ᐃᓯᑭᐊᓕᐅᑉ ᐊᒡᓚᖏᑦ 30:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐄᑦᔨᑉᑎᒧᑦ ᐅᓇᑕᕐᓂᖅ ᑎᑭᑦᓱᒫᕐᐳᖅ, ᑲᑉᐱᐊᓱᕕᒡᔪᐊᕐᓂᕐᑕᖃᕈᒫᕐᐳᖅ ᐃᑎᐅᐱᐊᒥ, ᐄᑦᔨᑉᑎᒥᐅᑦ ᐅᓄᕐᑐᑦ ᑐᖁᕋᕐᑕᐅᒃᐸᑕ; ᓄᓇᖓᑕ ᐊᔪᕐᓴᖏᑦᔪᑎᖏᑦ ᐊᐅᓪᓚᕈᑦᔭᐅᔪᒫᕐᐳᑦ, ᑐᓐᖓᕕᖏᓪᓗ ᓯᖅᑯᑦᑎᕐᑕᐅᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 30:4 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 16:7

ᑍᒤᒻᒪᑦ ᒧᐊᐱᒥᐅᑦ ᓂᐱᖃᕐᓗᑎᒃ ᕿᐊᓕᕐᓕᑦ, ᒧᐊᐱᒥᒃ ᕿᐊᑦᔪᑎᖃᓕᕐᓕᑦ, ᐅᒡᒍᐊᕐᓕᑦ ᐊᒃᑐᕐᑕᐅᓯᒪᓗᑎᒃ, ᓂᐊᖂᔧᓪᓗ ᐸᐅᕐᖓᐅᔭᓖᑦ ᓂᕆᕙᓚᐅᕐᑕᑎᒃ ᐱᓪᓗᒋᑦ ᑭᕆ-ᕼᐃᕆᑎᒥ.

ᐂᓮᐊᓯᐅᑉ ᐊᒡᓚᖏᑦ 18:1

ᐋᕼᐊ, ᓄᓇ ᐃᓴᕈᕐᓱᕐᕙᓗᖕᓂᒃ ᑐᓴᕐᓴᐅᔪᓕᒃ, ᐃᑎᐅᐱᐊᑉ ᑰᖏᑕ ᐊᑭᐊᓃᑦᑐᖅ;

ᐂᓮᐊᓯᐅᑉ ᐊᒡᓚᖏᑦ 19:2

ᐄᑦᔨᑉᑎᒥᐅᑦ ᓵᓐᖓᑎᑦᓱᒫᕐᐸᒃᑲ ᐃᓅᖃᑎᒥᖕᓂᒃ, ᐅᓇᑕᓕᕈᒫᕐᐳᑦ, ᐊᖑᑏᑦ ᓄᑲᕇᑦ ᐃᒻᒥᖕᓄᑦ ᐅᓇᑕᓕᕐᓗᑎᒃ, ᓯᓚᖅᑲᑎᒌᑦ ᓯᓚᖅᑲᑎᒥᖕᓄᑦ ᐅᓇᑕᓕᕐᓗᑎᒃ, ᐃᒡᓗᒐᓴᒡᔪᐊᒥᐅᑦ ᐃᒡᓗᒐᓴᒡᔪᐊᒥᐅᓂᒃ ᐊᓯᒥᖕᓂᒃ ᐅᓇᑕᓕᕐᓗᑎᒃ, ᐊᖓᔪᖅᑳᕐᔪᐊᖃᕐᕖᓪᓗ ᐊᖓᔪᖅᑳᕐᔪᐊᖃᕐᕕᖕᒥᒃ ᐊᓯᒥᖕᓂᒃ ᐅᓇᑕᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 20:3

ᑕᕝᕙ ᐊᑕᓂᖅ ᐅᖃᕐᐳᖅ, “ᐱᔨᒐ ᐂᓮᐊᓯ ᐊᕐᕌᒍᓂᒃ ᐱᖓᓱᓂᒃ ᐱᓱᑲᑕᖃᑦᑕᓚᐅᕐᐳᖅ ᐃᑎᒐᒍᑎᖃᕋᓂ ᐊᓐᓄᕌᖃᕋᓂᓗ, ᑕᒪᓐᓇ ᓇᓗᓁᒃᑯᑕᐅᕗᖅ ᑲᒪᓇᕐᑑᓪᓗᓂᓗ ᐄᑦᔨᑉᑎᒥᐅᑦ ᐃᑎᐅᐱᐊᒥᐅᓪᓗ ᐱᐅᓯᕆᔪᒫᕐᑕᖓᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 46:9

ᕿᒻᒥᕐᔪᐊᑦ ᓱᑲᑦᑑᑎᓯᐅᒃ, ᕿᒧᒃᓯᐅᑎᒨᕐᑐᓯᓗ ᓱᒃᑲᓵᕆᑦᓯ, ᐅᓇᑕᕐᑎᑕᐅᔪᓯ ᑐᐊᕕᕐᓗᓯ ᐱᓱᒋᑦᓯ, ᑯᔅᒥᐅᑕᐅᔪᓯ ᐳᑎᒥᐅᑕᐅᔪᓯᓗ ᓴᐴᓗᑕᖃᓕᕆᑦᓯ, ᓘᑎᒥᐅᑕᐅᔪᓯᓗ ᐱᑎᒃᓯᓯ ᕿᓗᓕᕐᓯᒋᒃ.’”

ᔨᕆᒤᐊᐅᑉ ᐊᒡᓚᖏᑦ 50:15

ᐊᕙᑖᓂᑦ ᓂᓪᓕᐊᓗᓯ ᐅᐸᓕᕐᓯᒋᒃ, ᓴᐱᓕᕈᑎᒃ ᐃᒻᒥᖕᓂᒃ ᑐᓂᑦᔪᑎᒋᓂᐊᕐᒪᑕ, ᓇᐸᔪᕐᔪᐊᖏᑦ ᐅᕐᕈᔪᒫᕐᐳᑦ, ᐊᕙᓗᕐᔪᐊᖏᓪᓗ ᓱᕋᒡᓗᑎᒃ ᐊᑕᓂᐅᑉ ᐊᑭᓂᐊᕐᓂᕆᖕᒪᒍ, ᐊᑭᓂᐊᕐᕕᒋᓕᕐᓯᐅᒃ ᑍᒫᓪᓗᐊᖅ ᐱᓂᐊᕐᓂᕆᖃᑦᑕᕐᓯᒪᔭᖏᑎᑐᑦ ᐃᓕᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 28:23

ᖃᓂᒪᓇᕐᑐᓂᒃ ᑎᑭᕝᕕᐅᑎᑦᓱᒫᐸᕋ, ᐊᐅᖕᒥᒡᓗ ᖁᕕᓯᔪᒫᕐᐳᖓ ᐊᖅᑯᑎᖏᓐᓄᑦ; ᓄᓇᖏᓐᓂ ᑐᖁᕋᕐᑕᐅᔪᒫᕐᐳᑦ, ᐅᓇᑕᕆᐊᕐᑐᓄᑦ ᐊᕙᑎᖏᓐᓂᑦ ᑎᑭᑦᑐᓄᑦ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 29:12

ᐄᑦᔨᑉᑎᐅᑉ ᓄᓇᖓ ᓱᓇᖃᖏᓐᓂᕐᐹᓐᖑᕐᑎᑦᓱᒫᕐᐸᕋ ᓄᓇᓕᖕᓂᑦ ᓱᓇᖃᖏᑦᑐᓕᒫᓂᑦ; ᐊᕐᕌᒍᓂᒃ 40ᓂᒃ ᐃᒡᓗᒐᓴᒡᔪᐊᖏᑦ ᓱᓇᖃᖏᑦᑑᑎᑦᓱᒫᕐᐸᒃᑲ ᐃᒡᓗᒐᓴᒡᔪᐊᑦ ᓱᓇᖃᖏᑦᑐᑦ ᐊᑯᕐᖓᓐᓂ. ᐄᑦᔨᑉᑎᒥᐅᑦ ᐃᓅᖃᑎᒌᒡᔪᐊᓄᑦ ᓯᐊᒻᒪᕐᑎᑦᓱᒫᕐᐸᒃᑲ, ᕿᒫᔪᒫᕐᐳᑦ ᓄᓇᓕᖕᓄᑦ ᓇᒧᑐᐃᓐᓇᖅ.”

ᐃᓯᑭᐊᓕᐅᑉ ᐊᒡᓚᖏᑦ 29:19

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐄᑦᔨᑉᑎᒥᐅᑦ ᓄᓇᖓ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ ᑐᓂᓂᐊᓕᕐᐸᕋ; ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᑦ ᐱᑖᕆᓗᒋᑦ ᐊᐅᓪᓚᕈᑦᔨᖁᓪᓗᒍ ᓱᓇᓕᒫᓂᒃ; ᐅᓇᑕᕐᑎᖁᑎᖏᑦᑕᓗ ᐊᑭᓕᕐᑕᐅᑦᔪᑎᒋᔪᒫᕐᒪᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 29:8

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐅᓇᑕᕐᑕᐅᑎᑦᓱᒫᕐᐸᑦᓯ ᓴᕕᒡᔪᐊᒧᑦ, ᑖᒃᑯᐊᓗ ᑐᖁᕅᔪᒫᕐᐳᑦ ᐃᓄᖕᓂᒃ ᐆᒪᔪᖁᑎᑦᓯᓐᓂᒡᓗ;

ᐃᓯᑭᐊᓕᐅᑉ ᐊᒡᓚᖏᑦ 38:5

ᐅᓇᑕᕐᑏᓪᓗ ᐴᕐᓯᐊᒥᐅᑦ ᑯᔅᒥᐅᑦ ᐳᑎᒥᐅᓪᓗ ᐃᓚᒋᔭᓕᒫᖏᑦ ᓇᓴᓖᑦ ᓯᑎᔪᓂᒃ ᓴᐴᓗᑕᖃᕐᑐᓪᓗ.

ᑖᓂᐊᓕᐅᑉ ᐊᒡᓚᖏᑦ 11:43

ᐊᖓᔪᖅᑳᕐᔪᐊᖅ ᑖᓐᓇ ᐊᐅᓚᑦᓯᓕᕈᒫᕐᐳᖅ ᒎᓗᓂᒃ ᓯᐅᓪᕕᕆᓂᒡᓗ ᐄᑦᔨᑉᑎᒥᐅᓪᓗ ᐊᔪᕐᓴᖏᑦᔪᑎᓕᒫᖏᓐᓂᒃ; ᓕᐱᐊᓐᒥᐅᓪᓗ ᐃᑎᐅᐱᐊᒥᐅᓪᓗ ᓵᓚᐅᔪᒫᕆᕗᑦ.

ᔨᐸᓁᐊᐅᑉ ᐊᒡᓚᖏᑦ 2:12

ᐃᓕᑦᓯ ᐃᑎᐅᐱᐊᒥᐅᖑᔪᓯ ᑐᖁᑕᐅᔪᒫᕐᐳᓯ ᓴᕕᒡᔪᐊᓐᓄᑦ.