᓗ ᓄᓇᓕᖕᒧᑦ ᓔᓯᒧᑦ. ᐃᓄᖏᓪᓗ ᑍᑲᓃᑦᑐᑦ ᑕᑯᓪᓗᒋᑦ, ᓄᓇᖃᕐᑐᑦ ᐊᑭᕋᕐᑐᕐᑎᖃᕋᑎᒃ, ᓮᑐᓂᒥᐅᑎᑐᑦ ᐃᓂᓪᓚᖓᑦᓯᐊᕐᓗᑎᒃ, ᐅᐃᒪᖏᑦᑑᓚᐅᕐᐳᑦ, ᐊᑭᕋᕐᑐᕐᓂᖃᕋᑎᒃ ᑭᓇᒧᓪᓘᓐᓃᑦ; ᓈᒻᒪᑦᓯᐊᓚᐅᕐᐳᑦ. ᓄᓇᖃᓚᐅᕐᐳᑦ ᓮᑐᓂᒥᐅᑦ ᐅᖓᓯᒋᔭᖓᓂ, ᐃᓅᖃᑎᖃᓚᐅᕐᓇᑎᒡᓗ ᖃᓂᒋᔭᒥᖕᓂ.